مجرمه ثائبة – روايات بنووتة الشيخ

#مجرمه_ثائبه الحلقه الاخيره

لايك قبل متقري ياعمرررري ❤️

اسلام:خش زي المجنون شد مرام من رقبتها …..حامل ياوسخه
مرام:????وشدت بطنها
اسلام:تبي تجيبي ولده ياكلبه حامل منه الحقير هذاكااااا…وقعد يضرب فيها ع بطنها…
مرام:تحاول تباعد فيه وتبكي ???
اسلام:بعد من عليها وقعد يخبط ع السرير وكان داهش من كثر ما ضرب مرام
مرام:تبكي ويدها ع بطنها
اسلام:سكري فمك معادش تبكي ونوضي معاي
مرام:???
اسلام:نوضي والا وربي نقتلك نوووضي
مرام:لبست وشاحها وناضت بشويه وكانت تحس في الم في بطنها
اسلام:شدها من يدها وطلعو
مرام:نمشي ويدي ع بطني كان فيها الم رهيييييب ….فجأه تجي عيني في عين البنت يلي شفتها في الحمام قعدو دموعي ينزلو نشوفلها وبس
اسلام:قعمز وجبد مرام جنبه…خلي نوصلو بس العيل يلي في بطنك مش رح يقعد دقيقه
مرام:اسلام بالله عليك?خوذ مني يلي تبيه بس يلي في بطني لا
اسلام:مسك يدها بي قووووه ….تمثلي عليا انك مش حامل وانتي عارفه ياوسخه صح بس مش انا يلي ينضحك علياااااا اول منوصلو العيل يلي في بطنك رح ينزل ونتزوجو
مرام:حرام تقتل روح بريئه??
اسلام:هه نسيتي روحك من تكوني؟مجرمه راااك قتلتي بوك ومرته
مرام:تكنطت وتبكي ….مش مجرمه انا
اسلام:مجرمه ثائبه وصكري فمك معش نبي نسمع صوتك
مرام:حطت يديها ع وجها وقعدت تبكي
اسلام:اخيراااا النداء الاول لي الطياره هيا نوضي
مرام:نضت وحاسه الدنيا تلف بيا وكان اسلام شادني قعدنا نمشي لين وصلنا للجوازات
اسلام:صكري فمك معادش تبكي?
مرام:مسحت دموعي وانا حاسه بي شي غريب كأنه في شي ينزل مني بس قعدت متحمله ?

الشرطي:الجوازات لو سمحت
اسلام:تفضل
الشرطي:قعد يشوف فيهم ….تفضل توصل بي السلامه
اسلام:شكرا
مرام:مشيت مع اسلام وانا قلبي بيووقف نسمع في صوت سند ينادي فيا اكتر مازدت نبكي لين تلفتت وعرفت ان سند فعلا وراي

سند:بدون اي شعور بدون اي شي ممكن يوصفه الكلام نقز ع اسلام وطاح فيه خبط خبط خبط خبط خبط خبط حتا الشرطه مقدرتش تباعد سند من علي اسلام اسلام فقد وعيه ومرام طايحه ع الارض وتبكي وتنادي في سند وكانت تنزف وسند مستمر في الضرب بي قوه رهيبه مش طبيعيه التمو الناس زوز من الشرطه ومالك يباعدو في سند من علي اسلام بس مقدروش?عضلات سند ولت باااااارزه سند تحووول من الانسان الحنين لي وحش عنيف ضربه في اسلام مش طبيعي لدرجة الشرطي طلب الدعم لان بجد مقدروش ع سند حتا انهم ضربو الرصاص عشان يخاف بس سند كأنه ميسمع في شي يضررررب بي كل قوته نزل دم هلبا من اسلام وسند مستمر في الضرب لدرجة اخر شي ادخلت دوريه كااااااامله عشان قدرو يفصلو سند من علي اسلام وكاون قريب6اشخاص شادين سند عشان ميلحقش عليهم ويقتل اسلام هاذا لو مكانش ميت اصلا واخيرا خذت الشرطه اسلام وركبوه في الاسعاف وسند انتبه لي وجود مرام

سند:مشي يجررررري وقعد يقيم فيها ويبكي….مرام مرام حبيبتي تسمعي فيا صح
مرام:دموعها تنزل من دون عياط…..سند ولدي ?ساعدني سند منبيش ولدي يموت
سند:انتبه ع دم نزل من رجل مرام …مم م مرام خليك معاي مدوخيش حبيبتي جنبك انا كله تمام متخافيش
مالك:قيمها بسرعه
مرام:اخر جمله قالتها قبل متغيب ع الوعي….سند ولدنا ?ساعدني

✨روايات بنووتة الشيخ(اروى)✨

مديحه:طمنااااا
محمد:الحمد الله لقوها لقوها
مديحه:روروروروروري
محمد:انا طالع ماشيلهم
مديحه:استنا بنجو معاك
محمد:تي وين بتجي معاي هبلتي انتي ؟
مديحه:ياحليلي وخلاص شنو بيصبرني تو

مريم:????اااااه ياولدي الوحيد
هاشم:واخد تركينه بروحه وراسه بين يديه
مريم:طمناااا تربح??
الدكتور:للاسف نزيف دماغي حاد منعرفش لو نقدرو ننقذوه اولا
هاشم:انا جاهز لو يبي سفر للخارج
الدكتور:اعتقد انه نفس الشي سوا هني او برا عباره ع نزيف في الدماغ شي واضح بس خلال 24ساعه لو موقفش النزيف للاسف رح نخسروه
مريم:??????لاااااا ياربييييي

سند:وصل بي مرام ع المستشفى ودخلوها لي الطوارئ طول مش معروف خسرت العيل او لا ؟وشن ممكن يصيرلهامن كثر الضرب يلي خذاته

سند:مقعمز برا وجنبه مالك
مالك:سند وحد الله
سند:لا إله الا الله
مالك:انشاء الله تنوض بي السلامه هيا والبيبي
سند:ميهمنيش الا صحتها يتعوض كله المهم هيا تنوض بخير بس وربي لو طلع مسها إلاما نقتله ورررربي
مالك:تي هاذا كان قعد عايش هوا
مديحه:ها ولدي طمنونا
مالك:منو جابكم انتم
ليلى:بوي جابنا وين مرام
مالك:قاعده في العنايه منعرفش شنو رح يصير
زهيره:انشاء الله خير بسس
سند:نبي اميه مالك
مديحه:يا وليدي قداش تاعب ربي يريحكم بجاااه النبي ??
ليلى:خلاص امي مش ناقص هوا
مالك:تو نجيب اميه هي ليلى تعالي معاي نجيبو قهوا مره وحده
ليلى:تمام

سند:سرح شويه …وعدتها يوم جوازنا منخليش دمعه تنزل منها ولا تخاف من شي وانا جنبها ديمه?موفيتش بوعدي وكل شي صارلها بسببي لاني خليتها …فرصه وحده عطيهولي ياااااارب بس وصدقني مش رح نضيعها وعد

مالك:استني يوتيهم وجيبيهم خلي نرفع الميه انا
ليلى؛تمام
مالك:مشي لي سند

مالك:سند سند سننند
سند:هااا
مالك :هاك اشرب
سند:فتح الشيشه وقعد يشرب وكان واااضح ع وجها انه تاعب بكلل

ليلى:شكراا
الموضف:العفو
ليلى:تلفتت وخبطت في دكتور وتبزعت عليه شويه قهوا…….اسسسسسفه??والله مقصدي
الدكتور:لاعادي ولا يهمك
ليلى:حطت القهوا ع الطاوله ومسحت بالطو الدكتور بي كنينكس معطر
الدكتور:خلاص بجد عادي حصل خير صحيتي
ليلى:ربي يبارك فيك ع اسلوبك ودوقك نعتذر منك مره تانيه
الدكتور:ولا يهمك
ليلى:وجعت خذت القهوا ومشت
قعد الدكتور يشوفلها لين مشت

سند:طمناااا
الدكتور :وين راجلها
سند:اناااا
الدكتور:ينحي في القوانطي،….تقدرو تخشلها وتو نرجع نعطيكم التشخيص لحضات بس
سند:تمام …وخش بسرعه

ليلى:تفضلو
مديحه:صحيتي
ليلى:وين سند
مديحه:كيف خش توا سمحوله
ليلى:به شنو صار ؟
زهيره:الله اعلم قاعد مقال شي الدكتور
ليلى:انشاء الله خير

سند:خش للغرفه قرب من مرام ..مسك يدها وطاح ع ركبيه وقعد يبكي …..سامحيني موفيتش بي وعدي ليك مقدرتش نحميك سامحيني ????
مرام:فتحت عيونها وكانت دايخه شوي
سند:مسح دموعه وقرب منها
مرام:سند
سند:ياعيونه
مرام:شن صار في ولدنا?
سند:استني ياعمري قاعد منعلم بي شي
مرام:تكذب انت??مات صح مات ومتبيش تقووولي????
سند:لا وربي لا مرام اهدي
الدكتور:السلام عليكم
سند:وعليكم السلام
مرام:دكتور قول الحق طاح البيبي؟
الدكتور:لا الحمد الله نزفتي هلبا وزدناك دم بس محتاجه الرااااحه واقل شي شهر في المستشفى لين يتبت الجنين كويس
مرام:حطت يديها علي وجها وتبكي من الفرحه
سند:حضنها ويبكي حتا هوا
الدكتور:توا رح ينقلو المريضه لغرفتها في الطابق الفوق عشان خلاص مش محتاجه تقعد في العنايه
سند:انشاءالله
مرام:ولدنا عايش سند
سند:باسها ع راسها …اي عايش ياقلبي

خشو الممرضات طلعو مرام
مديحه:الف الحمد الله ع السلامه ?
مرام:الله يسلمكم
ليلى:مبرووك مرام ربي يثبته
مرام:تسلمي ياررب
زهيره:الحمد الله ع السلامه
مرام:الله يسلمك
سند:خلاص خليهم يركبوها
مديحه:هيا نلحقوها فوق
زهيره:هي

✨رويات بنووتة الشيخ(اروى)✨

بدت الزيارات عيلة سند كلللها خواله والدنيا كلها في المستشفى يتحمدوله ع السلامه

هاشم:طمنا الله يطمنك
الدكتور:وقف النزيف الحمد الله
هاشم:الحمد الله يارب الحمممممد الله
مريم:اخيراااا ياربي ليك الحمد والشكر
الدكتور:رح يقعد تحت الملاحضه تحسبا لي اي شي مفاجئ
هاشم:انشاء الله انشاء الله

عند مرام الساعه12في الليل:-
روحو كلللللهم قعدت ليلي بس ومديحه وزهيره روحو عشان يجيبو حوايج لي مرام وحجات ناقصه ومالك قعد مقعمز برا لو سند احتاج حاجه او شي يكون قريب المهم الغرفه مقعدش فيها حد غير مرام وسند

سند:مسك يد مرام….سامحيني
مرام:ابتسمت …ع شنو
سند:عارف يلي صار كله بسببي و……
مرام:سند منبيش نسمع كلام زي هاذا بالله عليك خليني معاك توا وفي حمايتك انا وولدنا بس
سند:حط يده ع بطنها وقرب منها….مبروك علينا ياعمري كله
مرام:رح يكون احلا ولد لانك بوه
سند:لا طبعا رح تكون بنوته عندها شعر طوويل زي امها ?
مرام:لا منجيبش في البنات انا
سند:تو نشوفو
مرام:ضحكت
سند:وهوا يشوف لوطه…مرام نبي نسألك
مرام:عارفه شنو رح تسأل
سند:?
مرام:اطمن ممسنيش ?كان يتوهم انه رح يتزوجني وأجل الشي هاذا
سند:قعمز ع السرير وقام راس مرام بيده
مرام:عيونها دموع
سند:من اليوم مش رح تشوفي هم ولا شي اخي في الدنيا هيا تسمعي فيا رح نخليك معاي 24ساعه ومستحيل حد يلمس منك شعره فاهمه
مرام:حضناته …..نحببببك سند ??
سند:عمري انتي نموت فيك يا احلى هديه من ربي ….وقعد يمسحلها في دموعها ….خلاص عاد معش نبي نشوف دموع خلينا نعيشو في فرح انا وياك وبنتي يلي جايا
مرام:ولد
سند:بنت?
مرام:ولد ولد ولد
سند:به به تو نشوفو …وحضنها

ليلى:تفضل
مالك:شنو؟
ليلى:شوية نفاص من الصبح مكليت شي
مالك:اي والله جو في وقتهم
ليلى:نعطي سند ومرام ونجي
مالك:تمام
ليلى:خشت تبي تعطيهم ياكلو لقتهم راقدين في حضن بعض ياحليلي??تحشمت وطلعت

بنووتة الشيخ:خليني نحكيلكم بعد شهر شنو صار .

سند:مش راضي يسيب مرام دقيقه من كتر مخايف عليها ❤️والعيله ماشين جايين ع المستشفى .مرام في الايام الاولى كانت نفسيتها تااااعبه من كثر الشي يلي صار معاها بذات لما تذكر?بس شوي شوي بدت تتحسن بدات اما تشوف في سند كيف يحبها وواقف معاها وان جايها بيبي في الطريق كانت تنسى في كل هموومه

الدكتور ايمن حط عينه ع ليلي وطبعا هوا كان دكتور تخذير وعمره35سنه مرته ميته ومعنداش صغار يشوف في ليلي كللل يوم ومش عارف كيف يكلمها وليلى نفس الشي كانت معجبه بي شخصيته

اسلام:اخيرا فاق من الغيبوبه يلي كان فيها ومن لما فتح عيونه لقي الشرطه فوق راسه وبمجرد ما تحسنت صحته شويه رفعوه الحبس طول وسند ومل محامي عشان يضمن انه اسلام عمره ميطلع من الحبس

سند:اخيرااا بنروحو حوشنا
مرام:استاحشت داري❤️
سند:تي لين تكرهي سريرك ودارك تو نوريك ?
مرام:اعقل انا حامل ??
سند:ايااه تو تجكتري علينا عقاب حمل بطنك بتكبر ومعش تقدري توصلي في رجليك?
مرام:مدخلكش ?
سند:يا وخيتي محلااااها امممممواه
مرام:تحشم امك جايا ?
مديحه:وجها احمررر هيا ?وقت ره
سند:هي
ليلى:ركبت السياره وكانت عيونها ع الدكتور لانه رح تشوفه اخر مره

ركبو كلهم لي السياره ومشي سند يدفع في الحساب وهوا طالع نادا عليه الدكتور

ايمن:لو سمحت يا خوي
سند:تفضل
ايمن:اول شي الحمد الله ع السلامه وانشاء الله هاذا حد السو
سند:بارك الله فيك
ايمن:والله حاجة شهر تقريبا نشوف في بنيه معاكم وعرفت انها تكون اختك
سند:ليلى?
ايمن:اي صح هاذا اسمها بصراحه انا ناوي نتقدملها لو معندكمش اي مانع
سند:اءءءء مم بصراحه خوي اختي مش انسه رح ارمله وعندها ولد
ايمن:يناسبني جدا حتا انا ارمل بس معنديش صغار ومستعد نقبلها بي ولدها
سند:مرحبتين بيك
ايمن:تفضل هاذا كرتي ولما تكونو جاهزي كلمني نجيب العيله
سند:انشاء الله

مديحه:تي خيره هاذا شده معش طلقه
ليلى:حي علياااا شنو يقوله
سند:ركب السياره وروحو ❤️

مرام:اللله قداش استاحشت داااارنا
سند:ياعمري انتي نورتيها الدار وحياتي وكل شي
مرام:باساته

بنووتة الشيخ؛منبيش نطول الحلقه هلبا لاني جعانه واختي بتكمل عليا الماكله ??المهم
لما ليلى عرفت ان الدكتور اتقدملها قريب طارت من الفرح خصوصا ان حتا امها وبوها فرحو بي الخبر هاذا فعلا كان الدكتور ايمن قد كلامه وجاب اماليه تمو فيها وفرحت العيله متوووصفش دارو حفله صغيرونه وتزوجت ليلى وايمن حب عبد الرحمن ولدها وقعد يعامل فيه كأنه ولده

اما مرام كانت زي كورة القدم?وتعيط فوق راس سند وبس واك واك نبي ونبي وخاطري وجيبلي وهوا مش عارف يضحك عليها ولا ع روحه لانه زي المارد السحري يجيبلها في حجات غريبه تتوحم عليها المهم

مرام:سند ?
سند:يشوف لي تالفونه …ها
مرام:ااااه بب بنجيب سند اااااااااه
سند:?اممممممممي

في المستشفى:-
سند:طمني?
الدكتوره:الف مبروك بنوتة زي القمر
سند:ينقز….اوووووو كنت عارف انها بنت عاااارف …وخش لي مرام يجري لقاها تبكي
مرام:???
سند:???مبروك ياعمري
مرام:اقلب وجهك منبيش بنت انا ?
سند:هههههههه بنتي حبيبتي
الدكتوره:تفضلي البنوته
مرام:اول مشافت بنتها نست كل شي وحضنتها…سند شوف محلاها كيف صغيره
سند:ياعمر بابا انتي ?❤️
مرام:ابتسمت بنوتي الغاليه نورتي حياتنا

سمو بنتهم نصيب لان رغم كل يلي صار تحملت وجت ع الدنيا وكانت احلا نصيب ليهم كملو حياتهم بي حب وتفاهم وارتاحو الحمد الله بعد عناء طوووويل وبنسبه لي اسلام تختخ في الحبوس ومالك لقي حب حياته اخيرااا وتزوج بعد ليلى طوول

*ردي بالك ثم ردي بالك اضيعي من يدك الشخص يلي يحبك ويلي وقف معاك في اقسى الضروف وادكري ان اليد يلي تشدك لما بطيخي خير من اليد يلي تصفقلك لما تنوض ره 2

*فيه حاله نفسيه اسمها حب الامتلاك وهاذا الشي انا اروى عنيت منه قبل والشي هاذا عباره علي انسان يحبك ويدمنك لما تكوني في يد غيره ومستعد يقتل عشان يحصلك بس مش حب صافي ره لالا هكي يبي يمتلكك وبس

*مرات تختاري الشخص وتقولي هاذا الصح بس في النهايه يطلع زباله وتكتشفي انك ضيعتي هلبا ناس تحبك ع خاطره للاسف

واخيرا زي منقول ديمه انا اروى (بنووتة الشيخ)الحب في كلللل مكان بس انتي اختاري صح ❤️…بنووتة الشيخ