مجرمه ثائبة – روايات بنووتة الشيخ

#مجرمه_ثائبه الحلقه 8

سلام:بنت خو عمار
هاشم:من عمار؟؟
اسلام:صاحبك قداش عندنا عمار
هاشم:عمار عنده بنت خوو؟
اسلام:اي بنت خوه حمدي الله يرحمه اسمه
هاشم:قام حاجبه وسكت شويه …غريبه عمار مقالش ان خوه عنده بنت
اسلام:اي توا بس رجعت لي عمامها كانت مع خالها عايشه معاه
هاشم:المهم تو نروح ونشوف الموضوع
اسلام:انشاء الله …وكملو هدرزه

مرام:خشيت الدار فرحانه بس مش متأكده يعني خلاص جديات بيخطبني رسمي مش مصدددقه???
طقطق طق
مرام:تفضل
سهى:بابا يبيك برا
مرام:انشاء الله خير
سهى:وين نندري يعني تبيني نقولك حتى شن يبي منك خدامت بوك انا افففف?…وطلعت وقربعت الباب
مرام:انشاء الله تبري?…وطلعت

مالك:ضروري يكون فيه شي يعني خيره هكي تفكيرك
سند:رح يطلع فيه شي بينهم وقول سند مقالش
مالك:ياودي علاش الولد هداكه بدات يعني علاش مش ولاد عمها فهمني؟
سند:منعرفش انا هكي حاااس
مالك:سند والله نفختهم الزح به لو طلعت رسمي تبي اسلام ولا كفر ولا يلي هوا وعايشه مع عمها خلاص خليها تعيش حياتها كيف متبي خلاص خليها
سند:شاف لي مالك وناض متعصب 1

✨روايات بنووتة الشيخ(اروى)✨

عمار:قعمزي ياغزاله
مرام:ابتسمت لي عمها وقعمزت
عمار:انتي استريحتي بينا ؟
مرام:اكيد عمي انتم مش مقصرين معاي
عمار:به في ورقه نبيك توقعيها ورقت توكيل عام يعني نبدا انا ولي امك وداير بالي عليك حتا لما تتزوجي نبدا في مكان بوك
مرام:وقت قال الكلمه هادي قلت اكيد اسلام قالهاو لمحله وين تلقو فرحتي عاااد…اي عمي اكيد
عمار:طلع الورقه …هي وقعي هنايا
مرام:وقعت ع الورقه
عمار:فرحته هيا ودلال لااااتوصف ….وهكي وليتي بنيتي
مرام:ضحكتله

الساعه 8في الليل :—
مرام:طلعت برا وراء الحوش ولحقني اسلام
اسلام:حضنها ….اخخخ امتا بنخطبك وبتولي حلالي بس
مرام:مش مصدقه معقوله حبيبي متزوجو ?
اسلام:مروح بوي الاسبوع الجاي ياعمري وبنجو نطلبوك ع طوول
مرام:مسكت يديه…انشاء الله ❤️
اسلام:تعالي شي مستاحشك لا اللوح …وقربها ليه
مرام:ههههه اسلام وين تسحابنا بطل ?
اسلام:قعد يبوس فيها لين رن تالفونها

مرام:تلبكت ….لحضه نرد ونجيك
اسلام:ردي هنايا?
مرام:الوو?
سند:ها وين انتي من بكري مترديش
مرام:كنت مشغوله شوي
سند:مشغوله عليا انا يا مرام؟هه الله الله يادنيا
مرام:لا مش هكي بس انا
سند:المهم بكرا جايك وجايبلك الحوايج يلي خليتيهم في حوشنا الاول
مرام:اي نبيهم حقا
سند:تمام تو نهدرزو بعدين
مرام:تمام …وصكرت
اسلام:منو هادا?
مرام:هادا سند ولد خالي
اسلام:وخيره يتكلم هكي ويحاسب زياده
مرام:هوا نوعه عصبي شوي ويخاف عليا لو مرديتش
اسلام:شافلها وتعصب ?
مرام:حبيبي عادي هاذا متربيه انا وياه
اسلام:نبي نفعم شنو طبيعة العلاقه بينكم ؟؟فهميني يرفع ويجيب فيك ويعطي فيك و و و
مرام:الصراحه قعدت نفكر …جديات شنو طبيعة علاقتي مع سند عمري في حياااتي مفكرت في الموضوع هادا كل يلي نعرفه ان سند يخاف عليا ومهتم بيا وانا منقدرش ومستحيل نعيش بلاه متعوده عليه في كلللل شي
اسلام:مرااام نكلم فيك
مرام:ها?….زي خوي اسلام خيرك بعدين حتا هوا يعامل فيا كأني اخته
اسلام:وهوا متعصب به به
مرام:خلااص عاد غيرلي جوك
اسلام:حاولي تبعدي عليه مرام عارفتيني نغار ومنتحملش
مرام:بساته …يسلملي الغيور انا
اسلام:بوسه تانيه باش نرضا
مرام:امممممواه
اسلام:حضنها….اي هكي تمام
رجب:اسلااااام اسلااام
اسلام:يلا خشي داخل بسرررعه
مرام:به…وخشت

✨روايات بنووتة الشيخ(اروى)✨

مرام:خشيت داري وانا نفكر كيف نبعد ع سند؟؟هوا كان كل شي في حياتي كان عيلتي وسانده بيه ضهري كيف نبعد عليه؟؟؟بس لالالا مستحيل نقدر ?بعدين خلاص لازم نقول لي سند ع اسلام لان عمري ماخبيت عليه حاجه

دلال:ياسلاااام????توا بنبدو نلعبو بي الفلوس لعب اااه ياكبدي
عمار:بكرا انشاء الله نكلم صاحب العماره ونبيع الشقه
دلال:به?من توا ره نبي حصتي عندي هلبا حجات بناخذها
سهى:حتا انا ره
عمار:به به

سند:هه نعم نعم؟؟؟؟؟عاودي مسمعتش
مرام:سند انت سمعتني بلا جو
سند:لا بالك انت نتخايل عاوي شنو قلتي?
مرام:سند انا مدرت شي غلط عجبني وعجبته وحبني ويبي يتقدملي رسمي الاسبوع الجاي
سند:مصدووووووم ????انتي انتي تبصري؟
مرام:لا سند خيرك بعدين انا قتلك لان ولا مره خبيت عليك شي
سند:طاحت دمعه من عينه بدون ميحس….وانتي تمام التمام موافقه؟
مرام:الصراحه اي محترم وينحب
سند:ينحب؟?
مرام:حست ان صوته تغير …سند معاي انت ؟
سند:تعصصصصصصصب وقعد يخببببط ويعيط عليها…..انا مش قتتتتتتلك بعدي عليه الوووولد????? هااااذا هيرك متفهميش وجايه بي كل برود تقوليلي بيخطبي
مرام:سند ليش هكي انت فهمني ؟?هاذا بدل ماتوقف معاي وتفرحلي
سند:تي وقفت معاك في كلللللل شي انا انا الحمار يلي كل شي تبيه يجججججيك حتا الحجات يلي مش راضي عليها وانتي تبيها وقفت معاك لاكن هاذا لاااااااا لا يعني لاااا طلعيه من راااااسك
مرام:هاذا من حقي ?سند من حقي ننحب و..
سند:كمليها كمليها ….وتحبي وله؟تحبيه مرام
مرام:انا يلي نبيه لقيته ياسند وبعدين هوا طالبتي بي الحلال
سند:ربي معاك ويسعدك انا يلي علياا درته كبرتك وربيتك وحافضت عليك من روحي قبل كل شي ربي معاك مرام….طووط طووط طووط
مرام:?تتصل بيه وتعاود وسند مردش قعدت تبكي ….علاااش بس مفيش فرحه تكمل معاي ?

سند:صكر ولوح التالفون ع طوول يده وبدي يكسر في يلي قدامه ويعط ع طول حسه ….حماااااااااره منستاهلللللش منها هكي اناااااااا الززززززززززززح ….بعدين نهار وقعمز وحط يديه ع راسه

مديحه:فتحت الباب وجت تجري….ولدي اسمله عليك خيرك ؟؟؟؟
سند:ناض مسح دموعه يلي في عيونه وخذي مفاتيحه وطلع ومديحه نزلت في جرته تعيط …

مديحه:سننننند سندددد
سند:سطرب بي السياره وطلع

✨روايات بنووتةالشيخ(اروى)✨

اسلام:خيره صوتك هكي؟
مرام:ولا شي ياعمري?
اسلام:به حبيبي ….وقعدو يهدرزو

سند:قعمز ع البحر شويه وبعدين هدي وقنع روحه ان صح من حقها تعيش مع حد تحبه بس انا خلاااص حاس بي وجع مش قادر نوووصفه??
روحت وكانت اني مشغوله هلبا متكلمتش وركبت داري وهذيك الليله قعدت نايض نذكر في كل شي من اول ماشفتها في الاصلاح التربوي كانت صغيررره بكل وخايفه نضرت الخوف في عيونها قاعده نذكرها ?بس يالله الله غالب

اسلام حس ان جوي مش تمام وحب يغيرلي جوي رفعني لي حوشهم??ياقلبي محلاااااه كبير هلبا يجنن لدت فيه كله وخشيت لي داره وعاد صار فيها البوسان والدنيا ??وادهور بيا وروحنا وكلهم راقدين?

مديحه:قلبي مش مرتاح انا
مالك:هدي روحك مرت عمي انا زابطه سند تو نركب ونشوفه خيره
مديحه:تربح ياولدي

طق طق طق
سند:ادخل
مالك:خش وصكر الباب….نقدر نفهم خيرك؟
سند:شي ولا شي تعب وحب سنيني مشي لي غيري بيخطبها ياسند خلاص وهيا موافقه وتحبه
مالك:مصدووم …الكفر بيخطبها
سند:اي اسلام خطبها وهيا موافقه
مالك:سند?س سسند معليشي خليها تو يضربها الحيط وتولي وربي مستحيل يحبها حد زيك بس خليها
سند:مخليها حتا انا?

بعد مرور اسبوع :——-
مرام:طول ها الاسبوع خاطرها ضايق وع قد متتصل بي سند مكلمهاش وهيا قرريب تموت اول مره تقعد بلا سند اسبوع تاام من دون حتا متسمع صوته بس هيا تستعد اليوم لانه اسلام بوه وامه بيروحو اليوم

سند:متحمل بعد مرام بسيفف مسكين ويبين ان عادي وتمام ومفي شي وحلف معاد يرد عليها لان كسراته وع قد مادار معاها من خير في النهايه اختارت غيره

دلال:الحمد الله ع السلامه روروروروي
مريم:بدون نيه…..الله يسلمك?
عمار:اخيرا اخيرا الحمد الله ع سلامتك
هاشم:الله يسلمك ياغالي
سهى:ربي يحفضك ياخالتي مريم مشاء الله حتا وجهك منور
مريم:ضحكتلها ضحكه صفره
هاشم:انشاء الله متعبكمش اسلام ههههه
اسلام:?????
عامر:لالا هادي مشاء الله عليه
مرام:السلام عليكم
اسلام:??????
خشت مرام سلمت عليهم وتحمدتلهم بي السلامه وقعمزو تعشو كلهم وعيون مريم كانت ع مرام لانها زبطت ان هادي يلي يبيها اسلام

?اسلام:اطلعي بسرعه كلهم لاهيين
✉️مرام:لحضه هي ….وطلعتله

اسلام:مش مصدق اني بنروح ونخليه الزح
مرام:مدكرنيش بالله عليك??
اسلام:حضنها ….اششش كلها يومين ونجي نخطبك ونقرا فاتحه طوول معش نتحمل انا
مرام:حبيبي يالله خلينا نخشووو اكيد رح يلاحض عمي
اسلام:به ياقلبي هي

✨روايات بنووتة الشيخ(اروى)✨

روح اسلام وامه وبوه ومرام كانت حزززينه لان اسلام بيروح وسند توأم روحها اختفى ومعاد كلمهاا نهائا المهم اول مروح اسلام اتصل بيها وبدو يهدرزو وكلام حب ووعود وهلبا حجات

هاشم:اسلااااام
اسلام:هي حياتي صكري اكيد بري بيفتح معاي موضوع الخطبه
مرام:اوكي حبيبي نستنا فيك
اسلام:هي لحضات …وسكر

مرام:قعدت نحاااول نتصل بي سند بس مردش عليا حتا مالك مردش?

اسلام:ها بوي
هاشم:تعالا قعمز
اسلام:قعمز وهوا خايف وجه امه وبوه ميبشرش بلخير
هاشم:انت عارف البنت هادي منو وشنو تكون؟
اسلام:كيف مفهمتش
هاشم؛شاف لي مريم
مريم:شكلها ضاحكه علي وليدي طيب الله غالب
اسلام:شنو تقول بوي شن في?
هاشم:البنت هادي حرقت حوشهم زمان وكانت سبب في وفاة مرت بوها وبوها تشوه كله وحبسوها وبعدين طلعت عاشت مع ناس غرب لا خالها ولا شي كله كذب وحده مجرمه

اسلام:هه بوي شنو تقول انت اكيد في شي غلط
هاشم:برا اسأل عليها منو تبي وشوف اسمها لو عليه قضايه او لا
اسلام:ناااض بسررررعه وخش لي دارره

✨روايات بنووتة الشيخ(اروى)✨

اسلام:تكللللللمي جاااااوبي ??دافعي ع روحك
مرام:تبكي بي عبرتها …والله كنت صغيره يا اسلام ونضلمت هلباا???
اسلام:كلام بوي صح يعني؟!
مرام:والله تبت ورب الكون ثبت
اسلام:حبيت مجرمه ثائبه انااا بعد نتزوجك شن بنقوووووول لي صغاااااري امكم مجرمه ثائبه كذبتي عليااااااا شنو نستنا من وحده حرقت بوهااااا انااا
مرام:سكتت ودموعها ينزلو….بتسيني ؟؟اسلام نحبك واعدتني نتزوجو
اسلام:تي اما زواااااج يرحم امك زيدي غادي ولا عاد تفكري تكلميني …..طوووط طووووط طوووط

مرام:??????اااااااه يااااااربي علااااش ????قعدت نبكي ونتصل بي سند بس مفيش رد ياربي شنو درت في عمري انااااا خليت سند يلي كان معاي ومشيت لي واحد رخي بيا ?????

سند:مقعمز نلهي في روحي مع امي ومرام تتصل منردش عليها

مديحه:والله ميار كويسه انت جرب بس اسمع كلامي وخليني نخطبها
سند:نضمي امورك
مديحه:شنو قصدك نخطبها ??
سند:يلي يريحك ديريه….وناض لي داره
بعد شويه وصله مسج

مرام:صدقني سند اليوم رح يكون اخر يوم في حياتي وقبل منموت نبي نسمع صوتك بس
سند:خااف من كلامها ورد عليها

مرام:???سند سند تسمع فيا
سند:مصدووم خيرررك تبكي مرام شنو فيه
مرام:عرف بي يلي صار معاي وسيبني ياسند?قال عليا مجرمه ثائبه
سند:?????
مرام:?????سند سامحني ع كللل شي درته فيك سامحني فضلته عليك
سند:مرام اهدي شوي
مرام:تبكي هلباااا،….لا منبيش نهدا وزي محرقلي قلبي رح نحرقه ورررربي الاما نحرقه في حوشه ونحرق روحي معاه لان منستاهل شي انا حتا انت منستاهلش تكون جنبي??
سند:مرام شن تقولي انتي اهدي انا جايك
مرام:متجينيش سامحني بسس

سند:مرااااااااام
مرام:طوط طوط طوط ….يتبع