كسرتنا العادات للكاتب: Arhima Alagory
#قصة_واقعية
#الحلقة_الخامسة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
روحو كلهم وماما خشت رقدت ونحنا قعدنا نهدرزو ونحنا فاتحين نت
شوي انا شفت منشور علقت عليه متاع كل حد ينورنا باسم مدينته شوي جتني رساله ع خاص من صاحب المنشور
شاب:هلا
انا:اهلين
شاب:انتي صديقتي من فترة وديمة تلقي ونهدرزو ع تعليقات
انا:اها صاح
شاب:حبيت نتعرف عليك
انا:اها عادي عرفني بنفسك
شاب:انا اسمي طارق وانتي
انا:عاشت الاسامي انا ريم
طارق:عاشت الاسامي من وين ياريم
انا:من زوارة وانت
طارق:انا من بنغازي
انا:شرقاوي
طارق:ان شاءلله
انا:بجوده بيك
طارق:انا نشوف فيك تعلقي ونرد عليك وهدرزنا كم مره كانك شايفه اسم ايميل المهم بعدها قلت خليني نخش خاص ونتعرف عليها لقيتك صديقتي
انا:عادي ماعندش مانع بس كيف صديقتك
طارق:توا نبي نسكر وبعد نروح نحكي معاك ونتفاهم
انا:به بس انت كم عمرك
طارق:مواليد 97 وانتي
انا:2003
طارق:صغيره?
انا:مش صغيره
طارق:لا صغيرة
انا:طارق مانحبش حد يقولي صغيرة صاح اصغر منك بس كبيرة ونفهم
طارق:نعليا
انا:ابتسمت
طارق:خلاص باي
سكر طارق وانا مبتسمه
ريهام:احم احم شن في وابتسمات هذي عليش
انا:معاش عرفت شن نقول بس خفت لان اول نحكي مع شاب
ريهام:كنك مستكه
انا:كنك يا ريهام واحد ويقرا في نكته حرام
ريهام:باهي انطقي
انا:شكلك فاضيه
ريهام:باهي خلاص وجك ولبست سمعات وقعدت تحكي مع عبدالله
انا:مسكت تلفون كل شوي نخش ع محادثة متاع طارق نشوف فيه فتح ولالا حسيت روحي نرجا فيه بعدها خطرت عليا نخش ع صفحته وخشيت ع صفحته شفت صور متعاتهنحكيلكم ع طارق هو مش حلو بكل بس عادي عيونه عسليات بشرته بيضه شعره اسود طويل شويه مش رقيق ومش سمين حياة متيريحه عندهم رزق ماشاءالله ويقرا هندسة وهذا هيثم وحياته و مزال الباقي تعرفو بعدين
نبي نقعد نضيف في يوميات طارق وحياته وهذي ح تكون من خيالي
الكاتب:Arhima Alagory
قعدت مكسده ونقلب في الفيس وخلاص شوي جتني رساله لقستها من دنيا
دنيا:شن اديري
انا:شي مكسده
دنيا:نرن عليك نحكو
انا:لالا خلينا نهدرزو هك
دنيا:حيوانه انا غلطانه
انا:دنيا مش هكي ما تزعلش بس توا نحكيلك مره اخره
دنيا:اوكي تم
انا:دنيا انا تعرفت ع واحد
دنيا:انا نقول كنك متغيره تمام يا ريم ربي يهنيكم
انا:اين يهنينا توا كيف حكيت معاه
دنيا:باه
انا:اسمعيني بلا جو شين
دنيا:نبي نرقد واللهي نعست توا نحكو بكرا
انا:باه
سكرت دنيا شوي جتني رساله من طارق
طارق:خير
انا:خيرات واخيرا قبل رقدت
طارق:كنك يا طفلة ترقدي بدري
انا:مش طفلة ومانرقدش بدري
طارق:باهي كيف قبل رقدتي
انا:من كساد نعست
طارق:اها باهي
انا:وين كنت
طارق:هههه حتي امي ما سالتني هكي
انا:اسفه ع تدخل ونبي نسكر
طارق:لالا استني عليش تسكري
انا:شي
طارق:انا قصدي حسيتك مهتمه بيا حتي امي ما هتمت هكي
انا:اي لان حسيت بغصه في قلبي وجعتني كلمة
طارق:ريم توا نحنا شنو
انا:شنو
طارق:نحنا اصدقاء صاح
انا:مانعرفش بس ممكن نكون اصدقاء
طارق:خلاص اسف كان وجعتك الكلمة بس انا ماقصدي بيها كيف ما فكرتي انتي
انا:المهم انسى خلاص قولي كيف نحنا اصدقاء ع فيس من قبل
طارق:انا دزيتلك طلب من قبل وانتي قبلتي
انا:مش متذكرة ممكن
انتو اكيد اذكروت الطلب لي طاني بعدها صارت حاجه وصبيت بسرعه وقبلت طلب بدون ما نفطن هذا هو طارق
طارق:مهم توا اصدقاء
انا:ههه اي
طارق:شنجو ازوارة
انا:تمام الحمدلله انتو بنغازي شنجوها
طارق:الحمدلله اكويسه
انا:نحب لهجتكم
طارق:ههه كلهم يقولو فيها
انا:كيف كلهم يعني تحكي مع غربويات
طارق:من قبل انتي طفلة
انا:اسمع تقول طفلة مره ثانيه نسكر عليك
طارق:ههه تمام معاش نقولها الا لما ننعس
انا:عليش
طارق:بيش تسكري ونرقد
انا:تو نسكر من توا
طارق:كنك بسرعة ما تزعلي
انا:هكي انا تقدر تقول حساسه
طارق:اها معنها لزام ناخذ احتياطتي في كلام بيش ما نجرحكش
انا:بس ننسى ونرد كانه مافي شي
طارق:يعني طيبة
انا:اي
طارق:ربي يحفظك
انا:ويحفظك
طارق
طارق:نعم
انا:نعست ونبي نرقد
طارق:تمام تصبحي ع خير
انا:وانت بالف خير
الكاتب:Arhima Alagory
سكرت وطفيت تلفون وجيت نبي نرقد قعدت نفكر في طارق جو سمح واول مره نحكي مع شاب يعني قعدت نفكر فيه وخلاص رقدت ونضت ثاني يوم غسلت وجي وخشيت صليت وجبت تلفوني وفتحت نت وقعدت نفطر
ماما:جديده هذي
انا:شنو
ماما:تلفون طول هكي
انا:اها كساد
ماما:باهي طفي وبيش نلمو الحوش
انا:حاضر ماما شوي بس
فتحت نت وخشيت ع محادثة لقيت مسكر طفيت نت ومشيت مع ماما تميت نظم في حوش
ماما:ريهام نوم شكلها
انا:اها نوم وخلاص طبعا انا يطيح سعدي في حوش وهم مرقدين
ماما:انتي اديري في صبح وهم باقي
انا:ع اساس في خدمة في ليل
ماما:باهي كملي وخشي لدار ديري تبيها
انا:تمام
ماما:اليوم ماشيت لعيت خالك
انا:عليش
ماما:لان يبو يمشو للاستراحه وماشين معاهم
انا:اها باهي توا نكمل ع سريع ونمشي نوتي روحي
ماما:تمام
بديت في حوش ونظم فيه بسرعه وفرحانه نبو نطلعو نغيرو جونا المهم كملت الحوسه متاع الحوش وخشيت دار فتحت نت لقيت طارق مسكر نحكي مع روحي انتي يفتح هذا
ريهام:من
انا:اه ريهام نوضي هيا
ريهام:عليش كنك
انا:ماشين للستراحه مع خوالي
ريهام:امتي
انا:ماما قالت اليوم انا نضت امبدري لميت حوش وكملت توا خشيت نبي نلم دبشي هي صبي
ريهام:بس كيف هكي انا مرات مانقدرش نمشي
انا:وعليش يا حنه بجو ماتخربش علينا ماصدقنا نبو نطلعو نغيرو جو
ماما:كنكن يا بنات
ريهام:ماما كيف ماشين مع خوالي
ماما:اها خالك مصطفي كلمني وقالها ليا
ريهام:بس انا ما نقدرش
ماما:وعليش انشاءلله
ريهام:عبدالله مرات ما يوفقش
ماما:جديدة هذي عبدالله يعرف خوالك كيف يمنعك
انا:بعدين هو يقدر يقول معاك كلمة
ماما:رني عليه وقوليه له مافيها شي عيال خوالك هذوم بعدين مافي حد كبير فيهم
ريهام:باهي توا نشوفه
انا:بدينا في دلع ودروحي مخطوبه
ماما:ههه هكي شكلها
ريهام:باه ياريم والله نوريك
انا:غير كلمي الهم متاعك
شوي انا جتني رساله فتحت لقيت من طارق
طارق:صباح الخير
انا:وين صباح الخير قريب نرد نرقد
طارق:والله نوم
انا:نوم العوافي
طارق:تسلمي
انا:شنجو
طارق:تمام الحمدلله وانتي
انا:الحمدلله
طارق:شن اديري
انا:توا نبي نمشي نوتي دبشي ماشين لخوالي
طارق:باهي يعني نسكر
انا:لالا خليك فاتح عادي
طارق:لالا فبراير
انا:هههه
طارق:خلاص ديري حاجتك انا نفطر ونحكو
انا تمام
الكاتب:Arhima Alagory
خذيت دبشي ولميته كله وخشت عليا ريهام
انا:شن قالك
ريهام:قال عادي بس ما تقعديش بدون حجاب
انا:اوامر عاد
ريهام:اكيده
انا:حي ع حب لي طلع توا خلاص واتي دبشك
المهم واتينا دبشنا وتغدينا وبعد الغداء طلعنا بسيارة ريهام وانا ما قدرتش نحكي مع طارق لان مافضيت مشينا لعيت خالي مصطفى
مصطفى:اهلن نورتونا
ماما:منور بيك
مصطفي:شن اخباركم
انا:انا تمام
ماما:الحمدلله الله يسلمك
مصطفي:تفضلو
خشينا وسلمن ع عيال خالي وبنات وقعدنا شوي نين جا خالي خالد وطلعنا مع بعض للستراحه مشينا غادي وقعدنا نلعبو ونهدرزو ودرنا العشاء شويات وجو كان يهبل بعدها كل حد خش فراشه انا فتحت نت شفرة نبي نحكي مع طارق بس نت كان ضعيف جاني رسائل من طارق
طارق:وينك هذا كله توتي في روحك
شكلك مش فضيتلي
ورسائل اخره
بعتتله والله اسفه بس ماحصلت وقت نحكي معاك
طبعا نت ضيعف طولت بيش مشت وطول رد طارق عليا رد عليا قال بس كنتي تقوليلي زعلت منك انا
انا:تعقدت ومن نت وكنت نبي نرضي طارق بعتتله رقمي وقلت رن عليا
قعدت شوي ورن عليا طارق
انا:الو
طارق:ساكت
انا:طارق
طارق:انعم
انا:شنجو
طارق:تمام وانتي
انا:اكويسه
طارق:مانسمعش فيك اكويس
انا:شوي بس
طلعت برا
انا:هكي تسمع
طارق:تمام
انا:زعلت مني جديات
طارق:اها واجد بكل
انا:اسفه والله مش بقصدي
طارق:خلاص انسي
انا:يعني مش زعلان
طارق:يعني شويه
انا:طارق خلاص عاد
طارق:ههه باه خلاص باهي يا طفلة احكيلي ع حياتك
انا:حياتي انا وخواتي الاثنين وماما ماعنديش خوت وبابا متوفي سنه فاتت
طارق:اها الله يرحمه
انا:تعيش ونحنا عايشين مع اعمامي في حوش وحدنا لكن قريب منهم
طارق:ماشاءالله ربي يونسكم بعضكم
انا:انشاءلله بس الحياة من دون اب صعبه يعني مهما كنت سعيد تحس بحاجه نقصتك كل ما نشوف بنات يجيبو فيهم ابهاتهم للمدرسه ننقهر تعرف يا طارق ياريت حتي عندنا اخ يدافع علينا صاح اعمامي وخوالي مش مقصرين معانا بس مافي حد يجي مكان حد
طارق:صاح صدقتي
انا:اسفه نكدت عليك
طارق:لا عادي معاش تحكي هكي انا صديقك صاح ولالا
انا:اي
طارق:خلاص معنها زعلنا واحد
انا:تسلم يارب
طارق:الله يسلمك باهي شنجو القراية
انا:تمام توا عطله وراحه
طارق:اها سمحه عطله
انا:بكل
وقعدت نهدرز انا وطارق نين نعست وكان طارق اسلوب حلو معايا وسكرت منه وانا فرحانه رقدت فرحانه
الكاتب:Arhima Alagory
ثاني يوم
ريحاب:يا ريم هي نوضي افطري نستنو فيك
انا:ريحاب طفي ضي وخليني
ريحاب:نبو نفطرو ونرجو فيك
انا:والله ما عندي نيه ومانقدر نصبي
ريحاب:كنك
انا:مش عارفه خليني نرقد
ريحاب:باهي براحتك
طلعت ريحاب وانا رديت رقدت قعدت راقده وعتني ماما
ماما:ريم كنك
انا:مريضه شكلي
ماما:شن تحسي
انا:راسي مش عارفه نحس في ثقيل
ماما:حطت يدها ع راسي حي عليك عندك حراره
انا:مش وقتها بكل مرضه
ماما:اكيده شاربه شي مسقع
انا:لا والله
خالد:كنكم
ماما:شي بس ريم مريضه
خالد:نشيلها مستشفى
انا:لالا توا نقعد تمام
خالد:لالا هي توا نمشو دكتور يشوفك
ماما:لا ريح روحك عليش تعب
خالد:اين تعب مافيش تعب
انا:باه
لبست مشيت مع خالد للمستشفي
دكتور:شن تحسي
انا:راسي
دكتور:في سعال
انا:يعني شويه
دكتور:حراره عندك
انا:اها
دكتور:كتبلي ع دواء ردبالك من صقع مره ثانيه
انا:انشاءلله شكرا
دكتور:ولو
وطلعت
خالد:كيف صار
انا:عطني دواء
خالد:هي نخذو دواء ونروحو
انا:لالا انا حطني في حوش
خالد:عليش
انا:والله نحس روحي مترخيه وتعبانه ماعندش نيه نمشي
خالد:نشوف امك قبل
انا:باه
نزل خالد للصيدلية ورن ع ماما وجاب دواء وجا
انا:شن قالتلك
خالد:قلتلي شيلها غادي توا نجو حتي نحنا
انا:لالا ما نبش نخرب عليهم
خالد:خلاص عاد لي صار صار
انا:عليك قصة
خالد:هي انزلي عندك مفتاح
انا:اها
خالد:سكري ع روحك نين تجي امك
انا:حاضر شكرا
خالد:العفو اوكي
الكاتب:Arhima Alagory
خشيت رنيت ع طارق طول
طارق:صباح النور
انا:صباح الورد
طارق:كنك
انا:كني
طارق:صوتك مش عجبني
انا:ههه ع اساس متعود ع صوتي
طارق:لا بس مش زي امس كنك في حاجه
انا:لالا غير شوي برد بس
طارق:تستاهلي
انا:عليش
طارق:لان مش مهتمه بروحك
انا:كل منك يا استاذ
طارق:عليش
انا:ما انت ما تسمعش امس طلعت برا نحكي معاك من صقع مرضت
طارق:اسف معنها
انا:لا عادي
طارق:مشيتي للدكتور
انا:اها مشيت وخذيت دواء
طارق:انشالله بشفاء
انا:انشاءلله طارق شوي بنت عمي خشت انتضار نشوفها ونرد عليك باهي
طارق:باهي توا نحكو بعدين انا ماشي توا
انا:باه
سكرت من ورديت ع نمارق
نمارق:حبيبتي شنجو
انا:اكويسه وانتي
نمارق:تمام وين قاعده صاح روحتو
انا:لا انا بروحي في حوش هلي مزال ماروحو تعالي نبيك في موضوع
نمارق:باه توا نجي
قعدت شويه سمعت باب يدق طلعت وفتحت باب لقيتها نمارق
انا:اهلين
نمارق:كنك شغلتيني
انا:لا مافي شي غير نبي نحكيلك موضوع
نمارق:انتي مريضه
انا:اها شويه
نمارق:باهي احكي
انا:غير نخشو للدار نعنجد فضول لي عندك
نمارق:باه ههههه
خشينا دار
نمارق:احكي
انا:باه مش عارفه كيف نبدا
نمارق:احكي عاد
انا:باهي انا متعرف ع شاب
نمارق:شنو
انا:كيف ماقتلك متعرف ع شاب
نمارق:تحبيه ولا كيف
انا:لالا صداقه بس هو مش من هنا
نمارق:من وين
انا:من بنغازي
نمارق:تحكي جد شن جابكم لبعضكم
انا:الفيس
نمارق:انا نقول متغيره بنت
انا:نمارق ردبالك حد يعرف حتي خواتي
نمارق:اكيد ياقلبي بس احكيلي عليه
انا:اسم طارق وبديت نحكي ع طارق وشكله وجو هذا كله
نمارق:يهبل
انا:تصدقي في فترة بسيطة هذي تعودت عليه
نمارق:ههههه شكلك تحبي
انا:مش عارفه كيف يكون الحب بس هذا شكله اعجاب بس
نمارق:باهي فكيني من سي طارق وين مشيتو وهلك وين
شوي سمعنا طبق باب سيارة
انا:شكلهم روحو
نمارق:ياريت قلنا مليون
انا:ياريت
طلعنا لقينهم ماما وبنات
ماما:خير نمارق
نمارق:خيرات اعميمه
ماما:شن درتي
انا:اكويسه
ماما:شن قالك دكتور
انا:خطرتي عليا دواء نسيته بكل
نمارق:حاي هو طروقه
انا:قرصتها
نمارق:ااه بارده
ريحاب:نمارق امتي جيتي
انا:امبدري
نمارق:امبدري خش عليا عبدالله قالي شوفي عيت عمي روحو ولالا لان شاف باب مفتوح
انا:شكله مرايف
ريهام:خطوني راه خيرلكم
ريحاب:بعدها تكلم خطيبها
نحنا:هههههه
تسريع للاحداث مرت الايام ونحنا هكي وبدت المدرسه وانا وطارق كل يوم خير من قبل ونتقربو من بعض اكثر ونحكو اكثر من فتره الاوله وصلت بيا حتي قريتي اهملتها شوي طبعا وحكيت دنيا ع طارق بس هلي ماحد يعرف بموضوع الا نمارق ومرت فترة وانا نحكي مع طارق ممكن شهرين
الكاتب:Arhima Alagory
في العشية
رن تلفوني
انا:نعم
طارق:نوضي سادك
انا:طروقي شوي وراسي خليني نرقد
طارق:ممنوع هي صبي
انا:طروقي عاد
طارق:انا قلت كلمة صبي ولا مانحكوش في ليل
انا:لا نهون عليك ماتحكش معايا يا بارد
طارق:اها لما نشوف انك مش مهتمه بقريتك وسبب انا نبعد عليك
انا:حي عليك بعدها نجيك عند بنغازي
طارق:هههه هبلة واديرها
انا:يحليلي منها ضحكه
طارق:ما تضحكش عليا بكلام وصبي
انا:اوووف يا طارق شن جو ماما هذا
طارق:اها لان نبيك في موضوع بعدين
انا:شنو هو
طارق:قلت بعدين امشي اقري بكرا عندك امتحان صاح
انا:اي
طارق:خلاص اقري بيش نحكو بعدين
انا:باه باي يا شين
طارق:اوكي باي
سكرت من طارق ومشيت للمطبخ درت قهوة انا نفكر في موضوع شوي دق باب مشيت فتحت لقيت نمارق
انا:جيتي وجابك ربي تعالي نبيك
نمارق:كنك
انا:نشربو قهوة ونهدرزو
نمارق:باهي بشويه
انا:قتلك طارق قالي بعدين يبي يحكيلي موضوع شن تتوقعي
نمارق:شن عرفني
انا:بارده نحكي جد انا
نمارق:والله مانعرف
انا:تخيلي يطلع حتي هو كيفي يحبني كيف ما نحبه
نمارق:انتي غبيه معقوله تحبي هكي بدون ما تندري مرات يضحك عليك
انا:مش بيدي يا نمارق والله حبيت ومش عارفه كيف صار هكي يومي بلاه ولا شي ونرايف عليه واجد كلام واسلوبه يهبل بكل
نمارق:انشاءلله غير مايكسر قلبك
انا:عادي المهم نحبه
نمارق:هبله
انا:انا جبتك معايا تفرحيني مش تنكدي عليا
نمارق:انا نحكي جد
انا:باهي اوكي خلاص
خذيت كتابتي وخشيت نقرا المهم نقرا شوي ونلقاه روحي سارحه ونفكر في طارق بعدها نرد نقرا كملت وتعشيت مع البنات وخشيت خذيت سمعاتي وخشيت دار ضيوف رنيت ع طارق دارلي مشغول وسكر عليا انا استغربت فتت
الكاتب:Arhima Alagory
مشيت نتفرج مع ماما وبنات
ماما:شن قريتي
انا:اها تمام
ماما:شدي روحك سنه شهادة هاد
انا:انشاءلله
ريهام: ديري حاجه تفرحنا
انا:انا ننجح لروحي راه مش لكي
ريهام:باهي عرفتك تنجحي لروحك بس ارفعي راسنا
انا:ان شاءلله
شوي رن تلفوني لقيت حبيبي يتصل بيك
اها حبيبي هو طارق لكن ما نقدرش نقولها له مش عارفه ليش متمنيه نحكيله بس ما قدرتش امعه نحس بالامان ونحس اني انسانه وحده اخره نسيت حزني حسيته خذا مكان بابا ومايتحمل فيا شي ويهزب فيا ع صلاتي وع قريتي ع معاملتي مع ماما ع حاجات واجد ما يبينش يغلط يقولي يا طفلة وكان مربي ليا حبيته من وسط قلبي سيطر عليا علمني كيف حب والله نحب لعند صبح اليوم المهم نرجع قصتنا
لقيت حبيبي يتصل بيك ماقدرتش نرد
شوي ماما خشت ترقد وريهام خشت تكلم صبيت وخليت ريحاب ع تلفزيون ومشيت دار ضيوف ورنيت عليه
طارق:وينك
انا:زعلانه منك كيف تسكر عليا
طارق:كنت نسوق ومعايا اصحابي
انا:اها كنت تقول
طارق:باهي نتاسف قصدك
انا:ههه لا خلاص شن موضوع بس
طارق:اين موضوع
انا:طارق كيف اين موضوع لي امبدري
طارق:مافيش موضوع انا قلتلك هكي بلعاني بيش تصبي
انا:بارد اوكي خليني نسكر
طارق:براحتك
انا:باي
طارق:طفلتي
انا:قلبي نبض بسرعه اول مره يقولها ليا
طارق:يا انتي
انا:نعم
طارق:نحبك
انا:قلبي قبل وقف من قوه نبض شنو
طارق:نحبك تسمعي فيا
انا:حتي انا نحبك
طارق:ليش ما تقولي
انا:خفت تكسرني وتردني
طارق:ههه ما قتلك طفلة
انا:حبيبي
طارق:شنو
انا:حبيبي
طارق:عيونه
انا:مستحيل تسيبني صاح
طارق:انشاءلله توا نحنا في عرفنا حبنا تحكي ع تسيب
انا:اها لاني بلاك مانقدرش والله نتعب
طارق:نجكليا
انا:وليا نجك
وقعدت نهدرز انا وطارق وانا فرحانه اول مره نفرح هكي هدرزنا عند قريب فجر وبعدها رقدت وانا في دار ضيوف وسيبت خط مفتوح بعدها سكر طارق
في صبح وعيت من صقع لقيت رساله من طارق:حبيبتي نحبك يا قلبي وربي مايحرمني منك ولا يبعدنا ع بعض وردبالك من روحك بكرا ودفي روحك اكويس نحبك
قريت رساله وقلبي يرقص بعدها دزيتله رساله صباح الخير حبيبي حتي انت ردبالك من روحك عرفتك راقد نوم العوافي يا قلبي نحبك
خذيت تلفون وحطيته في شحن وخشيت حمام وبعدها جيت نفطر
ماما:وين كنتي
انا:رقدت في دار ضيوف
ماما:عليش
انا:مافطنتش روحي كنت نسمع في اغاني شوي رقدت
ماما:اها ردبالك منها مصقعه دار راه
انا:لا كنت متغطيه
ماما:تمام افطري نمشي نوعي خواتك
ناضن خواتي ومشينا للمدرسه
دنيا:ريم
انا:دنيتي طلع يحبني
دنيا:كذابه
انا:والله
دنيا:خسارة
انا:كنك
دنيا:صوتي شين كان هذا غنيتلك واخيرا قالها قال احبك قالها
انا:هههه بارده
دنيا:شنو الحب سمح
انا:يعني شوي
دنيا:ربي مايوريك نار الحب
انا:انشاءلله
دنيا:هي نمشو للطابور
مشيت وخذينا حصص وروحت للحوش بعد روحت ريهام طلعت نجري وكلمت نمارق
نمارق:كنك
انا:كيف ما توقعت كيف ماصار
نمارق:شنو
انا:طارق يحبني
نمارق:لولولولولي
انا:وطي صوتك
نمارق:والله فرحتلك
انا:ربي يكمل علينا
نمارق:انشاءلله يارب
انا:هي خشي
نمارق:لا نروح نعسانه نبي نرقد ونوض نقرا
انا:تمام باي
نمارق:باي
هذا صار والايام الاخره نفس جو مر قريب شهر ع علاقتنا وماحد من حوشنا يعلم بيها في يوم خميس كانو عندنا عيت خوالي واعمامي وماقدرتش نحكي مع طارق في ليل خشيت دار وسكرتها ورنيت عليه
انا:الو
طارق:زعلان منك وما نبيش نحكي
انا:حبيبي حقك عليا اسفه بس والله ما قدرت نحكي
طارق:يعني هكي تهمليني ع شان خوالك واعمامك
انا:حياتي مش هكي بس والله ماحصلت فرصه هذا لي صار
طارق:باه
انا:حبيبي نحبك موت وما نقدرش نبعد عليك قدر ضرفي
وينفتح باب دار وتخش عليا ….
.
.
.
.
.
#يتبع