مجرمه ثائبة – روايات بنووتة الشيخ

#مجرمه_ثائبه الحلقه 19

سند:يشوف لي مرام وكأنه يترجى فيها متسيباش ومتكسراش المره هاذي?

في نص الطريق واقف اسلام وسند وبينهم مرام
اسلام:اختاري مرام
سند:ممرام
مرام:…مشت لي اسلام ?
سند:خلاااااص حس ان الدنيا دارت بيه قعد مصدوووم لين طاح ع ركبيه

مرام:وقت طيحتني الدنيا ملقيتش حد غيره وقت خليتني ملقيتش حد غيره ديما كان معاي في كل شي وحبني اكتر من روحه توا طالب مني نرجعلك وانت بعتني في ثواني لو رجعتلك مستحيل نكون بني ادمه ولعلمك بس منختارش سند لانه وقف معاي او ساعدني لااا لان جديات معرفتش طعم الحب إلا معاه
اسلام:وحبنا يامرام والايام يلي عشناها نسيتيها خلاص معادش في شي في قلبك كله بحح يعني
مرام:انت نسيت شنو درت فيا مزال اسبوع بس وتجي تخطبني خليتني في نص الطريق ع خاطر حاجه معنديش ذنب فياها
اسلام:حاول يمسك يدها بس باعداته ….عطيني فرصه تانيه صدقيني مستحيل نخليك تندمي
مرام:قربت منه ….في احلامك

….وتلفتت لي سند شافاته ع ركبيه ويشوفلهم وكان مصدووم من كلام مرام لان متوقعش تقول لي اسلام هكي توقعها تمشي معاه

مرام:قربت منه …اول مره وانا صغيره شفتك فيها مديتلي يدك وقتلي انا معاك …لما هربنا من الاصلاح مديتلي يدك قتلي اهربي معاي متخافيش انا معاك بعد كسرني الواطي هاذا قتلي اهدي انا معاك
سند:يشوفلها وساكت ???
مرام؛مدت يدها لي سند….تعالا انا معاك
سند:ابتسملها وناض حضنها وكانت فرحته وقتها مش طبيعيه اخيرا تأكد ان مرام تحبه وتعب السنين هادي ممشاش ع الفاضي

اسلام:رح تندمي يامرام والله رح تندمي
سند:قام حاجبه…بري السياره مرام
مرام:مشت قعمزت في السياره وقلبها بيطلع

سند:هيا كلمه منبيش نعاودها لو لمست شعره منها وربي رح نمسحك من ع الارض
اسلام:القصه مش في نمسح ولا تمسحني متخوفنيش بي عضلاتك هادم لاكن مرام سيورها ترجعلي بطيب ولا بلغصب
سند:بووووم بونيه ع وجه اسلام لين بدي خشمه ينزف…..انت راجل قرب بس ….ورجع سيارته وطلع

اسلام:تو نشوفو وربي رح اندمكم كلللللكم??

✨روايات بنووتة الشيخ(اروى)✨

في الطريق :-

سند:يسوق وهوا متكنطي من الكلام يلي سمعه من اسلام
مرام:بكل هدوء مسكت يده❤️
سند:خذي يدها وباسها ….لو كنتي سيبتيني المره هادي راهو ادمرت
مرام:طول ما انا جنبك مفي شي يدمرك ياقلبي معاك انا
سند:وقف السياره ونزل
مرام:وين ماشي ?
سند:فتح باب مرام ونزلها وقعد يحضن فيها لين طاحو الزوز
مرام:يامهبول في الطريق حني???
سند:فرحااااان بيك مش قادر نبعد عليك
مرام:حبيبي استنا نروحو بس
سند:نحببببك
مرام:نموت فيك ياعمري هيا خلي نروحو
سند:ناض نفض حوايجه وحوايج مرام وركبو السياره

عبدو:طمني شن صار معاك ؟
اسلام:وهوا قريب يتفجر….مشت معاه??
عبدو:يعني بعد كل يلي درته مشت معاه ليك قريب سنه ادور الزح
اسلام:بالله عبدو اسكت متزيدنيش ترا

في حوش سند:-
مرام:ركبت داري وصكرت ع روحي البابمنعرفش ليش بس كنت محتاجه لي شوية وقت نكون فيه بروحي ونراجع يلي صار معاي

سند:كيف الحال بوي
محمد:اهلا اهلا ..الحمد الله شن اخبارك انت
سند:تمام..وقعمز جنب بوه
محمد:وهوا يشوف للجريده ..احكي اكيد في طلب وراء هاذي التقعميزه
سند:تستور ???
محمد:ادوي ادوي?
سند:نبي نتزوج
محمد:به ممتاز وين المشكله؟
سند؛مرام
محمد:كيف يعني وين بتقعد بعد ماتتزوج انت ولا كيف لو الموضوع هكي خليها في حمايتي متخافش عليها وان….
سند:نبي نتزوجها هيا
محمد:الله?
سند:قصدي انا مربيها ومتعود عليها حاولت نتأقلم مع البنت يلي ختارتها امي ومقدرتش انت
محمد:كنت حاس من البدايه انك تبيها يا شطان
سند:به شن رايك في الموضوع انت؟
محمد:متلقاش احسن منها والله مدام لقيت راحتك معاها توكل ع ربي
سند:وامي؟
محمد:امك خليها عليا نعرف ميف نتصرف معاها
سند:تي منووور بكل
محمد:شوف الجناح الفوقي واتي بس يبي شوي اثاث وحدد الشهر يلي تبيه وقولي
سند:تم بوي منور ع وقفتك
محمد:ولا يهمك ولدي راك❤️

مرام:بكيت هلبا دموعي مخلطه كانت دموع حزن ع كل شي صار معاي ودموع فرح اني طلعت اسلام من حياتي وربي عوضني بي سند ..غسلت وجهي وبدلت حوايجي وقعدت في داري نتفرج من الروشن

طق طق طق
مرام:ادخل
سند:خيرها حبيبتي في دارها
مرام:تاعبه لعبت هلبا اليوم
سند:قعمز ا السرير ..اشرلها ع رجله ….تعالي قعمزي هنايا
مرام:ههههه رسمي اليوم عيله انا …ومشتله
سند:امتا تبي عرسنا،؟
مرام:شنو?
سند:امتا تيي عرسنا
مرام:قصدي ?يعني جديات بنتزوجو??
سند:امالا شنو عمري وعدتك بي شي ومدرتاش انا
مرام:ميار وامك كيف؟
سند:اششش مدخلكش فيها الحجات هيا ركزي معاي توا امتا تبي عرسنا
مرام:حضناته امتا ماتبي انت
سند:بعد شهر خلي نوتو الجناح متعنا قبل?
مرام:ياعمرررري انت??
سند:الزح ياريت نتزوجو بحرا والله غير تو يقولو مخفوق
مرام:???
سند:رح نديرلك كل شي تبيه ورح نخليك تعيشي شعور كل بنت نرفعلك لي حوش عمك لمدة يوم بس ونطلبك من عمك زي كل عروس ?ونديرلك عرس عمره ماصار?
مرام:عيونها دمعت وبدت تبكي
سند:حبيبي معش نبيك تبكي عاد خلاص
مرام:محلااااك??فرحااااانه انا
سند:حلو لانك حبيبتي ياهمي?بطلي عياط زي العيله خلاص
مرام:مسحت دموعها وقربت من فمه وحطت يديها ع لحيته…توا بتخليني نرتاح ولا لا
سند:ريحيني معاك ??
مرام:من اليوم مفيش ولا بوسه بححح لين نتزوجو
سند:تي علاش الزح?
مرام:هكي …ونزلت من ع رجله…وتوا تفضل اطلع نبي نرقد ?
سند:نقعي روحك اصلا عادي?…وطلع
مرام:جت بتصكر الباب ويدفه سند ويخشاها زي التور الهايج ويجبدها ليه وبوس بوس بوس بوس مرام لاعرفت تضحك لا تكشخ لين فشلت?

مرام:سند خلاص?
سند:محلاااك النم
مرام:هيا نوض يالله عيب
سند:تي غير نتزوجو بس تو نوريك العيب كيف
مرام:?به هيا اطلع خير منعيط
سند:به ?

✨روايات بنووتة الشيخ(اروى)✨

محمد:به معناها عندك علم ان سند يبيها
مديحه:اي عندي علم ومش رح ياخدها مدام انا حيه
محمد:وليش؟
مديحه:لانها بنت منعرفوش اصلها من فصلها بعدين انا ولدي الغزال نبيله بنت من حسب ونسب مش هكي
محمد:ولدك يعرف عليها كل شي مش شرط لازم يقولنا المهم هوا يبيها بعدين مربيها علي يديه طول هاذي السنين
مديحه:قلت لا يعني لا
محمد:فصلل ع الاخر بصوت عصبي وعاالي…..انتي خيررررررك علي صغارك فهميني ??ليش اديري هكي ضيعتي بنتي وتوا بضيعيلي ولدي شن خسرتي لو وافقتي ع حد يحبوه فهميني ضياع بنتك انتي السبب فيه كله منك معادش نعلمو بيها حيه ولا ميته في وقت مفروض نفرحو بيها ونكونو جنبها توا تبي حتا سند اضيعيه لاااااا مستحيل نخليك تسمعي فياااااا…وطلع

مديحه:طاحت ع السرير وقعدت تبكي

بعد مرور شهر:-

تعالو نحكيلكم شنو صار في الشهر هادا

مرام:معش بديت نشوف في سند هلبا لان العيون علينا ومنبيش حد يشوفنا بي منضر اخي لين نتزوجو مره مره يهرب لي داري حضن ع بوسات خفيفات ويولي وطبعا يهدد فياوبس غير نتزوجو ?واصلا سند لاهي يوتي في الجناح متاعنا وديكوره واثاثه وهكي وشرط عليا منشوفش الجناح لين نتزوجو المهم الوقت هاذا نطلع انا وفاطمه يلي هيا جدة سند نبتت وخوات مالك حتا هما مقصروش معاي ولاحضت ان مديحه عندها عادي وتوتي للعرس حتا هيا مصدومه فيها الحق لاكن يالله ربي يلين القلوب

سند:اول مره نحس روحي متوتر بي الطريقه هاذي نطلع نشري انا ومالك في الاثاث وندعي ربي يعجب مرام وفي راسي الف حاجه بس استغربت في امي كيف واقفه معاي رغم انها متبيش مرام طلعت تحجز في القاعه وحجات العرس يمكن بوي اثر عليها ولا مفهمتش

مرام:يوم الخطبه رفعني مالك لي حوش عمي وتيت روحي غادي ووتيت الضيافه ومرت عمي عادي يعني مش مهتمه هلبا المهم جي بو سند ومالك وسند وخوات مالك طلبوني رسمي ولبسنا الخواتم ياحليلي محلاه كيف يغمزلي مره مره ?اصر عمي ان نطلع من حوشه عروسه وسند وافق وعزم عمي باقيت عماتي وعمامي الحق حسيت بي شعور العيله والعرس?

يوم الخميس:-

مرام:مشيت للمزين وقعدت معاي ملاك اخت مالك وبدت فيا المزينه وانا من امس مكلمتش سند قريب نموووت مستاحشاته?الكلاب صحتبه خذو منه التالفون بس يلا ساعات ونبذا حلاله??

سند:مسكين شدوه قريب 5اولاد وطاحو فيه واحد علي شعره والتاني علي وجها والتالت يقيس في البذله وهوا متشنج وكل مايبي يتكلم يخبطوه ع وجها يسكت?وطبعا مالك شادها ضحك وتسهويك وبس

مديحه:رغم انها مش راضيه انه سند ياخد مرام بس خافت تخسره ع خاطر شي زي هاذا وحبت تعيش فرحتها بي ولدها الوحيد ومضيعهاش زي مصار مع بنتها مشت لي المزين هيا وزهيره وتكمت روحها ومشت لي الصاله باش تتأكد ان كل شي تمام وزي ماتبي

عند مرام :-
كملت المزينه وطلعت مرام تهبببل شعرها تسريحه فوق مع زوز خصلات نازلات بكل نعومه ومكياج قوي شوي ضل فضي مع ايلاينر عريض وروج عنابي يجنن وڤيلو ملكي وتاج ملكي طالعه تهببل بعد ماكملت جاها مالك خذاها هيا واخته ومشو للقاعه

عند سند:
رغم انه تبهدل مسكين ?بس طلع طرف مغبررر ?شعر ولحيه وبذله طالعه تجنن علي عضلاته وساعه فخمه وخاتم راقي وعطر قوي ااه ياقلبي وخلاص 1

في الصاله:
خشت مرام لي غرفة العروسه وقعمزت وخشو سلمو عليها خوات مالك ومنبهرين بيه وكانت مديحه تشوف من بعيد

فاطمه:حطت يدها ع كتف مديحه…خشي سلمي علي مرت ولدك ونضفي قلبك من جيهتها راهو البنت تربايتي وتستاهل كل خير
مديحه:شافت لي فاطمه وباستلها يدها وخشت

مديحه:الف مبروك
مرام:وهيا ترعش يبارك فيك امي
مديحه:نصدمت من الكلمه وقعدت تشوفلها
مرام:حست ان مديحه نصدمت….انا معنديش ام ومدام انتي ان سند معناها امي ولو تعطيني فرصه رح نكون بنتك ❤️
مديحه:جت قدامها صورت بنتها وهيا تبكي وتترجا في امها توافق وتمنت تكون بنتها بدل مرام ….طاحت الدمعه من عينها وسلمت عليها ومرام باست يدها❤️

فتحو الزفه وخشت مرام ومديحه تبتسم وتساعد فيها والمصوره عاد في جرتهم والمعازيم عجبتهم مرام لين خلاااص❤️❤️…وصلت كوشتها وقعمزت وهيا فرحانه وجت سهى ودلال سلمو عليها وكانت قريب اطير من فرحتها

فات جو ساعه تقريبا والصاله زحمه واغاني وجو مش عادي وبدو يقدمو في الضيافه ❤️

بعد العشي بزبط خش سند وكان خايف ومتوتر وصل لي باب الصاله وستقبلاته امه
سند:قعد ساكت مش عارف شنو يقول
مديحه:حضناته الف مبروك وليدي جوازه الدهر انشاء الله
سند:فرح هلبااااا ان امه اقتنعت اخيرا باس راسها وخش معاها وفاتحين اغنية هلا بيلي تمنيتك نصيبي❤️

مرام:وقفت وعليها الطرحه وكان قلبها يدق بطريقه مش طبيعيه
سند:واقف من بعيد ويشوفلها ومش مصدق عيونه يمشي شوي شوي لين وصل فيها قام الطرحه وباسلها راسها ….عسللل كيف طالعه الزح تهبلي نبي ناكلك
مرام:حي عليا متشوفش في روحك انت كيف طرف??…يلا ياسرك الناس قدامنا عيب

قعمز سند شويه وخذولهم لقطات وبعدين بكل صحت وجه طلعها وقلهم معاش قادر نتحمل? طلع ركبها السياره❤️

مديحه:بكت لين عيت وقعدت هيا وزهيره مع المعازيم يلي مزال مروحوش

سند:فاتح اغاني في السياره ع قوتهم وماسك يدها وصحابه وراه بي الالعاب الناريه والجو?لين وصل بيها

قعد يساعد فيها لين ركبت للجناح متاعهم
سند:نورتي عمري ياعمري انتي?
مرام:قعدت تلود في الجناح وتتفرج وهيا مندهشه لان كان راقي هلباااا….وبعدين قعمزت مع سند
سند:….يتبع

error: