مجرمه ثائبة – روايات بنووتة الشيخ

#مجرمه_ثائبه الحلقه 4

مرام:سنودي
سند:عيونه
مرام:عمي يبيني نسكن معاه من بكرا
سند?..وانتي شنو موافقه؟
مرام:في البدايه ترددت بس لما شفت عمي كيف ملهوف عليا والعيله كلها يبوني تشجعت
سند:بغصه…انتي استريحتي غادي؟
مرام:بصراحه اي
سند:ابتسم ع جنب …يهون عليك تخلي سند بروحه
مرام:لا سند متقولش هكي?مستحيل نخليك انا بس انت عارف ان قداش ليا خاطري في عيلتي مننكرش انك طووول السنين هادي كنت عيلتي وكل شي في حياتي بس الدم يحن❤️
سند:عارف عارف….وحضنهاا
مرام:زادت حضناته اكتر ?
سند: رغم كلل السنين يلي عشتها معاك في كل لحضه عارف ان رح يجي يوم زي هادا مرام لازم تعرفي اني عشت معاك اكتر حتا من امي اهتميت بيك تكتر من اي شي لو صارتلك حاجه غادي مستحيل نسامح روحي
مرام:شنو رح يصيرلي بعدين عندك حق تخاف عليا بس هادم عيلتي في النهايه
سند:سرح في مرام يشوفلها ويتكلم في سره….معقوله رغم كلل شي عطيتهولك وكل شي درتهولك في حياتك معرفتيش اني نحبك؟
مرام:سننند
سند:ها معاك
مرام:شنو رايك به مستحيل ندير شي بدون موافقتك
سند:ابتسملها وقلبه محروق….مدام انتي مرتاحه والشي هادا يسعدك تمام موافق
مرام:يسسس ….وحضناته
سند:استني استني متفرحيش في شروط ره
مرام:موافقه
سند:غير اعرفيهم?
مرام:به قول هي
سند:كل خميس نجيبك تباتي هنايا من غير الاتصلات يلي نبيهم ديمه
مرام:من عيوني
سند:سلملي عيونها شطورتي انا هي نوض ارقدي توا
مرام:باساته ع خده …تصبح ع خير
سند:وانت من اهل الخير ….خاطري نعرف بس شنو تحسي انجاهي بوساتك وحضناتك ليا علي شنو يعبرو?…طلعت قدام الحوش وانا مضايق ومخنوق قعمزت وولعت سبسي

✨روايات بنووتة الشيخ(اروى)✨

اسلام:منعرفش ليش فرحان ان البنت يلي شفتها اليوم رح تعيش معانا بجديات ارتحتلها وتبارك الله عليها اخيرا جي حد ينسيني في قرف سهى حتا شويه

ترن ترن ترن :—مكالمة فايبر
اسلام:الووو
هاشم(اب اسلام):السلام عليكم
اسلام:وعليكم السلام بوي كيف الحال؟
هاشم:الحمد الله انت شنو اخبارك غادي كيف حال عمك عمار
اسلام:تمام ماشيه الحمد الله
هاشم:شنو مرتاح ولا نبعتك لي شقتنا متع الشط اسكن غادي
اسلام:اذكر لي مرام….لالا بلعكس الجو هنايا مليح الحق اهو نغيرو في الروتين انا ورجب وايهم
هاشم:به كويس طمنتني عليك واااك هاك امك تبيك
اسلام:هههههه به هاتها
مريم:الو وليدي
اسلام:ها يما شنو الجو
مريم:الحمد الله في نعمه انت كيف صحتك وكيف ماكلتك
اسلام:كله تمام والله دلال مش مقصره الحق
مريم:انا مش مرتاحتلها هيا وبنتها ره?
اسلام:هههههه لالا امورهم تمام متشغليش بالك انتم امتا مروحين
مريم:هيييي ياوليدي مزال اليوم بوك مشي قالوله مستحيل قبل شهرين
اسلام:به ع خير انشاء الله
مريم:هي وليدي دير بالك ع روحك وربي يحفضك
اسلام:سلمك ياغاليه ديري بالك حتا انتي
مريم:انشاء الله هي في حفض الله
اسلام:سلامات

فاطمه:شنو ادير برا
سند:ها ?…لاشي خسيت داخل حسيته ضغط هلبا قلت نطلع نشم هواء
فاطمه:ضغط القلب وكان تقعد تشم هواء من هني لا سنه جايه مش رح ترتاح
سند:ضحكلها ضحكه صفراء….انتي وين وانا وين يا جدتي
فاطمه:عيونك فاضحينك ره خايف البنت ترجع لي عيلتها ومعاد ادورك وانت ياروحي عليك تغيب عليك دقيقه تولي زي المهبول
سند:شنو تقترحي عليا
فاطمه:خليها تمشي سيورها تعرف كللل شي
سند:شنو الكل شي؟
فاطمه:سيورها تعرف منو يلي يحبها ومستعد يحميها العمر كله بس انت ماتضغطش عليها
سند:انشاء الله
فاطمه:هي تعالا اشرب معاي شاهي بي القرفه مع كيكة جداك يلي تحبها
سند:حضنها ربي يخليك ليا
فاطمه:ولا يحرمني منكم يارب
مالك؛ولايبعدنا علي بعض ونقعدو طول عمرنا لاصقين في بعض زي الخراوات?
فاطمه:انت من وين طلعت?
مالك:هههههه
سند:زي غادي بنقعمز
مالك:اهاا تعالا قحم
فاطمه:هي تفضلو
مالك:خيره طرفه اكبر مني
سند؛??
مالك:هاتا جااااي?
سند:مفيش اقلب وجهك خديت حصتك
مالك:تي هاااااته
فاطمه:طول عمركم رح تقعدو صغار??

ثاني يوم:-
مرام:صباح الخير ?
فاطمه:صباح الورد ع الفرحانات مشاء الله حتا وجهك منور
مرام:تسلميلي ياربي شنو نوتو الفطور
فاطمه:اي اهو درت الخبزه والشاهي حطي باقي الحجات
مرام:من عيوني
سند:يمسح في وجه بلفوطه…صباح الخيرات ?
مرام:صباح الورد…في خاطري قعدت نقول محلاه سند ربي يحفضه حتا وهوا نايض من النوم زي العسل?
سند:مرومه بالله قهوا
مرام:اي قريب اطيب هي تعالو الفطور جاهز
فاطمه:شنو الفطور برا اليوم؟
مرام:اي في الجنان الجو يهبل برا بروده
سند:اي خلي نغيرو الروتين شوي

رجب:اسلام اسلاااام
اسلام:هممم?
رجب:هي نوض ياراجل
اسلام:انت شنو النشاط يلي ضاربك ع الصبح
رجب:مش بترفعني لي محل التالفونات متعك؟
اسلام:بصوت واااطي….عيلة مصالح
رجب:شنو تقول
اسلام:اخخ اهو نايضه هي

سند:وتيتي روحك ولا مزال؟
مرام:اه ?لالا مزال
مالك:فمه معبي ماكله …وين علي خير طالعين من دوني
سند:مرام بتعيش مع عمها
مالك:?هااااا جديات
سند:اي
فاطمه:ربي يسعدك يابنتي دنيا واخره بس والله رح نفقدوك
مالك:جديات بتمشي
مرام:اي شنو بتستاحشني؟?
مالك:ها الوجه الرامض يلي بنستاحشه توا نفكر منو بناشب بنكسد
سند:مرام رح تعيش عند عمها وانا ومالك بنرجعو للڤيلا
مرام:الله?
سند:اي ياسر بعد علي امالينا
مالك:وجداي فاطمه
فاطمه:ابتسمت …جايه معاكم امس سند قنعني بسيف
مالك:اخيرااا??
مرام:شدت في يد سند وابتسمت …احسن قرار خذيته
سند:ضحكلها ويتكلم في سره…..لو تعرفي قداش البعد عليك ذابحنييييي بس …يلا نوضي وتي حجاتك وخلي شوية حوايج كل خميس نجيبوك تباتي هنايه
مرام:حاضر?….وناضت

مالك:انا مستغرب فيك كيف خليتها
سند:عيلتها في النهايه
مالك:مستغرب اكتر كيف تخليك بسرعه هادي؟لولاك كانت ماتت يمكن او صار فيها شي كيف عندها عادي هكي
سند:بنت محرومه سنين من لمة العيله ولقتها تتوقع تسيبها ؟
مالك:انشاء الله خير وخلاص

✨روايات بنووتة الشيخ(اروى)✨

عمار:زي ماتفاهمنا ره منبيش حد يضايقها ولا يجي جيتها فاهمه سهى
سهى:به?
دلال:فرحانه….من عيوني حاضر
عامر:وتيتولها الدار
دلال:اي جاهزه امس رجب وايهم ركبو السرير والمرايه
عامر:به كويس ردو بالكم اسلام يعرف بي قصة الشقة خلينا محافضين علي منضرنا قدامه
سهى:متشغلش بالك

سند:خلاص منسيتو شي؟
مرام:كله تمام
مالك:البظاعه متع جداي تو نجيبولها كنتر بعدين
هيافاطمه:اي نبوها اليوم
سند:به اركبو هي

مديحه:زعما يبصرو علينا يازهيره؟
زهيره:انا امس كلمتني جداي فاطمه ومعتقدش انه الدوا كذب
مديحه:الحمد الله اخيرا بيرجع وليدي يعيش معاي في نفس الحوش وتفكيت من هاذيك النكبه والله متوقعت ربي يستجيب دعائي بين يوم وليله هكي ويخلصني منها
زهيره:يالله اريح افتكيتي منها توا الحمد الله بيرجعولنا وليداتنا
مديحه:اي والله

#توضيح:زهيره ومديحه سلفات وساكنين مع بعض في نفس الڤيلا وفاطمه تكون عزوزتهم .واب مالك متوفي

مرام:نزلت من السياره بعد ماسلمت ع جداي فاطمه وبكينا شويه ونزل معاي مالك وسند نزلو بضاعتي كلها ورجع مالك لي سيارته وجاني سند

سند:يشوفلها وعيونه معبيات حب وكسر خاطر?قارب منها وحضنها هلبااا….ديري بالك ع روحك
مرام:حتا انت منوصيكش
سند:شد في يديها….زي قبل اي شي ينقصك حوايج فلوس اي شيييي مرام كلميني
مرام:ربي يخليك ليا ?
سند:حطيتلك زرف في الشنطه فيه مصروفك لاخر الاسبوع وبعدين ساهل
مرام:باساته ع خده
سند:حسها في قلبه البوسه❤️?ابتسم….يلا خشي وخليك فاتحه نت ديمه
مرام:حاضر دير بالك
سند:انشاء الله …وركب السياره

مرام:السلام عليكم
عمار:وعليكم السلام هلا هلا?
مرام:هلا بيكم
دلال:والله كنا في سيرتك حبيبتي تفضلي مرحبتين بيك
مرام:مننكرش اني تفاجأة بي اسلوب مرت عمي الحلو بس عادي ممكن انس جوها معكر او شي المهم ركبت لي داري وقعدت نستف في حوايجي

محمد(اب سند):الله يبارك الله يبارك اخيرا رجعتولنا ?
مالك:اي والله اخيراااا وبنشوفو بنات الجيران كل يوم ?
محمد:طول عمرك تيس….تفضلي اميمتي انستينا
فاطمه:والله ها القصور والحجات هادي منحبها لاكن يالله لا امتا بنقعد بعيده عليكم
مديحه:تفضلو تفضلو علي سلامتكم
زهيره:هي خش سند
سند:خش معاهم وكان واضح انه مضايق

رجب:تمام هكي منور اسلام
اسلام:نورك عامس مدور شي انز شوف السماعات يلي تبيهم كان لقيت خوذهم
رجب:تي انت احسسسن مخلوق في الدنيا لحضات هي
اسلام:طاحت عينه علي حديده نسائيه انيقه بكل في المحل يلي جنبه خش شراها وطلع

في الليل الساعه8:-

العيله كلها ملتمه ع سفرة العشي في حوش عم مرام:-
اسلام:يسلمو يديك عمتي
دلال:صحه وهناء انشاء الله
سهى:اليوم جاربت الامتحان كله يا اسلام?
اسلام:شاطره ربي يعاونك وكانت عيونه لي مرام وبس
عمار:هي كملي عشي باش نرفعك تعزي
دلال:في منو؟
عمار:مش قتلك ولد لطفي توفى
دلال:اي حقا نسيت تمام

✨روايات بنووتة الشيخ(اروى)✨

مديحه:اي والله قداش لينا علي ها الجمعه الحلوه
مالك:مزال بعدين الشاهي وبنحكيلك علي صغار نورا جارتكم
زهيره:اي والله خاطري نقرم
محمد:????عاد جاكم مالك تو خلاص
مديحه&زهيره:ههههههه
فاطمه:كمل عشاك سند
سند:لا الحمد الله سفره دايمه انا طالع نجيب تالفوني نسيته في السياره

دلال:لبست عبايتها وطلعت مع عمار للعزي وسهى ركبت للحمام ادوش ورجب وايهم طالعين اسلام استغل الفرصه

اسلام:تجي نقعمزو في الصالون يلي برا الجو حلو
مرام:قلبي يدق بسررررعه??…اي ليش لا …وطلعت قعدت نتمشى انا وياه

طبعا سند كان طالع بياخذ دخانه مش تالفون ولما فتح السياره عرف ان مرام نست شحنها في السياره ولع وطلع طوول

مرام:بعد قريب نصف ساعه من الهدرزه في هلبااا مواضيع
اسلام:حاب نقدملك شي بس نتمنى متفهمينيش غلط
مرام:خافت..ك كيف؟
اسلام:طلع الحديده …هادي شفتلها اليوم عجبتني ومنعرفش كيف خطرتي ع بالي انتي خذيتها وقررت نهديهولك بمناسبة وجودك بيا
مرام:محلاااها????
اسلام:يعني نعتبرها مقبوله؟
مرام:اي ليش لا?بارك الله فيك

سند:وصل نزل من السياره خش وشاف مرام واقفه مع اسلام وخذت منه صندوق صغيرون….يتبع