بداية النهاية رواية للكاتب محمد مالك
الحلقة ( 7 )
للكاتب محمد مالكصقر …شاف من الروشن لقى سيارة جاية درست قدام الحوش
صقر: في حد جي
رجب..: مني ؟!
صقر: مش عارف اصبر بس
صقر يشوف من الروشن ورجب يشوف معاه
السيارة درست وسكرهاا ونزل منهاا ولد عمتهم صبحي
صبحي نزل من سيارة ويمضغ ف مستكة
صقر : صبحي !*
رجب: شن جابه هاده
صقر : مش عارف
صقر فتح الروشن : تعال بسررعةة بسسرعة
صبحي..من بعيد : خيرك مستعجل
صقر..سكر الروشن
وجي للباب يجبد ف الدولاب
فتح الباب
وصبحي يتمشا ولا ف شئ
صبحي لما قرب من الباب وشاف احمد مرمي وخرر ع الباب
صبحي..باستغراب..وخوف: شن هااده ؟؟
صقر: غير خش بسرعةة نحكيلك
صبحي : مش خااش لااا هاده شن الي مرمي من هواا هاده
صقر ..طلع بيجبد صبحي مش يدخله
كيف وصل فيه
ثلاثة طلقات وراء بعض ضربوو صبحي
صقر طاح ع الارض وخش الحوش يمرد
رجب …سكر الباب بسرعة
صقر …يعيط : علاااااااااااش ميسمعش ف الكلام
صقر..يشوف من الروشن لقاه مرمي ع الارض
رجب: علاش جااي ؟!
صقر..حاط ايديه ع راسه وساكت
رجب : زعما هشام وصل وقدر يدير تلفون
صقر: كان هاده بيتصل بصبحي ياراجل
رجب: مرات ملقاش غيره ف الحظة هديكا
صقر: لالالالا الموضوع اكبر من هكي بهلبا تاكدت توا انه الي صاير ف جرة الورث الي يقتل فينا يفضى ف الساحة لي روحه وبيمسح الاقارب كلها شكله
رجب؛ من عديم الاحساس هاده ؟!
شهد: مستحيل يكون حد من الاقارب
صقر: هاده هوا اصلا مستحيل مستحيل بعدين لما تعرفه تنصدم صدمة عمرك
رجب: نهربو بسيارته ؟!
صقر: كيف
رجب: هونا مرمي هوا كان نقدرو ناخدو المفتاح بس
السيارة كيف مدرسة ع الاقل مش ملغمة يعني مش حتنفجر
صقر: شهد خليك تشوفي من الروشن لو شفتي حد من جهة السيارة قولي
رجب: هااا شن
صقر: معندناش غيرهاا توا
الساعة 2:30
ف عام 2014 ( الماضي )
رواسي : لالا حرام عليكم
علاء: خلااااااص طفح الكيل بالنسبة ليا غير يروح بسس
ساجدة..تتاوب: خير مصبيتكم ناوين الشر ع الصبح
علااء: ماه نبي نتجوز نبي ندير عيلة وبوك فايتني بالطويل
هشام: كون روحك بروحك دخله بيك بوك ولا غير تتوحم
علاء رمي طاسه القهوة : نكسرلك فمك تتكلم معاي هكي من جديد
رواسي..طلعت من الدار: بالله اسطفلو دخلي بيكم اني انوض صقر يرفعني الكورس
شهد ف الدور الثاني حامل بي بنتها
رواسي: هيااا عااد نبي نولي خالة
شهد: ههههههه مسكينة بنيتي بتشوف نكد غريب
رواسي: علاش العفو تنكدي ع البنت قبل ما تجي
شهد: شوفي خوالها واحد اهبل من الثاني
رواسي: ههههههه علاء وهشام بتاع نكد لكن رجب وصقر ع حالهم
شهد: هههههه حتا صقر لما تنوض عليه الهبلة خلااص اهربي كان طريق قدامك
رواسي؛ اكثر انسانه نعرفه اني اصلا بنوضه من النوم توا
شهد: به اني ننزل نشوف خيرهم ع صبح لوطا
رواسي..ابتسمت: ..تمام
رواسي خشت دار صقر
رواسي: عيوني نوض
صقر: اطلعي وسكري الباب
رواسي:بنمشي الكورس حرام عليك
صقر: اطلعي خيرلك قتلك اني
رواسي: توا تشوف دور من يوكلك ف نص الليل
بوهم وصل ودرس السيارة
رواسي وصقر يسمعووو ف علاء يعيط
علاء: اهووو جي توااا يديري حل تعبت اني
صقر..لي رواسي: هاده خير مصيبته
رواسي: يدور ف مشاكل من الصبح
صقر..ناض
رواسي: وين ماشي
صقر: مش يدور ف مشاكل
رواسي: دخلك بيه خوك الكبير
صقر: يحترم الي راقد لما نديرو دوشة يدير زوبعة ف الحوش
صقر نزل من الدورج ف
نفس الوقت خش بوهم مبروك
مبروك: السلام عليكم
علااء: وعليكم السلام تعال تعال
مبروك..بعصاب: تعرف انتا اخطاني افضلك
علاء: البنت عاطي اهلها كلمه اني
مبروك: امك ليها ستة شهور يا كلب وبتتجوز
علاء: مربوط بكلمه اني
مبروك: ماه قتلك كلب
صقر: خيررك تعيط؟
علاء: شن دخلك انتا
صقر: لما نبداء راقد احترمني زي ما نحترمو فيك ولا نسيت لما نديرو ف دوشة شن ادير
علاء: شن كان خشيت احديد ونفخت جسمك شوية تحساب روحك وليت راجل لان كان بنجيك بنكسرك اني
هشام: عيش أحلامك ف اليقظة عيش هوا انتا جبان بتضرب واحد اطول منك
علااء نااض بعصاب ضرب هشام
وهشام ردله الضربة
رجب يحز بينهم
مبروك: اطلعووو البرااا كلكم البرااا انتو مستحيل تكونو صغاري
علاء كلب بتاع مشاكل ومش محترمني يخسارة الي تعبته عليك
وانتا هشام سراق وبتاع مشاكل
هشام: سرااق
مبروك..وجهه احمر ومتوتر: متخليش نفتحلك دفترك توا نفضحك قدام خواتك وصقر زي خوته الاولاد مشاكل اني تعبت خلاص رجب سوسة من تحت ل تحت يبان هادي وهوا راس كل شئ اني معاش عندي ولاد
كلكم الليلة برا الحوش ولا عندكم عندي فلوس خصوصا انتا يا هشام.و علاء قداش ما نكرهك
اخطا البنات ما عندي صغار
وانتو الزوز حوش راجلكم معاش تجي انتي وياها
رواسي بتقعدي اهلا وسهلا بتلحقي واحد منهم تفضلي
مبروك: نروح الحوش نلقا حد فيه غير رواسي لو بتقعد حيصيرله شئ مش حلو بكل وجو اديرو فيها بر والدين وبتقعدو اني منبيش اصلا زي قاعدين زي ماشين قاعدين عاقين تمشو خير اريح ليا وليكم
مبروك طلع وسكر الباب بالقووة
___
شفتو المشكلة الي تفرقنا بسببها ! بسيطة وتافهة صح هاده التحسس لما تحسس من بوك وخوك وتكون ادور ف مشاكل حتتفكك العائلة بسررعة كبيرة وخصوصا الام عمود البيت كان مشت العائلة كلها تمشي
___
علاء: ايه اني بنطلع اصلا يلز فينا مش يجيب المرا الثانية
هشاام ركب داره دار ساكو واول واحد طلع
بعده علاء
رجب
ساجدة
شهد
صقر ورواسي
روح مبروك ع امل يلقا حد منهم قاعد لقى الحوش الكبير فاضى لما يتكلم يسمع صدى صوته فيه
قعمز ع الكرسي وشد صورة مرته
_____
الوقت الحاضر ( 2019 )
الساعة 3:00
صقر..شاد البالطة : هاا واتي كل شئ
رجب..وشهد: ايه
صقر: رجب وشهد تمشو السيارة ع طول تمام تشوف لو الباب مفتوح اركبو
لو مسكر انزلو ع الارض
اني بنمشي نجري لي صبحي بناخد المفتاح ونجيكم
رجب..متوتر يصب عرق : ان شاء الله خير وخلااص
صقر: شدي ف رجب انتي متمشيش بعيدة عليه
شهد: تمام ..والخوف ع ملامحهاا ووجهااا غير دقات القلب الي كل مالها تزيد ف كل ثانية تزيد لدرجة انك تحس ان قلبك حيطلع من مكانه من الخوف اقصى درجات الخوف وصلولها
صقر: طول السيارة متتحركوش من اي مكان غير السيارة
رجب: هيا بسم الله
صقر ..فتح الباب : ياارب
وطلع يجري
وراه شهد ورجب مشو للسيارة ع طول
صقر يشوف ف صبحي ميت يدور في حوايجه ع مفتاح السيارة ملقاشي !!
صقر..متوترة ويدور بتفرفيش
شاف ايمينه لقاه مرمي
صقر قام المفتاح
مشي للسيارة يجري
شهد: بسرعةة افتح بسرعةة
صقر فتح باب السيارة وقعمز فتحلهم البطم
ركبو الزوز من الخلف
صقر حط المفتاح بيولع السيارة مرة الاولي مبتش تولع
ويسمعوو ف صوت الكلاب يقربو
صقر..بتوتر ونبضات القلب العالية: هيااااا عاااد
طق المفتاح وولعت السيارة
صقر..فتح ضى السيارة ودارها R
وقعد يوخر بالسيارة
رصاص قعد يضرب ف مرش السيارة الخلفي
شهد..تعيط
رجب: بسررعة
صقر يلف ف السيارة
اول ما دارها ع d وقف قدام السيارة واحد
صقر رص بقوة قوته وخبطه بالسيارة
صقر يوخر ف السيارة من جديد
ودارها ع d طالع يجري بيها
نبضات القلب يسمع فيها ف وذنه
الكلاب قصوو قدام السيارة
صقر بيهرب من الكلاب خش ف شجرة وضرب واحد منهم بالسيارة
بعد 6 دقائق
صقر يفتح ف عيونه ويغمض ع صوت شهد
حط ايده ع راسه صداع بكل لقاه دم
شهد: صقرر صقر
صقر..راسه مصدع
رجب: خدي خبطه ع راسه صقر
شهد..تفيق في صقر
وصقر فايق بس مش ع وعيه مش قادر يستوعب او يتكلم
شهد: شن نديروو توا
رجب: شوفي اني ننزل من السيارة نفتح باب صقر وناخده ونجرو الحوش انتي اجري قبلي
شهد: بعد ما قدمنا نهربو للطريق خير
رجب: صعب صقر دايخ الكلاب حيلحقو علينا
شهد..تبكي:؛ يارب
رجب: هي واحد اثنين ثلاثة
شهد نزلت من السيارة وتجري للحوش
رجب نزل ويعكز ع رجله المضروبة
فتح باب السيارة
وحط صقر ع كتفه
ويجري باقوة ما عنده
شهد تجري لدرجة مش قادرة تبطئ تاخد نفس
رجب يجري باقوة ما عنده ورجله توجع فيه
يسمع ف صوت الكلاب يجرو وراه
رجب من الخوف زاد ف سرعته
صقر شبه مغماأ عليه مش قادر يوقف ع رجليه من الخبطة الي ع راسه
شهد وصلت الحوش
فتحت الباب واقفة ف فم الباب تستنا ف رجب
رجب يجري الكلاب قربو يشوف ف شهد واقفة ع الباب تستنا فيه
شهد: بسرعة بسرعة
رجب وصل ع عتبه الباب
والكلب عضه ف رجله
رجب طااح وصقر طاح
شهد..بعيطه: رجب
رجب يضرب ف الكلب الي عاض رجله برجله الثانية
شوية وكلب ثاني عض يده
شهد طلعت شدت صقر وتجبد فيه للحوش
شهد مدخله صقر للباب وتبكي
شافت واحد واقف فوق رجب وف ايده سلاح
رجب ..لما شاف الي واقف عليه نصدم : يا خائن
شهد شافت الي واقف ضرب رجب بثلاثة طلقات
شهد سكرت الباب بسرعة وقعدت تبكي
صقر طايح ع الارض مغما عليه
الساعة 3:30
تك توك الساعة تدق والنهاية تقترب ?
البداية ستنتهي قريبا
يتبع
الكاتب محمد مالك