كسرتنا العادات للكاتب: Arhima Alagory

#كسرتنا_العادات
#قصة_واقعية
#الحلقة_السابعة_والاخيرة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
رنيت ع طارق ما ردش دزيتله رساله قتله انا ريم رن عليا طول
انا:الو
طارق:ريم
انا:دموعي نزلن طول يبو يفرقونا
طارق:عارف
انا:كيف
طارق:كلمني عمك وقالي شوف نصيبك وبنتنا انسها
انا:نبكي بس انا نحبك يا طارق
طارق:عارف بس هلك ردوني حتي استقبال سمح ما استقبلوني وردت الراجل واعره يا ريم
انا:شن الحل باهي
طارق:الحل ان نجي ونحول نقنع هلك من جديد
انا:باهي بس مش توا خليها بعد كم يوم
طارق:تمام ما تفكرش ان نسيبك بسهوله هذي
انا:نحبك
طارق:حتي خلاص سكري راه يشوفك واحد
انا:حاضر بس ح نقعد نحكي معاك ع رقم هذا
طارق:رقم من
انا:رقم نمارق
طارق:تمام باي
سكرت وحضنت نمارق
نمارق:شن قالك
انا:قال ح يجي مره ثانيه ويخطبني
نمارق:خلاص باهي عليش دموع هذي
انا:حاسه ان انا وطارق خلاص نفترقو
نمارق:ما تقولش هكي ربي لي كتبها تصير مرات كاتبكم لبعضكم كنك انتي
انا:ان شاءلله يارب شكرا
نمارق:انتي خيتي وانا معاك حتي كان كلهم ضدك
انا:ربي مايحرمني منك

انا كرهت حاجه اسمها اعمام وخوال بعد ما كنت نحبهم كرهتهم بكل معاش نبي نشوفهم كانو لما يجونا نسيبهم ونفوتهم وهم عرفيني ندير هكي بلعاني لان كسروني والله كسر الخاطر واعره وما يعرفها الا لي مجربها

الكاتب:Arhima Alagory

ثاني يوم
كنت قاعده في صور ونفكر في قصتي هذي وشن يحلها شوي خشت علينا نمارق
انا:خير
نمارق:كنك قاعده برا
انا:شي كساد كنك
نمارق:لا بس جيت نبيكي ترني ع طارق اكيد رايفتي عليه
انا:بكل مش معتوده ع بعد هذا
نمارق:خوذي رني عليه
انا:توا عنده محاضرة
نمارق:ههه وحافظة حتي يومياته
انا:بتفاصيل
نمارق:نخشو
انا:هي منها نديرو فطور انا ما فطرتش

خشينا لقينا ريهام
نمارق:ريهام شن جو
ريهام:تمام
نمارق:جايين نفطرو في فطور
ريهام:ديرو بروحكم
وطلعت
نمارق:كنها هذي
انا:فوتيها نفسيه متعركه معاها
نمارق:عليش
انا:تبع في كلام حبيب القلب خوك
نمارق:كانه شن دار
انا:قاللها تعطي ريم تلفونك نوريك ولا نزعل مش عارفه المهم محرضها عليا
نمارق:اها
حسيتها كيف ضايقت
انا:كنك
نمارق:بابا وخويا هم سبب حزنك
انا:هههه وانتي سبب سعادتي
نمارق:ريم نحكي جد
انا:حتي انا نحكي جد هم صاح زعلوني بس اهو انتي جايه وتبيني نكلم يعني مفرحتني بعدين مش باتك لي مزعلني العادات وتقاليد
نمارق:ليش ناس ما تفهم قلتيها بروحك تقاليد نحنا شن دخلنا بعيت فلان نقلدو فيهم يعني خايفين من كلام ناس ومش خايفين ع راحتك ومشاعرك هكي هلي نضرولها
انا:خلاص فوتي وطي صوتك ماما راه تسمعك
نمارق:اصل خبر يحرق دم
انا:كنك متعقده تقول حتي انتي مكبده في واحد من بنغازي
نمارق:ههههه بارده نحكي وانتي تشفطي
انا:هي تعالي اسمسمي
نمارق:باه
قعدنا نفطرو خشت علينا ريحاب
ريحاب:شن اديرو
نمارق:هذي معاك ولا ضدك
انا:هذي عيوني
ريحاب:بلا فتنه انتي راه خيرلك
نمارق:قبل نبي نلزك
ريحاب:لالا مستحيل نجي ضد خيتي
نمارق:يا خيه نجيها كابره وديره عقل
ريحاب:نمارق سكري فمك
انا:ريحاب كنك
ريحاب:تحرق دم عرفتني ما نحبهش
انا:خلاص تعالي افطري معانا
ريحاب:نصب حليب ونجي
نمارق:فكينا منها
انا:نمارق اسكتي حي عليك
نمارق:ههه والله نبصر معاها ريحاب العسل
ريحاب:شن صار في هم
انا:مزال توا نكلمه بعدين
ريحاب:كيف
انا:من تلفون نمارق
ريحاب:طلع فيك خير واللهي
نمارق:لاني بنت عمك يا روحي
ريحاب:هههه نجيها بنت عمو كابره
نحنا:هههههه

الكاتب:Arhima Alagory

فطرنا ولمينا سفرة وخشيت دار انا وبنات
ريحاب:انا بروحي رايفت عليه
نمارق:ههه انتي شن دخلك
ريحاب:نقوللها تفتح سبيكر نسمع في كلامه يهبل
نمارق:طيح سعدك
ريحاب:قصدي ع اللهجة تهبل
انا:اس خلاص
نمارق:افتحي سبيكر
انا:غير يرد الو
طارق:ايوه
انا:حبيبي رايفت عليك
طارق:حتي انا يا قلبي
انا:وين قاعد
طارق:توا غير طالعت من محاضرة
انا:باهي خوذ مكان بروحك خلينا نهدرزو
طارق:جيت لسيارة توا
انا:شنجوك
طارق:تمام حبيبتي سكري توا نرد عليك حرام رصيد بنت
انا:عادي
طارق:لالا وسكر
نمارق:كانه
انا:خايف ع رصيدك يا حنه اهو يرن
طارق:باهي شنجوك
انا:تمام ندامني معاك
طارق:حتي بلايا نبيك تمام
انا:لا مانقدرش
طارق:وانا ما نقدرش
انا:شن لي ما تقدرش
طارق:مانقدرش نخليك بلايا
انا:نجكليا يارب
طارق:توا بعد اسبوعين نجي وانشاءلله نقنعهم هلك كان هذا نخطفك
انا:ههههه اديرها
طارق:لا
انا:ليش
طارق:بعدها يقعدو ناس يحكو عليك
انا:ربي مايحرمني منك
طارق:ولا منك

قعدنا نهدرزو انا وطارق عند قريب ظهر بعدها سكرت وعطيت تلفون لنمارق
نمارق:شن قال
انا:قال توا نجي بعد اسبوعين ويحول يقنعهم
نمارق:ان شاءلله
انا:شكرا
نمارق:عليش تشكري فيا هذا واجب عليا نصبي معاك
انا:نجكليا
ريحاب:يا بنات هي تعالن تغدن
انا:هي جيات

الكاتب:Arhima Alagory

مرت الايام طبعا انا نحكي مع طارق بتلفون نمارق وريحاب ما عندهش شفره كان هذا نحكي بتلفونها طبعا ونت قالو نلقو ايميلك مفتوح حي عليك وفاتو اسبوعين ع مكالمة طارق

جتني نمارق
انا:فاتو اسبوعين نرن نساله كيف صار
نمارق:لا بس رني شوفي هو شن يقول
انا:باه
رنيت عليه سكر عليا
نمارق:كانه
انا:مش عارفه بعدك لنا يومين ما حكينا مفروض يكون مرايف ويدور
نمارق:بلكي عند ضرف
انا:مش عارف
نمارق:اهو يرن
انا:الو
طارق:ايوه اسف سكرت عليك بس كنت مش فاضي
انا:نسكر كان هذا
طارق:عينك اين تسكري
انا:كنك باهي
طارق:مرايف عليك
انا:حتي انا
طارق:سامحيني ما نقدرش نجي
انا:قلبي قبل وقف عليش
طارق:امي خطبتلي
انا:باه مبروك باي
طارق:اسمعي
انا:نعم
طارق:نحنا ما يفرقنا الا موت
انا:شن ينفع ما امك خطبتلك
طارق:نبصر بس عندي عمي مريض وماشي انا وياه وولده لتونس والله
انا:دموعي نزلن وعبره خنقتني باه
طارق:بلا زعل انا نروح من تونس نجيك طول
انا:باهي ما طولش
طارق:حاضر

قعدت نهدرز انا وياه وسكرت
نمارق:كنك تبكي وتضحكي
انا:في بدايه قالي ان خطب بعدها قالي نبصر
نمارق:يعني ح يجي
انا:اها بس عنده عم مريض وماشي تونس
نمارق:اوكي انشاءلله يروح طيب
انا:ان شاءلله بس انا ضروري ندير حل نفس ماقالي طارق
نمارق:شن قالك
انا:قالي اقعدي احكي مع امك بينيلها انك زعلانه اقنعيها تخليك تفتحي نت
نمارق:بس امك تشوف فيك
انا:عارفه نجرب ما نخسر شي
نمارق:وانتي قلتيها هي نستاذن انا
انا:خليك
نمارق:هذا هو بكرا نحكو

طلعت نمارق خشت عليا رحاب
رحاب:تبيك وحده
انا:من
رحاب:شوفي بروحك
لقيتها دنيا
انا:دنيا ?
دنيا:وينك يا روحي نرن عليك مقفل
طبعا نحكو ع ماسنجر
انا:وخذين مني تلفون
دنيا:عليش
انا:عرفو بقصتي انا وطارق وجا يخطب فيا رفضو وخذو تلفوني
دنيا:يا روحي انتي هذا كله صاير وماعندي علم
انا:الله غالب
دنيا:شن صار فيكم توا
انا:مزلنا نحكو
دنيا:كيف
انا:بتلفون نمارق
دنيا:اها عليش تلفون نمارق يا غبيه
انا:كيف ما ريهام مايبوهش تعطيني نكلم وريحاب ماعندهش شفره وايميلي منعوني نفتحه
دنيا:انتي كيف تحكي معايا توا
انا:بايميل رحاب
دنيا:خلاص يا غبية احكي مع طارق بايميل رحاب
انا:صاح واللهي
دنيا:لعند امتي انا نعلم فيك
انا:نين نموت
دنيا:بعيد سو

الكاتب:Arhima Alagory

قعدت نهدرز انا ودنيا بعدها عطيت رحاب تلفون ومشيت للماما في دار
انا:خير
ماما:خيرات
انا:ماما نبي نحكيلك وانتي اسمعي بعدها احكي
ماما:باه
انا:توا انتي راضيه ع قاعده يصير راضيه علي كسرت خاطري والله يا ماما انا نار فيا انتي مش حاسه بيها والله نحبه مانقدر نبعد عليه
ماما:دموعها نزلن وحضنتني عرفتك وحاسه بيك بس يابنتي مافيش حل هذوم هلك وهذين عدتهم
انا:بس نحبه وانا وياك موافقين
ماما:بس خوالك واعمامك نفترض وافقنا من يبي يكون وكيلك يوم فاتحه وهذا كل كلام ناس بعدين اعمامك وخوالك معاش يبحتو فينا بكل الله غالب هذا مجتمعنا يا بنيتي حاولي تنسيه
انا:مستحيل هو ح يجي مره ثانيه ويحكي معاهم
ماما:انشاءلله يوافقو
انا:ان شاءلله باهي ماما عطيني تلفون
ماما:حاضر بس ما تفتحش نت
انا:ليش لعند امتي
ماما:يشوفك عمك يديرها موضوع
انا:ساهل غير عطيني
ماما:باه صبت جابتلي تلفون
انا:نحبك يا احسن ام

خذيت تلفون وخشيت دار فرحانه رنيت ع طارق
طارق:الو
انا:حبيبي
طارق:عيونه
انا:ماما عطتني تلفون
طارق:تمام فرحتيني
انا:بس قالت ما نفتحش نت ع سبه يشوفو ايميل مفتوح
طارق:نحنا شن نبو فيه فيس
انا:كيف
طارق:امسحي فيس وافتحي نت هكي بنفتح واتس بس واحظري اي حد تخافي منه يبص عليك
انا:حاضر توا نحكو واتس
طارق:باه

سكرت ودرت لي قالي عليها طارق وفتحت واتس وقعدنا نحكو ?كملنا اليوم كلام من الرايف وثاني هي لي طارق عده تونس وقعدنا نحكو بشكل يومي وكانه ما صار شي بكل ريهام عرفتني بس سكتت وماقلتهش لعبدالله وانا وطارق ما نفرقوش تلفون بكل الا وقت نوم كمل علاج عمه وروحو لبنغازي
كنت في مطبخ سمعت تلفوني يرن طلعت لقيت راحتي نفسيه عرفته روح
انا:الحمدلله ع سلامة يا قلبي
طارق:الله يسلمك
انا:شن حال عمك
طارق:غير اسالي عليا قبل
انا:انت عرفتك اكويس
طارق:باهي بكرا جايك انا وح ناخذك ناخذك
انا:نجكليا بس حبيبي راك تقول اني نحكي معاك
طارق:لا ما تخافيش
انا:تمام
طارق:نحكو بعدين في ليل
انا:تمام
سكرت وانا فرحانه

مشيت لماما
انا:ماما
ماما:نعم
انا:طارق جاي بكرا
ماما:كيف يصير
انا:مش عارفه
ماما:قوليله هو يكلم عمك خير
انا:باه

الكاتب:Arhima Alagory

مره وقت وجا ليل خشيت فراشي نفس كل ليلة لبست سماعات ورنيت عليه سكر ورن عليا هو
انا:حبيبي
طارق:عيونه
انا:شنجو
طارق:تمام وانتي
انا:مدامك معايا تمام
طارق:دوم
انا:ان شاءلله اها صاح حبيبي بيش تكلم عمي
طارق:عارف
انا:نفس ما قتلك راه تقول ان نحكي معاك
طارق:خلاص حفظتها
انا:هههه بارد
قعدنا نهدوزو نين نعست
انا:حبيبي نعست
طارق:مافيش نوم
انا:والله نبي نرقد
طارق:انا مزال ما شبعت منك
انا:حتس انا بس نبي نرقد حتي انت ارقد وراك ماشيه بدري
طارق:باه ردبالك من روحك
انا:ماشيه نبي نرقد انا مش ماشيه جهاد
طارق:حتي لو ردبالك من روحك واذكري ان مستحيل نخليك ونحبك موت
انا:حتي انا نحبك
طارق:خلاص باي
انا:باي
وسكرت ورقدت

الكاتب:Arhima Alagory

ثاني يوم
نضت لقيت عمي قاعد رديت درت روحي راقده بعد طلع هو انا طلعت
انا:صباح النور
ماما:صباح الورد
انا:كانه عمي علي
ماما:قال ان طارق مكلمه وقال جاي ويبي يحكي معاه شوي قتله نكلم مصطفي وتعالو عندنا هنا
انا:تمام
خشيت درت دوش وطلعت تغديت وجيت نبي نرن ع طارق لقيت دزلي رساله *جاي نبي ناخدك* جيت نرن لقيت ماعنديش رصيد قلت خليها بعدين

المهم مر الوقت وجانا خالي مصطفى ومعاه هله وبعدها جانا عمي علي وجا طارق ومعاه صاحبه خشو للمربوعه وانا نسمع
مصطفي:انستنا
طارق:بيك تم
علي:تفضل احكي
طارق:اكيد عرفيني عليش جاي
علي:اها عرفين وانت اكيد عارف رد
طارق:انا جاي نبي رد واحد اخر شن لي مخليكم تردوني
علي:قلنالك نحنا عندنا عادات وبنت ما تطلعش منهن
طارق:يعني شن عاداتكم بلكي نقدر نديرهن
علي:لا ما تقدرش اول شي انت شرقاوي
طارق:شن فيها
علي:نحنا بناتنا مايطلعنش برا عائلة افهم
مصطفى:بنت هي لي قلتلك تعال
طارق:لا انا اصلا من اول ما رديتوني كنت نبي نجي اخره بس شكلكم مسكرين راسكم
علي:اها مسكرين وطلبك مرفوض بناتنا مش لزواج وريم ما تحلمش بيها وباب لي جيت منه تقدر تطلع منه
طارق:سكت وطلع سمعت طبق باب سيارة بقوة

خشيت داري نجري ونبكي جتني نمارق
نمارق:شن صار
انا:لزوه يا نمارق باتك قاله اطلع ليش يديرو فيه هكي لان راجل واجهم من باب
نمارق:اهدي بس
انا:كيف نهده قوليلي كيف وقعدت نبكي
طبعا تلفون عند ماما داسته ع خاطر عيت خالي وعيت عمي عندنا ما قدرتش نشوف طارق وانا في دار بكيت بكيت ورقدت

الكاتب:Arhima Alagory

نضت ساعه واحد لقيت تلفوني فوق راسي شفت مالقيتش ولا رن ولا شي قعدت نبكي عرفت خلاص كل شي انتهى? خشيت حمام غسلت واجي طلعت صليت مغرب والعشاء لان كنت راقده بعدها خذيت تلفون ماما ودزيت من جنيه رصيد وجيت رنيت ع طارق بس يضرب وما يردش فتحت نت لقيت مسكر رديت نرن ماصار شي ساعه قريب 4فجر رنيت اخره رد عليا
انا نبكي:طارق
شاب:انا مش طارق يا اختي ويبكي
انا:انت من وين طارق
شاب:انا صاحبه طارق في العناية
انا:لا مستحيل شن صاير احكيلي
شاب:بعد طلعنا منكم طارق متعقد ويسوق بسرعة وصلنا سرت درنا حادث انا كنت في ملاحظة ويدي نكسرت وطارق في عناية قاعد
انا:سكرت وقعدت نبكي وندعي ربي يحفظه معاش نبيه بس نبيه يكون حي ومافي شي

ناضت ماما فجر سمعت حد يبكي
ماما:يا بنات
جيت نجري حضنتها
ماما:كنك
انا:طارق يا ماما طارق دار حادث
ماما:شنو
انا:والله يبي يسيبني يا ماما ياريت ما جاني ياريت ماخليت يجي
ماما:اس ادعيله انتي توا ان شاءلله يطلع طيب
انا:ان شاءلله

قعدت نقعد شوي ونرن عليه يرد صاحبه يقولي مافيش اي تحسن عند ساعه 10صبح انا مارقدتش ودمعتي ما وقفتش رن تلفوني لقيت راحتي نفسيه
انا:الو شن صار
شاب:طارق عطاك عمره مات
انا:هذي كانت صدمة ليا عزقت تلفون وقعدت نعيط نقول كل منكم انتو سبب موته ونعيط نقول كل منكم كل منكم
خشيت عليا ماما
ماما:كنك يا ريم
انا:مات طارق يا ماما سيبني
ماما:قعدت تبكي
وجتنا مرات عمي ونمارق وكلهم يبكو
انا:نحكي بروحي مستحيل هو وعدني قالي مانسيبكش ياريت انا ولا هو كلهم يهدو فيا ويبكو واعمامي وخوالي حسو باروحهم سبب لي صار بس الله غالب نصيب لكن في اسباب هم مشركين فيه وهكي كمل يومي بدموع ولعند اليوم بدموع ?

هذي قصتي بعد حبيت حرومني منه انا كسرولي خاطري وطارق حتي هو طلع منه مكسور الخاطر طارق مات وانا صرتلي صدمة نفسية وكيف حاله جتني وقعدت نعالج عند دتكور نفسي لعند توا مزلت في علاج اعمامي وخوالي تميت نكرهم ما نحبهمش بكل بعد كنت ما نضحك الا معاهم كنت نفرح لما نشوفهم انا انحرمت من بابا بس بعد جاني واحد راجل وحنون عليا كيف بابا حرموني هم منه نقول ياريت مارقدت في اخره ليلة حكيت معاه ياريت قعدت ع خط عند اخره لحظه من انفاسه مرايفه عليه بكل ياريت ما جاني بس قعد معايا لكن الحمدلله ع كل حال وهذي قصتي ومزال لعند توا نحب طارق و نبي لكل من قراها يدعي لطارق برحمه وانا ربي يفرج عليا ومشكورين لمتبعتها
**********النهاية**********
.
.

 

error: