مجرمه ثائبة – روايات بنووتة الشيخ

#مجرمه_ثائبه الحلقه3

رجب:مشاء الله مكنتش نعرف ان عمي حمدي الله يرحمه عنده بنت طرف هكي ?
مرام:ابتسمت وانا داخلي مصدووومه بابا امتا توفى؟؟يارب ميكونش من الحريق يلي كان بسببي يارب ?
اسلام:ليش انتي كنتي مسافره؟
مرام:اء?ان….
عمار:اي بنيت خوي كانت مع خالها مسافره بي تونس وهادي رجعتها
اسلام:الحمد الله ع سلامتك
مرام:الله يسلمك ?
عمار:تعالي مرومه نبيك في كلمتين
مرام:حاضر
اسلام:سارح ويده ع لحيته….تبارك الرحمن ربي يحفضهاا

عمار:اسمعي بنيتي مفيش داعي حد يعرف بي يلي صار معاك خليه سر بينا راهو حتا باقي عمامك ميعلموش
مرام:كككيف?
عمار:اي محدش يعرف انك انتي سبب حرق الحوش في يومها مشيت لي الشرطه ومفهمت كل شي قعدت نستنا فيك تطلعي من الاصلاح التربوي وقلت بي عمامك انك مع خالك مسافره باش محدش ياخد عليك فكره سيئه ربي وحده عالم بي الشي يلي مريتي بيه
مرام:من صدمتي وفرحتي حضنتتته وانا نبكي
عمار؛اششش متخلي حد يسمعك سادك بكي
مرام:قال رجب ان بابا توفى امتا وشن السبب؟
عمار:اي بعد الحادث عاش 3سنين وتوفى نتيجة جلطه ع القلب ربي يرحمه
مرام:استريحت ان مش من الحريق توفى بس محسيتش بي اي حزن اتجاها يمكن من يلي داره في امي او منعرفش
عمار:يلا تعالي نتغدو حبيبتي
مرام:مشيت معاه وانا فرحااانه اخيرا بعد سنين رح نعيش مع اي حد يقربلي ويحمل دمي

✨روايات بنووتة الشيخ(اروى)✨

فاطمه:تي قعمز ياولد وانت من بكري تحوس
سند:زعما مرتاحه غادي او مضايقه
مالك:لو كانت مضايقه راهو اتصلت قعمز وانت زي المشواشه
سند:قعمزت وانا ساااارح اول مره تفترق علياا ديمه معاي في كل مكان حاس روحي مش عارف كيف مفركس بكل
فاطمه:مبكري امك اتصلت وقالت مدايره عزومة غداء بمناسبة عيد ميلاد يزن خوك
سند:اوووه نسيته بكل
مالك:قداش ولا عمره؟
فاطمه؛10سنين
مالك:شنوناخذوله هديه ياسند
سند:مش عارف هيا نوض البس خلي نطلعو
مالك:نستنا في الجبنه اذوب ع الخبزه كيف حطيتها في الكوشه
سند:مااالك??
مالك:والله ما طالع لين ناكلها
سند:افففف….ومشي

#توضيح:سند عنده اخ واحد صغير واخته يلي هربت مع حبيبها بس

مالك:عنده 4خوات متزوجات و3خوت كبار هوا اصغر واحد

عمار عم مرام عنده ولدين رجب وايهم وبنت وحده سهى

دلال:تفضلو الغدي جاهز
عمار:هي بسم الله مدي يدك مرام متتحشميش
مرام:تسلم عمي
اسلام:ياكل وعيونه علي مرام ومرام تشوفله من تحت لي تحت
سهى:اسلام راك تنسا درس الجغرافيا اليوم انت واعدتني
اسلام:اه اكيد انشاء الله?

في المحل:-
مالك:شن رايك في اللعبه هادي هدية عيد ميلاد مليحه لي اي فرخ قريب يهبل زي يزن خوك
سند:سااارح
مالك:الوووووو
سند:هااا?
مالك:متقوليش خيرك انت وين ناسي عقلك اليوم
سند:مش عارف الزح مشغول عليها
مالك:انشاء الله تبرا البنت فرحانه بي عمها خليها المهم شن رايك في اللعبه؟
سند:مليحه يزن يحب السيارات
مالك:به تمام …لفهولي لو سمحت
الموضف:حاضر

هي قصة حقيقيه حصلت أحبت سوسن أيمن واحبها تدور بينهما قصة حب كبيره توجت
بالزواج لكن القدر فرقهما بعد حب وبعد ان رمى بها الى الرذيله والى الجريمه وسوسن
تقبل معه وتوافقه لل…

ترن ترن ترن
مرام:عن اذنكم لحضه
عمار:تفضلي
مرام:هلا سنودي
سند:اها مرام كيف الجو عندك
مرام:بي فرررح …يهبببل الجو ياسند لو تسوف عمي كيف فرحان بيا هوا وصغاره تعرف وطلع مش مقايل علي حد يلي صار اااه قصه طويله اول منروح نحكيلك
سند:المهم انتي مرتاحه مفيش حد ضايقك؟?
مرام:لالا نهائيا?
سند:مرام اليوم عيد ميلاد يزن ومدايرين حفله كبيره في الڤيلا لو تحبي نخطم عليك بعد المغرب
مرام:لا منقدرش بعدين جايين باقي العيله بيسلمو عليا
سند:ع راحتك?
عمار:مرااام
مرام:جااايه…يلا سنودي نكلمك بعدين عمي ينادي فيا
سند:تمام ديري بالك ع روحك
مرام:انشاء الله سلام
سند:صكر وتنهد من اعماقه….امتا تفوتي في عيد ميلاد يزن يامرام؟والله شكلهم بياخذوك مني بعد مربيتك وكبرتك بين يديا وحبيتك جو ياخذوك ع البارد ?…يا الله
مالك:جيتك
سند:لي منو اللعبه التانيه ؟
مالك:اااه لي حد?…وضمها وراه
سند:تي لي منو بلا كذب
مالك:عجبتي هيا تحسها متع كبار وهكي
سند:ليك قصدك???????
مالك:مدخلكش?
سند:هههههههههه وووه جنابي
مالك:افففف هيا خلي نلحق نطرح اكيد امك عازمه بنات
سند:هادا يلي هامك انت
مالك:امالا شنو

✨روايات بنووتة الشيخ(اروى)✨

عمار:تعالي مرام ذوقي الحلو
مرام:تسلم ايديك مرت عمي
دلال:بي ضحكه مصطنعه….الله يسلمك?صحتين
اسلام:شنو ناويه تقعدي هنايا انشاء الله?
مرام:ارتبكت اءء انا
عمار:اي كيف عاد ياسر تباعدت هلبا علي عمامها وعماتها
مرام:اكتفت انها تبتسم وبس

سهى:خشت دوشت ولبست قفطان قصير طبعا وقتها صيف ونو هلبااا المهم بخت صنه ودارت مكياج وروج احمممممر وقعمزت في دارها

مواصفات سهى حنطيه مايله لي السمره دبدوبه شعرها قصير نضام كاري واسوود عيونها متوسطات تقرا 3ثانوي

مرام:خذتني الهدرزه مع اسلام كل مره موضوع والحق انعجبت بيه وبي شخصيته هلبااا

دلال:اسلام وليدي سهى تراجي فيك تقريها
اسلام:تمام هي جايها …لازم نمشي توا نخليك?
مرام:خوذ رااحتك?
اسلام:بجد تشرفت بي معرفتك وسعيد لانك رح تقعدي بينا
مرام:انا اسعدوالله

سند:وصلت للحفله وكانت في الحديقه متع الڤيلا لان الدنيا صيف ومحلاه الجو في الليل المكان كله مزين والبوفي واتي وزحمه

زهيره:جيت وليدي?الله يبارك علي الزين
مالك:شوفيلنا عروسه حلوه يا امي
زهيره:عروست عينك مزال وقت
مالك:طاحت عينه ع بنات …سند انا ماشي ندير ال من هضاكا هي سلام
سند:ضحك وهز راسه

كان سند لابس سروال اسود مع سوريه لونها بيضاء وسبيدرو نفس اللون وساعه سوداء وخاتم وشعره يلي مساويه اه ياحليلي انا ولابس نضرات شفافات

مالك لابس شرط جينز مع بدي اسود في الذهبي وسبيدو نفس اللون

✨روايات بنووتة الشيخ(اروى)✨

مديحه:وليدي قداش استاحشتك….وحضناته
سند:حتا انا والله
مديحه:وين البنت هديكا ?
سند:في حوش عمها
مديحه:ليش هيا عندها اهل??
سند:اي من فتره دوروها
مديحه:اووه اريح معناها خلاص فكك ربي منها خلي تقعد عندهم
سند:حب يغير الموضوع لان يضايقه….وين يزن؟
مديحه:يزون فوق قاعدين يلبسو فيه المهم تعاله معاي نبيك
سند:وين
مديحه:جبداته من يده …تي غير تعالا
سند:به

مديحه:ميار…هاذا ولدي سند سند هاذي ميار بنت صاحبتي تهاني
سند:ابتسم بي السيف…تشرفنا
ميار:بيك اكتر???
مديحه:اي وهاذي اختها رهف
رهف:بجوده بيك
سند:بيك اكتر
مديحه:ميار عندها مشروع متع صاله رياضيه خاصه بي النساء وتبي تستشيرك في حجات لانك قداش ليك تدرب وتفهم في الحجان هيا
سند:اها اكيد…عارف ان امي تلصق فيا ليها بس يلا كلها دقايق نتحملها
مديحه:هي انا بنمشي نستقبل المعازيم عن اذنكم
ميار:اذنك معاك

طق طق طق
سهى:نطت بسرعه تساوي في روحها…ادخل
اسلام:السلام عليكم ين…??نصدم من لبس سهى
سهى:تعالا خش انا وتيت الكتابات والدروس يلي طلبتها
اسلام:خليت روحي عادي وقعمزت نشرحلها كنت عارف انها تبي تغريني بي لبسها وحركاتها المايعه بس بصراحه ميعجبش فيا النوع هاذا من البنات سواء في الشكل ولا في التفكير منحباش

ايهم(ولد عمار):السلام عليكم
مرام:وعليكم السلام
ايهم:انتي صاحبت سهى??
مرام:لا?انا بنت عمك حمدي
ايهم:لالا كيف صار??
مرام:ضحكت
عمار:يلا سلم علي بنت عمك
ايهم:مشاء الله مشاء الله كيف حالك
مرام:بخير الحمد الله
ايهم:دوم انشاء الله

ميار:اهاا فهمت عليك بس مشاء الله حتا انت جسمك مثالي يعني مش منفوخ هلبا متوسط وحجم العضلات متناسق مع طولك
سند:من ذوقك …بعت مسج لي مالك

?نادي عليااا خلصني من الخرا يلي واقف معاها
✉️مالك:ههههه مليحه خيرها
?نادي عليا ياحيوان

ميار:رح نكلمك انستنا وتبعتلي جدول النضام الغدائي
سند:انشاء الله
ميار:ورقمك لو….
مالك:سندددد
سند:جايك نحكو بعدين
ميار:تمام
سند:مشي لي مالك

رهف:عسلل الولدً
ميار:اااه هكي نحبه منضره رجولي هلبا اسمراني عضلات ولحيته والخبطه يلي في حاجبه زايده الطين بله
رهف:تقدري تجيبيه لي الطريق
ميار:عندك فيها شك هاذي
مديحه:يلاااا قربوو يزون رح يطفي الشمعه

وتجمعو كلهم قعدو يغنو وطفا يزن الشمعه وصفقوله وبدي كل واحد يقدم في هديته ❤️

✨روايات بنووتة الشيخ(اروى)✨

اسلام:وهادا كل شي كملنا
سهى:كانت رح تتفجر لان اسلام مدارش ولا ردت فعل ….اوكي شكراا
اسلام:تفضلي في اي وقت ….وطلع وهوا متقزز من منظر سهى

اجتمعو عمات وعمام مرام وبدو يرحبو بيها بي الدموع والضحك ومشاعر مختلطه وبين هادا كله كان اسلام يراقب من بعيد

مالك:كول تورته كول
سند:معنديش نييه بنخليها لي مرام
مالك:خليها وانت تقول امي ادست في الحجات لين تروح وتفرق علي صغارها
سند:انت امتا بتخليني في حالي خير منشدك قدام الناس نعجنك طريحه
مالك:خليك توا من الطريحه وشوف يلي لابسه بتنجالي
سند:بتنجالي؟☹️
مالك:تي اي شوفها
سند:خيرها
مالك:تخيل هديكه بنت موسى كنت فتحيه اخخخي الزفت ذوقهم زي وجهم
سند:ممكن نعرف خيرك تقرم زي النتايه الخامره؟
مالك:نمشي نقرم انا مرت عمي يلي هيا امك خيرلي …..يادحدوحاااا
سند:ضحك …ربي يهديك وخلاص وخش وراه

مديحه:اي والله ريتها منضرها في حاله مسكينه
مالك:مش كان خدوله بنت صبريه يلي كان يبيها خيرلهم
مديحه:تي انت مسمعتش
مالك:شنو
مديحه:بعد مخطبها اتصلت بيه تهزب فيه قتله القفطان يلي جايبينهولي انشف بيه حمامنا منلبساش
مالك:ريتي الفانص?
مديحه:تي اي وحلفت فتحيه ما خاشتلها حوش فسخ
مالك:طيح سعدها ماله عاجبتها اختها انتصار يلي سنونها اكبر من حاويات المرسى
مديحه:نصيب شنو بدير هي
مالك:كان نقولك مسمعتيش بي خيريه انتي لما….
سند:خلااااااص الهم ياسركم
مالك:شن جابك انت خلينا في حالنا
سند:هيا الحفله تمت نوض بنروحو
مالك:هي بسلامه مرت عمي تو نكملو ع الواتس خلينا رسايل صوتيه لانك ديما تتلخبطي في الحروف ومنفهم في شي
مديحه به انشاء الله 3

سند:يزون خيرك مقلتش صحيت لي مالك ع الهديه
يزن:نقوله امك حتا انا مره جبتله هديه
سند:تصبحو ع خير???
مالك:والله اما نوريك يامعفن
سند:ماااالك
مالك:جاااي

✨روايات بنووتة الشيخ(اروى)✨

ترن ترن ترن
مرام:الو
سند:هي اطلعي انا برا
مرام:اوكي هي
سند:سكر الخط

مرام:يلا عمي انا مروحه
عمار:جيبي حوايجك وكل شي يخصك وتعالي بكرا تلقي غرفتك جاهزه
مرام:انشاء الله هي سلام مرت عمي
دلال:سلام?
ايهم:بسلامه بنت العم
مرام:تصبحو ع خير ….وجيت طالعه نتلاقا مع اسلام

اسلام:مروحه؟
مرام:اي وبكرا راجعه انشاء الله
اسلام:اه اوكي في انتضارك
مرام:انشاء الله
اسلام:مد يده لي مرام تصبحي ع خير
مرام:وانت من اهل الخير …عيونه كانت تشوف اي بعض بي طريقه غير طبيعيه ركبت لي السياره وانا نستنا امتا نرجعلهم بسسس

في السياره:
سند:تلفت لي مرام وحضنها …استاحشتك اول مره تقعدي يوم كامل برا
مرام:حتا انااا
مالك:ياكل في مكسرات….وانا مستاحشتكش
مرام:عارفاتك تكدب ياحيوان…وضرباته ع كتفه
مالك:هاك تسمسمي
مرام:شنو هادي
مالك:سند خلالك من التورته متع يزن
مرام:ياعمرري كيف كان عيد الميلاد
مالك:معبي انتايات
مرام&سند:????

في غرفة النوم:-
دلال:بصراحه مش متحملتها ياعماااار ?
عمار:حماره ورح تقعدي طول عمرك الحماره البنت لو قعدت عندنا الايام هادي وخليناها تحس بي حب وحنان العيله رح نحصلو 200الف ع البارد
دلال:ككككيف???
عمار:تي اي بوها قبل ميموت كتباها الشقه بي اسمها وجي مدير اعمال يبي يطيح العماره لانه بيدير مشروع شري الشقق كلهم معاد شقة حمدي الله يرحمه ومستعد يدفع اي ثمن مقابل انه يهدم العماره ويدير مشروعه
دلال:وانت علي شنو ناوي؟
عمار:رح نخلوها توقع ع التوكيل بس محتاجين وقت ونبي همتك معاي والله وح نتعبو فلوس
دلال:اي لو هكي تمام??

مرام:وصلت للحوش وكانت فرحااااانه وتحكي بي جدت سند فاطمه كيف تلاقت معاهم وكيف رحبو بيها قعدت ساااعه وهيا تحكي وسند يشوفلها من بعيد وحاس ان مرام قاعده اضيع منه?

مرام:سنودي
سند:عيونه
مرام:عمي يبيني نسكن معاه من بكرا
سند?…يتبع