مجرمه ثائبة – روايات بنووتة الشيخ

#مجرمه_ثائبه الحلقه 5

سند:وصل نزل من السياره خش وشاف مرام واقفه مع اسلام وخذت منه صندوق صغيرون..

اسلام:تعتبري الحاجه الحلوه يلي ممكن تصبرني في ها الحوش
مرام:ليش انت مش مستريح هنايا
اسلام:اممممم توا استريحت
مرام:ههههههه…وطاحت عيناها ع سند من بعيد

مرام:سند?
اسلام:منو؟
سند:قرب منهم
مرام:اهلين سند ليش ماقتلي جاي
سند:يشوفلهم وساكت?
مرام:انعرفكم سند هادا اسلام ولد صاحب عمي قاعد هنايا لين يروحو اماليه من كندا اسلام هاذا سند اءء س سند ولد خالي
اسلام:مد يده …اتشرفت بيك
سند:سلم عليه بدون مايتكلم وبعدين شاف لي مرام

سند:شحنك نسيتيه في السياره
مرام:اي قلبت عليه الدنيا مبكري?
سند:طلع بدون ميزيد ولا كلمه
مرام:سننند سند?
سند:مردشعليها وركب سيارته وطلع
اسلام:في شي؟
مرام:لا بس اكيد مضايق من حاجه هاذا متربيه معاه من انا صغيره
اسلام:يبي يعرف طبيعة العلاقه بينها وبين سند……اهااا يعني زي خوك صح؟
مرام:اي تقدر تقول هكي
اسلام:بصوت واطي …ريحتيني ?
مرام:شنو؟
اسلام:سلامت قلبك?
سهى:شنو اديرو هنايا ?
اسلام:ولا شي بس الجو حلو برا
سهى:اهاا اوكي اسلام شنو رايك بكرا تاخذني لي الشاليه متعك?
اسلام:اي ليش لا نمشو كلنااا انتي وامك وبوك وخوتك ومرام
سهى:تكنطتتت…بس مرات ميبوش يمشو هما
اسلام:ناخذو رايهم بعدين ساهل ولو وافقو رح تكون رحله سياحيه مليحه شن رايك مرام
مرام:اه?اي اكيد?…ع اذنكم انا بنمشي نحط تالفوني في شحن لانه تصكر
سهى:اذنك معاك ?

✨روايات بنووتة الشيخ(اروى)✨

سند:يجرررري قريب يقلب السياره وقلبه بيتقططططع

ترن ترن ترن ترن
سند:يصكر ع مرام اتصلت بيه الف مره ومباش يرد لين وصل لحوشهم ركب لي داره طول
مديحه:سند تعاله خوذ قهوا معانه
سند:اشربو صحتين انا تاعب ….وخش داره وصكر الباب

مديحه:خيره زعمه
مالك:متستعجليش سيورنا نفهمو شنو فيه
زهيره:دير في بالك غضوا جايين خواتك المتزوجات متطلعش من الحوش
مالك:واااك ع دوشة مفرخهم
زهيره شنو بدير هي

سند:نحا التيشرت يلي كان لابسه ولبس متع الملاكمه في يديه وبدي يخبط ويضرب في هاذيكه يلي معلقه ع الحيط زي المخذه هيا نسيت اسمها المهم فش غله كللللها فيها وكان متعصب وعضلاته بارزاااات

ترن ترن ترن
سند:ايوا
مرام:سند وينك من بكري نتصل
سند:مش فاضي كنت
مرام:به طمني شني وصلت الحوش
سند:اي تمام
مرام:خيره صوتك داهش؟
سند:شي بس كنت نتمرن
مرام:مبيتش نفتح معاه مرضوع اسلام ونبررله لان رح يتأكد ان فيه شي
سند:الولد يلي كان واقف معاك شن عطاك؟!
مرام:ارتبكت…حديده
سند:شنو المناسبه
مرام:هوا عنده محل مجوهرات يمكن جاب لي سهى بنت عمي وحده وحسبني حتا انا بس
سند:ضايقك؟
مرام:لالا بلعكس محترم واخلاقه مشاء الله
سند:انا مقتلكش بنخطبه قتلك ضااايقك؟؟؟؟?
مرام:لالا?
سند:تمام بس متفتحيش معاه باب هدرزه لانه مش ولد عمك غريب عليك في النهايه
مرام:حاضر ?مش عارفه كيف بنرقد اليوم تعودت عليكم ?
سند:قلبه حن عليها….خليك لحضات ندوش ونجيك
مرام:نستنا فيك هي
سند:تمام

عمار:اي ليش لا شنو رايك دلال
دلال:ياريت والله خلي الواحد يغير جو
اسلام:خلاص اماله السبت الجاي نمشو لان بكرا بنجيب عمال ينضفو الشابيه قداش ليه ممشالاش حد
سهى:تمام??
عمار:امالا وين مرام
سهى:رقدت في دارها?
عمار:به نوم العوافي

طبعا كانت سهى مخططه لي هلبااااا لقطات وحجات بي ديرهم لي اسلام

اما بنسبه لي مرام ف قعد معاها سند ع الخط لين خذاها النوم ميبيش يحسسها ان بعيد عليها

اسلام:طوول الليل مش قادر يرقد يفكر في مرام وقداش عاجباته وبس.

✨روايات بنووتة الشيخ(اروى)✨

ثاني يوم :—
مالك:سنددد سنووود
سند:هممم?
مالك:نوض شوف التالفون كيف لاصق في ودنك زي المضحكه?
سند:اقلب وجهك بنرقد
مالك:نبي ساعتك البيضه وين
سند:فوووتني
مالك:تو نفتش بروحي تمرقد مرقاد

سهى:صباح الخير
اسلام:صباح الورد
سهى:اسلام عادي توصلني للمدرسه فات عليا الباص
اسلام:يلبس في كندرته …اي تمام مش مشكله
دلال:سامحنا تعبناك معانا
اسلام:ولا يهمك تعبكم راحه
سهى:طلعت وهيا طايره من الفرحه ركبت من القدام
اسلام؛حاول يعطل ويقعد في الحوش عشان يصبح ع مرام بس مرام تأخرت في نومتها

سند:لبس توته اديداس لونها رصاصي وسبيدرو احمرر وطلقيه حمراء ونزل
مديحه:صباح الورد
سند:صباح النوور?
مديحه:هي قعمز افطر معاي انا ومرت عمك
سند:لالا صحتين بس لو في عصير طبيعي صبيلي
مديحه:اي في هي تفضل
سند:صحيتي …وين مالك.
زهيره:طلع من بكري قال عنده مشوار
مديحه:وانت وين ماشي؟
سند:طالع لي الصاله
مديحه:به ربي معاك روح بكري اليوم
سند:علاش فيه شي؟
مديحه:لا غير نبيك بس
سند:به انشاء الله

ترن ترن ترن
مرام:بصوت ناعس الوو
سند:قاعده راقده
مرام:امم اي
سند:نوضي ياسرك نوم صلي الصبح يلا الضهر قريب
مرام:اوكي نصحصح بس
سند:تمام حلوتي هي نوضي
مرام:به …نضت غسلت وجهي وصليت

دلال:صباح الخير ياحلوه
مرام:صباح النور?وين الباقيه مشو
دلال:اسلام في الخدمه وسهى قرايه ورجب وايهم راقدين وعمك طالع من الصبح
مرام:به ربي يعاونهم شنو نديرلك فطور معاي
دلال:ياريت والله
مرام:حاضر…خشيت نوتي في الفطور ونذكر امس شنو صار بجد كلام اسلام فرحني والهديه حتا هيا ااااه معقوله يكون معجب بيا زي ما انا معجبه بيه ?

سند:كمل تمرينه ومشي لي محل صاحبه متع تالفونات
اسامه:فهمت عليك اي تاخذ يلي يرضيك انشاء الله
سند:تمام حاول توفهولي قبل يوم السبت تربح
اسامه:من عيوني
سند:سلملي عيونك يارب …وطلع روح

مرام:فطرت مع مرت عمي وهيا خشت ادير في الغدي وانا قعدت نساوي في الحوش قعمزت نتفرج ونستنا امتا اسلام يروح❤️

سند:السلام عليكم
ميار:وعليكم السلام?
سند:اهلين كيف الحال
ميار:تمام الحمد الله
سند :اماله وين امي؟
ميار:كلهم مقعمزي في الجنان الخلفي وانا كنت نستنا فيك عشان نحكي معاك في كذا حاجه
سند:انشاء الله انا كيف مروح من التمرين خلي ندوش وننزل
ميار:تمام❤️?

سهى:ااااه رجليا
دلال:الناس تقول السلام عليكم
سهى:انا تعبانه بكل بنرقد خلااااص…وركبت
دلال:هاذا حالها كل متروح من المدرسه هكي
مرام:????

ترن ترن ترن
مرام:الوو
سند:اها شن جو
مرام:تمام انت شنو مداير
سند:كيف روحت من الصاله المهم شنو قاعده محصلتيش نت؟
مرام:لالا تو اليوم نفتح انشاء الله
سند:به تمام تو نهدرزو
مرام:انشاء الله

مرام:طلعت برا قعدت ندور في اشارة نت شويه ونسمع صوته وراي?
اسلام:شنو اديري
مرام:اء اهلين ..ولا شي ندور في اشارة نت
اسلام:حطيه ع روشن المربوعه تو يشد
مرام:تمام صحيت
اسلام:ولوو شنو فاتحه انتي
مرام:فيس وانستنا
اسلام:عادي نضيفوك ولا للعيله بس
مرام:ههههه لالا عادي …وعطاته اسم ايميلها
اسلام:تو نهدرزو اماله?
مرام؛انشاء الله?

سند:لبس حوايجه ونزل
ميار:?
سند:بدون ميعطيها وجه….اي ع شنو نهدرزو قلتي؟
ميار:زي محكيتلك ع مشروعي قبل قررت نديره فتره صباحيه نساء والليليه رجال
سند:اها كويس ربي يعاونك
ميار:اي ونبيك انت المدرب في الرجال
سند:بس انا معنديش شهاده
ميار:مش مهم المهم الخبره
سند:انشاء الله يصير خير
مالك:السلام عليكم
ميار:وعليكم السلام
سند:جيت في وقتك تعال نبيك
مالك:خلينا نسلمو قبل?
سند:مش وقتك مالك تعاله برا نبيك
مالك:به?

اسلام:فتح بروفايل مرام ضافها وقعد يتصفح في بروفايلها وشافها حاطه صوره مكتوب عليها شهر عيد ميلادي لاحد يزعلني 3/8وهني ضربت في دماغه فكره

مالك:شنو فيه
سند:السبت عيد ميلاد مرام
مالك:هوا شنو اليوم؟?
سند:الثلاث
مالك:به وشنو بديرلها متقوليش في فندق وشهدره
سند:منبيش نديرلها حاجه فخمه انت عارفها متحبش الحجات هيا وتعجبها الحجات البسيطه
مالك:والله معارف الحق انت حافضها اكتر من حوايجك
سند:المهم ياحيوان?
مالك:شنو
سند:نبي نرفعها للخوك متع بوي
مالك:تبي اديرلها عيد ميلادها غادي؟
سند:اي
مالك:لاكن ياحلو اجواء الكوخ تبي اثنين كيف متزوجين زوز يحبو بعض مخطوبين حاجه زي هكي
سند:اي نبيك تنضملي الجو غادي زينه وحركات زي هكي
مالك:به تمام فن……..????قصدك بتعترفلها
سند:اي لاكن قاعد متردد خايف نقلها ونخسرها ?
مالك:به يعني لا امتا بتقعد مدرق عليها؟المهم فكرت شنو تهديلها
سند:قداش ليها خاطرها في ايفون Xومبيتش نشريهولها قصدا باش نجيبه في عيد ميلادها
مالك:اخخخ ياريتني مرام ياكبدي
سند:???المهم خلاص متفقين
مالك:اي تمام

✨روايات بنووتة الشيخ(اروى)✨

في الليل:-
مرام:مقعمزين كلنا في الصاله وطول الوقت عيونه عليا وانا خلاااص قلبي بيطلععع

اسلام:ياعمي انشاء الله الجمعه ماشيين لي الشاليه ونروحو الاحد
عمار:خلاص تمام
سهى:معناها بعد بكرا صح
اسلام:اي
سهى:اوكي?

سند:تي كيف تمشي معاهم وين الشاليه هادا اصلااا ?
مرام:منعرفش انا بس اكيد رح نقولك وين لو مشيت
سند:بعدين احني متفقين الجمعه نجيبك هنايا تباتي ولااا
مرام:اي صح?
سند:بغضب استتتتغفر الله ياربي …امتا بيروحو
مرام:الاحد
سند:انتي تبي تمشي؟
مرام:خاطري فيه يحكو عليه حلوو
سند:تمام بري?بس بشرط
مرام:شنو
سند:يوم السبت بعد المغرب بنجي ناخذك
مرام:به عادي ?عارفه قلبك حنين والله
سند:عليك بس ?
مرام:يانجيهولي

#تسريع_في_الاحداث

مرام:طلعنا يوم الجمعه في العشيه وكانت اجواء البحر تهبببل ستفنا بضاعتنا وقعمزنا نشربو في قهوا وحجات حلوا وضحك وهدرزه وجوو

ترن ترن ترن
مرام:الو
سند:خيرك مصكره النت؟
مرام:مفيش نت هنايا ضعيف
سند:به شنو مدايره؟؟شنو الاجواء غادي
مرام:محلاااه ياسنودي كان تشوف البحر يهبببل
سند:به المهم عجبك الجو ردي بالك من ولد صاحبهم هاذا وبعديً عليه
مرام:اه اي اي?

مرام:قعدت النضرات بينا طووول الوقت حتا انه حاول يتقرب مني اكتر من مره وانا شاده روحي عليه بسيف اصلا كانت اتصالات سند هيا السبب
جي الليل وكل حد مشي للغرفه يلي ختارها

ثاني يوم:-

سند:شنو كله تمام ?
مالك:والله خليتهولك عش الحب وانتم العصافير
سند:تمام انا بنرفع معاي باقة ورد والايفون وامس شريتلها خاتم ذهب
مالك:اااه ياكبدي يا ريتني بنت يهدولي
سند:??

اسلام:جاب منسقين لي حفلة عيد ميلاد مرام في الشاليه ع الشط لاكن في منطقه بعيده علي الشقق باش مرام متحس ع شي وقال لي عمها ان عيد ميلاد مرام وسهى قرررريب تمووت

دلال:ياحماره اصبري بس ناخذو الشقه وبوك يتلفها من علينا
سهى:انا مدخلنيش الا في اسلام ?
دلال:انتي عارفه اسلام يحب يهدي الناس ويعطيهم عادي
سهى:??

مرام:وتيت روحي لان سند بيجي ياخذني
دلال:مرومه
مرام:نعم
دلال:وين لابسه؟
مرام:بيجي سند ياخذني
دلال:به قبل ميجيك تعالي نبوك شوي
مرام:انشاء الله خير?
دلال:غير تعالي
مرام:به

سند:خذي الهدايا متع مرام حطهم في السياره ولبس سروال اسود وسوريه زرقاء وكندره نفس اللون وحط عطر Boos ورتب شعره طالع يهببببل ركب في سيارته ومشي لي الشالي طبعا مرام عطاته العنوان

مرام:مشيت مع مرت عمي ونتفاجأ بي الحفله والتورته والزينه وكل شي ????
عمار:مل سنه وانتي بي الف خير
مرام:حطت يديها ع فمها من الصدمه
وجت معاهم وبدو يغنواها وولعو الشمع

سند:وصل قدام الشاليه وقعد يتصل بي مرام اكتر من مره بس مفيش رد انشغل عليها قريب هبلل نزل من السياره ويعاود يتصل

الغفير تبع الشيل:انت بدور علي حد يابيه؟
اسلام:مش هادا شاليه اسلام؟
الغفير:اه هوا انت عايز مين؟
سند:لابس انا منتضر شخص شويه ويطلع
الغفير:اصل كلهم مشغولين في عيد الميلاد لو تحب تتفضل حضرتك
سند:عع ع عيد ميلاد منو؟?
الغفير:والله منا عارف بس الباين حد من قرايب الباشا اسلام

سند:خش من باب الشاليه وهوا محطمممم وزاد انكسر لما شاف مرام تضحك وفرحانه وتسلم عيلهم وعلي اسلام وكيف اسلام يمدلها في الهديه …رجع سند لي السياره طلع الهدايه وعطاهم للغفير

سند:بالله هادم نبيك توصلهم للانسه مرام داخلً
الغفير:علي عيني يابيه
سند:شاف بي نضرة خيبه ليهم من بعيد وركب سيارته?….يتبع

error: