مجرمه ثائبة – روايات بنووتة الشيخ

#مجرمه_ثائبه الحلقه9

سند:مرام اهدي شوي
مرام:تبكي هلباااا،….لا منبيش نهدا وزي محرقلي قلبي رح نحرقه ورررربي الاما نحرقه في حوشه ونحرق روحي معاه لان منستاهل شي انا حتا انت منستاهلش تكون جنبي??
سند:مرام شن تقولي انتي اهدي انا جايك
مرام:متجينيش سامحني بسس

سند:مرااااااااام
مرام:طوط طوط طوط ….
سند:يخبط ع الدومان ….كنت عااااااارف رح يصير شي ….وطلع بسرعه بي السياره

طق طق طق
اسلام:ادخل
مريم:خشت وقعمزت جنبه…وليدي انت الوحيد يلي طلعت بيه من الدنيا فهمني كيف تبي تاخد وحده زي هادي؟
اسلام:مكنتش نعلم انها هكي يا امي صدمتني بكل وقاحه قتلي كنت صغيره وتبت تخيلي
مريم:به انا بوك توا باعتني باش نفهم منك لو قاعد متمسك بيا اولا
اسلام:سكت
مريم:اسلام انت عارف مركز بوك واسم عيلتنا منبوش ولا شي يهز اسمنا
اسلام:ولا يهمك امي خلاص انا هزبتها وصكرت موضوعها
مريم:ابتسمت ربي يكملك بي عقلك وانشاء الله تلقى خير منها انشلء الله تبقى بنت الحلال يلي تاريخها نضيف وتصونك
اسلام:انشاء الله هي امي خليني تاعب بنرقد
مريم:انشاء الله تصبح ع خير
اسلام:وانتي من اهل الخير

مرام:ناضت وهيا ساكته كأنها مريضه نفسيا او في شي مصيطر عليها غسلت وجها ولبست سروال جينز وسوريه طويله ع الاسود ووشاح وسبيدرو وخدت شنطت زوز كتاف حطت فيها كلللل الهدايا يلي من اسلام وطلعت وهيا طالعه خشت للكوجينه خذت شيشه كبيره شوي تستعمل فيها دلالا تحط فيها في الوراكينه وو لاعه المهم خشت لمخزن متع الحوش طلعت طوبو وسحبت بنزينه من سيارة عمها طبعا هاذا كله داراته وطلعت من الباب الخلفي وعمها من لما وقعتله ع الورقه بدي معش يدور فيها انشاء الله تطلع ال3في الليل

طلعت مرام ع الرئيسي وركبت في حافله تقربها من حوش اسلام لانه مكانش بعيد هلبا

سند:زي المهبول يجري يبي يلحق ع مرام قبل متطلع

✨روايات بنووتة الشيخ(اروى)✨

زهيره:معقووله
مديحه:اي والله اخيراااا عطاني الضي الاخضر من بكرا انشاء الله نمشي انا وياك نخطبوها
زهيره:اي حق والحب يجي بعد الزواج انشاء الله
مديحه:اي انشاء الله المهم شن نرفعو معانا
زهيره:خلينا نرفعو….وكملو هدرزه

طققققطقططقطقطقط طقطقطقطقطق

دلال:منو هاذا يلي يخبط??
رجب:تو نفتح خليك
طقطقطقطقطقط
رجب:نعم؟?
سند:مرام وين بسرعه
رجب:علاش شن فيه
سند:تي خشششش نادي ع مرام الززززح
رجب:خش داخل
سهى:نعم تفضل???
سند:مرااااااااام مرااااام
سهى:???
دلال:شن فيه وين نتلفت هادي
رجب:وين نعلم ترا شوفوها في الحمام
ايهم:مفيش حد ره
رجب:والله منعلم بالك طالعه هيا وبوي مهناش داخل تبي شي انت
سند:خبط يده ع الحيط ….نبي عنوان اسلام يلي كان يسكن معاكم
رجب:اسلام؟علاش?
سند:تي الزززز متسألش جارب وين حوشهم

اسلام:رقد ع السرير وهوا يفكر ….كيف تكذب علياااا بس ?حبيتها هلبااا النم كنت ناوي نتزوجها معقوله تطلع وحده هكي في النهايه؟؟يالله مش مهم الحب اهم شي مستقبلي واسم العيله??….وسكر تالفونه ورقد

مريم:والله هادا يلي قاله
هاشم:بصراحه انا فخور فيه والله وعرفت نربي الحمد الله تخلى عليها طوول ع خاطر اسم العيله ومكسرش كلامنا
مريم:باش تعرف تربايتي بس
هاشم:ونعم التربيه هي طفي الضي بالله نحس في روحي تاااعب من دوشت المطار
مريم:انشاء الله

مرام:وقفت قدام حوش اسلام نشوف فيه اذكرت لي سنين فاتو كيف ماتت ماما وكيف حرقت الحوش قربت من الحوش لي باب المطبخ الخارجي وكان مفتاح الاحتياط تحت الغرسه شفته لما جابني المره الاولى فتحت الباب وخشيت بي كللللل هدوء صكرت الباب انا نمشي والبنزينه تصب شوي شوي شوي شوي لين وصل لي دار اسلام لانها في الدور الارضي مش معا امه وبوه فوق كان الباب مردود واسلام راقد❤️راقد ولا كأنه كسر قلب بنت عادي جدا ولا كأنه حبني ووعدني بي هلباااا حجات قعدت نتمشى في الدار بشويه والبنزينه كلهم صبيتها خلاص وقعدت واقفه اسلاااام اسلاام

اسلام:??هممم
مرام:نوض ياقلبي
اسلام:فتح عيونه ???انتي شنو اديري هني
مرام:اششش وطي صوتك …وطلعت الولاعه …نسمع صوت رح نولع
اسلام:شاف البنزين والشيشه طايحه جنبه عرف روحه في ورطه?انتي ان انتي شنو تبي
مرام:دموعها ينزلو ..ولا شي نبي نحكيلك قصه بس
اسلام:يشوفلها وساكت
مرام:اي انا حرقت حوشنا وبابا نحرق وتشوه ومرت بابا ماتت بس اسألني ليش،؟؟؟اسألني شنو عانيتي ؟اسألني شنو تحملتي
اسلام:???
مرام:حرقتهم اي?لانهم حرقولي قلبي ?
قتلت مرت بوي وشوهت بوي لانهم قتلو امي يلي حبيتها اكتر من كل شي في الدنيها تعذذذبت وانا صغيره
اسلام:???مصدووم مرام انا…..
مرام:ابتسمت ودموعها ع خدها…انت ياحبي رح تنحرق زيهم لانك كسرتني وحرقتلي قلبي
اسلام:لا مرام استني
مرام:معش نبي نثوب معش نبي نكون مجرمه ثائبه لان الثوبه يعرفها ربي بس اما انتم العباد لاااا لو الشخص دار شي تقعدو طول عمركم متفكرينه ومتغفرولاش خليني مجرمه جديات تواا
اسلام:???لالالالا

سند:وصلت للحوش وقعدت نلود عليه نشوف من وين نقدر نخش وهل ياترى مرام وصلت اولا لين وصلت لي روشن غرفت اسلام وشفت مرام

سند:يخبط ع الروشن لانه كان مصكر ….مراااام اطلعي مرااااام
مرام:شوفه كيف خايف عليا ❤️بس انا فضلتك عليه ونكرت جميله عليا
سند:مرام بالله عليه اطلعي لوحي يلي شاديتيه من يدككككك …ويخبط ع الروشن
مرام:سند
سند:شافلها
مرام:دموعها نزلو سامحني …وولعت الولاعه وبووووووم الحوش ولعت فيه النار في ثانيه

سند:مرااااااااااااااااام لاااااا …..وقعد يخبط ع الروشن ويده دم لين كسره وخش لي الدار يلي كانت نار ودخان كلها شد مرام ومعش عرف كيف يدير اسلام حتا هوا نفس الشي والحراره كانت مرتفعه

مرام:اغمى عليها وسند اخذ مرام طلعها من روشن الصاله وطلع وراها

سند: دموعه ينزلو وقلبه يدددق خااايف …مرااام مرااام سامعتيني…شاف لي يدها كان فيها حرق ركبها السياره ومشي ع المستشفى طووول بدون ميعرف اسلام كيف صار فيه

✨روايات بنووتة الشيخ(اروى)✨

مالك:يع انا مش عاجبتني
مديحه:علاش خيرها ميار مشاء الله بنت حسب ونسب
مالك:ولدك ميحبهاش ياخانم انتي عارفه قلب ولدك وين غير اديري في الحوله
مديحه:هوا قالي به اخطبيها وبعدين هذيكه خلاص انتلفت فتكينا منها
زهيره:وبعدين انت شن دخلك حاشي راسك في كل شي
مالك:ع سيرة سند وين هوا
مديحه:فوق في داره
مالك:تي كنت فوق انا مهناش
مديحه:اشبح وين مشي شوي وتلاقيه خاش

دلال:ربي يستر بس شن في
رجب:تي وين نعلممم الزززح ااصلو بي بوي مهنااش
دلال:وين غبرت هديك الحصله انشاء الله ماتحشمنا مع اسلام وعيلته
سهى:الخراا هيا درهتلي كبدي امتا باقلب وجها
دلال:زيد اتصل بي بوك
ايهم:ميردش

في المستشفى:-
مرام:فتحت عيونها
سند:الحمد الله ع السلامه مرومتي
مرام:ع طول بدت تبكي ….ليش بس مخليتنيش ?????
سند:مهما درتي عمري منخليك اشششش
مرام:حس بي يدها توجع فيها شافتلها
سند:شوية حروق سطحيه ولا يهمك متخافيش
مرام:وعيونها دموع ….ويدك ؟
سند:بسيطه مدوريهاش خلينا توا نطلعو ضروري نختفو قبل ميعرف حد بيلي صار نوضي
مرام:خليني سند خليهم يحبسوني ولا اي شي خليني
سند:مرام نوضي معااي
مرام:انت علاش متبيش تقتنع اني منستاهلش توقف معاي??فهمني ?
سند:شافلها شويا وقامها
مرام:حضنت سند وتبكي

مالك:اففف نتصل بيه من بكري مباش يرد
مديحه:تو يروح حتا امس هكي
مالك:طلع لي الجنان يدخن…..انا قلبي مش مطمني حاس ان في شي ربي يستر وخلاص

في السياره:-
مرام:طول الطريق تبكي
سند:مسك يدها ….خلاص اهدي شوي
مرام:مسحت دموعها ….وين ماشي؟
سند:اي مكان بعيد
مرام:حطيت راسي ع الكرسي وانا قاعده خانقتني العبره

عمار:السلام عليكم
دلال:اخيراااا جيت وين كنت
عمار:كنت في حوش هاشم والله حريق رهيب بكل
كلهم:?????
سهى:مرام غادي???
عمار:لا وليش رح تكون غادي ؟
رجب:حكاله يلي صار

✨روايات بنووتة الشيخ(اروى)✨

سند درس قدام حرش جداه فاطمه يلي كانو يسكنو فيه قبل ونزل مرام وخشو

سند:خشي الحمام اغسلي وجهك من الدخان ولو تبي دوشي بس بعدي يدك ع الميه
مرام:منبي شي انا?خليني في حضنك بس
سند:به خلاص متخافيش
مرام:وربي وانت بعيد عليا محسيت بي الامان يلي توا فيه اقسم بالله سند لو تبعد عليا نمووت??
سند:اشش متحكيش هكي خلاص اهدي وارتاحي

قعد سند مقعمز ع الصالون ومرام في حضنه

ترن ترن ترن
سند:ايوا
مالك:تي وينك الززززح من بكري نتصل
سند:مالك صار موضوع كبير شويه انا ومرام توا في حوش فاطمه نبيك تجيني وتجيب جواز سفر متعي ومتع مرام تلقاهم في الخزنه وجيبلي فلوسي وشوية اكل
مالك:علاش شن فيه??
سند:تعالا وتو تفهم كل شي
مالك:جايك هي

عمار:به مفهمتوش هيا وين وعلاش طلب عنوان حوش اسلام؟
ايهم؛لالا
دلال :به فهمنا في حد تأذى من الحريق وشن صار ؟
عمار:….يتبع