حبيبتي بكماء
الحلقه العاشرة
الكاتبةوعدالخضر
(( حبيبتي_بكماء ))
نزلو
خشت مُنية لمحاضرتها وبالها عند محمد
عند محمد
خش محمد لـ مكتبه وحاط يده ع عيونه
قعمز ع الكرسي بتعب
مرام : لاه لاه خيرك حمادي شن فيك
محمد : مصدع بس
مرام : ي روحي ني سلامات
فتح عيونه
محمد : بنطلع نشرف ع العمال
وطلع بيش يتجنب كلام مرام الجريئة زياده ع لزوم
بعد ساعات
رجع محمد للمكتب وراسه بيتفجر وتعبان
قعمز ع الكرسي وحط راسه ع الطاوله
مرام : حمادي شن فيييك
مارد عليها
قربت منه ووقفت وراه وبحركه سريعه رفعت راسه وقعدت اتدلكله فيه
حاول يبعدها تمسكت اكتر
مرام : هدي روحك بس هذا مساج يخفف الوجع صدقني توا ترتاح
محمد : مافيش داعي يامرام
مرام : اششش اهدأ شويه
رفع يده بيبعد ايدين مرام عنه
خشت عليهم مُنية رافعه بنادول في يدها
انصدمت من منظرهم وكيف قريبين من بعض و شادين في ايدين بعض
تجمعت الدموع في عيونها
محمد بعد عن مرام ووقف قدام مُنية
شاف دموعها وارتبك
محمد : أميرتي في شي ؟
نزلت راسها ومسحت دمعه هاربه من عيونها
اشرت بمعنى : لا بس جبتلك بنادول
محمد : صحيتي ?
ومد يده بياخده
اتجاوزاته وحطت البنادول ع الطاوله وشافتله بنظرة فيها الف معنى وطلعت
محمد : مُنية !
وطلع وراها
تلفتت عليه
محمد : استني شويه نبيك
اشرت بمعنى : شن تبي فيا ، خليك مع مرام اني خلاص !
ومشت قدامه حس كلماتها خنجر وانغرس في قلبه
قعد واقف في مكانه لين حس بلمسة يد ع كتفه
تلفت لقاها مرام
مرام : سوري لو سببتلك إحراج مع بنت عمك ?!
محمد : احراج هه ، اسمعي مرام اني من البدايه تصرفاتك ماعجبتني بس ماحبيت نجرحك وقعدت ساكت قلت عسى ولعلى تتحشمي شويه بس مافيش فايده ، اني زميلك في الشغل وبس مافيش شي يخليك تقربي مني هك ! فلذلك ياريت تلتزمي حدودك وخلينا نخدمو خدمتنا وبس
انصدمت مرام من كلامه
مرام : اسفه لوو
قاطعها وقال
محمد : مانبيش اسف لأني مازعلتش منك اصلا بس نبيك تهتمي بـ خدمتك بس تمام ؟
مرام : تمام
وكملو شغلهم بـ صمت تاام
وقت انتهاء الدوام :
رفعت مرام حاجاتها
مرام : هي ني بنطلع انتهى الدوام ، انت مازال بتقعد ؟
رفع تليفونه
محمد : لا هي طالع حتى نا
وطلعو
ركبت مرام سيارتها ومحمد قعد يدور في مُنية الي مالقى ليها اي اثر في المعهد ف قرر يتصل بيها بيش يشوف وينها
اتصل مره واثنين و 10 ومافيش رد
انتابه القلق ركب سيارته واتجه للبيت
خش البيت لقى سعاد واختها قاعدين يطيبو في الغداء
سلم عليهم ووجه سؤاله لـ سعاد
محمد : خالتي سعاد وين مُنية
سعاد : طلعت مع بنت خالتها بيشرو شويه حاجات
محمد : اها من وصلهم ؟
سعاد : اوليد اختي نادر
محمد : يعني ركبت معاه
استغربت سعاد من سؤاله
سعاد : اي ، في شي ، نحطلك حاجه تاكلها ؟
رد بالنفي وطلع و ع قولتهم العفاريت بتتنطط قدامه
خش لـ داره ومش عارف شن يدير يتصل بيها ماتردش ف قرر يستناها لين اتروح ويتكلم معاها
بعد ساعة
سمع اصوات دوشه وضحك
فتح باب داره و ع خشة مُنية و قدامها نادر وريان سحبها ع الدار من غير مايحس اي شخص وسكر الباب وراه
اشرت بمعنى : خيرك توا ها خوفتني بـ حركاتك العبيطه
محمد : خيرني ها اي ليك حق تقوليلي هك ، مُنية الصبح شن قتلك ها
قلبت وجهها للجهة الثانيه
محمد : شوفيلي نكلم فيك
شافتله بكل برود
اشرت بمعنى : قلت هلبا كلام بس مش مجبوره انفذه
محمد : لا مجبوره مدام يتعلق بـ طلعتلك مع راجل غريب
تجمعت الدموع في عيونها و ع وشك البكاء
اشرت بمعنى : والله قول هالكلام لـ روحك مش ليا وانت امقضيها مع مرام رومنسيات وضحك وطلوعات ومش امدايرين اعتبار لحد
محمد : فهمتي الي صار اليوم غلط يامُنية
اشرت بمعنى : ومش هامني نفهم الصح عن اذنك
وطلعت من الدار
ضرب محمد الحائط بـ يده
محمد :
” اخخخخ كيف بنقوللها ان قربك منه يحرق فيا حرق واني مش عارف السبب اصلا ??♂? ”
دقائق وخبط الباب
محمد : تفضضل
فتحت مُنية الباب
وعيونها تحت
وقف محمد بـ لهفة وقرب منها
بعدت عنه
اشرت بمعنى : ماما قتلك الغداء في المربوعة
وطلعت
مشا للمربوعة لقى نادر و عمه يستنو فيه ع الغداء
إبراهيم : هي بسم الله
قاطعهم صوت تخبيط ع الباب
إبراهيم : محمد ترا شوف منو
جاء محمد بينوض
فتحت مُنية الباب واشرت لـ نادر بيش يجيها
قعمز محمد بـ حشمه و يشوفلهم
طلعلها نادر
نادر : نعم منونه
مدتله العصير
اشرت بمعنى : صحه ?
ابتسملها و خش
نادر : هذي مُنية مدتلي العصير ?
محمد : اي عارفين مادرتش حاجه خطيره بيش تفرح هك ?
نادر : كيف ؟
محمد : مش مشكلتي كان وذانك مسكره بنقعد نعاني فيك انا امشي شوفلك دكتور ينظفهالك ??
نادر : شن ترعى انت !
إبراهيم : احم خلاص ياولاد سمو بالله
شاف محمد لـ نادر بنظره تحذريه و نادر ردله نفس
تابع الحلقة 10
شاف محمد لـ نادر بنظره تحذريه و نادر ردله نفس النظره
بعد الغداء
رفع نادر السفره للمطبخ
لقاه نصف مفتوح
نادر : هـ احم
ريان : خش خش
فتح الباب وخش
حط السفرة
اشرت بمعنى : وعلاش جو الحشم كان خشيت عادي
نادر : وين نندري قلت بالك مش لابسه حجابك ولا هك
حطت يدها ع حجابها
اشرت بمعنى : لالا ديما نلبس فيه ماه محمد قاعد هذا علاش
نادر : هالمحمد ?
اشرت بمعنى : ووك منه خيره شن دارلك اخرى ??♀
نادر : لا …
سمعو صوت تخبيط ع الباب
محمد : نادر اطلعلي لـ برا نبيك ?
ومشا
نادر : هي خل نشوفه شن يبي
وطلع
لقاه واقف في الجنان وعيونه تقدح منهم النار
نادر : خير شن في
قرب منه محمد و بدون مقدمات ضربه بوكس
محمد : ماشي تشكيني ليها زي العيل يا عيــل
شد نادر في الحيط ومسح دمه وفهم ان محمد مش ناوي خير قرب منه محمد يبي يضربه مره اخرى ف وضرب نادر محمد في بطنه وبدت هديك العركه
جو يجرو عليهم باقي العيله
البنات يدبو ويبكو
ابراهيم يحاول يحزهم
سعاد : محمد وراس بنيتي مُنية توقف
في لحظه محمد سمع كلمة سعاد ووقف دف نادر عنه وطلع زي الثور الهايج
جرو الكل ع نادر الطايح ع الارض
نادر مسح الدم السايل من انفه ووقف
نادر : امي ريان اطلعولي اني برا معاد عندنا قعده في هالبيت
وطلع ركب سيارته
وطلع وراه إبراهيم
سالمه : ريان نوضي بنيتي
ناضو ريان وبنتها ووراهم سعاد
سعاد : وخيتي اسمعيني بالله عليك هذا طيش شباب ماتعدلي عليهم
سالمه : لا ياوخيتي مانتحمل نقعد ووليدي مش راضي سامحيني
وماهي الا ثواني ويخش عليهم نادر وابراهيم
ابراهيم : يااختي قعمزو واستهدو بالله البيت بيتكم و ان شاء الله الصار معاش يتكرر و كان ع ولدك تفاهمت معاه ومحمد تو يجي يعتذر منه ومنكم كلكم
سالمه : ان شاء الله
ابراهيم : بنيتي مُنية جيبي علبة الاسعافات الأولية وديري اللازم شوي ونجيكم ، نادر تفضل ع المربوعة بيش ترتاح
مشا نادر المربوعة وجت وراه مُنية
فتحت العلبة وبدت اداويله في جروحه وبعد ماكملت
اشرت بمعنى : اسفه نادر ع الصار محمد والله مش هك ومش متاع مشاكل وربي يعلم قداش ماهو طيب وقلبه ابيض بس مش عارفه شن صارله امسحها في وجهي اسفه
نادر : عادي مُنية ماتقوليش هك صار خير واني فاهمه خيره وعاذره
ابتسمتله
اشرت بمعنى : شكرا هلبا
وطلعت