إنتقام عاهره بقلمي ميلو حسن
#انتقام_عاهره 6 (حقيقيه)
? ميلو حسسسسن ?
مريم: أول ماشفت الشرطه محاصره لمكان خديت بعضي و خديت الشنطه الي فيها اوراقي وحطيت نلفوني في صدري ورجعت الشناطي في داري لن سمعت الباب طققطققططققطق
جاسم: كك كيف شنو تقول
رياض: تي شنو بنكدب عليك قتلك وانا راجع للمزرعه شفت الشرطه محاصره لمكان كله
جاسم: سسكر الخط ……بدا يخبط ع سياره من قالهم عليكك ي عن بووهم وهوا يلف ويفكر جنب السياره ومن الاعصاب بدا يخبط برجله ع سياره لن وجعااته وفكر لو مشاا حاينحط في مشكله قرر يمشي للمركز ويسأل بطريقته ويفهم الموضوع
مريم: فتحت الباب وناا منهاارهه بس قدرت نحافظ ع هدووئي…قعدت نشوف لشررطي بعيووني
الشرطي: انتي بس موجوده في الحوش هدا
مريم: هزيت براسي بمعنى اي …..وع طول خشوو الشرطه يفتشو من دار لدار وملقووش غيري….. وطلعووني معاهم
عساف: اي اي نضمو اموركم ومتحققوش معاها لن نوصل انا تمام
الشرطي: اوكى وفتشنا الحوش مافيش ولا اثر ولا دليل ع انه في اشخاص معاها
عساف: اها اي تمام خلوها في غرفتي في المركز ومدخلوش اي حد حتا لو كان محامي
الشرطي: تمام
مريم: كان تلفوني في صدري ومكنتش حاطته صامت خفت يرن عليا جاسم وينفضح انه متعاون معاهاا قعدت تدعي يارب انشاءالله ميتصلش وهيا توا في سيارة الشرطه وفي طريق للمرركز
____في مركز الشرطه ??
مريم: وصلت للمركز كانو شاديني من يديا الزوز شرطيات تفكير يقوولي انتي مجررمه وعاهره بس مضلوومه يعني نسميت عاهره وانا بريئه وشريفه وسموني مجرمه بيحطوني في السجن ومع هدا مافيش دليل ع برأتي تخطيت كل خطواتي وانا مش حاسه ع شي بس مع هدا كله كان ايماني بربي مسيطر ع ضعفي وخوفي واكتر جمله مركزه علاها هيا ربي عارفني مضلومه مستحيل يضلمني وننسجن او يعدموني ونا مضلوومه اكييد وراء الي صاير فضايح وانا نفكر في جاسم الي لو مش هدا الي صايرلي مكنتش شفته ولا تعرفت ع انسان نضيف هكي ومحترم وقاااطع تفكيري الطوويل هدا
الشرطيه: دفتني بيدهاا بقووه .. قعمززي هنايا لن يجي المحقق وشمشمي شوويه ههههه نهايتك سجنن مؤبد
الشرطيه 2:ههههه ياناري والله جمالك خساره فيه حبس مفروض توا انتي متزووجه ملك وعندك صغاار أو ممثله او فنانه
الشرطيه1(هههه خدمي دماغك وارخي رووحك مع المحقق مرات تغريه وينسا القانوون كلهه ??
الشرطيه 2:يالااا نطلعوو
مريم: طنشت كلامهم بس لانهم مش فاهمين شي وانا ثقتي بي نفسي كانت اقوى من كل شي نفتتش بي عيوني لن طلعو ونا نفكر نطلع تلفوني ونبعت مسج لي جاسم وشويه وشويه قدرت نطلع التلفون ونبعت مسسج وثواني نسمع في صوت جاسم في الممر ويتكلم مع الريسبششن خليت روحي عاديه ومنبيش نخلي حد يلاحظ انه نعرفه بسس كان الشي الي مخوفني منوو الي بلغ عليا ومن عرف مكاني اكيد في شي صاير وانا منعرفااش ؟?
أسامه وكريم وهماا طالعيين في السياره ومستعدين يواجهو اي شي اقل شي تخف عليهم المحاكمه شويه بما انهم سلمو نفسهم وبيعترفوو بكل شي وصلو للمركز وشدتهم الشرطه وحطووهم في غرفه لن يجي المحقق وطبعا اسامه وكريم عارفين انه بشرى خوها عساف محبوش يسلمو الفيديو لانه ممكن يحدفووه وينسجنو وهما مضلوومين كانت خطوه كبيره منهم لانه دائما الرجاله يحسبو فاها صح مش زي لبنات ??
عساف: وهوا داخل المركز شاف جاسم قدامه بس اتجاهله ومسألاش نهائيا شنو ادير هني ولا ع سفر خش بكل قووه لي لدار الي فاها مريم
عساف: السلام
مريم: عليكم السلام
عساف: شنوو رجعتلك الذاكره وله قعدا ناسيه اهلك
مريم: كانت كلامته نااره ليا وفيها كمية استفزاز كبيره وهكي حبيت نستفززه أكتر …لالا الذاكره تعي ميه في الميه بس احيانا الانسان داير نفسه ناسيا بس لانه مش قادر يووجع ناس او يفضح ناس
عساف: ههههه وقفي ع لكلام هدا وخليناا في القضيه ونبي منك تحكيلي كل شي صاير وخلينا نحاكمو المجرم
مريم: اكييد لكن انا بريئه ومقتلتش حد ولا نخدم في المكان اصلا بس معنديش دليل ع كلامي نهائيا الا لوو لقيتو الرجاله الي كانو يشتغلو في المكان
عساف: لو انتي بريئه علاش هربتي وعلاش درتي روحك فاقده الذاكره انتي بتصرفاتك هادي خليتي كل الادله ضدك فهميني السبب الي خلاك تتصرفي هكي
مريم: فكرت نحكي قصتي كامله بس محبيتش نحكي ع بشرى نهائيا ع خاطر جاسم وشي تاني ع خاطر انها مريضه ومافيش دليل ضدها …تمام حانحكي الي عندي لكن تسمعني للأخير
عساف: احكي احكي انتي اكييد حاتكووني محترفه لأنك غشيتي جاسم وخليتيه زي المجنون وهوا يفكر فيك وخليتيه يخون خوه ع خاطرك
مريم: هكي تأكدت انه عساف شاك في جاسم ومراقبه لن وصل فياا ..المهم انا اول يوم ليا مع العصابه اليوم الي صارت فيه الجريمه وو وقااطع صوتي صووت الباب
عساف: تفضل
الشرطي: اسامه وكريم سلموو نفسسهم وطالبو بي محكمه نهاية الاسبوع ومش راح يعترفو بي شي الا قدام المحكمه
مريم: تنهدت من الفرحه….واخيرا واخيرا يارب اسألووهم عليا انا متأكده اني حانطلع براءه
عساف: قعد يشوفلي بي استمرار وانا نضحكك حسيت نضرة اعجاب بي ضحكتي لا اكتر ?❤….تمام ي انسه مريم لو متبيش تعترفي لن تجي المحكمه براحتك او تبي تعيني محامي عادي براحتك
مريم: بصووت دلع ….لا حانستنا يوم المحكمه واصلا نا مانعرفش من قاتل صح نعرف الاشخاص الي يخدمو فيه بس وبعدين انا ليا يوم معاهم بس ومع هدا ربي يبين الحق في اقرب وقتت وقعدت نقلب في عيوني بدلع قدامه
عساف: حسيته تاعب فيا…..تنفس بي عمق اوكى انشاءالله يطلع كلامك صح وتوا خليك لن تجي الشرطيه وتحطك في الحبس لن يجي يوم المحكمه
مريم: نصدمت لما سمعت انه بيحطوني في الحبس لكن موضحتش…تمام نادي علاها تاخدني ?
عساف: مفنص عيونه فيا وضحك ع جنب كان يشبه لخوه جاسم وخدا بعضه وطلع?
عساف: شاف جاسم مقعمز ع كرسي يستنا تخطى خطواته وقرب منه …جاسم
جاسم: بلع ريقه…ايوا
عساف: علاش قعد هني ومروحتش
جاسم: لالا غير صاحبي عنده مشكله وو
عساف: وقف خلاص فهمت متعبش روحك وتكدب كل شي عرفته ووصلتله وانا الي بعتت الشرطه ياخدو مريم من المزرعه في الوقت الي انتا مش موجود معاها
جاسم: اءءءء…عساف
عساف: تلفت وطلع
جاسم: قعد ع نار يستنا في مريم لانه ملامح خوه عساف متبشرش بالخير وانه مش ناوي خير لمريم بووكل قعد متوتر ويفكر يدخل لمريم ويفهم منهاا وتخطى خطواته لن شافها قدامه وهيا شادتها الشرطيه
مريم: فنصتت فيه وغمضت عيونها بهدوء بمعنى اطمن مافيش شي خطيرر
جاسم: في لحضه هادي ابتسسم باراحهه وبانت غمازتهه عنده كمية براءه في وجه مش طبيعيه ع طوول ابتسسمتت وهوا يشوفلي وانا نشوفله كانت عيونه مش شايفه شي الا بعضنا كان حبب بدوون كلام بدوون علاقه بدون شي بسس كان الحب اقووى لانهه بيناتنا احتررام وبينا افعال ومواقف وتضحييييه كبيييرهه من جاااسم ???❤
متنسسوش انه الحادث هوا الي خلانا نوصلو لهني وبشرى تعاقبت بالحادث هدا ع جريمة وبشي هدا كريم واسامه فكرو يسلمو نفسسهم بدون مايتأثرر حد منهم والفيديو هوا الي يووضح برأءة كل حد فيهم صح اسامه كان مقرر يعطي الفيديو باش ياخد راحته في حياته لكن حبه لبشرى منعه ولو مصارش الحادث هدا مكانش اسامه سلم نفسسه وقدم الفيديو ؟؟ وفي الوقت الي لقوو فيه مريم
الادله كانت ضد مريم لولا ربي بس مكانتش مريم تطلع من السجن وتاخد برائه في الوقت المناسب قدر ربي ينقض مريم من شي صعبب ومسيطر عليه حبب??
بعد مروور ساعات وانا نستنا في المركز باش يحولوني ع سسجن لن ججي الليل ??
??مـــــــــــــيُــــــــــ
________فات اليل ع مرريم وع جااسم❤???
مريم: اول ماوصلت لسجن كان معبي بناات كنت نسسمع في كلمة محلاها زي هيفاء وهبي بززبط وفي الي يقولو اكيد حبساها بسبب الدعاره لانه كل حلوه تشوف روحها بجمالها وياما كلام سمعته تجاهلتته معطيتش وجه ولا لوحدهه في السجن ..خديت سرير حطيت راسي ع لبخدهه ونا نفكر في جاسم بس كيف بيواجه عساف ومافيش اي ثقه بينهم من جديد لكن انا مضلومه اكيد لو عساف عرفني مضلومه حايسامح جاسم وهكي لن خداني النووم??
جاسم: رووح للحوش ومش قادر حاط عيونه في عيوون عساف ع طوول خش لداره دووش دوش خفيف وحط راسه ع لبخده كانت افكاره كلها في مريم بس اطمن بحركة مريم لكن مش عارف السبب شنوو وشنو صار بزبط معاها لانه حاول يسأل بس مافيش حد عارف الا عساف ومريم قعد يذكر في تصرفات مريم وحركانها وملامحها وهوا يذكر يضحك زي المجنون علاهاا حسس بأنه يحبهاا وفي ليله هادي بالذات اثبت وتأكد من انه يحبب مريم وقعد يفكر في مريم لن خدا النووم ??
عساف: عررف يخدم صحح كانت عيونه مفتوحه ع خوه جاسم قي الفتره الاخيره طلعاته الزايده وتأخيره ع حوش وواضح انه متغيرر بس موضح حافظ ع توتره وراقب جااسم ووصل للي يبيه في الوقتت المنااسب لكن جاسم ومريم متوقعووش انه عساف يقدر يفضحهم بسهولهه بما امه كان مهتم بي بشرى وهكي ملاحضش جاسم شكوك عساف نهائياا ??
تاني يووم :
مريم: نضت هكي ممكن مش مرتاحه في النوم شفت يمين يسار لقيت المسجونات الي معاي دايرين تنضيف لدار ولقيت المنضفات جنبي نضت بصدمه…..علاش منوضتونيش قبل ماتبدو في التنضيف اه شنو الوقاحه هادي تخطيت خطوات نبي نمشي للحمام فجاءه وقفني صووت
مسجونه(اخلاص): انتي وين تحسسابي روحك انتي تعالي خودي المنضفات ووجهك ع الحمام نضفيه
مريم: قعدت ارمش في عيوني ههههه بجد تحكي معايا انتي تعرفيني منو انا
اخلاص: تقربت مني …منبيش نعرفك منو انتي وديري زي ماطلبت منك خير ماتباتي اليووم في الحمام
مريم: شديت يدهاا بقووه وقمت حاجبي تشوفي فياا صح نقدر ننهييك في اللحضه هادي لكن حانعذرك لأنه قعدا متعرفنيش انا منوو بزبط ودفيتها بقووه،،،،،،مش عارفه وين جتني القووه هادي كلها بس حبيت نهددها وتخاف مني وديرلي حساب لانه انا اسبووع قدامي باش نطلع من هني
اخلاص: بلعت ريقها …..انتي منوو؟
مريم: انا قعدا هني لانهم مشتبهين عليا مش لانهم شادين عليا شي وتاني شي انا اخت المحقق عساف
اخلاص: ع طول جت وجرت لعندي…اسفه اسفه اسفه سامحيني بالله علييك مش قصدي
مريم: خلاص ابعدي عليا وخلي لبنات يرجعو مكانتهم وديرو جدول وكل يوم وحده تنضفف تمام
اخلاص: حاضر تمام …ي بنات عطوني ورقه وقلم
مريم:???
مسجونه(ميار): واخيرا جي من يرباها والله ليا سنه معاها وشايفه الويل منها
مريم: اي حسيت باها ضالمتكم بس حاتشوف مني وحانرباها ع يديا
ميار: سلمكك يارب ….احكيلي علاش سجنوك
مريم : لا الحمد الله انا مضلومه اسبوع ونطلع من هني
ميار: وعلاش متأكده من انك حاتطلعي
مريم: لانه الدليل موجود واول محكمه لينا بعد اسبوع وكل شي حاينتهي ونوصل للي نبيه
ميار: انشاءالله يارب….لو محتاجه شي تفضلي
مريم: اي عندك ملابس داخليه واي شي نلبسه لانه مجبتش معايا ولا حاجه
ميار: لحضه بس دخلت الحمام وبعد ماتميت اموري خديت لحوايج من ميار لكن مكنتش مرتاحه فيه بووكل ضايقت حتا من ملابسي الداخلييه بس شوويه ونسسمع في باب السجن ينفتتح
الشرطيه: وييين مريم؟
مريم: انا انا
الشرطيه: هاكي الشنطه متعك فاها حاجاتك…وبصووت هادي وهدا تلفوون وهادي رساله ليك
مريم: ضحكتت وعيووني توسعوو من الفررحهه واخيراا خديت الشنطه وخشيت الحمام تاني غيرت حوايجي وطلعتت مشطتت شعري وقمته فووق وبخيت برفان وقريت الرسالهه الي جتني من جااسم
(مريم حبيبتي استحشتك كنت نتمنا نشوفك الصبح ونشوف ضحكتك الحلوهه بس القدر حرمني منك توا لأنه حايجمعني بييييك سسنيين ولأخر العمر حطي في بالك انا جنبك ديما وندعيلك في صلاتي واكيد حاتطلع برأتك لأنه حكيت مع عساف وقالي انه المجرمين سلمو نفسسهم وعندهم دليل ع برأتكك. ردي بالك ع روحك ومتنسيش صلاتك بعتلك تلفوون ع الاحتياط لأنه منعرفش خدو منك تلفونك او قعد عندك راسليني بيه ومتخليش حد يلاحظ لأنه الشرطيه بس عندها علم نحببببببببك ❤❤
مريم: اول مره جاسم يكون رومانسي معايه ويقولي نحببك ويعترف بي حببه لياا انا كنت حاسه بي حبه بس توا تأكدتت انه هوا متفكرني ومنسانيش وكاان كل يوم يبعتلي حااجه ومرسوول وكمت نقوله دزز ع تلفوون يقولي خليهم الرسايل ذكرره بيناا يكونو احلا كاان جاسم القووه والسسند بالنسسبه لياا نحبببهه قد وجعع وضلم الدنيا ???❤
طبعاا في السجن تعرفت ع هلبا بنات في الي مضلوومه ولليوم مطلعتش وفي الي غلطت وندمت وفي الي جبرها الوقتت تقتل متحكموش ع حد قبل ماتعرفوو ضرووفهه ???
#تم_الاسبووع ???
مريم: نضت فرحاانه لميت اغراضي وسلمت ع المسجونات كلهم وكلهم ظعلو لانهم معاد بيشوفني تاني بس والله نثهم مضلومات يستحقو يعيشو زيني وزيكم لكن اكيد ربي حايعوضهم لانه ربي ماينسا حد ….لبست سروال جينز اسود وبلوزه ووشاح وشنطه متعي وطلعتت???
مريم: طبعاا كان كل شي ماشي تمام طلعت من السجنبي ثقه كبيره انه الضلم بينتهي فرحانه لانه واخيرا بنوصل لي اهلي وكانت ثقتي بي جاسم هيا الي ساعدتني باش نضحك ومانفكرش الا اني حانوصل للي نبيه ع قد الصعوبات الي في حياتي لكن متفائله لانه جاسسم معايا جااسم بسسس??
في المحكمهه?
مريم: وصلت للمحكمه لقيت قدامي جاسم ورياض ضحكت طوول حسيتت رووحي في امان محلاه الشعور لما تلقي حد مساندك وواقف معاك ضد كل ششي عششان انتي تضحكي تخطيت خطواتي ودخلوني ووقفت في المنصه ودخلو الشهود وهكي قعمزو كلهم وكانو عيوون جاسم علياا وثواني بس ودخلو اسامه وكريم ومعاهم عسساف ؟؟؟ ??
مريم: اول ماشفتهم ومعاهم عساف قلبي نخصصني ومرتحتش بس شفتت لجااسم ابتسسمتت
القاضي: المتهمه مريم عندك اي شي تقوليه قبل مانشوفو الدليل الموجود مع المتهمين اسامه …… و كريم ……
مريم: لا لو في شي حانحكييه بعد مانشوفو الدليل
القاضي: تمام براحتكك
اسامه: لو سمحت سيدي القاضي ؟؟؟؟
يتبببع؟؟؟؟???
حلقهه غدوه ناار وكل شي بيتغيييرر في لحضضه مازال مريم بتتجاوزز صعووباااات لأنه الشششرر المنتشرر من الي شادين مكانات كبيره ???
حلقهه قصيرره محبيتش نخليكم بدوون حلقهه وعارفاتها نزلت في وقتت متأخرر اسسسفه??
??مـــــــــــــيُــــــــ