بداية النهاية رواية للكاتب محمد مالك
الحلقة ( 8 ) ما قبل الاخيرة
للكاتب : محمد مالك( ملاحظة للناس الي مفهمتش نقطة لما صبحي جي وصقر ورجب استغربو قالو اكيد ان هشام قبل ما يشدوه حصل تغطية وكلم صبحي بعدين شدوه هاده التخمين الوحيد فهمتو لانه شن الي جاب ولد عمتهم ف نص الليل ؟! )
صقر طايح ع الارض مغما عليه
الساعة 3:30
شهد جبدت صقر للدار
وركبت تجري خدت فوطه اصغيره ومياه
نزلت لوطا غسلتله وجهه
فتحت شنطتها طلعت صنه منها وبخت عليه
شهد..تبكي: بالله عليك فيق هيااا عااد
صقر..يفتح ف عيونه ويسكر بس مش قادر يتحكم ف روحه
شهد..تشوف من الروشن …وتدعي ان شاء الله ما يجي حد قبل ما ينوض صقر
( الماضي ) عام 2014
رواسي: بابا واعر بسلامته وصقر مش معتمد ع روحه مقدرتش نخليه بروحه
شهد: به كان هاده تعالو عندي خيرلكم
رواسي: لالا خالتك مكسدة اصلا قالت خلوكم عندي تعرفيها تحب صقر تتخايل فيه ولدها المرحوم
شهد: الله يرحمه اصلا يشبهو بعض كساحه راس غريبة
رواسي: ايه شن جو فرج
شهد: باهي بابا معاش كلمكم
رواسي: لالا سمعت رجب مشى لزه قاله متجيش ثاني
شهد: والله حتا بوك ربي يهديه
رواسي: شن بديري هي
شهد: ع المهم حالكم باهي اني بنطلع توا
رواسي: به تمام توا بعدين نهدرزو
شهد: اوك باااي قلبي
_____
علاء: به تمام توا نرده لك ف اقرب وقت ومنوور جديات
صاحبه محمود: ههههه ميغلاش عليك شئ مهم تردهم لياا امتا ما تستريح
علاء: ايه بندير بيهم مشروع هكي ونردهم ان شاء الله
محمود: تمام امالا اني نمشي توا هيا معا سلامة
ف سنة 2015
علاء..طالع من شقته
شاف محمود واقف ومعاه زوز
علاء رمي القهوة وقعد يجري
وهما يجرو
علاء: شن درت ف روحك يا علاء هاده ياخدو منه 100 الف
علاء هرب بين الزناقي
خش فتح فونه واتصل بي بوه
رد مبروك
مبروك: الو من معاي
علاء: بوي اني علاء
مبروك: تفضلي شن تبي
علاء: نبي فلوس ضروري بيقتلوني عندي دين
مبروك: ان شاء الله تموت دخلني بيك اني معنديش ولد اسمه علاء مات اصلا
علاء : بوي نتكلم جديات والله توا كانو يجرو وراي
مبروك: دبر راسك..سكر الخط
______
هشام يشرب معا صحابه
وياخد ف مخدرات
صاحبه: في حوش بعدين الفجر ننقزو فيه اماليه مسافرين
هشام: ههههههه ايه عادي مدام فيها فلووس
______
رجب… ف مطعمه ف تونس يخدم
____
ساجدة معا راجلها ف لندن قبل ما تطلق
___
اما ورواسي وصقر ف العيادة يستنو ف نيروز
شهد ف العمليات
صقر..شد ع كتف فرج: بتولي اب اهو
فرج..متوتر: والله شعوري ما عارف نوصفه الحق
صقر: هههههه اني بنولي خال فرحان حتا اني راه
فرج: اكيداا
الممرضة طلعت ومعاها البيبي
رافعتها
فرج لما شافها حضن صقر
صقر: ههههه الف مبروك
رواسي..تبكي من الفرحه
فرج خداها ف حضنه
وجي ف وذنها
الله اكبر الله اكبر
اشهد ان لا اله الا الله اشهد ان لا اله الا الله
اشهد ان محمد رسول الله اشهد ان محمد رسول الله
فرج يشوف للبنت وقريب يبكي
صقر خبط ظهر فرج : مبارك مبارك توا بتتحمل نفخ شهد ونيروز ههههههه
رواسي…فنصت ف صقر
فرج: احلي نفخ في حياتي والله
____
الوقت الحاضر
الساعة 3:45
صقر..قعمز
شهد تشوف من الروشن مانتبهتش لي صقر
صقر: اااه راسي
شهد..تلفت بفرحة: صقر
صقر..حاط ايديه الزوز ع راسه: صداع مش قادر نفتح عيوني
شهد: نشوفلك ثواني عندي بنادول ف الشنطة ع ما اظن
شهد مشت تجري فتحت الشنطة لقت بنادول
جابت طاسة امياه وعطتهاله
صقر خدي ثلاثة حبوب
شهد: لاااا هلباا
صقر: اسكتي انتي ناديلي ع رجب
شهد سكتت
صقر..بصوت واطي لما تكلم راسه وجعهه: رجب
شهد؛ رجب م
صقر..فاتح عين وعين الثانية مغمضة من الالم : وينه رجب
شهد..دموع ينزلو ع خدهاا ومش قادرة تقول
صقر..ينادي: يا رجب
شهد: الله يرحمه
صقر..رفع راسه : كيييف ؟! امتااا صار ؟!
شهد: بعد الحادث انتا خبطت راسك ع الدومان ملحقش يوصل
صقر..حاط ايديه الزوز ع راسه من الصداع ويبكي : كيف وصلت اهنى لو ملحقش هوا
شهد: هوا لحق لكن لفم الباب بعدين كلب شده من رجله بعدها ضربوه بالرصاص ..وتبكي
صقر: لا حول ولا قوة الا بالله
صقر شااف للساعة لقاها 3:50
صقر: مزال 10 دقائق
شهد: ع شن ؟!
صقر: تقريبا كل ساعة يجربو يخشو ف احتمال ساعة 4 يخشو
شهد: مزال ساعتين ع الصبح وااك
صقر: يمشو باذن الله
شهد..تشوف من الروشن لكن من بكرى منشوفش الا ف ثلاثة بس
صقر: محتار مش عارف السبب علااش يديرو هكي زعما بوكم عنده دين كبير ؟! لا صعب لانه عنده هلبا املاك وفلوس مختلين ؟! لاا صبحي جيته مش بالصدفة ف شئ الي وصلتله انه الي مداير هكي يعرفناا كويس واحد واحد والله لو نعرفه بس
شهد..تبكي: حسبي الله ف الي كان السبب
صقر..وقف حش بدوخة
صقر: تعالي معاي
شهد: وين
صقر…شاف الساعة لقاها 3:55 : مزال 5 دقائق هياا
شهد: وين
صقر : غير تعالي بس
ركبو دور الي فوق
صقر قام البالطة ..فتح الدولاب
فرغهه كله
صقر: خشى
شهد: ليش
صقر: انتي غير خشى بس توا لما بيجو هما ثلاثة وعندهم سلاح مش حنقدر نحميك هكي
شهد: منحبش الاماكن الضيقة والمغلقة
صقر..شد ايد شهد: مجبورين الله غالب تحملي شوية
صقر..فتح الدولاب..وشد موس : خشى وخليه عندك منبيكش تخافي زي مرة الي فاتت لانه لو بتخافي حيقتلوك احنى توا يقاتل يا مقتول اني اشبح كم روح ف رقبتي لتوا معا هاده ف سبيل خوتي عادي
صقر باس ع راس شهد
صقر: صغار مبروك راسهم كاسح وصعبين ..غمزلها
شهد..خشت الدولاب وشدت الموس
صقر: متخافيش يجي حد عندك فرصة انك تقتليه مرات تنقذيني وتنقذي نفسك وتشوفي نيروز ثاني بشوية شجاعة ف وقت مناسب
شهد..هزت راسها بمعني فهمت
صقر: خليك قوية…سكر باب الدولاب صقر
صقر..راسه بدي يخف بشوية بشوية
شاف الساعة لقاها 3:59
قام البالطة ونزل دور الي لوطاا
سكر الباب كويس وركب فوق
قعد يستنا فيهم مرت نص ساعة
الساعة 4:30 سمع الباب نكسر وطاح المرة هادي
صقر..بصوت عالي: متخاافيش
شهد ف الدولاب ظلام وتشوف بين بابين الدولاب في ضئ وتصب ف عرق وتتنفس بصعوبة من فوبيا الأماكن الضيقة
(( اني عندي نفس الفوبيا هادي لما نكتب توا حسيت اني نخنقت والله ))
صقر: يارب احسن خاتمتنا يارب
يشوف لي الدار الي فيها شهد
صقر: يارب قدرني
صقر..متوتر وخائف اكثر من قبل بالف مرة مش مرة ولا اثنين
شاد البالطة وايده ترعش وتصب امياه
ورجله تسطر فيه من الضربه الاولي وراسه صداع بسيط لكن معا كل حركة يوجعهه
ركب واحد من الدروج
صقر شافه ضربه برجله طيحه ع الدروج
صقر قام البالطة بيضربه
حد خنق صقر من الخلف وطاحت البالطة
صقر يبي يفك ايدين الي يخنق فيه مش قادر
وخر راسه وضربه ع خشمه
الي كان يخنق في صقر من الخلف طاح وخشمه دم رغم انه لابس ماسك الا ان خشمه نكسر من الضربه
صقر..يكح وراسه صداع قاتل
الي ف دروج ركب وعطي صقر بوكس
صقر طاح ع الارض
شهد..تبكي وتدعي
صقر..طايح ويضربو الزوز فيه برجليهم
صقر..عيط وضرب واحد منهم بوكس والثاني يتعافر معا صقر
خشو ف دار الي لابدة فيها شهد
شهد تشوف فيهم من فتحه الباب يتعاركو
حطت ايديها ع فمها
صقر طايح ع الارض وفوقه واحد والثاني برا الدار قاعد
الي فوق صقر طلع موس ونخص صقر ف جنبه
صقر ..عيط باعلي صوته
صقر من فمه يطلع دم
دف الي فوقه برجله
وجبد الموس من جنبه ويعيط
صقر وقف دايخ مش قادر يوزن روحه كويس
صقر.سنونه ينزفو وجنبه ورجله
شهد ..تبكي بدون صوت
صقر..شاف للدولاب وابتسم
جي واحد يجري خش في صقر
صقر ضربه بالموس ثلاثة مرات
صقر..فمه دم ويتكلم بصوت عالي:هياا تعال انتا الثاني ولا خائف
قدم الثاني يتعافر هوا وصقر
الثاني ضرب صقر بموس ف بطنه
شهد بتعيط وبتطلع مش قادرة الخوف متملكها
صقر وقت الي نضرب رد الضربة
صقر..طاح ع الارض
والثاني طاح
ف الحظة هادي
بداية النهاية وصلت
المشاكل والحرب النفسية الي صارت ع اوتار النهاية
خسرت الدنيا ف الليلة هادي مش باقي غير شهد لازم انوض نوقف مرة ثانية
صقر يقاوم يبي يوقف مش قادر
شهد تبي تطلع لي صقر
خش واحد لي الدار
صقر..شافه ضرباته الصدمة
صقر..يعيط: انتا/انتي السبب ف كل شئ
وقف ع صقر
وصقر طايح ع الارض
شهد مصدومة من المشهد كيف انه ….
هشام !واقف وشاد سلاحه ع صقر
يتبع
توقعاتكم بسرررعة النهاية كيف حتكون ؟!
للكاتب: محمد مالك
تك توك الساعة تدق?