حبيبتي بكماء
الحلقة الثامنة
الكاتبةوعدالخضر
(( حبيبتي_بكماء ))
محمد : عارفه خاطري في كب كيك !
اشرت بمعنى : كب كيك ؟ شن خطره عليك
محمد : مش عارف هك حاس روحي خاطري فيه بس
ارتشفت من قهوتها وشافتله
اشرت بمعنى : اتقول مرا حامل و تتوحم ?
ضربها ع كتفها
محمد : بطلي براده ??
اتثاوب وحط يده ع فمه
محمد : عارفه نعست قهوتك مافيش منها فايده زيك يعني
خطرت في بالها فكرة
اشرت بمعنى : امممم باه امشي ارقد
محمد : أي ماشي اصلا ، وانتي نوضي ياسرك
اشرت بمعنى : اي نغسل ماعين القهوة ونرقد
اتمنالها ليلة سعيده ومشا لـ غرفته
رفعت سفرة القهوة ومشت للمطبخ وبدت في اعداد الكب كيك
بعد نص ساعة كملت وحطاته في الكوشة وغسلت الماعين و قعمزت ع الطاولة بتعب تستنى فيه يطيب
في لحظه غلبها النوم ورقدت
خش محمد للمطبخ بيشرب مياه ولقاها راقده ع الكرسي وراسها في الطاولة
قرب منها ونوضها
فتحت عيونها بـ شوية
محمد : نوضي ارقدي في دارك شن امقعدك اهني
شم ريحة شي في الكوشة
محمد : شن هالريحه شكلك امطيبه حاجه حلوه ?
ومشا في اتجاه الكوشة
تذكرت الكب كيك وناضت تجري وقفت قدامه
محمد : بسم الله خيرك حولي بنشوف شن امطيبه
اشرت بمعنى : لاااا ماتشوفش شي ??
محمد : ههههههه باهي باه جيت بنشرب مياه بس اصلا
شدت في يده وباعداته عن الكوشة بيش مايشوفش شن امطيبه
سكبتله مياه ومدتله الكوب
شرب وحمد ربه
اشرت بمعنى : خلاص شربت هي امشي ارقد
شاف للكوشة بفضول
محمد : كان خليتيني نشوف شن في الكوشة بس
وقفت قدامه محاولة تعيق رؤيته
وقعدت اتدف فيه ليين طلعاته من المطبخ ووصلاته لغرفته
اشرت بمعنى : اقعد في غرفتك وماتطلعش نهائيا
محمد : تحت امرك ????
مشت وتلفتت عليه مره اخرى
اشرت بمعنى : وماتضحكش
حط يده ع فمه محاولا يمنع ضحكته
محمد : في شي ثاني ? ؟
شافت يمين ويسار
اشرت بمعنى : لا بااي
سكرت الباب وراها وطلعت
طلعت الكب كيك وحطتله اللمسات الأخيرة وحطاته في حافظة ومشت لـ دراها ورقدت
صباح يوم جديد
فطرو مُنية ومحمد واتجهو للمعهد كالعاده
بعد وصلو
أشرت بمعنى : وقت الفطور قاعد ولا
محمد : اي قاعد في شي ؟
هزت راسها نفيً وخشت لأول محاضره ليها
محمد تابعها بـ عيونه لين خشت وتطمن عليها رغم كبر مُنية مازال محمد يشوف فيها طفلته المدلله المستحيل يرفضلها اي طلب
قطع تفكيره لمسة شخص لـ كتفه
تلفت بأستغراب لقاها مرام بكاامل اناقتها وفل ميكب
مرام : صباحو ورد محمد
محمد : صباح النور ، امتى بيوصلو الآلات وقت راه
مرام : علاش مستعجل هك ، بس تو نشوفهم ولا يهمك
ومشت قدامه تتمايل
تبعها محمد لمكتبهم
اتصلت تليفونيا بـ الشركه المفروض يجيبولهم الآلات اللازمه للبناء اليوم
بعد دقائق سكرت الخط
مرام : قالو مع ساعة 11 يكونو اهني
محمد : تمام انا بنبدأ في التحضيرات ع بال مايجو
قربت منه محاولة اتوقفه
بـ رقة اكتر من العاده
مرام : خليك نطلبو قهوة ونهدرزو مازال بدري ع التجهيزات
بعد عنها محمد بتوتر
لاحظت توتره وقربت منه اكتر
مرام : معقوله اتردني في اول طلب لياا
محمد : القصه مش هك بس لازم نبدو احني جايين وعندنا خدمة بنقضوها مش نهدرزو !
حست مرام بالاحراج وطلعت من المكتب
محمد :
” ايااه تو شن قلت انا ، بس احسن تفكيت منها مانحبش حركات المياعه هذي ? ”
لبس طاقية الخدمه وبدأ يخدم
بعد ساعات
الساعه 10
خشت عليه مُنية في المكتب
فرح بـ جيتها
محمد : يامرحبا نورتي المكتب
ابتسمتله
اشرت بمعنى : شكرا ، جبتلك حاجه
وطلعت الحافظه من شنطتها
شافلها بإهتمام
مدتله حافظة الكب كيك
رفعها منها وشافلها بتفحص
محمد : شن هذا !
اشرت بمعنى : افتح وشوف
فتحها ولقاه كب كيك يهبلل وريحته فايحه
شافلها بإمتنان
اشرت بمعنى : ماحبيتش نخليه في خاطرك ، ذوقه ?
ذاقه
محمد : طعمته خيااال وطلعتي فالحه يابنت عمي ?
سكرت شنطتها ورفعتها ع ظهرها وشبكت يديها في بعض بخجل
اشرت بمعنى : ههههههه شكرا هي اني بنمشي بالصحه والهناء
ابتسملها
وتخش عليهم مرام
مرام : وواوو شن هالريحه الي تهبل شن تاااكلو
محمد : كب كيك دراته ليا بنت عمي مُنية
مرام : So cute ، ممكن انذوق
شافتلها مُنية ببرود ?
محمد : تفضلي عادي
وقبل لا تاخد منه
جبدت مُنية الحافظه بقوة
شافولها بإستغراب
اشرت بمعنى : امس واني ندير فيه طاح صرصور في الخلاط وانخلط من العجين ولأن محمد عادي ماعنده مشكله ماقلتله لكن انتي غريبه ف حبيت انبهك ??
شافولها بـ صدمه ?
اشرت بمعنى : هي باي بدت محاضرتي ?
وطلعت خلتهم مصدومين من هول كلامها
بعد صمت تكلمت مرام بتقزز
مرام : جديات تحكي بنت عمك هذي ? ؟
فرك محمد راسه بـ حشمة من الموقف الي مُنية حطاته فيه
محمد : اها لالا اكيد تبصر هك طبعها ديما اتبصر وتضحك ?
مرام : اهااا باهي الحمدالله ، للحظه قريب انصدق والله !
محمد : ههههه لا هي اسلوبها مقنع شوي
مرام : اييي بنقولك
قربت منه وحطت يدها ع كتفه كأنها اتنفض في جاكيته
مرام : شرايكك نطلعو نتغدو مع بعض اليوم وماتقوليش لا بكري رفضت طلبي مايجيش عاد ترفضلي طلبين في نفس اليوم
محمد توتر وبدأ يتصبب عرق من قربها الزايد وريحة عطرها القوية حاول يبعد عنها تمسكت فيه اكتر
مرام : بلييز محمد وااافق ?
محمد بعد عنها ومسح عرقه المتصبب
محمد : تمام تمام
وطلع
محمد :
” اياه علينا شن هالحركات ناقصني يعني وبزياده هالبنت جريئة هلبا ، اووف كيف نقدر انصدها من غير مايأثر هالشي ع خدمتنا عليك حصلة وخلاص ??♂ ”
ضرب كف بـ كف ومشا في اتجاه العمال وقعد يشرف عليهم لين جاء موعد نهاية الدوام
جت مرام تتمايل
مرام : ها محمد نطلعو نتغدو ، بالله عليك قول اي ؟
محمد تحشم من اصرارها عليه
محمد : تمام ، بس الحساب عليا
مرام : هههاي ، اني الي عازمتك مفروض اني ندفع
محمد : هذا شرطي كان هذا خلاص فوتي الطلعه مش ضروري و اي نسيت بنوصل بنت عمي وتعبان الحق
كان يبي يوصل لـ مرام انه مايبيش يطلع معاها بس بطريقه مايجرحها فيها
فهماته واصرت عليه اكتر
مرام : اوك خلاص موافقه بس المره الجايه اني ح ندفع
محمد :
” وووه قصدك فيها مره ثانيه عليييك حصلة وخلاص شن بيطلعني منها توا ”
مرام : هـ احم وين مشيت ؟
محمد : تمام تمام
مرام : اوك خلاص وصل بنت عمك ونتلاقو في المطعم توا نبعتلك اسمه ومكانه في مسج اوك !
في اخر كلمتين جت مُنية
وقفت وشافتلهم بفضول وانزعاج
كشخت ع مرام ووقفت قدام محمد
مُنية : هيا بنروح
محمد : هيا
ومشو
ركبو السيارة والصمت مسيطر ع الاجواء
بعد وصلو ، نزلت مُنية ووقفت تستنى في محمد ينزل الـ باين انه مش ناوي ينزل
قربت من الروشن
اشرت بمعنى : خيرك مانزلت !
محمد : متغدي برا اليوم
تذكرت كلام مرام وفهمت انه متغدي معاها
شافتله بـ غضب
ومشت وخلاته
ضرب بيده المقود من الموقف الي اتحط فيه من جهة أميرته الباين عليها مش راضيه بطلعته ، ومن جهة مرام المُصِره ع الغداء !
سمع صوت مسج
فتحه لقاه من مرام فيه لوكيشن المطعم
محمد :
” استعنا على الشقاء بالله ??♂ ”
وولع السياره وانطلق
بعد دقائق لقى روحه واقف قدام مطعم فااخر وراقي هلبا
درس سيارته ونزل
اول ماخش شاورتله مرام ومشا بإتجاها
قعمز ع الطاولة وابتسملها بـبرود بينما هي استقبلاته بإبتسامة عريضه
مرام : نطلبو تول
محمد :
” شني تول هذي لا يكون نوع أكلة مانعرفهاش ? ! ”
مرام : ها شن قلت
محمد : ماكنتش مركز معاك شن قلتي
مرام : تسرح هلباا ! قتلك نطلبو توا ؟
محمد : اهااا اي ياريت والله لأني مستعجل الحق
مرام : تمام ، هاك المنيو
طلبو غداهم وتغدو وطول الغداء مرام تتدلع وتحكي ع روحها و أهلها وحالتهم المادية ال تعتبر ممتازة جدآ
بعد الغداء
كانت مرام مواصلة حديثها
عن رفاهيتها و عيشتها الفخمة و جمالها و انوثتها
محمد مل من هدرزتها و حس انها إنسانه سطحية وماعندها اي منطق
شاف لـ ساعته بـ ضجر لقاها الـ 6 !
محمد : ربي يصون ، هي اني بنروح عندي هلبا مواضيع والله
مرام : خليييك مازال ماهدرزنا
محمد : الله غالب مضطر
ووقف ووقفت وراه
مدت يدها بيش اتصافحه
صافحها ع السريع بس هي ضغطت ع يده اكتر
مرام : ان شاء الله ماتكونش اخر مره
ابتسملها ببرود وطلع
روح للبيت وعيونه اتدور ع مُنية
عند مُنية :
خشت البيت وطايرتلها من قرب محمد و مرام
سعاد : مُنية تعالي اتغدي
اشرت بمعنى : مانبييييش شي ، ومايجيش حد شور داري
استغربو من تصرفها
إبراهيم : خيرها بنتك ؟
سعاد : والله مانندري عليها ، انت عارفها كل ساعه بمزاج
تنهد
إبراهيم : ربي يهديها ويريح بالها
وسمعو صوت تسكيرة باب غرفتها بقوة
خشت غرفتها
مُنية :
“شن عاجبه فيها بالله طويله اتقول ناقة وتتمايع وتتدلع و ياريته حتى خايل فيها مبردها اعععع ”
دوشت وبدلت ورقدت طوول
ناضت مع الساعه 6
شافت من الروشن مالقت سيارة محمد
مُنية :
” هذا غداء ولا صلاة تراويح خيره تأخر هك ، زعما ع شن يهدرزو توا ”
فتحت شنطتها بتطلع تلفيونها قابلتها حافظه الكب كيك ، قررت اتحطها لـ محمد في غرفته لأنها من الاول طيباته ع خاطره
نزلت تجري ع غرفته لقت امها في المطبخ حاولت تجري بـ اقصى سرعه بيش ماتشوفها
سعاد : مُنية تعالي جاي شفتك
رجعت لـ امها
سعاد : وين ماشيه وشن الي في يدك هذا ؟
اشرت بمعنى : ااا امسس محمد يناري عليه قال خاطره في كب كيك ف درته ليه حرام انخليه في خاطره وهو ضيفنا صح ماما
سعاد : اي صح كلامك سلمها بنتي الفالحه هي امشي حطيه في داره بيش كان جاء يلقاه
ابتسمت لـ امها وجرت ع داره
حطت الحافظه ورجعت لـ دارها
روح محمد
فتح غرفته
ولقى حافظه الكب كيك وعرف انها من مُنية
فكر يركبلها في دارها بس مرات يلقى حد وهو راكب ومايعرف شن بيقوله ، فقرر يبعتلها مسج
( كانك فاضيه تعالي نهدرزو في الجنان الخلفي )
وطلع للجنان
و ماهي الا ثواني ولقى مُنية واقفه جنبه
محمد : مسسرع
اشرت بمعنى : اي خمسة وخميسة عليا مش زي ناس يتغدو في 4 ساعات ??
محمد : ههههههههههه والله تغدينا بسرعه غير شدتنا الهدرزه بس
اشرت بمعنى : الحمدالله الي ماشداتك حاجه ثانيه ??
رفع حاجبه
محمد : حاجه زي شنو ؟!
اشرت بمعنى : حاجه وخلاص
محمد : باهي قعمزي
اشرت بمعنى : نبي نقعد واقفه والله ?
وقف معاها
تذكر الكب كيك
فتح الحافظه ومدلها ، تناولت قطعه وبدت تاكل فيها
اشرت بمعنى : يمي تبيلها حليب ساخن ??
محمد : مش ع اساس فيه صرصور ?
قعمزت
اشرت بمعنى : قلت هك بيش رمام ماتاخد منه ?
قعمز جنبها
محمد : وعلاش ؟
شافتله
اشرت بمعنى : هك وخلاص ، اووف اسألتك هلبااا انوض راه ?
اتناول قطعه و اكل منها شويه وحطها
محمد : خلاص قعمزي معاش بنسأل ، اسمعي دقائق ونجيك ماتكمليه
ومشا
بعد دقائق جاء وفي يده كوبين حليب ساخن مدلها كوب وقعمز جنبها وبدو ياكلو
محمد : هك احلى بـ هلبا ??
اشرت بمعنى : اييي زي بعد كنا صغار ، ياريت اترد هذيك الايام
تنهد بـ وجع
محمد : يااريت