حبيبتي بكماء
الحلقة 11
الكاتبةوعدالخضر
(( حبيبتي_بكماء ))
في ليل روح محمد
ابراهيم : محمد الي درته غلط وعيب منك ياوليدي الناس بيتهم انحرق وماعندهم حد غيرنا ماايجيش نرخو بيهم عيب والله شوف خالتك سعاد كيف مهتمه بيك والي تبيه حاضر مش لأنها مجبورة بس معتبراتك زي ولدها لأنك ولد خوي ف مايجيش اتردلها هالمعاملة بمعاملة سيئة لـ ولد اختها صح كلامي ولا غلط
محمد : لا ياعمي حشاك من الغلط وعارف الي درته عيب ومعاش يتعاود
طلب منه عمه يعتذر من الجميع و لبى طلب عمه لانه بجد كان حاس انه كبر الموضوع وغلط في حق نادر ف قررو يطلعو في اليوم الثاني لـرحله في البحر بيش يغيرو جو وينسو الـ صار اليوم ويخففو عن عيلة سالمه المأساة الـ صارتلهم
في الصباح الباكر :
ناضو الكل وجهزو حجاتهم وطلعو
محمد : مُنية تعالي اركبي معاي
شافتله ومشت ركبت مع نادر من قدام
محمد : ??♂?
سعاد : نركب معاك
محمد : اي اكيد تفضلي خالتي اركبي
توزعو الباقيين ع السيارتين سعاد وابراهيم وسالمه مع محمد و مُنية مع نادر وانطلقو
في الطريق
ريان : بالله عليك افتحلنا اغاني نغيرو جو
نادر : لالا فكك منها
اشرت بمعنى : نادر اولعلنا اغاني باليز
ريان : بالله علييك هي سلم وخي
ابتسم ولعلهم
ريان : لووووولي ??
ومنية اتصفق وعلو الاغاني و صوت الكلاكس وقلبو الدنيا
محمد : شن العار الي يديرو فيه هذا
ابراهيم : خليهم عادي
محمد : اياه علييينا ??
وصلو البحر
ريان : هههههههه الي ماركب معانا فاته الجو كله ??
اشرت بمعنى : صدقتي والله نادر جوه من الاخير
وشافت لـ محمد ?
رفع حاجبه
نادر : هي حجزتلكم تعالو
مشو و رتبو حاجاتهم وحطو الفطور وفطرو جميع
بعد الفطور
مشا محمد بيش يعوم
نادر شنو يا جماعة مابتعومو ولا كيف
ريان : اني بنوتي اللحم وانجيكم امشو انتو
اشرت بمعنى : مانعرفش انعوم بنتفرج عليكم بس ☹
نادر : تي كيف تتفرجي بس تعالي معاي تو نعلمك
هزت راسها ايجابا ومشت وراه
وقعد يعلم فيها شوي شوي
نادر : ارخي روحك بسس
اشرت بمعنى : ووه حاسه روحي بنغرق ?
نادر : ياخوافه اصبري تو ني انشدك
وحط يده ع خصرها بيش ماتغرق
نادر : هي تو ارخي روحك شادك مابيصيرلك شي
وفجأة يجي محمد
محمد : حول عنها وانت تقول بطة اتعوم
شافله نادر بإستغراب
محمد : قصدي عمي ينادي قال سادكم عوامة زي البط
?
نادر : تو نطلعو ، شنو مُنية ؟
اشرت بمعنى : اي خلينا نطلعو مستحيل نتعلم في يوم واحد
وطلعو ومحمد فرحان لأنه قدر يبعد مُنية عن نادر من غير مايغلط ??
مشو وقعدو يهدرزو ويضحكو وجوهم سمح
نادر : يابنات جيبو اللحم بيش نشو
اشرت بمعنى : هي تو اني انجيبه بنشوي معاك نادر
ومشت اتجيب اللحم
محمد : نادر شن رايك تمشي اتعوم حسيتك مااستمتعت بالعوم ، توا اني نشوي بدالك ?
نادر : القني مااستمتعت والله
محمد : خلاص امشي ولا يهمك توا اني نشوي ونزبط الامور ?
ومشا نادر يعوم و محمد ولع النار وقعد يستنى في مُنية
جت تجري
اشرت بمعنى : محمد شدير اهني مش ع اساس نادر بيشوي ??♀
محمد : محمد مشا يعوم قعمزي اشوي معاي
اشرت بمعنى : قبل بنشوي لأن نادر بيشوي وتوا غيرت راي
ومشت
محمد نزل راسه بـ حزن
تغدو ومحمد ماتغدأ معاهم مشا يعوم
ف حست مُنية أنها زعلااته بـ كلامها
مشتله و قعمزت ع الرمله شافت محمد واقف مقابل البحر والشمس ساطعه عليه حول تيشيرته وبانو عضلاته وخش للبحر وقعد يعوم و مُنية تتفرج عليه وعيونها قلوب قلوب وسارحه فيه
مُنية :
” ي حليلي يخبل فيه كمية جذابية مش طبيعية بكل ?? ”
فجأة طلع من البحر و جاء بتجاهها وهي قلبها قريب يطلع من مكانه
جاء قعمز جنبها و نفض المياه من شعره ووجهه
اشرت بمعنى : محــمــد شريت المياه عليااا
محمد : اسف
اشرت بمعنى : عادي مياه هي
ابتسملها وقعد يشوف للبحر
اشرت بمعنى : خيرك هادئ هك مش من عوايدك يعني
محمد : شئ احسن نكون هادئ من متاع مشاكل ولا
اشرت بمعنى : لا خليك ع طبيعتك وعامل نادر كويس
شافلها بـ حزن
محمد : لـ هدرجه يهمك ؟
اشرت بمعنى : اكيد ماه ولد خالتي و زي خوي
محمد : زي خوك بس ؟
اشرت بمعنى : هههههههه اي زي خوي بس شن بيكون يعني
محمد : باه ?
اشرت بمعنى : خيرك فرحت هك
محمد : هههههههه لالا شي ، اسمعي جيعان في شي يتاكل
اشرت بمعنى : اي تو نجيبلك حتى ني ماتغديت
وجابتله الغداء وتغدو وجوهم حلوو
كملو زردتهم وروحو مع المغرب
كانو سالمه و سعاد يهدرزو في الجنان وابراهيم طالع ومحمد في داره ونادر في المربوعة و ريان و مُنية في دار مُنية وبنان راقده
نادر : رياان يارياان
طلعتله مُنية
نادر : بالله عليك شوفيلي ريان وين نبيها
اشرت بمعنى : رقدت ريونه تعبانه
نادر : كيف الراي توا ؟
اشرت
اشرت بمعنى : قولي شن تبي منها واني انديرهولك عادي
نادر : لا مانبي شي هلبا نبي بدلة الخدمه عندها
اشرت بمعنى : اي اي حطتها في دولابي بيش ماتتعكرش لحظه نجيبهالك
ومشت جابتله البدله ومداتها ليه
اشرت بمعنى : عندك خدمة اليوم ؟
نادر : اي اي لكن بنروح الصبح
اشرت بمعنى : ياسعدودك خدمتك السفر بس ?
نادر : هههههههه مش السفر بس مطلوب مني انكون ملتزم و مصحصح لان اقل غلطه ممكن اتسبب مشكله كبيره وبعدين الركاب أمانه ولازم انوصلوهم بأمان
اشرت بمعنى : اي والله صح كلامك مسؤولية صعبه بكل
نادر : اي ، هي خل نمشي انوتي روحي ، منونه بنتعبك معاي ديرلي قهوة بالله عليك مصددع
هزت راسها ايجابا مشا وبدت اتحضرله في القهوة
خش عليها محمد
قعمز ع الطاولة
محمد : شديري
اشرت بمعنى : قهوة تبي
محمد : اي ديريلي معاك
اشرت بمعنى : حاضر
بعد دقائق جاء ولابس بدلته ومتأنق ورافع طاقيته في يده
نادر : كملتي ؟
تلفتت عليه
اشرت بمعنى : ي حليلي من اوليد خالتي طالع غزال والله ?
نادر : هههههههه تسلمي قهوتي واتيه
اشرت بمعنى : اي اي اهيا ع الطاوله
شرب قهوته بسرعه
ورفع يده بيلبس طاقيته
نادر : هي مع سلامه
رفعت منه الطاقيه
اشرت بمعنى : بالله عليك خليني انحطهالك جو سمح ?
هزت براسها ايجابا
حطتله الطاقيه وطلع
شافت لمحمد
اشرت بمعنى : يهبل صح ?
محمد : اقلبي وجهك ?
اشرت بمعنى : خيرك ?
محمد : امشي ارقدي خلاص ياسرك