مجرمه ثائبة – روايات بنووتة الشيخ
#مجرمه_ثائبه الحلقه 13
سند:بصوت عااالي…..متشوووووفيش ؟؟هاااا متشوووفيش اني منتنفسش بدووونك متشوفيش قدااااش نحبك وخايف عليك متشووووفيش فيه هادا كله …وشدها من يديها وقعد يعيط ….تكلممممي جاوبيني هاااادا كله انتي متحسيش بيه
مرام:مصدومه بدت تبكي …ا اسفه انا
سند:انتي ولا شي انتي رغم كل شي صاااار رجعتيله بس خلاص انا يأست ….وطلع وقربع الباب
مرام:سنننننند سنننند….
سند:طلع ومردش ولا كلمه وحتا حتا شافلها
مرام:ياررررربي شنو درت انااااا???????
سند:بدون تفكير نزل لي صالة رياضه وبدون حتا تسجيل دفعلهم مبلغ وخش لبس متع الملاكمه وطاح في كيس الملاكمه ضرب ضرب ضرب ضرب وكانت قوته رهيبه وعضلاته وعروقه بارزاااات لدرجة الكللل انتبه وقعدو يتفرجو من كثر الغل يلي فيه لين كيس الملاكمه طاح ومع هاذا موقفش ضرب
مرام:قعدت دايخه في كصبره ونش عارفه روحه شنو ادير حتا تالفون معنداش ومالك متعلمش بيه وين سلمت حكامها لي ربي وقعمزت تستنا فيه
المدرب:حاال فمه
سند:اخذ تيشرته وطلع
ترن ترن ترن
سند:ايوا
خالد:اهلا سند كيف الحال
سند:الحمد الله تمام شنو صار معاك
خالد:مشت الامور دورت ملقيتش ولا محضر بي اسمها معناها مفيش حد رفع عليها قضيه
سند:به تمام وشنو عمها؟!
خالد:عمها قاعدين نراقبو مفيش شي جديد مسألش عليها حتا
سند:تمام خليكم يومين متابعين المراقبه بلش نضمن انه نش حاطها في راسه ونروح وانا بالي مرتاح
خالد:ميه ميه
سند:سامحني تاعبتك معاي
خالد:متقولش هكي ياراجل خوت مش بينا
سند:منور هالد هي تو نهدرزو
خالد:تمام في امان الله
✨روايات بنووتة الشيخ(اروى)✨
مرام:معش قدرت تتحمل ونزلت لي الشط ادور في مابك لين لقاته مع بنات
مالك:شن تبي
مرام:مالك مشفتش سند?
مالك:لالا علاش؟
مرام:طلع وهوا مضايق مني معش مفهمت وين مشي
مالك:ديمه وانتي منكده علينا
مرام:مش وقتك توا نوض شوفه وين
مالك:ابتسم اهو وراك ابن الحلال عند ذكرو بيبان
مرام:تلفتت ويا قلبها بيطيح منها شافاته …س سسند انا ….
سند:منبيش نسمع شي …مالك برا تفاهم مع الريسبشن الغي الاسبوع يلي مددناه
مالك:علاش
سند:بنروحو بعد يومين الامور طيبيه خلاص
مالك:لاحض ان سند معصب ولو ناقشه في اي موضوع رح يقربع الدنيا ….تمام تو نتفاهم معاهم
سند:مشي لي غرفته بدون ميزيد ولا كلمه
مرام:اول مره نشوف سند هكي??جيت بنلحقه لاكن شدني مالك
مالك:لالا احتمال تموتي بين يديه ره هني روحك خليه يهدا بعدين ساهل
مرام:هزت راسها بمعنى موافقه وقعمزت
سند:خش للحمام يدوش ومفيش في راسه اي شي غير انه خلاااص تحمل هلبا ومعادش مزال بيطمع روحه ويخلي امل انها تحبه ولا حتا تبعد علي اسلام رغم كل شي داره فيها
مديحه:وين زهيره؟
محمد:في الصاله جوها البنات
مديحه:خشت لي الصاله وسلمت عليهم وقعمزت تهدرز
سميه(اخت مالك):والله ليك وحشه يامرت عمي
مديحه:انتم وينكم معاد بينتو ولا جيتو
مودة(اخت مالك):والله يا مرت عمي هم الصغار وقرايتهم معاد فضينا
مديحه:مشلء الله الله يبارك ربي يحفضهولكم
موده:الله يسلمك عقبال نشوفو صغار سند
مديحه:ابتسمت …عن قريب انشاء الله
وقعدو سمية وموده يهدرزو علي امهم زهيره ويضحكو انا مديحه كان قلبها يتوجع?علي بنتها يلي معش رتها من14السنه من لما هربت مع حبيبها معش تعلم بيها حيه ولا ميته قداش تمنت تزوجها واحد يكون نفس طبقتهم لاكن بعد تقدملها شاب ع قد حاله رفضت وصكرت دماغها حتا بعد عرفت ان بنتها تحبه
سند:كمل الدوش لبس حوايجه وجفف شعره بي الفوطه شوي شوي وقعمز ع السرير ويشوف الاي باد كيف مكسر قدامه وسرح
طق طق طق
سند:عارفها مرام مباش يتكلم
مرام:فتحت الباب وخشت
سند:شافلها وقام حاجبه كانه يقلها شن جابك؟
مرام:سند اسمعني بالله عليك خمسه دقايق بس
سند:مرام راسي مصدع فوتيني واطلعي نبي نرتاح وانسي اي كلمه قلتهولك مبكري
مرام:لا منبيش نطلع ومنبيش ننسا شي سند حرام عليك
سند:بي ضحكة هزوا …انا حرام عليا؟اطلعي مرام اطلعي
مرام:وربي شفت الرسايل بس مبعتت شي بعدها اتصل مرديتش
سند:به وانا شنو علاقتي،؟نضمي امورك مرام بنسبه ليا معادش عندي اي دخل في خصوصياتك ره ولو انتي توا قاعده معاي لاني حالف من لما كنا صغار اني نحميك وتقعدي معاي لين يجيك نصيبك وانتي اسلام نمي هوا تبيه وقفت في طريقك اكتر من مره لاكن بعد هاذا كله خلااااص ربي معاك
مرام:لاك…
سند:اطلعععععي
مرام:خافت?طلعت وصكرت الباب
مرام:رجعت لي غرفتي وقعدت طوول الوقت نبكي ع حضي ومستحيل نستوعب ان يجي يوم ونهسر سند يلي كان كل شي في حياتي وراجل معاي في كل لحضه اذن العصر والمغرب والعشي وانا مطلعتش من الدار ولا حتا كليت قعدت لا تاني يوم مطلعتش
سند:مقعمز مع مالك يفطر…وين مرام
مالك:مريتهاش من امس
سند؛برا شوفها دير عليها دوره
مالك:به بعد شوي
سند:تي نوض توا
مالك:اففففف?…وناض
✨روايات بنووتة الشيخ(اروى)✨
طق طق طق
مرام:قلبي رعش نسحابه سند نضت بسرعه فتحت الباب
مالك:خيرك متطلعيش تفطري?
مرام:هوا انت? مخاطريش
مالك:به غير وتي روحك بكرا راجعين ره
مرام:تمام?..وين سند
مالك:سند يفطر برا
مرام:مسألش عليا
مالك:لا
مرام:به?…طلع مالك وانا قعدت نبكي ومش مصدقه ان سند قدر يصبر ومشافنيش من امس معقوله ؟؟وتيت حوايجي ووقفت ع الروشن نتفرج ونشوف في سند من بعيد
مالك:مخاطرهاش وقتلها توتي روحها
سند:به كويس…وبعد يدخن
مالك:خيرم متردش ع امك من بكري تتصل
سند:مخاطري في حد تو نروح وبعدين ساهل
مالك:ع راحتك
وفاتت اخر يوم في شرم الشيخ سند طول الوقت سارح ومالك مخشش داره بكل يهيج لان اخر يوم مرام مش واكله شي ليها يومين ومطلعتش من الدار
تاني يوم الساعه 12 الضهر:-
طقطقطقط
مرام:فتحت الباب
مالك:صباح خير
مرام:صباح النور
مالك:هي وتي روحك شويه وطالعين
مرام:به تمام
سند:لبس حوايجه وساوا روحه وشرب قهوته وطلب تاكسي
مالك:بعد ما كمل ولبس حتا هوا نزل ومعاه مرام وركبو في تاكسي
التاكسي وسند من قدام ومالك ومرام من الخلف ومرام طووول الطريق قريب تهبل من معاملة سند ليها
وصلو للمطار وقعمزو في صالةالانتضار
سند:ناخذ قهوا ونجيكم
مالك:هات تالفونك نكلم امي
سند:هاك …ومشي ومرام اتبع فيه بعيونها
مرام:طول الوقت سارحه وحاسه روحي فاقده قطعه من قلبي قريب نمووت نحس في روحي خلاااص
مالك:به انشاء الله هي ساعات وتلقونا قدامكم انشاء الله
زهيره:به توصلو بي السلامه
مالك:انشاء الله هي سلام
زهيره:سلام
مالك:حط التالفون ع الكرسي بينه وبين مرام
مالك:خيره وجهك اصفر
مرام:تنهدت …شي عادي
مالك:به كولي حاجه قداشليا مشفتكش تاكلي
مرام:معنديش نيه …مالك مقالكش سند بعد نروح عند منو بنقعد؟
مالك:منعرفش مرات يرجعك عند عمك او منعرفش الحق
مرام:سكتت …زعما يديرها سند لهدرجه هنت عليه؟ …وانا سارحه ونهدرز مع روحي قاطعني صوت تالفون سند كان يشرين ولما شفته لقيته المتصل ميار …حي ع كمييييية الوجع?????
مالك:ايوا
ميار:الو سند كيفك
مالك:هلا نيار انا مالك مش سند
ميار:اه اهلين مالك وين سند اماله في شي
مالك:لا بخير بس ناض بيجيب قهوا وخلا تالفونه
ميار:اهااا بن شن صار في مرواحتكم
مالك:اي نحنا في المطار توا
ميار:به توصلو بسلامه
مالك:الله يسلمك اهو سند معاك جي
سند:منو?؟
مالك:ميار
سند:اخد تالفونه وتباعد
مرام:قريب تمووووت …. من امتاا يهدرز ع حد ويبعد علينا؟؟
✨روايات بنووتة الشيخ(اروى)✨
مرام:كمل سند مكالمته وانا تعبت من معاملته معاي وبديت حتا انا نتجاهل فيه ..ركبنا الطياره وكنت فاااشله من قلة الماكله مش قادره نوقف جي الكرسي متعي جنب سند بس طول الطريق مشبحناش لبعض حتا الشبح وانا من كتر مافاشله رقدت لين وصلنا
مرام:لما وصلنا نزلت وانا نمشي بشويه ومعاي مالك كان ملاحض ان فيا شي وكل شويه يسأل فيا بس سند ولا عبرني وانا الشي هادا زااادني?
مرام:المهم انا نتبع فيهم وبس ركبت معاهم في سيارة سند يلي جابهولا صاحبه ومكنتش عارفه روحي وين نمشي هل رح يوصلني ع حوش عمي ولا وين؟
في الطريق:
مالك:بصوت واطي…وين بتمشي مرام
سند:نروحو ويصير خير
مالك:به تمام
مرام:فتحت عيوني لقيت السياره وقفت قدام الفيلا نزلت معاهم وخشينا بعد مانزلو الشناطي
مديحه:حضنت سند الحمد الله ع السلامه ياغالي??
سند:الله يسلمك ☺️
مالك:نفس الشي يحضن في امه
فاطمه:شافت مرام من بعيد جت حضنتها وتسلم عليها …..وينك استاحشتك بنيتي لاتقولي عندي ام نسأل عليها ومستاحشتني ولا شي
مرام:بدون شعور قعدت تبكي وحاضنه فاطمه …انا تاااعبه يا امي تاااعبه???
فاطمه:اسم الله عليك بنيتي خيرك اهدي اهدي
مديحه وزهيره انتبهو ان مرام خشت معاهم
مديحه:هادي شنو جابها هنايا
سند:بعدين نهدرزو فيه الموضوع مش توا
مديحه:لا توااااا من قالك جيبها حوشي??
سند:انتبه ع مرام تبكي وحاضنه فاطمه كأنها في حاجة اي حضن حنين عليها ?وجعاته
فاطمه:مسحت لي مرام دموعها خلاص اسس خشي ونهدرزو هي
مديحه:نكلم فيك سند
مرام:حسيت بي الدنيا تلف بيا ومعش قدرت نوقف اخر شي شفته سند جايني يجري وينادي فيا….يتبع