بداية النهاية رواية للكاتب محمد مالك
الحلقة ( 6 )
للكاتب: محمد مالكحتكون احداث الحلقة ف ساعة ونص مش زي حلقات الاولي يعني احداث اكثر ? لاااايك ع خاطر التعب ?
مشي شد ف رواسي : متموتيش بالله عليك لااااا ياربي لاااا خودني اني لااااا لاااااااااااا لااااااااااا …ويبكي وشاد ف رواسي
الساعة 1:00
صقرر حاضن رواسي ويبكي
رجب يشوف لي رواسي ودموع ينزلو
اما شهد ف الزاوية تبكي
صقر..يبكي : لاااا لاااا منقدرش نعيش بلاك لاااا
رجب..يمسح ف دموعه
المايك .يتكلم ف جنبهم: ههههههههههه
صقر شد المايك وفتح وقعد يتكلم
صقر: لما نقتلكم واحد واحد من صغيركم لي كبيركم دين عليا ليوم الدين
المايك: هههههههههههه ( صوت زوز يضحكو استهزاء )
صقر: اضحك اضحك نشوفو من يضحك ف الاخير يا *******$***
المايك : ههههههه ( قاعدين يضحكوو )
صقر بعصااب رمي المايك بكبر ايده
صقر ..يشوف لي رواسي وعيونه يدمعوو وقلبه محروق
صقر..شاف لي شهد (كيف بيتكلم )
رجب : اصص مش توا
صقر..خدى نفس
ونزل لي رواسي غمضلها عيونها بايده
صقر..يبكي: سامحيني وعدتك من لما اني صغير اني ندير بالي عليك بس مقدرتش سامحيني بالله
رجب: صقر
صقر مردش عليه
رجب: صقر
صقر..بعصاب: شن تبي ؟؟؟!
رجب: مش وقته الحزن توا لازم نديرو حل
صقر: انتا ضم فمك واسكت اصلا لو مش منك ممكن قدرت نساعدها
رجب: قضاء الله وقدره عمرها متقدرش تزيد ثانية في عمر حدد
صقر..بعصاب وصوت عالي: كله منك وعطى بوكس لي رجب
رجب طااح ع الارض
صقر..يبكي ومنهار: انتا السبب متتكلمش بكل انتا مفروض
رجب..ناض: عارفك مكسور بس والله مكسور زيك الي نشوف فيها بعوض امي ميتة فوق الحوش تقول مقبرة وين ما تمشي تلقا جثة وياريتها اي جثة كل حد منهم غالي عليا حتا لو الظروف والدنيا بعدتنا ع بعضنا
صقر..طاح ع ركابه يبكي
رجب حضن صقر
صقر..يبكي: سامحني مش قصدي
رجب: عارف عارف
الساعة 1:15 )
شهد تبكي شافت شئ دار ضئ احمر جنب (الكاترو )
توضيح الكاترو الي مفهموش ( صورة معلقة ع الحيط
شهد ناضت مست الكاترو طاح شى صغير يدير ف ضى احمر
شهد..قامته من الارض
شهد: شوفو شن لقيت
صقر..وقف يمسح ف دموعه :ترا
صقر شدها ف ايده
صقر: كميرة صغيرة هادي
رجب : قصدك
صقر..يشوف لي الحيوط : فيه كميرات الحوش يتفرجو علينا
رجب وصقر ناضو يدورو ويفركسو ف الحوش في كل مكان
طلعو بستة كميرات صغيرات
صقر…خبط ايده ع الحيط: كانو يتفرجو علينا ولعبوو علينا من الاول كنت اني مش الي حيقتلوه عرفوو ان عندنا المايك وخلونا فوق وهما لوطا وخشولهم
رجب: خلاص توا مش حيضحكو علينا
صقر: بعد وين بالله اصلا في حاجة حنديرها
رجب : شن ؟!
صقر: مش حنستناهم يجونا ويقتلونا اني بنطلعلهم ونقتل منهم
رجب: لااا تربح خلينا معا بعض احسن
صقر: هما هكي حيفكرو حيقولك بعد ما تطلعو منهم اثنين وماتو ف مش حيطلعو ثاني فهمت لازم نديرو شى مش متوقعينه
رجب: شن حدير ؟ بتهرب بتجيب ناس زي ما كان بيدير هشام وجابوه
صقر: بنطلع مرات نقتل حد منهم او نلقا شى نهربو فيه معا بعض
رجب: متطلعش من الباب
صقر: ايه الباب مراقبينه بنطلع من الروشن الي في دار ركبو منها
رجب: غير بالله فكر ثاني معا بعض الي يخش نقتلوه زي ال فوق
صقر: لالالا مش حنستنا الموت يجي لعندي
رجب..شاف لي شهد: مسمعوش كلامي لا ف فرج لا ف هشام وقاعد مسكر راسه قتلك تربح يا ولد خليك
صقر..قام البالطة من الارض : مش حنقدر نستناهم يخشو ثاني
شهد راكبتها حاله نفسيه منكمش ف الزاوية وتبكي وساكته
صقر..شاف لي شهد: غير رد بالك عليها بس
رجب: من غير ما توصى
صقر ركب الدور الي فوق شد البالطه : افتح الباب واقعد عيط
رجب..استغراب: بشن نعيط؟!
صقر: قول اي شئ غير خود انتباهم منبيهمش يزبطو اني حنطلع
رجب: ف امان الله
صقر: رد بالك ع شهد
صقر واقف ف الروشن يستنا ف رجب
رجب واقف قدام الباب
خدى نفس
الساعة 1:30 )
رجب فتح الباب
وقف قدام الباب
رجب..بصوت عالي: شن تبوو انتو ابعتوو رسالة تبوو فلووس نعطوكم تبو الورث خودوه شن تبو بس خافو ربكم مش حرام عليكم الي درتوه
شوية ووقف واحد قدام الباب وف ايده راس خروف *
رماه قدام رجب
رجب من الخوف سكر الباب
___
ف الوقت هاده صقر نزل من الروشن
وهوا برا الحوش توا
مطبس نص رجل ويمشي بالشوية
شااف نار والعة بعيدة شوية ع الحوش وشم رئحة شواء
يشوف ف زوز قدام الحوش يتحركو
وواحد ف جهة النار
____
رجب…مشى شور شهد : نوضي اغسلي وجهك مش كويس تبكي توا
شهد: خائفة يا رجب نبي فرج نبي بنتي نبي اختي كنت نقدر ندير شى بس من الخوف وقفت زي الجماد من غير رد فعل قتلوهاا قدام عيوني يا رجب
رجب: بنتك لو تبيها كونى قوية لان بالحالة هادي وتقعدي زي الجماد معناها انتي استسلمتي ف احنى حنحاولو لاخر لحظة
شهد..تبكي ووتكلم بالعبرة: علاء رمي روحه قدامي وساعدني واني مقدرتش نساعد رواسي نستاهل نموت منستاهلش تموتو ع خاطري
رجب..شد ف ايد شهد: اصص مش هكي تستاهلي كل شئ انتي غير معاش تبكي محتاجين كل مساعدة نقدرو ناخدوها توا ونبيك قوية وقت تشوفي حد متوقفيش تستني موتك لاا دافعي ع روحك يا قاتل يا مقتول هكي نفرض علينا خوك صقر قتل ثلاثة تعرفي معنا ان بني ادم يتجرد من مشاعره وضميره خوك صقر هكي اني فوق لاني مقدرتش نقتل الي يتعارك معاي خدى عليا الغلبة وقريب قتلني لولا صقر توا صقر البرا اشبح يرجع ولا لا لكن الي متاكد منه انه مش حيستسلم
ف نفس الوقت الي رجب يتكلم فيه معا شهد
صقر واقف وراء واحد ف الظلام يستنا فيه يتلفت
صقر..خدى نفس وحط البالطه ع الارض وشد الموس
الراجل تلفت
صقر شده خنقه ويده الثانيه ع فمه
وضربه بالموس
صقر ..رمي الراجل بعد ما قتله
ورجله توجع فيه
صقر ماشي شور النار وين ما يشم ف رائحة شواء قال مرات نلقا ناس تساعدني
وصل عندهم كانو زوز يضحكووو
قرب منهم يسمع ف صوت كلب ينبح
واحد منهم وقف
شد المايك: في حد برا الحوش
صقر…كيف عرفوو ؟؟!
المايك: اطلقو الكلاب
صقر
تلفت شاف زوز كلاب يجرو
صقر نااض يجري
ورجله تعكز
والكلاب يجرو وراه
وكلهم شافوه
صقر يجري
____
رجب يسمع ف صوت كلاب البرا وناس تجري
شهد : صقر
رجب..ناض يجري : عرفوه
خش المطبخ خدا طنجرة
ركب دارهم زمان
قعد يفركس ف الدولاب
لقي خط ولوح ( قديم)
رجب..نزل يجري
حط الخط ولوح ف طنجرة
رجب: يارب يارب ميكونش فاسد ياارب
ولع فيه النار
وفتح الباب وحط الطنجرة قدام الباب
سكر الباب
صقر …يجري ويعكز
شاف سيارة خش تحتهاا
يشوف الكلاب ف جنب السيارة يشموو
صقر …خدا الموس كان فوقه طوبو البنزينة مزقه وصب ع روحه البنزينة ( مش الرائحة )
وهوا يصب ع روحه
سمع صوت ضرب
الكلاب مشو يجروو للصوت وفاتو صقر
صقر..خدا نفس استريح
مرو 10 دقائق وصقر تحت السيارة
والي برا يدورو بالكلاب يدورو فيه ملقوشي
عدهم صقر لقاهم 4 بس
زوز وراء الحوش وزو قدامه
الساعة 1:50 )
هدا الوضع وردو الكلاب لي اقفاصهم
صقر يستنا قاعد تحت السيارة وكله بنزينه
___
رجب..متوتر: ان شاء الله ما صارله شئ بسس
شهد: لا ما صارله شى ان شاء الله
رجب: مفهمتش من وين تفكرت اني مبكرى شفت خط ولوح اول ما جينا لما درت دورة ف داري القديمة
شهد..تشوف لي رواسي وتبكي
رجب..شاف لي شهد: عااد خلاص بكى ادعيلها والله قلبي محروق لكن عارف انه مش وقت حزن
شهد..قعمزت جنب رواسي: سامحيني بالله تفرجت عليك ومقدرتش ندير شى سامحيني بالله عليك سامحيني
رجب: لا حول ولا قوة الا بالله عليا العظيم
رجب يشوف لي شهد سمع صوت حد ف الدور الي فوق
رجب..شاف لي شهد: خليك اهنى
رجب شد عصا : وركب وهوا خائف
نبضات القلب كل شوية تزيد
الساعة 2:00 )
صقر قاعد تحت السيارة
___
رجب راكب يشوف ايمين ايسار لمح واحد خطم
رجب: صقر ؟؟؟!
مردش عليه حد
رجب..تفكر كيف ضحكو عليهم مرة فاتت وخش واحد لوطا قتل وطلع
رجب نزل من الدروج
شهد: شن صار ؟
رجب: في حد فوق
شهد حطت ايديها ع راسها..وتبكي
رجب: بنقعد اهنى لو يبينا ينزل
شهد..شدت الموس الي عطاهولها صقر وخائفة
رجب يسمع ف حد نازل من الدروج
شد العصا كوويس وقلبه ينبض بيطلع من مكانه
نفتح الباب
رجب.بصوت عالي؛ تعالوووو هيااا
وقفو زوز
قدام رجب
لابسين ماسكات كحلة الزوز
رجب
وراه شهد خائفة
رجب: قدموو هياا شن تستنو
قدمو الزوز معا بعض
رجب ضرب راس واحد بالعصا طاح
لكن بسرعة ما وقف
الثاني شد ف رجب
شهد..شافت لي الرجب بدافع عليه مجرد ما قدمت
خدت كف طيحها ع الارض
____
صقر يسمع ف شهد تعيط
طلع من تحت السيارة ومشي يجري للحوش
وصل لقاهم ضاربين رجب بالموس
وشادين شهد من شعرهااا
صقرر..خش يجري
ضرب الاول بالبالطه ف صدره
وعطي بوكس للثاني
وطيحه ع الارض وركب فوقه خانقه
رجب يعكز ع رجله قام العصا وضرب الي يخنق فيه صقر
صقر وخر من عليه
صقر: ترا رجلك
رجب: مش هلباا عادي
شهد تبكي
صقر..يشوف ف رجل رجب
صقر: مافيها شى بسيطة
صقر داواله رجله
رجب: الحمد الله ع سلامتك
صقر: والله قريب مشيت فيها غير ف صوت ضرب صار ولا معرفتش شن هوا
رجب: هاده اني درت خط ولوح الي كنا نتعاركو عليه
صقر: ههههه ايام
صقر..شاف لي شهد..وحضنها: محدش يمسك
رجب: يخشو كيف ما يبو
صقر: مزال 3 منهم بس هانت
شاف للساعة لقاها
2:15
مزال 4 ساعات ع طلوع الصبح
صقر
سكر الباب
صقر يجبد ف دولاب من دور الي فوق
رجب: شن حدير بيه ؟
صقر: نسكر بيه الباب وكل شوية خاشين منه
رجب: فكرة
صقر:حط الدولاب بعد جهد جهيد
صقر …شاف من الروشن لقى سيارة جاية درست قدام الحوش
يتبع
تعرفو صارلتي تفركيسة غريبة ع اساس مرتب احداث الرواية ع انها تكون 10 حلقة كل حدث مفكر فيه الف مرة قبل ما نكتبه ف مفهمتش شن صار لقيت روحي مفركس والاحداث تسد 9 حلقات بس
يعني رواية حتكون من 9 حلقات او مرات 10 ع حسب ترتيب الاحداث وحنحاول نزيد حاجات ونشوف شن يطلع معاي
لايك وتعليق حلووو
للكاتب:محمد مالك