بداية النهاية رواية للكاتب محمد مالك

الحلقة ( 3 )
للكاتب // محمد مالك

^

نأض رجب ويعيط : كله منك وعطى لي علاء بوكس

فرج شد رجب

رجب منهار يبكي : كله منك كله منك

علاء..ايده ع مكان ضربه رجب ترعش مش مستوعب الي قاعد يصير

رجب..طاح ع رجليه : كله منك قتلك نطلعو من الحوش

الساعة 10:5 )

صقر جاي بالسيف

صقر: شن صاير ؟!

رواسي: انتا تتحرك بسيف ليش متحرك

صقر: خيركم تعيطو وتبكو

صقر شاف لي الحمام ( اكرمكم الله ) لقى ساجدة

صقر..بصوت عالي: ساجدة

مشى يجري شورهاا ويحرك ف راسها

صقر: ساجدة ردي عليا ساجدة

رواسي..دموع ينزلو ع خدها بدون اي احساس بيهم

صقر حط راسه ع كتف ساجدة ويبكي

صقر..بصوت عالي: كيف صار هكي كييف

علاء: بعد ما اغمى عليك او بالاحرى نخنقت لما طلعنا بنرفعوك مستشفي لقينا احمد ميت قدام الباب
صقر..عيونه دموع : من احمد ؟!
علاء: البواب
صقر: قاعد قدام الباب
علاء : ايه

صقر ناض ومشي شور الباب

علاء: اصبر متفتحش الباب

بس صقر مسمعش الكلام

فتح الباب لقى جثة احمد مذبوحه

صقر طاح من الخوف

علاء يجري سكر الباب

علاء: يا غبي قتلك متفحتش الباب في ناس البرا

صقر: ناس

علاء: امالا من الي قتل احمد وساجدة

صقر: كيف ناس من خش الحوش قتل ساجدة ؟!

علاء..شاف لي خوته

رواسي..فهمت ع طول : لالا مستحيل

رجب..يشوف لي خوته

شهد..شدت ف ايد فرج : اني وصقر ورواسي وفرج كنا معا بعض

رجب: اني ف الدور الثاني وركب معاي علاء

علاء..شاف لي هشام : انتا وين كنت ؟؟!

هشام..بتوتر: جبت امياه لي صقر

رواسي: صح اني بعته وجابها بعدين قعد في دار مطلعش ثاني ع ما اظن

علاء..بعياط: قعد ولا لا ؟!

رواسي : مش متفكرة

علاء: نخشو دار وحدة نقعدو فيها منتحركوش منهاا للصبح

رجب : نقعدو وجهك سمعنا كلامك قلنا نقعدو شفت شن صار

علاء: والي برا تطلع مرات مسلحين

رجب: منقعدوش دقيقة مفروض

علاء: اسمع الكلام يا غبي هما البرا مرات نطلعو يرمو علينا برصاص

رجب: ولا نقعد ونموت غدر ونشك ف خوتي

علاء: احسن حل من فيكم بيقعد ومن فيكم يبي يطلع

فرج: لا اني معا رجب القعاد خطر هلبااا

صقر: اني معا علاء الدنيا ظلام مش مضمون انهم مش حيديرولنا شئ

علاء: ياريت حتا السيارات قراب ع الحوش بعاد شوية

فرج: تسدنا سيارة ؟!

رجب..يبكي ع ساجدة

هشام: تسد كيف ما تسد اهم شئ نركبو بسرعة

الساعة 10:28

علاء فتح الباب ووراه هشام ورجب وصقر وفرج

وشهد ورواسي داخل يدعو ويبكوو

علاء..فتح فلاش التلفون: مش مبين شئ

هشام: اقرب سيارة بتاع مني هيا ؟!

فرج: سيارتي

علاء: به تقدر تجري تولعها وتجيبها ونركبو ونشدو الطريق

شهد..عيطت: لالالالا وين يمشي السيارة

علاء :احني لو شفنا حد جاي شوره نطلعوله نجرو

شهد..شدت ف ايد فرج: لا ما تمشيش بالله عليك

فرج: مش حيصير حد اص مش نروحو لي نيروزة ( بنتهم )

شهد..متوترة وتدعي

علاء: مفتاح سيارة عندك ؟

فرج: ايه

رجب : اصبر شوية بس

رجب خش جاب عصا ووقف ع فم الباب

فرج: هي بسم الله

فرج طلع يجري شور السيارة وقلب شهد ينبض خائفة ع راجلها

فرج وصل السيارة

والنبض قلب يزيد

صقر: مفيش حد شكله
علاء: مش مستريح للموضوع بكل

فرج فتح باب السيارة بالمفتاح وركب السيارة وسكر باب السيارة ركب مفتاح السيارة

وولعها وفتح الضئ الطويل

علاء: خشييي

صقر..ياشر لي فرج بايده بمعني تعال بسرعة

فرج دار السيارة ع D واول ما قدم بالسيارة

بوووم

انفجرت السيارة

شهد عيطتت وتجري شور الباب : فرررج

صقر شددد شهد بالقوة

شهد تبكي : فررررج

رواسي حاطه يدها ع فمها من الصدمة

علاء ساكت ويشوف لي السيارة راكبه فيها النار

ورجب يبكي

صقر شااد شهد بالسيف

علاء شاف زوز يتحركو مشو شور السيارة الي نفجرت كان النار الي والعة تكفى انك تشوف

كانو زوز نفار واقفين طوال ولابسين ماسكات سودة ويهزو ف راسهم بمعني ( لآ )

علاء سكر الباب

علاء..مش قادر يتكلم من الصدمة : شن قتلك منقدروش نطلعو ؟؟؟!
هشام: علاء مش وقته هاده توا
صقر: شن الحل توا
علاء: حل واحد نقعدو في مكان واحد للصبح
صقر: لو طلع الصبح ولما بنطلعو طلع عندهم سلاح !
علاء: ع الاقل فرصتنا اكبر الصبح
هشام: صح كلام علاء

رجب مقعمز ف تركينة ويبكي ع ساجدة
صقر..خانقته العبرة مشى شور رجب: نوض يا راجل من الارض
رجب:خليني يا راجل اطلع من راسي

صقر خش الدار لقى شهد تبكي ف حضن رواسي

شهد: راجل حوشي مشى يا رواسي بنتي كيف بتعيش من غير بوهاا كييف
رواسي..تبكي

صقر..حط ايده ع قلبه يتنفس بصعوبة حاس روحه مخنوق مش طبيعي بكل

علاء وهشام نوضو رجب ومشو كلهم ف دار وحدة

شهد: حسبي الله ونعم الوكيل فيك يا علاء مش مسامحاتك لا دنيا لا اخرة

علاء ..يشوف لي شهد وساكت

شهد: كله منك انت الي خليته يطلع كله منك كله منك

قعمزو كلهم معا بعض
والحزن ف قلب كل واحد منهم والشك ضارب كل واحد منهم

علاء حاس بالذنب
وهشام مش قادر يشد مكالمة بوه اكثر من هكي
اما رواسي قلبها محروق ع اختها وفرج
وشهد مش قادرة حتا تفتح عيونه من كثر الدموع
ورجب اكثر اخت قريبا ليه ساجدة مشت
وصقر يفكر ف حل خائف من الي جاااي مش مطمن

الساعة ( 10:45 )

هشام : بنقولكم

صقر: شن ؟

هشام: بوي كلمني قبل الحادث باسبوع

كلهم شافو لي هشام

علاء : شن قالك ؟؟؟

هشام: قال اعطيني رقم علاء وصقر نبيهم ف موضوع لما قتله معنديش قالي به تقدر تجيني نبيك قتله توا بعد ما اني حتجتك ورديتني تبيني قالي تعال موضوع كبيرر في شئ مش مزبوط يصير قدام الحوش اني بكل غباء قتله شكلك كبرت وبديت تخرف بوي فصل بعد الكلمة هادي ف سكرت عليه الخط

رواسي: ليش اتصل بيك انتا ؟؟!

هشام: كلكم مغيرين ارقامكم الا اني

علاء..بعصاب: متفكرتش تحكي الا توااا ؟؟!

صقر: معناها بوكم مقتول مش حادث

رجب: واضح خطيرين حاطين قنابل ف سيارة اكيد عندهم سلاح

علاء: لا مش قنبلة سلك بنزينة مغيرينه من مكانه لو قنبلة انفجرت السيارة اول ما ولعت لكن اول ما سخنت السيارة شوية انفجرت

هشام: ع المهم اني معطيتش الموضوع اهمية بس ياريت اهتميت بالموضوع ياريت

صقر: اصلا من يوم يومك انسان سلبي ومش متربي عاهة انتا

هشام..دموع ينزلو من عيونه: اصلا من لما نجبت ف هالدنيا اني مكروه زي من علاء الي يعامل ف رجب كان احلي معاملة واني الي يضرب فيا مش عارف ليش والسبب شن بس يقولي مبرد وجهكك مبرد دمك كانت الحنينة عليا ساجدة بس واهي مرمية فوق

حط ايده ع وجهه وقعد يبكي

السكوت كان سيد الموقف كلهم يبكو وف حزن ويشوفو لي بعض

رجب : كيف خليتها تمشي بروحهااا كيف بس

ضئ يلعب في الدار

علاء: تقول فيلم رعب جديات

صقر حاط يده ع راسه وتوتر وخوف ف قلب الكل

ساعة ( 10:59 )

سمعو ف الدور الي فوق المرش نكسر

علاء نااض وقف
رجب شد العصا
هشام : شن خشو ولا كيف

رجب : تعال معاي هشام و صقر علاء خليك معاهم

ركب رجب وراه هشام وصقر

والخوف متملكهم

ركبو قعدو يدورو ع الروشن الي تكسر لقوه لكن كان فيه حديد

هشام: فيه حديد الحمد الله

رجب..استريح: الحمد الله

الباب لوطا تقربع ويسمعووو فيهم يعيطو

يتبع

لايك يا حلوين ?

محمد مالك

error: