بداية النهاية رواية للكاتب محمد مالك
الحلقة ( 4 )
الكاتب: محمد مالك(لايك مهم) ورايكم ف النهاية ?
توضيح ( الرواية من وحي الخيال شفت تعليقاتكم تقولو ان شاء الله مش واقعية )
هشام: فيه حديد الحمد الله
رجب..استريح: الحمد الله
الباب لوطا تقربع ويسمعووو فيهم يعيطو
رجب يجري وف ايده العصا
وراه صقر و هشام
وهما قاعدين ينزلو الدروج سمعوو صوت طلقه وكانت قريبةة هلبااا
وسمعو رواسي وشهد يعيطو
وهما نازلين لقو واحد واقف ولابس ماسك اسود وموجه السلاح عليهم ويوخر بشوية شور الباب وسكر الباب وراه !
رجب: سكر الباب كويس يا هشام
رجب خش الصالة يبي يعرف شن صاار
لقى علاء مرمي ف الارض وحاط ايده ع قلبه ودم ينزف
رجب..شاف بصدمة رمي الحديدة ومشى يجري شور علاء
رجب..حط ايده ع مكان الرصاصة
صقر..وهشام جابو طاولة حطوها ع الباب وفوقها حاجات
خشو الصالة
صقر: اهو سكرنا الباب …شاف علاء مرمي
صقر..حط ايده ع راسه
وهشام مصدوم
علاء..ينزف ويتالم
هشام..يبكي شد راس علاء
هشام: مش حتموت اتحمل بس ..
وشاف لي رواسي
هشام..بصوت عالي: مش قارية طب ديري حل بسرررعة
رواسي تبكي وايدها ترعش : منقدرش منقدرش
هشام..حط ايده ف مكان الرصاصة: اصبر يا خوي تقدر اصبررر اصبررر
علاء..يتنفس بالسيف
رجب: شن صاااااار اني شفت الباب تسكر لما نزلت بس
شهد…تتكلم والعبرة خانقتها : فجاة الباب نكسر ووو خش واحد لابس حاجة كحلة كله كان كان بيضربني يا اني يا رواسي بالرصاصة بس علاء نط قدامنا وجت فيه
الساعة 11:10
صقر..عيونه دمووع
مشي شور الباب وحول الطاولة والحاجات
رجب طلع وراه: شن اديررر ؟!
صقر…مردش عليه
فتح الباب ووقف ع العتبة شاف تحته لي جثة احمد البواب كيف مرميه
صقر…بصوت عالي..ويبكي : شن تبووووو انتوووو شن تبوووو
تبوو فلوووس نعطيكم خلااااص معاش نقدر نشوف خو لياا يمووت قدام عيوني واني عاجز اني ندير
رجب..يجبد ف صقر: خش توا يضربوك برصاصة خشش خشش
صقر خش وطاح ع الارض يبكي
رجب قعد يسكر ف الباب
ورواسي حاضنه شهد وتبكي
وهشام حاط ايده ع مكان الرصاصة الي ضربت علاء
علاء ينزف ويتالم ومش قادر يتكلم
رجب: ع الحال هاده مش حيطلع علينا الصبح الا وكلنا ميتين يخش من الباب ويضرب علينا بالرصاص ويطلع
هشااام : يجرب يخش واحد منهم وربي لما نقتله
رجب..يصفق: اكيد من غير اي شك ويضربك بطلقتين ونغنيلك بيلا تشاووو شن تقول انتا مستوعب الي تقول فيه
هشاام : به منقدروش لا نقعدو لا نطلعو شن الحل
رجب…حاط ايده ع راسه
صقر: اني بنطلع ونحاول نهرب ونشوف بالك نلقا ناس ولا سيارة خاطمه ع الطريق
رجب:انتا تتنفس بالسيف متقدرش تجري لفترة طويلة
صقر: ابهرني واعطيني حل غير هاده لان لو نقعدو حيديرو نفس الطريقة لن نموتو كلنا
هشام: اني نطلع
رجب: لااا شن نسيتو شن صار ف فرج
صقر: فرج طلعته متوقعة انه يمشي السيارة لكن هادي حنستفيدو من الظلام الي برا ونجرو ع الطريق
رجب: خلينا معا بعض خير
هشام : كلام صقر صح مرات نقدر نجيب حد من برا او ع الاقل تشد ف تغطية
شهد..تبكي: لا هشام خليك معانا
هشام: متخافوش مش حيصير شئ
شهد..مفتعلة: نفس الكلام قاله ليا فرج وينه توا وينه
الساعة 11:30 )
رواسي..تمسح ف دموعها : صقر شوفلي قطن
صقر: شن بديري بيه
رواسي: نحاول نوقف نزيف علاء
هشام: توا كيف فقتي ع عمرك
صقر: به بنركب نشوف فوق
رجب: رد بالك بس
صقر ركب الدروج وقعد يدور ع اي شئ يساعد رواسي
خش الحمام ( اكرمكم الله ) وشاف لوطا لقى جثة ساجدة قعد يبكي فتح باب الدواء لقى اسبريتو وحاجات خداها كلها ونزل بيهااا
صقر: شوفي هادو بالك يساعدوك
رواسي حطتهم كلهم جنبهاا
خدت الكحول
رواسي: بتوجعك يا علااء شوية
علاء..هز راسه بمعني عادي
رواسي..تشوف ف الجرح: الحمد الله جي فوق القلب بشوية
رواسي فتحت الشيشة وصبت منها ع جرح علاء
علاء يعيط
صقر مش قادر يشوف
بعدين رواسي خدت قطن وحطاته ع الجرح ولا صقاته بلاصق
رواسي: ان شاء الله يوقف النزيف بس
الساعة 11:40 )
هشام خدا موس من المطبخ وحط فونه ف جيبه
هشام: هيا نتوكل اني
رجب: اكبر غلطة حديروهاا
صقر: رد بالك ع روحك
رجب: اقعد تربح
هشام: ضروري نجربو كان هاده مش حنقدرو نطلعو من اهنى
هشام فتح الباب
شهد شافتله : ف امان الله
هشام ابتسم
رجب: غلط غلط غلط غلط طلعتك
هشام: افهم يا راجل ضروري نطلع مش مضمون نقعدو حنجربو كل شئ
رجب..بتعفليق: دبر راسك شن دخلي بيك اني
صقر..طبطب ع ظهر هشام: رد بالك ولو مقدرتش ارجع
هشام: هيا معا سلامة يا عيلة وان شاء الله نرجع ونطلعكم من الكابوس الي انتو فيه
صقر فتح الباب
هشام شاد الموس ف ايده
هشام شافلهم ورفع حواجبه بمعني ( الله غالب )
طلع من الباب
ودقات قلبهم عالية وهما يشوفله
في كل خطوة كانو يتخايلو فيه ميت بأبشع الطرق الي تخطر ع بالك
رجب شاف ل العتبة لقى احمد ميت
رجب: الله يرحمه اشبح شن حس
هشام ماشي بشوية وكانت نار السيارة مزال والعة لكن اقل ضئهاا
هشام طلع يجري
ويسمع في حد يجري وراه
يشوفو فيه من الباب يجري لكن مش واضح بزبط لانه زاد بعد
هشام يجري باقوة ما عنده
رجب: سكر الباب خلااص
صقر سكر الباب
شهد..متوترة وعيونها منفوخات من البكى و كل تفكيرها انها حتشوف نيروز ثاني ولا لا !
رواسي مقعمزة جنب علاء الي ينزف ويموت بشوية بشوية ومش قادرين يديرو حاجة
رجب يفكر ف هشام ويتخايل ف ساجدة ويبكي
صقر يشوف لي علاء لانه كان شك فيه يكون عنده ايد ف الموضوع ولو صار شى لي هشام حيحط الوم ع نفسه لانه الوحيد الي دعم موضوع انه يطلع
مقعمزين معا بعضهم في دار
وكل حد سارح ويبكي ف حاله
الساعة 12:00 )
يسمعوو في صووت عيااط
رجب رفع راسه يسمع
شهد..بعيطه: هشاااام
رجب طلع يجري فتح الباب وراه صقر ورواسي وشهد
يبان انهم شادين واحد من رجله ويجبدو فيه
هشاام ..يعيط : صقررررر
صقررر ..حط ايده ع راسه وخدا عصا من جنب الباب وبيطلع يجري
شدده رجب من حوايجه : وووين مااشي
صقر: حووول بيقتلووه حووول
رجب: مش يقتلوك حتااا انتاا
رجب دف صقرر داخل وسكر الباب
صقر..يعيط : حوول من قدامي بيقتلوه حول
رجب: بتطلع بتموت حتا انتا منقدرش نخاطر في زوز بنات اهنى بروحي مش حنقدر نديرلهم شئ قتلك من الاول تخليه يطلع غلط خوي واجعني زي ما واجعك وكان نلقا نطلع
اشر صبعه ع رواسي وشهد
رجب: شفتهم هادي عندها بنت بوها مات بقرار غلط مش ناوى نخليها يتيمة والثانية شن شافت من الدنيا هاا ؟!
صقر..نزل ع رجليه يبكي ويعيط بحرارة : ليش يااربي ليش شن درت نااا مش تعاقبني هكي شنن درت ..ويبكي بالعبرة
شهد تبكي
رواسي تشووف ف نبض علاء : علاء توفى
وسمعو عيطت هشام وبعدهاا كم طلقة
صقرر زاد عياطه
رجب دمعو عيونه مسحهم : نوض معاش تبكي عندي فكرة لازم نديروهاا
صقر..مطبس ع الارض ويبكي
شهد حضنت رواسي
صقر: شن ؟
رجب: كيف بيدوي الباب بدي يخبطط
يتبع
الحلقة جاية حتكون تعويض ع امس حتكون في ساعتين احداثها مش ساعة
مقدرتش نعوضكم بحلقة اليوم لان قاعد برا الحوش اول ما نروح ح نكتبها وحتكون طويلة وفيها احداث اكثر من هادي
ومن تتوقعو القاتل
اول رواية بوليسية وشوية رعب
كم تقيمووها ???
الكاتب محمد مالك