مجرمه ثائبة – روايات بنووتة الشيخ

#مجرمه_ثائبه الحلقه12

سند:فنص في مالك واشرله بي يده
مالك:منبيش انوض?اطلبنا حاجه ناكلوها
سند:متشبعش انت هادا الحال
مرام:مالك وطي صوتك بنرقد
مالك:نبي نااااااااكللللل يا سنننننننذ
مرام:??‍♀️

اسلام:ككيف يعني كيف مفهمتش؟!
عبدو:والله هادا يلي صار لقيتاسمها في قوائم المسافرين تقريبا يااما امس يا اليوم منعرفش بزبط
اسلام:به وين مشت؟
عبدو:والله منعرف يا اسلام قدرت نطلع اسمها بس
اسلام:به تمام غير نبيك تخليك مراقب لما تروح عطيني علم ضروررري وراس عبدو
عبدو:تمام مش مشكله حاضر
اسلام:منور والله معارف كيف نشكرك
عبدو:ولايهمك ياراص مدور شي

مكالمة فايبر:—-
مديحه:والله تهبل يا سنودي كان تشوفها كيف فرحانه قتلي الحمد الله جاني واحد نفس ميولي تحب الرياضه والحجات هيا زيك
سند:به امي تمام
مديحه:شنو تمام انا نبي نعرف امتا بتروح الجماعه يستنو فيك
سند:اففف امي انا كيف واصل متنفخيليش راسي امتا منروح به
مديحه:المهم متعطلش عليا
سند:انشاء الله
مديحه:عطيني مالك نبيه
سند:به…دار كتم…..مالك رد بالك تقلها مرام معانا نقتلك
مالك:فمه معبي ماكله…به وانت بكل هات جاي …ها مدوحتي
مديحه:شن جو
مالك:الحمد الله ياحب. شنو مدايرين غادي
مديحه:اهو حال الكساد نستنو في سند امتا يروح خلي نهيجو في عرسه
مالك:??انشاء الله اي علاش لا

مرام:كنت مغطيه روحي ع اساس راقده بس نسمع فيهم شنو يهدرزو وانا مش مصددددقه كيف سند رح يتزوج يعني انا عمري متخيلت في بنت تانيه تجي تاخذه مفهمتش ليش انا مش مستوعبه ?

✨روايات بنووتة الشيخ(اروى)✨

الساعه 7المغرب:-

مرام:نضت من نومي خشيت الحمام غسلت وجهي وطلعت ملقيتش سند قعمزت ع الكنبه نستنا فيه شفت اي باد سند وكان عالق مع نت الفندق فتحت فيس درت تسجيل خروج وفتحت ايميلي

مالك:يعني تو هادا كله ع خاطرها ?
سند:اي رح تفرح لما تعرف اني حجزت في شرم الشيخ مش شقه عاديه وبعدين انت قولي خيرك كاره مرام؟
مالك:مش كره لاكن انت مفهمتش لي شنو تبي توصل ادير في كل شي ع خاطرها وهيا مش شايفتلك حتا بربع عين
سند:انا مش مداير هادا كله لان نبي منها شي ولا نبيها تشوفله انا نبي نسعدها وبس
مالك:به به
سند:فتح باب الدار…عي برا وتي حوايجك باش نمشو بعدين
مالك:تمام

مرام:شفت ان عندي 19الرساله وكان الفضول بيقتلني اول مافتحت ع الدردشات
سند:السلام عليكم
مرام:صكر ت الاي باد بسرعه …وعليكم السلام
سند:شنو اديري
مرام:ولاشي كساد
سند:به نوضي وتي حوايجك والبسي هي
مرام:وين
سند:حجزنا في شرم الشيخ خلي نهيجو غادي غير ما نأجرو شقه عاديه
مرام:جدياااات???
سند:هز براسه وهوا يبتسم
مرام:ياعمررررري…وحضناته
سند:حضنها وقد يشم في ريحتها❤️
مرام:حسيت عليه بس درت روحي عادي يعني رغم ان قلبي دق ❤️❤️
سند:فاق ع روحه هيا نوضي البسي
مرام:تمام …وناضت

ترن ترن ترن
مكالمة فايبر:—-
سند:الو?
ميار:صباح الورد
سند:صباح الخير
ميار:الحمد الله ع السلامه
سند:الله يسلمك
ميار:كيف حالك انشاء الله تمام
سند:بخير الحمد الله ?
ميار:كيف الجو في مصر
سند:اهو ماشيه الحراره مرتفعه زي ليبيا مفيش فرق
ميار:اها امتا مروح انشاء الله
سند:مش معروف والله ع الشباب تو
ميار:اوكي معناها نبي هديه من غادي هههههه
سند:??
ميار:الوو
سند:اها اي ليش لا انشاء الله ….المهم توا بنصكر بنطلع
ميار:اوكي نحكو بعدين
سند:به به هي سلام
ميار:سلام ….صكرت وحضنت التالفون

ميس(اختها):خيره يتكلم بي جفاف
ميار:رزين هلبااا ومعمراش كلم بنت هكي قتلي امه?
ميس:امم به كويس

✨روايات بنووتة الشيخ(اروى)✨

مرام:يالله انا واتيه
سند:ابتسملها…اطلعي هي ?

مرام:ركبنا لي السياره ومعانا مالك طبعا ?مشينا قعدنا في الطريق ساعتين تقريبا باش وصلنا شرم الشيخ وكان الجو خيااااال ??بحر ومطاعم جو مش عادي اجرنا غرف غادي وبدي كل واحد يساوي في حوايجه

طق طق طق
مرام:فتحت الباب
سند:هي تنزلي نتغدو
مرام:اي تعرف جعااانه حتا فطور مفطرتش
سند:تعالي هي
مرام:اوكي لبست كندره وطلعت
سند:شبحلها وقام حاجبه?
مرام:شن في?
سند:خشي غيري سروالك
مرام:ليش شنو في
سند:قدام مره قتلك سراويل زي هادم متطلعيش فيهم خشي غيري سروالك تحركي
مرام:اففف به??
سند:قعد واقف يستنا برا
مرام:كملت هي هدا باهي
سند:قعد يشبحلها..امم به مش بطال هيا تعالي
مرام:نزلنا ع بعض وطبعا مالك سبقنا وكان مقعمز ع البحر ويشوف لي البنات وطبعا مخلطين اجانب علي عرب واللبس عار مايوهات وداخلي وانا مصدوم قعمزت ونتفرج وجنبي سند ونالك هااايم مع البنات

مالك:هي سند نوض
سند:وين ؟!
مالك:تي هيا ياراجل نحصلو سالطوات نعومو شويه
سند:لالا خش انت خليني في مكاني
مالك:وااااك تي نوض ياراجل
مرام:نوض سنودي خادا بينفخ الراس ره
سند:خليك مقعمزه هنايا متتحركيش
مرام:به
مالك:هياااا
سند:ناض نحا التيشرت متعه حطه جنب مرام ومشي مع مالك الكل كان يشوف لي سند لان جسمه ابدااااع من كثر التمرينات لان عشقه الرياضه

مرام:قعدت نتأمل فيه من بعيد وجسمه الدمار وحركات كيف يرجع في شعره لتالي والميه ع شعره ولحيته ااااه ياقلبي ??قعدت نشوف في نضرات البنات ليه قريب متت مش متعوده ولا حد يشوف لي سند غيري كيف بنتحمل يتزوج بسسس

سند:طلع من البحر جاته بنت اجنبيه تجري جابتله فوطه وهوا قعد مستغرب
مرام:نضت زي الجن تجري ….ثانكيو حبيبتي بس ميستعملش الا في الفوطه متعه هاك سنودي
سند:ضحك ?صحيتي
البنت:wat?
مرام:شدت سند من يده وجبداته …تعاله قعمز هني معش تنوض
سند:????خيرك انتي
مرام:هاك البس التيشرت معش تنحيه
سند:???شن جاك
مرام:جداي فاطمه تقول العين حق وشوفهم كيف فاتحين عيونهم فيك
سند:حضنها وهوا يضحك …مجنونه

✨روايات بنووتة الشيخ(اروى)✨

الساعه9في الليل:-
مرام:قعمزنا ع الشط وقعدنا نتعشو ونهدرزو ع كل شي
مالك:اشبح تو وين تسكن بعد تتزوج
سند:سكت …فهمني خيرك تفكر في موضوع جوازي اكتر مني
مرام:تكنطت لانها كانت حاسه ان مالك متعمد يغيضها
مالك:خزي هاذا جزاي نفكر في مستقبلك وانت مش معدل
سند:توا خلينا نغيرو جونا موضوع الجواز والدسكات هادي تو نفضالها لما نروح
مالك:خلي نمشي للحمام ونجيكم كليت هلبا الزح
مرام:حتا متجيش عادي ره
مالك:مدخلكش…وناض

مرام:تنهدت …سنودي
سند:ياكل….عيونه
مرام:انت مرتاح لموضوع الجواز هادا
سند:كيف يعني؟
مرام:منعرفش نحس فيها مش البنت المناسبه ليك
سند:ابتسملها…امالا منو المناسبه ليا
مرام:ارتبكت …منعرفش المهم مش ميار
سند:كمل ماكلته…عادي مرومه متفرقش امي تبيها وعاجبتها
مرام:يعني انت بتاخدها ع خاطر امك
سند:امالا ع خاطر منو يعني
مرام:به ار….
سند:مرام بالله صكري السيره تو نروح ويصير خير
مرام:به انشاء الله
سند:تنوضي للغرفه ولا تقعدي مقعمزه
مرام:لالا بنوض نرتاح تعبت خلاص
سند:تمام نوضي معاي هي
مرام:خدت الاي بتد وناضت

مريم:بوك يبيك تمشي معاه بكرا
اسلام:وين
مريم:بشري حوش جديد
اسلام:يصير خير
مريم:متقوليش خيرك قالب وجهك انت معش ولدي الاول
اسلام:خلوني في حالي ومعش حد يسألني
مريم:وعلاش انشاء الله
اسلام:مردش عليها وناض

خشت مرام غرفتها وفتحت الفيس من اي باد سند وشافت الرسايل وكانو كلهم من اسلام يترجى فيها ترد عليه وتكلمه وتسامحه وهلباااا كلام عرفت مرام ان اسلام عايش فرحت شويه ان مامتش بسببها لاكن في نفس الوقت معش حست اتجاها بي اي شي كأنه قدره طاح ومستحيل يرجع زي قبل ?المهم طبعا الدردشه كان لونها احمر والرمز التعبيري قلب❤️قعدت تقرا في الرسايل وفجأه طق الباب نغلعت مرام وبي الغلط رصت ع القلب ❤️

اسلام:وصلاته رساله…فتحها ومصدقش عيونه قعد يتصل بيها ماسنجر وهوا فرحان بيموووت ان ردت عليه

مرام:صكرت الاي باد وناضت فتحت الباب
مالك:اسمعي انزلي لوطه وجيبي معاك بطاقتك الشخصيه
مرام:ليش شن فيه?
مالك:سند مدد الاقامه لي اسبوع ويبوها ع خاطر اوراق
مرام:اوكي جايه ….خذت الاوراق ونزلت مع مالك

سند:كان مضااااايق بسبب قصت الجواز يلي امه تنق عليه ومعش سكتت وبي سبب مرام يلي مش حاسه بيه وبي تعبه وبي سبب بعده ع عيلته وهلبااا حجات كان مضغووط هلبا طلع من الدوش لبس توتة اديداس وجي لي غرفة مرام لقاها مش مصكره خش

سند:مراااام مرااام …وين مشت هادي ….وجي بيطلع بس شاف الاي باد خذاه وطلع لي داره
طبعا لما سند خذاه مش ان يبي يعرف شن دارت بيه مرام ولا كانت في نيته شي باس كان يبي يفتح نت لا اكتر

✨روايات بنووتة الشيخ(اروى)✨

سند:قعمز ع السرير وفتح الفيس تصفح بعدين حس ان مش نفس الاصدقاء يلي ضايفهم؟بعد شوي وصلاته رساله

اسلام:نفهم منك انك رح تكلميني ؟؟
سند??فتح المحادثه وقعد يشوف ان مرام باعته قلب وفي مكالمات مركزش ان مرام مش راده عليه يسحابها تكلم فيه صوت …..هنايا سند خلاااااااااااص انهااار لوح الاي باد ع طول يده وع خشت مرام

مرام:سنودي وينك نسحابك لوطه
سند:حاط يديه ع راسه وااي باد مكسر قدامه
مرام:س سسند خيرك?؟
سند:فقد اعصاابه خلاااص وناض قرب منها هلبا وبدي يعيط

سند:بصوت عااالي…..متشوووووفيش ؟؟هاااا متشوووفيش اني منتنفسش بدووونك متشوفيش قدااااش نحبك وخايف عليك متشووووفيش فيه هادا كله …وشدها من يديها وقعد يعيط ….تكلممممي جاوبيني هاااادا كله انتي متحسيش بيه
مرام:مصدومه بدت تبكي …ا اسفه انا
سند:انتي ولا شي انتي رغم كل شي صاااار رجعتيله بس خلاص انا يأست ….وطلع وقربع الباب
مرام:سنننننند سنننند….يتبع