كسرتنا العادات للكاتب: Arhima Alagory
#قصة_واقعية
#الحلقة_السادسة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
هذا صار والايام الاخره نفس جو مر قريب شهر ع علاقتنا وماحد من حوشنا يعلم بيها في يوم خميس كانو عندنا عيت خوالي واعمامي وماقدرتش نحكي مع طارق في ليل خشيت دار وسكرتها ورنيت عليه
انا:الو
طارق:زعلان منك وما نبيش نحكي
انا:حبيبي حقك عليا اسفه بس والله ما قدرت نحكي
طارق:يعني هكي تهمليني ع شان خوالك واعمامك
انا:حياتي مش هكي بس والله ماحصلت فرصه هذا لي صار
طارق:باه
انا:حبيبي نحبك موت وما نقدرش نبعد عليك قدر ضرفيوينفتح باب دار وتخش عليا ريحاب انا جمدت معاش وتلفون ع وذني
ريحاب:مع من تحكي
انا:ااه وسكرت ع طارق
ريحاب:كنك
انا:شي
ريحاب:سمعت كلام
انا:ريحاب ما تقوليش حد وراس ريحاب
ريحاب:باهي غير احكيلي
انا:ريحاب مش ح تحكي لحد
ريحاب:قهرتيني احكي عاد
انا:باه انا نحب
ريحاب:ههههه شنو
انا:وطي صوتك توا نحكيلك انا مش قتلك مره نهدرز مع شاب ع تعليقات
ريحاب:باهي
انا:خلاص هذا هو بعدها حكيت انا وياه صداقه وتوا نحب بعضنا
ريحاب:راه يضحك عليك
انا:شن عرفك انتي
ريحاب:مانعرفش بس هكي يحكو ان شباب يضحكو ع بنات
انا:لالا طارق واثقه فيه
ريحاب:انشاءلله سكرتي عليه
انا:اها نرد عليه بس اسكتي
ريحاب:باه
رنيت عليه شوي رد
طارق:كنك
انا:طارق اسمعني بس
طارق:تسكري في وجي هكي
انا:افهمني قبل بس
طارق:نعم
انا:والله خشت عليا ريحاب ومن فجعة سكرت عليك قعدت تسال حكيتلها ورديت عليك وحق الله
طارق:باهي ليش ماقلتي
انا:قتلك نفجعت وخفت والله
طارق:مش عارف شن نقولك بس نحبك
انا:حتي انا نحبك
ريحاب:ايوه ايوه
طارق:من جنبك
انا:ريحاب
طارق:اها باهي كان انتي مش فاضيه نحكو بعدين
انا:لالا فاضيه خلينا نحكو وشيرت لريحاب تطلع
طارق:باهي شن درتي اليوم
ريحاب:اسمعي احكي بصوت واطي انا توا نطلع كان سالو عليك نقوللهم راقده بس نبيك بعدين تحكيلي ع سي طارق
انا:باهي غير اطلعي
طارق:يا خليك معايا يا سكري وخليك معاهم
انا:معاك كنك حبيبي اليوم
طارق:نغار منهم بجو يعني وخذينك اليوم كله وجت وقت تكليمتنا يبو يشركوني فيك
انا:هههه لا انت ماحد يشارك فيك
طارق:توا ريحاب شركتني
انا:لا ريحاب اختي غير تبي تامن جو وقلتلي احكي بصوت واطي
طارق:لسانك هذا مالقيتلش حل
انا:عليش
طارق:مسرع ما تضحكي عليا وتسكتيني
انا:ههههه بارد ما نضحكش عليك نحكي جد انت عصبي بس
طارق:باهي احكيلي شن درتي اليوم
وقعدت نحكي انا وطارق نين كمل رصيد متاعي وطارق كان عنده زرده هو واصحاب يبي يرقد بدري ورقد
الكاتب:Arhima Alagory
طلعت لدار معيشة
انا:خير
ماما:صح نوم
انا:سلمك
ريهام:جيبيلي امياه انتي مصبيه مصبيه
انا:ياريت مزلت راقده
ريهام:امشي بلا طوله لسان
ريحاب:رايحه تعلم من دنيا
ماما:كنها دنيا ماشاءالله عليها
ريهام:شنو انا ماشاءالله عليا
ماما:كنها دنيا
ريهام:لسانها اطول منه مافيش
ماما:والله هكي اكويسه
انا:هكي
ريحاب:والله ما تندري ع شي
انا:ع من تحكو
ريهام:دنيا
انا:كنها
ماما:قالو لسانها طويل
انا:تشوهو في صورتها عاد
ماما:شكلهن
ريحاب:بلا كذب يا ريم
انا:اوكي لسانها طويل بس مش عليها كلها يعني معانا نحنا وببصارة
ماما:ايواه انا معايا ماشاءالله عليا
انا:اكيد صاحبتي هذي
ماما:خلاص انا نبي نرقد
انا:بدري يا ماما
ماما:لا خلاص هذا هو
انا:تصبحي ع خير
خشت ماما رقدت وقعدت انا وريهام وريحاب ع تلفزيون شوي ريهام رن عليها عبدالله وطلعت تحكي معاه
ريحاب:واخيرا
انا:كنك
ريحاب:شوي وقتلني فضول
انا:هههه كنك
ريحاب:احكيلي ع طارق
انا:هو من بنغاري
ريحاب:حي من غادي
انا:بس يهبل
ريحاب:قصدك تبي تمشي لعند غادي
انا:مش عارفه بس كان جا وخطبني وازوجت نمشي معاه عادي
ريحاب:خزي تسيبنا
انا:هههه يا هبله مش مسيبتكم بعدين حتي انتي توا تزوجي
ريحاب:خلاص ع اساس فرحك بكرا
انا:هههه مهم هو مواليد 97 يقرا في هندسة ويحبني
ريحاب:شكلك مكبده جديات
انا:بكل
ريحاب:انا نقول مصطلحات شرقاوية كاثرة عندنا
انا:اها
ريحاب:شوفيلي لو عند خوه اصغر منه
انا:لالا هو اصغر واحد عند واحد اكبر منه متزوج وخواته 3 تعرفت عليهن عرب يهبلو بكل والله
ريحاب:ربي يخليكم لبعضكم
انا:ان شاءلله يارب
ريحاب:كنكم سكرتو
انا:رصيد كمل
ريحاب:نعطيك رصيد
انا:لالا اصلا هو رقد بعدين عادي نقدر نرن عليه ع واتس
ريحاب:اها عندكم حل معنها
انا:اكيد
ريحاب:انا نعست
انا:حتي انا طفيت
ريحاب:طفي تلفزيون اوكي
انا:باه
طفيت تلفزيون وخشيت رقدت
الكاتب:Arhima Alagory
مرت الايام ونحنا نفس كل شي ومافي شي جديد وعلاقتنا انا وطارق كل يوم احسن من يوم قبله المهم في يوم رنيت ع طارق
طارق:حبيبتي
انا:خيرات حبي
طارق:شنجو
انا:الحمدلله وانت
طارق:الحمدلله تمام
انا:وين قاعد
طارق:في حوشنا
انا:شنجو هلك
طارق:قصدي حوشنا انا وياك
انا:نجكليا
طارق:ريم نبي هلك يعرفو
انا:شن يعرفو
طارق:يعرفو لي بينتنا
انا:بس خايفه
طارق:ما تخافيش اصلا نبي نخطبك وتقعدي ليا
انا:تحكي جد
طارق:كنك تحسابيني نبصر
انا:بس امتي
طارق:تقدري تحكي مع امك في موضوع
انا:مش عارفه توا نجرب
طارق:نحبك
انا:حتي انا نحبك
طارق:خلاص حبيبتي شوفي امك وردي عليا
انا:مش توا عاد بكرا نحكيلها ونرد عليك
طارق:تمام
هدرزنا وبعدها رقدت
ثاني يوم
ماما:يا ريم ريم نوضي هي
انا:نعم
ماما:وقت ع مدرستك صبي هيا
انا:باهي يا ماما تو نصبي
ماما:هيا عاد
انا:حاضر
صبيت خشيت حمام توضيت وصليت ودعيت ربي ما يفرقنا بيني وبين طارق ومشيت بعدها للمطبخ نبي نفطر
ماما:صح النوم
انا:سلمك
ماما:اهو حليبك
انا:شكرا
مسكت حليب ونفكر نحكي ولا لا وكلمة نحس فيها تبي تطلع وما تبش تطلع متحشمه وخايفه ومش عارفه شن اندير
ماما:ريم
انا:نعم
ماما:كنك سارحه افطري
انا:نفطر قاعده
وقعدت نفطر وكملت فطور مشيت لبست وطلعت انا وبنات
في طريق
ريهام:ريم كنك
انا:كني شي
ريهام:الايام هذي تفكري واجد وتسرحي
انا:امتحانات قربن وخايفه منهن بس
ريهام:لا حبيبتي ما تخافيش ان شاءلله تنجحي عرفتك شاطوره
انا:ان شاءلله
ريهام:خلاص ردبالكن من اروحكن
انا:حتي انتي
ريحاب:كنك
انا:كني
ريحاب:جوك مش تمام
انا:لا تمام بس نفكر في موضوع
ريحاب:شنو
انا:توا وصلنا مدرسه بعدين نحكيلك في حوش
ريحاب:تمام
خشيت مدرسه ولقيت دنيا
دنيا:عيوني شنجو
انا:تمام وانتي
دنيا:كنها تمام طالعه هكي
انا:شي
دنيا:عنجد شي شن في
انا:والله طارق حكالي وقال يبي يخطبني
دنيا:نعليا والله طالع راجل طارق باهي ليش زعلانه
انا:مش زعلانه لكن نبي نحكي لماما ومش عارفه كيف نحكيلها
دنيا:ساهل احكي
انا:جيت نبي نحكي في صبح ما قدرتش نتحشم وخايفه منها
دنيا:اها باهي من اقرب وحده لامك
انا:كيف
دنيا:اقرب وحده من خواتك
انا:ريحاب دلوعه ماما
دنيا:خلاص احكي مع ريحاب تحكي لامك
انا:صاح توا نحكيلها
دنيا:ايوه هكي ابتسمي
انا:نجكليا يارب
دنيا:وليا
الكاتب:Arhima Alagory
شوي خشينا فصل وخذينا حصص وروحنا للحوش تغدينا وبعد الغداء مشيت كلمت ريحاب
ريحاب:نعم شن موضوع
انا:طارق
ريحاب:كانه
انا:يبي يخطبني
ريحاب:تحكي جد انتي
انا:والله
ريحاب:باهي شن قلتيله
انا:قالي اسالي امك واحكيلها كل حاجه
ريحاب:باهي
انا:نبيك تمشي تحكي ماما كل شي
ريحاب:انا
انا:اها انتي لانك انتي اقرب وحده للماما فينا وراس خيتي ما تقولش لا
ريحاب:حاضر توا نمشيلها توا قبل لا ترقد
انا:نجكليا يارب
طلعت ريحاب لماما وانا قعدت ندعي ان ماما ما تقول شي وتوافق شوي هكي نسمع
ماما:ريم يا ريم تعالي
انا:هي
مشيت وقلبي يدق خايفه منها
انا:نعم
ماما:قعمزي هنا
انا:باه
ماما:صاح لي حكته ليا ريحاب
انا:شن حكتلك
ماما:دايره علاقه انتي
انا:اها صح
ماما:باهي ليش ما تحكي
انا:ماما والله خفت
ماما:باهي كم لكم
انا:4شهور
ماما:من وين
انا:من بنغازي
ماما:وانتي مصدقه كان يكذب عليك
انا:لالا هو اصلا قالي احكي لامك لزام هلك يعرفو علاقتنا هو يبي يخطبني
ماما:يبي يخطبك
انا:اها وقالي يبي يحكي معاك
ماما:باهي
انا:يعني عادي نعطيه لكي
ماما:باهي عادي
انا:نجكليا شوي بس
وطلعت نجري طايره من فرحه جبت تلفون وجيت رنيت ع طارق
طارق:حبي
انا:طارق ماما تبي تحكي معاك
طارق:باهي وين
انا:اهي
ماما:سلام عليكم
طارق:عليك سلام كيف حالك يا عمتي
ماما:الحمدلله انا حكتلي ريم ع صاير معاكم
طارق:يا عمتي انا بدون لا نلف ولا ندور معاك انا نبي نخطب ريم و نزوجها
ماما:بس ريم مزالت صغيره
طارق:عارف انا مش ح ندير شي غير خطوبه توا وبعد ثانوية ساهل
ماما:بس حتي توا ما يصير شي لان تقرا بعد تنجح وتاخذ شهادة تعال ومرحبتين بيك
طارق:يعني موافقه
ماما:ان شاءلله
طارق:بارك الله فيك
ماما:فينا وفيك
وعطتني تلفون
انا:طارق نحكو بعدين
طارق:تمام
وسكرت ع طارق
ريحاب:لولولولولي
ريهام:شن في كنكم
ريحاب:ريم نخطبت
انا:بلا كذب
ريهام:شن فيه
ماما:ريم انتي متريحتله
انا:اها يا ماما والله مافي منه
ماما:ع بركه انشاءلله بس اهمتي بقريتك انا نقول عليش هملتها
انا:حاضر والله نهتم بيها ونرفع راسك
ريهام:فهموني
انا:توا نفهمك تعالي في دار
خشينا دار وقعدت نحكي لريهام قصه كلها
ريهام:والله كنت حاسه ان في حاجه
انا:هههه ليش ما تحكي
ريهام:كنت مش متاكده
انا:المهم توا ان موضوع صار منه
ريهام:ربي يهنيكم
انا:ان شاءلله
تسريع الاحداث
استمرت علاقتي مع طارق وخير من قبل ماما تعرف وخواتي وتميت انا وطارق كانه مخطوبين جديات ولا يرضى يزعلني ولا شي كان عسل بمعني كلمه نحبه مزالت نحبه مستحيل ننسه وقعدت مهتمه بقريتي نبي ننجح كل ع شان طارق وخطوبه المهم مرت الايام وجا رمضان وكانت الامتحانات بعد رمضان متاع 2018 المهم في يوم من الايام رنت تلفون ماما نسمع في ماما تحكي بعدها قعدت تعيط بصوت عالي تقول كيف وامتي من خذهم وهكي كرعيه معاش قدرت نصبي من فجعة
ريهام:كنك يا ماما
ماما:تبكي مافي شي
ريهام:كنك تبكي
ماما:خوالك دايرن عرك وضاربين راجل وخذتهم شرطة للحبس
انا:اطمنت شوي وجيتهم
انا:كنك يا ماما فجعتينا
ماما:خوالك محبوسين
انا:يا ماما توا يطلعو انتي وسعي بالك
ريحاب:من ومن
ماما:خالد وناصر
ريهام:هي نمشو لهم
انا:وين تمشي
ريهام:اكيد قعدين صبايا في حوش واحد من خوالي نمشو غادي
ماما:اها قعدين عند مصطفي بسرعه البسو وخلينا نمشو
انا:هي
الكاتب:Arhima Alagory
لبسنا وطلعنا بسيارة ريهام ومشينا لعيت خالي مصطفي نشوفو في قصه المهم طلعت ان متعركين مع واحد وضربين ماشي للشرطة وفتح فيهم محظر وحبسوهم خالي مصطفي ورجاله عيلة ماما جو للراجل يبو يحلو مشكله راجل مسكر راسه ومابش يطلقهم المهم قعدو خوالي في حبس
مرت الايام وجا يوم الكبيرة متاع عيد الفطر كان اول عيد فطر بدون بابا ?
طبعا الحوش تعبه خالي مصطفى جانا شوي رن تلفون ع خالي وقالوله ان خوالي طلعو فرحنا بيها بعدها خوالي طلعو جونا قعدو عندنا وعيت اعمامي قعدين وعائلة ملتمه ثاني يوم صبح كان يوم العيد رن عليا طارق كنت نبكي
انا:الو
طارق:كل عام وانتي معايا وكل عيد انتي حبيبتي
انا:ان شاءلله وانت معايا يارب
طارق:حبيبتي كنك
انا:شي
طارق:كيف شي انتي تبكي
انا:مضايقه
طارق:حبيبتي هذا عيد
انا:بلا بابا يا طارق عيد بلا بابا مش عيد نكد تعرف نكد نشوف فيهم خوالي واعمامي مع عيالهم وبعدين شويه يروحو من جامع كل حد فيهم يبوس ع يد باته وراسه وانا وخواتي نتفرجو نقعدو كانه غرباء كان اول مره جينا ع دنيا نتفرجو ع حاجه نحنا محرومين منها
طارق:قعد يبكي بس انا معاك
انا:بس بابا مش معايا
طارق:خلاص يا ريم ما نبكش تبكي انا
انا:حاضر
سكرت وقعدت نبكي شويه خشت عليا ريحاب تبكي المهم عيد كمل كله نكد في نكد ما نبيش نكد عليكم ?
مرت الايام وجت ايام الامتحانات ليلة قبل امتحانات نحكي مع طارق
انا:واخيرا امتحانات بكرا يبدن
طارق:ونقالك تقفليه
انا:ليش
طارق:هك
انا:عينك نبي نحكي معاك
طارق:مافيش نلهيك ع قرايه انا نحكي معاك اليوم لان بكرا دين وعارفه ساهل
انا:طارق نبي نحكي معاك
طارق:عندك مكالمه وحده اول متروحي من امتحان بعدها خلاص
انا:ليش يا مكاره
طارق:بعد امتحانات معاش نسكرو بكل
انا:باه
طارق:خلاص ارقدي
انا:تصبح ع خير
طارق:انتي بالف خير
انا:نحبك
طارق:نعشقك
وسكرت وانا فرحانه الله ع راحه لي كانت معاه ما نقدرش نوصفها لكم وصلت بيه سجلت في تلفون راحتي نفسيه
الكاتب:Arhima Alagory
ثاني يوم مشيت للامتحان وبديت نمتحان ونروح نحكي انا وطارق ونقوله ع حلي شنو ونسكر نقرا بسبب طارق عشقت القرايه مش عارفه عليش المهم مرت ايام الامتحانات وكملتهن والحمدلله جوبت تمام التمام طلعت من امتحان لقيت دنيا
دنيا:حبيبتي انشاءلله بنجاح
انا:انشاءلله يارب انا وانتي
دنيا:وربي يهنيك بطروقه
انا:ههههه انشاءلله
دنيا:ح نرايف عليك
انا:انا اكثر
دنيا:خلاص باي
انا:باي
روحت دنيا وانا روحت فرحانه لان كملت مهم وتسريع للاحداث مافيش شي جديد نين جا يوم طلعت نتيجة كانو عندنا عيت عمتي وطارق يرن ويسال مره مره
نمارق:اهو رابط نزل
انا:حي عليا ياربي
نمارق:هيتي رقم جلوسك بسرعه
انا:مش عارفه نسيته
ريهام:وين اوراق امتحانك
انا:في درج
طلعت ريهام الورقة وعطتها لنمارق نمارق كتبت رقم جلوس
نمارق:لولولولولولوي
انا:كنك
نمارق:ممتاز يا قلبي مبروك
ريهام:لولولولولي
انا:تحكي جد
نمارق:شوفي
انا:خذيت تلفون نرن ع طارق مشغول
ماما:الف مبروك يا بنتي
انا:الله يبارك فيك يا مامي
شوي تلفوني يرن لقيته راحتي نفسيه
انا:الو
طارق:الف مبروك
انا:من وين سمعتها
طارق:شفتها ع نت
انا:اها صاح نسبت ان عندك رقم جلوس
طارق:خلاص حبيبتي نحكو بعدين
انا:باه
سكرت وجت العائلة تبركلي كلهم وجابولي تورتة ودرلولي حفلة بسيطة وبعدها كل حد روح حوشهم وانا خشيت دار نحكي مع طارق في ليل
طارق:كبيدتي اسالي امك امتي نجي نخطب
انا:حاضر
طارق:توا امشي اساليها
انا:باهي توا نسالها
طارق:قلت توا
انا:حاضر شوي ونرد عليك
طارق:باه
الكاتب:Arhima Alagory
سكرت ومشيت لماما
انا:مامي
ماما:نعم
انا:طارق قال امتي يجي
ماما:ههه عرفتك ح تسالي
انا:تحشمت منها باهي امتي
ماما:قوليله امتي ينسابه
انا:هو يسال
ماما:قوليله الخميس جاي
انا:حاضر توا نقوله
طلعت وكلمت طارق
طارق:امتي
انا:وسع بالك
طارق:باهي امتي
انا:قالت ع ينسبك انت كان تقدر خميس جاي
طارق:بعيد
انا:لا قريب
طارق:تمام الخميس خميس
قعدنا نهدرزو
مرت الايام وجا يوم الخميس وبدينا نوتو من صبح وماما رنت ع خوالي كلمتهم ورنت ع اعمامي وقلتلهم ان في وحدين وجايين يخطبو المهم وتينا كل حاجه وجت العشية وطارق واهله طلعين من صبح بدري المهم قبل المغرب بشوي خشو علينا عيت طارق كانت جايه ام واخته ومرات خوه
عندنا
ماما:اهلين انستونا
ام طارق:الله يانسك
ماما:تفضلو
ام طارق:يزيد فضلك ان شاءلله
ماما:اكيد تعبتو من طريق
ام طارق:والله تعب في خاطر فرحة ولدي راحه وين العروس
ماما:توا تجي
عندب انا وبنات
نمارق:والله طالعة تهبلي
انا:تسلمي
ريهام:هي جيبي القهوة للعرب
انا:والله ما نقدر
نمارق:ما تعيطي،وترجي فيه اليوم هذا
انا:ماكنتش متوقعه انها هكي هيا
نمارق:هي اطلعي باهي
انا:باه
خذيت القهوة وطلعت
انا:سلام عليكم
ام طارق:عليك سلام
انا:تفضلي عمتي
ام طارق:ربي يحفظك ويكتبك من نصيبه
انا:ابتسمت
اخته:عروستنا نجيها طشة
انا:تسلمي
مرات خوه:سلفتي شكرا
انا:عفوا
ام طارق:تعالي جنبي
انا:حاضر
عند رجاله
علي:مرحبا بيك
طارق:تسلم
مصطفى:من وين انت
طارق:من بنغازي
احمد:بنغازي تسكن هنا ولا لا
طارق:لا سكن بنغازي وجاي هنا انضني عندكم العلم ان جاي نخطب
علي:عندنا علم بس ما عندنش علم ان من بنغازي
طارق:اها
مصطفي:اشرب قهوتك
طارق:حاضر
مصطفى:اسمعني يا ولدي دنيا قسم ونصيب
طارق:اكيد
علي:ونحنا هنا عندنا عادات يعني بنات ما متطلعش برا
طارق:يعني شن نفهم من كلامكم
علي:والله شن نقولك عطينه يومين ورد علينا
طارق:ان شاءلله
طارق تعقد وعرف ان ما يبو يعطوه المهم دز ع اهله
ماما:خليكم ليلة معانا
ام طارق:لا والله مره ثانيه ان شاءلله
ماما:ان شاءلله
الكاتب:Arhima Alagory
طلعو عيت طارق خش علينا عبدالله
عبدالله:عمتي فوزية يبوك
ماما:باه
في مربوعه
ماما:سلام عليكم
كلهم:عليك سلام
مصطفى:شن قصه طلع من بنغازي عريس
ماما:اها من بنغازي
علي:بس نحنا امتي عندنا بنات يطلعن من عائلتنا
ماما:والله ما قدرت نكسر بخاطرها
مصطفي:كيف تخلي بنت ادير علاقه اصلا
ماما:باهي شن قلتوله
علي:نحنا قربنها له كان يفهم توا يفهمها
مصطفي:توا نرن عليه توا نقوله له
ماما:بس ريم
احمد:مافيش ريم يعني ريم تبي تكسر كلمتنا مستحيل نعطوها له ياريت غير اقريب الا في بنغازي
ماما:يعني شن رايكم
مصطفى:اول حاجه اديرها تاخذي تلفون بنتك وانا توا نرن عليه توا ونقولها له
ماما:عيب عاد هو تاعب من بنغازي وتقولها له طول هكي
علي:خليها توا بكرا نرن عليه انا بس تلفون خوذي من بنت معاش نبيها تكلمه
ماما:ان شاءلله
الكاتب:Arhima Alagory
عندي نرن ع طارق ما يردش عليا عرفت في حاجه شوي خشت عليا ماما
ماما:يا ريم
انا:نعم
ماما:اعمامك مش موافقين وخالك
انا:كيف
ماما:قالو عندنا عادات تمشي عليهن بنت
انا:مستحيل انا نحبه يا ماما مانقدرش نعيش الا مع طارق
ماما:وطي صوتك هم هكي قالو ومعاش تكلميه وطلبو مني ناخذ تلفونك
انا:لالا مش عطيته لكي وماحد يمنعني من طارق
كنت نحكي بصوت عالي خش علينا خالي مصطفي
مصطفى:تحشمي ع وجك يا فرخه وهيتي تلفون
انا:يا خالي
مصطفي:قتلك هيتي وفك من يدي العتب مش عليك ع امك لي طلقتك وطلع
انا:قعدت نبكي
خشت عليا ريهام
انا:يبو يحرموني منه يا ريهام مستحيل انا نعيش بدون نحبه
ريهام:حبيبتي اهدي بس
انا:انا مصدقت حصلت واحد يخاف عليا وحنون ليش هكي
طلعت ماما مع مصطفى
مصطفى:خوذي تلفون وما تعطش للبنت
ماما:ان شاءلله
مصطفي:وما تخليهش تكلمه بكل
ماما:حاضر ان شاءلله
طلع وروحو كلهم وليلة هذكي كانت نار في قلبي نبي نرن ع طارق بس ماعندش بيش نرن وماما قلتلي معش تحكي معاه وفكيني من مشاكل ماحد معايا كلمت ليلة نبي وخلاص بعد كنت نرجا فيها وفرحانه بيها بعد حبيت يبو يبعدونا بكيت بكيت ورقدت
ثاني يوم نضت ع صوت نمارق
نمارق:حبيبتي
انا:نعم
نمارق:نوضي سادك
انا:خليني راقده خير ياريت نموت مانبش حياة بلا طارق
نمارق:ان شاءلله خير ما تقولش هكي
انا:خلاص معاش فيها
نمارق:خوذي تلفوني ورني ع طارق
انا:وكانها نمارق فتحتلي باب جنة حظنتها ربي مايحرمني منك
نمارق:بسرعه بس
انا:حاضر
رنيت ع طارق ما ردش دزيتله رساله قتله انا ريم رن عليا طول
انا:الو
طارق:ريم
انا:دموعي نزلن طول يبو يفرقونا
طارق:عارف
انا:كيف
طارق:كلمني عمك وقالي شوف نصيبك وبنتنا انسها
انا:نبكي بس انا نحبك يا طارق
طارق:عارف بس هلك ردوني حتي استقبال سمح ما استقبلوني وردت الراجل واعره يا ريم
انا:شن الحل باهي
طارق:الحل…..
.
.
.
.
.
#يتبع