حبيبتي بكماء

الحلقة التاسعة

الكاتبةوعدالخضر

(( حبيبتي_بكماء ))

سمعو صوت بكاء و نديب جاي من داخل البيت

محمد : تسمعي ؟

اشرت بمعنى : اييي شن الصوت هذا بسم الله ؟?

محمد : نوضي نشوفو شن في

وجرو لـلداخل

لقو سعاد حالتها حاله وتبكي وتندب
جرت عليها مُنية

اشرت بمعنى : خييرك ياامي شن في ??

سعاد : وووه عليا ووووه ??

محمد : ياخالتي هدي روحك بِنان جيبي مياه لـ امك

جرت بِنان وسرعان مارجعت و معاها المياه شربو سعاد وهدت شويه

اشرت بمعنى : قوليلي ياامي شن في علاش تبكي بس??

سعاد : خالتك يابنتي حوشها انحرق كله يابنيتي ??

انصدمت مُنية من الكلام الي سمعاته ?

اشرت بمعنى : تضرر حد فيهم و امتى وكيف ?

سعاد : لا حمدا لله ماصارلهم شي بس الحوش كله انحرق ماقعدت فيه حاجه سليمه ، ارفعوني ليها بنطمن ع وخيتي ?

مُنية شافت لـ محمد

محمد : تمام البسو عبايتكم واطلعولي

لبست مُنية ولبست امها وطلعو كلهم

وصلو لـ بيت خالتها

لقو العائلة واقفين في الشارع وكانت حالتهم يرثى لها ?

جرو عليهم وحاولو يهدوهم ويوقفو معاهم ويساندوهم

سالمه : وووه عليا بيتي كله انحرق ماقعدلي فيه شي يالله عوضني ياالله

سعاد شاده فيها وتبكي معاها

محمد نادا ع مُنية

مشتله بـ هدوء

محمد : مُنية مايجيش تقعدو في الشارع هك قولي لـ امك انروح بيكم انتو وعيلة خالتك وقفتكم هك غلط

اشرت بمعنى : صح كلامك هي توا انقوللهم

مشت قالتلهم كلام محمد وواقفو عليه

(عائلة خالة مُنية تتكون من :
الام سالمه حاجه كبيرة في العمر وطيبه هلبا
راجلها متوفي من فتره وجيزة
بنتها ريان في عمر مُنية
ولدها نادر يخدم كابتن طيران ومحترم هلبا واخلاق ومشاءالله عليه
وعندها 4 بنات متزوجات وبصغارهم
ح تتعرفو عليهم اكتر في الحلقات الجايه )

بعد ساعات

وصلو البيت وحاولو مُنية واهلها يهدو عيلة خالتها ويخففو عليهم المأساة

سعاد : خلاص ياوخيتي ماتبكي الله غالب كله وسخ دنيا وربي يعوضك خير منه

سالمه : ونعم بالله ?

اشرت بمعنى : هي خويله نوضو ارتاحو جهزتلكم غرفة بيش ترقدو فيها

سالمه : وليدي وليدي نسينا انكلموهه ريان بنيتي كلمي خوك خير مايمشي للبيت وينفجع

ريان : يامي نادر عنده رحله توا مابيروح للفجر

سالمه : باهي ابعتيله حتى رساله ع النت يا بنيتي

ريان : تليفوني انحرق مع البيت ??

سعاد : مُنية عندك نت ابعتيله انتي باه

اشرت بمعنى : اي عادي غير ما عندي رقمه بس

سالمه : اني حافظه رقمه عطيني انسجله ليك

اشرت بمعنى : هي لحظه نجيبه ونجي

ركبت لـ دارها مالقت تلفونها بعدين تذكرت ان نزلاته معاها ى بعد محمد بعتلها المسج
* فكر يركبلها في دارها بس مرات يلقى حد وهو راكب ومايعرف شن بيقوله ، فقرر يبعتلها مسج
( كانك فاضيه تعالي نهدرزو في الجنان الخلفي ) *

نزلت تجري للجنان الخلفي لقت محمد مقعمز بروحه

شافتله بأستغراب

اشرت بمعنى : شدير اهني ؟

محمد : شي قاعد كنت بنطلع كلمت عمي قالي مازال مابنروح خليك معاهم ف قررت نطلع لـجنان بيش انخليكم ع راحتكم

اشرت بمعنى : اها صحيت ، محمد ماشفتش تلفيوني كان اهني

مدلها تلفيونها

شكراته ومشت

سجلت رقم ولد خالتها جت بتفتح النت لقت ماعندها رصيد
تكلمت سالمه بتعب

سالمه : بنتي بعتيله ?? ؟

اشرت بمعنى : اي اي بعتله ، هي نوضو للدار بيش ترتاحو

سعاد : مُنية جيبي ملابس لـ خالتك وريان

هزت بـ راسها إيجابا

وطلعت للجنان الخلفي تستنجد بـ محمد عسى ولعلى تلقى عنده رصيد

اشرت بمعنى : محممد قولي عندك رصيد بالله عليك

محمد : عندي اي نبعتلك

اشرت بمعنى : اي ياريت والله بنبعت مسج لـ ولد خالتي ومعاش حصلت رصيد بيش نفتح النت

محمد : ولد خالتك ؟!

اشرت بمعنى : اي اي غير ابعتلي بسرعه بالله عليك

شاف لـ تلفيونه بإنزعاج وبعتلها

اشرت بمعنى : صحيت اوليد عمي الغالي

فتحت النت وكتبت المسج بسرعة وحطت التلفون جنب محمد ومشت تلبي طلب امها

قبل لا تطلع من الجنان

سمع محمد صوت مسج

محمد : مُنية جاك مـــــــســــــج

تلفتت عليه

اشرت بمعنى : اكيد هذا ولد خالتي محمد رد عليه وخبره ع الي صار شوي ونجيك امي تبيني

ومشت تجري

رفع محمد التلفيون ومش في خاطره يرد ع المسج لانه مايحبش يدخل في خصوصيات حد

فتح التلفيون وقرى المسج

مُنية : مرحبا نادر اني مُنية بنت خالتك سعاد .
نادر : يامرحبا بالغاليه بنت الغاليه !?

قرن حواجبه بإنزعاج
محمد :
” توا بالله هذا شنو مرحبا بالغاليه تي رد زي التريس استغفرالله و خلاص توا شن بنرد عليه هذا ? ”

كتبله ” فكك من كلام النساوين هذا واشحط روحك وتكلم باهي ? ”
نادر : عفوا ؟
محمد : لا عفوا لا شكرا راه حوشكم كلاته النار وماقعد فيه شي كله رماد وجبنا امك واختك عندنا

سمع صوت خطوات مُنية جايه

اشرت بمعنى : ها شن قلتله ياريت كتبتله بطريقه لطيفه شويه حرام وراه رحله ومعاه رُكاب مانبيش انخوفه

محمد : هاك تلفيونك تفاهمي معاه

شافتله بإستغراب

اشرت بمعنى : امال شن قلتله لين نتفاهم معاه ?

محمد : كل خيير ? اسمعي خوديلي طريق بنخش نرقد

فتحت تلفيونها واتكلم فيه

اشرت بمعنى : اها لا خشو لدار الظيوف خود راحتك

ومشا

فتحت المسجات ولقت الكلام الي باعته لـ نادر

انصدمت ??

مشتله في غرفته بإنزعاج

اشرت بمعنى : محمد شن هذا الي كاتبه لـ نادر ها !

حول جاكيته وحطه ع جنب وكان لابس نص كم تحته وبانت عضلاته ?

قعدت مُنية سارحه فيه

محمد : من نادر ؟

فاقت ع روحها
توترت شوي

اشرت بمعنى : نا نا نادر ولد خالتي

محمد : قلتله الي طلبتيه

رجعت لـ جديتها

اشرت بمعنى : توا ني طلبت منك اتقوله اشحط روحك و حوشكم كلاته النار !

محمد ارتمى ع السرير وتغطى بالبطانيه

قربت منه ورفعت البطانيه من وجهه

اشرت بمعنى : انكلم فيك اني

محمد : سمعتك

اشرت بمعنى : شن سمعتك ، علاش كاتب للولد هك

تغطي مره اخرى

محمد : بنرقد اطلعي من راسي توا

تأفأفت بـ ازعاج وطلعت

ركبت لـ دارها فتحت تلفيونها واعتذرت من نادر وحاولت اتطمنه شوي

ناضت مع ساعه 5 ع صوت تلفيونها
استغربت من يتصل في هالوقت
رفعت التلفيون لقاته نادر
ردت عليه
نادر : اسف نوضتك ممكن تفتحيلي الباب
سكرت عليه ولبست بدلة الصلاة ونزلت تتسحب بهدوء بيش مااتنوض حد
فتحتله الباب وخش
نادر : اسسف والله جيت في وقت مزعج بس خايف ع امي وريان ماقدرت مانتطمن عليهم واسف ع خاطر نوضتك من نومك

تثاوبت بـ نعاس

اشرت بمعنى : لالا عادي مش مشكله

نادر : نعاود آسفي مره اخرى

ابتسمتله

اشرت بمعنى : حلوه بدلة الكابتن

شاف لـ روحه وابتسم

نادر : شكرا مالقيت وين انبدل هذا علاش جيت بيها اسف لو ضايقك هالموضوع

اشرت بمعنى : لالا بالعكس طالعه عليك تهبل

نادر : ههههههه مش لهدرجه

مع جية محمد

شافلهم والشياطين تتطاير قدامه

شاف لـ نادر من فوق لـ تحت

محمد : ع قولتها تهبل ??

شافله نادر بأستغراب

نادر : ومنو انت

حاولت مُنية تنقذ الموقف

اشرت بمعنى : ولد عمي محمد يانادر روح من برا ماليش هلبا ، محمد هذا نادر ولد خالتي

محمد : اتشرفنا ياولد خالتها ??

نادر : بيك زاد الشرف ? ، مُنية وين امي

اشرت بمعنى : في غرفة الظيوف تعال معاي

مشت مُنية ووراها نادر ووراه محمد

شاورت ع باب غرفة الظيوف

أشرت بمعنى : تفضل نادر

نادر : يزيد فضلك منويه

ابتسمتله

وكل هذا ومحمد واقف وقارن حواجبه وطايرتله

خش نادر
سكرت مُنية وراه الباب

شافلها محمد

محمد : ?

اشرت بمعنى : خيرك ؟

محمد : هك عادي تطلعي لـ راجل غريب نص ليل لا حشمه لا شي

اشرت بمعنى : فتحتله الباب بس ??‍♀

محمد : لا باب لا شباك الحوش فيه تريس و نفتحوه الباب مابنغلبو فيه انتي شدي مكانك وارقدي معاش تتعاود تسمعي ولا

شافتله بأستغراب

اشرت بمعنى : حاضر ، بس خيرك متعصب هك ?

انتبه لـ روحه

فرد حواجبه ودار روحه ريلاكس

محمد : مانيش متعصب لا واحد امشي ارقدي خلاص

اشرت بمعنى : خيره هذا ?

ومشت لـ دارها

محمد :
” خيرني زح ??‍♂ ”

ومشا لـ داره وقعد يفكر لييين طلعت الشمس

ناض مصدع وتعبان وطايرتله

دوش ولبس وطلع

سمع صوت دوشه في غرفة الطعام

وقف ع الباب لقاهم متجمعين

نزل راسه بـ خجل ونادى ع مُنية وطلع

طلعتله مُنية بـ سرعة

اشرت بمعنى : صباح الخير نجيبلك حاجه تاكلها ؟

حط يده في راسه بألم

محمد : صباح النور لا مانبيش شي ، وقت ع المعهد هيا

اشرت بمعنى : فيك شي ؟

زاد ضغط ع راسه بألم اكتر
محمد : لا يا مُنية ، اطلعيلي ني برا

هزت بـ راسها ايجابا وخشت لغرفه الطعام رفعت شنطتها

نادر : بتمشي للمعهد ؟

هزت بـ راسها ايجابا
وقف
نادر : تو ني نوصلك

اشرت بمعنى : لالا

نادر : اسس ولا كلمه اطلعي قدامي بس

طلعت وراه ومغلوب ع امرها

فتح نادر باب سيارته بيش تركب مُنية

شافت لـ محمد لقاته طايرتله و قارن حواجبه

وفجأة نزل ووقف قدامهم

محمد : ع وين ياست هانم ؟?

نادر : بنوصلها للمعهد

محمد : والله ؟ ترا عاود ماسمعتكش

نادر : شن فيه الكلام بيش انعاوده قتلك بنوصلها للمعهد

محمد : ومن انت بيش اتوصلها ها ?

نادر : شن قصدك يعني ني ولد خالتها وبنوصلها شن فيها يعني !

قرب منه محمد ومش ناوي خير

اشرت بمعنى : نادر تمام تو يوصلني محمد لأنه يخدم في نفس المعهد صحيت اوليد خالتي الغالي

نادر : تمام ?

محمد : هيه انت خيرك تشوف هك ?

ضربت كف يدها ع راسها

وشدت محمد و مشت

ركبو في السيارة

محمد : الراجل هذا معاش تركبي معاه ولا والله و رحمة الغوالي ندفنه في

محمد : الراجل هذا معاش تركبي معاه ولا والله و رحمة الغوالي ندفنه في أرضه وعارفتيني نديرها

شافتله مُنية بـ صدمه وكيف عيونه حمرر ورقبته كلها عروق ويخوف

غطت عيونها وشافت للروشن

ولع سيارته وانطلق بأقصى سرعه

وصلو المعهد جت مُنية بتنزل وقفها

محمد : اسسف مش كان بـ قصدي والله مصدع ومش راقد وتعبان مش عارف شن قلت ??‍♂

ماعدلت عليه

شدلها وجهها بيديه

محمد : شوفيلي

رفعت عيونها وتلاقو عيونهم

محمد : سامحيني

اشرت بمعنى : تمام بس معاش اتعامل نادر هك والله هو طيب هلبا ومحترم

محمد : تمام بس معاش تقربي عليه

رفعت حاجبها
وشافتله بـ مكر
اشرت بمعنى : وعلاش ؟

في لحظتها فكر علاش تصرف هك وعلاش تعارك مع نادر مع انه مادارش شي غلط وعلاش بعد يشوف مُنية قريبة من نادر تولع فيه النار فكر وملقاش اجابة

محمد : مششش عارف ??‍♂ ، خلاص هي انزلي