كسرتنا العادات للكاتب: Arhima Alagory

#كسرتنا_العادات
#قصة_واقعية
#الحلقة_الثانية
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
انا كملت طريق وجيت عند باب القطعة متاعنا طبعا نحنا دايرين صور كبير وفي حوشنا وحوش اعمامي الاثنين معانا المهم انا خشيت من باب لقيت سيارة عبدالله قدام حوشنا قلت اكيد جاي يسال ع رحاب بعدها شفت سيارة احمد هنا انا ستغربت معقوله كنهم هذوم وشفت المهم خشيت حوش وما عدلتش شوي جتني رحاب تجري وحضنتني وتبكي
انا:رحاب كنك
رحاب:ما ردتش عليا
انا:رحاب احكي كنك
رحاب:ماما ما
انا:كنها ماما
منى مرات عمي احمد تبكي:يا ريم امك مرضت وشلنها مستشفي
انا:كيف كيف مرضت كنها ماما شن صارلها
منى:مافيها شي ما تخافيش
رحاب:ماما توا تسيبنا كيف بابا وتبكي
انا:نبي نمشيلها
منى:عليش تمشي معاها منيرة
انا:ان شاءلله معاها من نبي نمشي لامي
منى:يا ريم تعالي بس انتي توا غيري دبشك وصدقيني امك مافيها شي
انا:باهي عليش رجاله براه وانتي هنا ورحاب تبكي
منى:رجاله جايين امبدري وبعد شالها عمك علي ما قدروش رجاله يمشو قعدو مع احمد وعبدالله وانا جيت لان رحاب مريضه ورحاب تبكي لانها خايفة انتي مفروض تشعيها مش تزيديها عليها انتي اختها الكبيرة
انا:باهي رني ع عمتي منيرة
منى:حاضر
خشت علينا نمارق وريهام
ريهام:كنكم
انا:ماما في مستشفى
ريهام:شنو كنها
انا:مش عارفه شي انا توا كيف جيت
نمارق:كنها شن صارلها
رحاب:كانت ادير في الغداء شوي نديتها جتني هي وصلت عند باب حست روحها داخت مسكت في باب بعدها طاحت
منى:الو
منيرة:ايواه
منى:منيرة شن صار عندكم
منيرة:الحمدلله اكويسه
ريهام:عطيها ليا
منى:تبيك ريهام
ريهام:يا اعميمه منيرة وراس عبدالله ولدك تقولي ماما كنها
منيرة:والله مانعرف كنها بس توا والله اكويسه وعلقولها تغذية
انا:قوليلها عادي انجو
منيرة:تعالو كان عندكم من يجيبكم
انا:باه

طلعت نجري لعبدالله
انا:عبدالله يا عبدالله
عبدالله:كنك انتي تعيطي قدام رجاله
انا:نبيك تشيلنا لماما
عبدالله:ناضت
انا:اها شن نطلعو
عبدالله:هيا

الكاتب:Arhima Alagory

خشيت
انا:هيا
منى:وين هيا امشي غيري دبشك عليك فضايح
نمارق:وانا نمشي عادي
ريهام:بينك بين خوك
غيرت دبشي انا وريهام وطلعنا
عبدالله:وين ماشية
نمارق:عمتي فوزية
عبدالله:بدبش مدرسه بكل
نمارق:تي عادي
عبدالله:هي باهي ورحاب وين
ريهام:مريضه ماهو
عبدالله:اها صاح

مشينا المستشفى
عبدالله:اصبرن شوي
انا:هيا عاد
عبدالله:نسكر سيارة بس
خشينا
عبدالله:سلام عليكم
عمي علي:عليكم سلام
ريهام:عمي ماما وين
علي:قاعده في دار هذي معاها منيرة

خشينا نجرو للدار
ريهام:ماما كنك
ماما:جيتو يا عويناتي
انا:كنك يا ماما
منيرة:هبوط بس وعندها فقر في دم
انا:باهي شن قال ع وضعها توا الدكتور
منيرة:الحمدلله
نمارق:لاباس عليك يا اعميمه
ريهام:باهي امتي تروح
منيرة:توا قال الليلة هذي تقاعد هنا
ريهام:ليش
ماما:يا ريهام والله ماتخافي مافيا شي
منيرة:والله دكتور قال ليلة هذس تقعد هنا خير
انا:باهي توا نقعد معاها
منيرة:لالا انا قاعده معاها ماتخافيش عليها
انا:بس
علي:سلام عليكم
نحنا:عليك سلام
علي:هيا يا بنات روحن مع عبدالله
انا:بس نبي نقعد يا عمي
علي:لالا ياريم روحي حوشكم وامكم ان شاءلله بكرا تقعد عندكم
ريهام:هيا يا ريم
ماما:امشن يا بنات وردبالكن من رحاب باهي
ريهام:حاضر ماما
عبدالله:لاباس ع عمتي
ماما:ماتشوف باس
عبدالله:شن تحسي روحك توا
ماما:الحمدلله اكويسه
عبدالله:باهي الحمدلله
علي:خلاص اربحو انتو انا توا نجي بعدين
عبدالله:تمام هيا يا بنات

الكاتب:Arhima Alagory

طلعنا نحنا وعبدالله
عبدالله:اطمنتو ع امكم
ريهام:الحمدلله
نمارق:بس مافيها شي فجتونا امبدري
انا:وحق الله امس فجعة واليوم اشر منها
ريهام:شن امس
انا:ما عندكش العلم الافندي عبدالله نحسابه يبي يخطفي يجري ودرس قدامي وسيارة جديده كرعي موتن
ريهام:هههه انا نقول عليش ما تبش تمشي بروحك اليوم
انا:مش متعوده اصلا اليوم باهي لقيت بنت جيت انا وياها
نمارق:سنه جاية معايا عاد
انا:الله رايفت عليك بعدك
عبدالله:هي انزلن

في حوش
نحنا:سلام عليكم
منى:عليكم سلام شن صار
ريهام:قالو عندها هبوط وفقر في دم بس اكويسه بكرا تطلع في صبح
منى:باهي هيا تعالو تغدو بسرعه لان خوالك يبو يجو وخالاتك
نمارق:بعدك جعانه
ريهام:نمارق امشي غيري دبشك وبمره كلمي احمد وعبدالله
نمارق:باه
انا:راكم تنسو عمي علي عقبوله
منى:عقبتله

الكاتب:Arhima Alagory

خشيت دار
انا:حبيبتي راقده
رحاب:لا واعيه كيف حال ماما
انا:تسلم عليك واكويسه
رحاب:باهي ليش ما جت
انا:دكتور قال لزام تقعده ليلة هذي في مستشفى
رحاب:باهي المهم صحتها اكويسة
منى:هي تعالو تغدو
انا:تي وين حمادي
مني:راقد ماصدقته رقد
نمارق:هيا راهو جعانه انا
قعدنا نتغدو

بعد الغداء
خشيت انا نمارق للمطبخ ومنى وريهام ع الحوش كملنا لمة الحوش ومواعين قعدنا شوي اذن العصر خشينا صلينا بعدها غيرنا دبشنا وقعدنا نهدرزو نين سمعنا عيت خوالي جونا طلعنا طبعا سلمنا وجو هذا وخشو عيالهم وهلهم وقعدنا نهدورز وجو هذا المهم عند بعد المغرب عيت خوالي روحو وقالو ح يجو بكرا مدام ان ماما تطلع بكرا

في مطبخ
انا:هيا يا نمارق بلا لعب
نمارق:اسكتي خليني نزين
انا:تي جواعة نحنا وانتي فاضيه تزيني
ريهام:كنكم الهرجة هذي كلها علي بيتزا
انا:تسحن سحن بنت هذي
ريهام:هههه عارفتها
رحاب:وحق الله لو انا راه قعدين تغسلو في مواعين مش مزلتو ما كليتو
نمارق:معلش هيا برا خلينا نشتغلو
ريهام:خليكم فيها نمشي نشوف حمادي
انا:اها صاح العيل امه طلعت ونسينه بكل
رحاب:راقد والله
نمارق:خلاص اطلعن خلوني انا وريم
طلعن البنات وقعدت انا ونمارق نديرو في البيتزا المهم ما نحكيلكمش ع بيتزا وحده محروق الاخره عجينه واحده لصقت وكشايف وخلاص ?

المهم كملنا وروحت منى من المستشفي لانها كانت عند ماما وحطينا نتعشو
نمارق:واحد يقول شينه كف
ريهام:باهي مش سمحه
نمارق:هه طريحه
منى:يعني ناكلو ونسكتو
نمارق:كان سمحه قولو
انا:لا يا غبيه هكي مش ح يقولو معنها شينه
نمارق:اها صاح ما تقولو شي
رحاب:بس والله سمحه
نمارق:نجكليا
رحاب:ك طعمة سمحه ك منظر اعوذ بالله من شيطان رجيم
انا:حيوانه قبل فرحتيني
منى:سلم ايديكن وخلاص
ريهام:لذيلة بعض شي
نمارق:نعلي منك
انا:الحمدلله بيش تغسلو مواعين نمشي نفتح نت ع حالي
نمارق:خوذيني معاك

الكاتب:Arhima Alagory

طلعت انا ونمارق مشينا للدار معيشة فتحنا نت وقعدنا مكسدين عليه ومنى و ريهام غسلو مواعين ولمو الحوسه ورحاب مشت مع حمادي طبها حمادي هذا بيبي صغير ولد عمي احمد واسمه محمد
ريهام:يابنات
انا:عنشكلك فجعتيني راك
نمارق:كنك
ريهام:شن رايكن اندزو عبدالله ع شوكلاطات وحاجات
انا:احمد بارد نبي من شكلاطات ما جبهنش
نمارق:عليش
انا:لان مسكت حمادي هذك اليوم وهم طلعو للسوق قالي عندك هدية شن تبي قتله شكلاطة
ريهام:توا ندز عبدالله
نمارق:ياريت وقوليله نمارق بايته عندنا
انا:اكيده هذي
مني:شن اديرن
انا:شي ع نت وخلاص
مني:صقع عطك الخير ولعن دفاية
انا:خطرها ع دفاية توا جو طاسة شاهي ساخنه واسبول من تحت دياتك يا منى
منى:ايوه تامري بس
انا:ليش مش من حقي
نمارق:تي وين رحاب
انا:مع حمادي
منى:يا رحاب جيبي حمادي وتعالي
رحاب:باه
جت رحاب ومعاها حمادي راقد
انا:نجكليا
ريهام:جيت
نمارق:شن صار
ريهام:تمام عدى يجيب فيهن
انا:باهي نبي اسبول وشاهي
مني:توا نديرلكم
انا:احسن وحده انتي
درنا اسبول وشاهي وقعدنا ناكلو فيهن شوي باب دق

طلعت انا نفتح
انا:من
عبدالله:هذا انا
انا:عبدو هي خش
عبدالله:شن اديرو
انا:نشربو في شاهي واسبول
عبدالله:عليك جو برا شكلها تبي تمطر
انا:ياريت
خشيت انا وعبدالله
ريهام:نجكلنا يارب
عبدالله:نبي شاهي
مني:هي تفضل
عبدالله:شكرا وين حمادي راقد
رحاب:اهو
عبدالله:رحاب لاباس عليك
رحاب:ماتشوف بس يارب
نمارق:انا بايتة هنا
عبدالله:باهي تبو حاجه
نحنا:سلامتك
عبدالله:هي تعالو اقفلو وراي الباب
انا:هي غير اطلع طلعت مع عبدالله
عبدالله:مش قتلك اهي قاعده تمطر
انا:خش باهي
عبدالله:لالا نمشي اوكي سكري باب
انا:باه سكرت وخشيت نجري عطوني بطانيه بسرعه عليك صقع
منى:صوت مطر
انا:تمطر اصلا
مني:خلينا نفرشو باهي
ريهام:هي
نمارق:انا هذا مكاني
فرشنا في دار المعيشة وقعدنا نهدرزو وجو سمح بكل وشكلاطات وعصير وحاجات هكي قعدنا نهدرزو عند قريب فجر
منى:خلاص يا بنات ارقدن توا بكرا تطلع امكن وخوالكم يجو وانتن مرقدات
انا:صدقتي تصبحو ع خير
وخشيت رقدت

الكاتب:Arhima Alagory

نضت ثاني يوم ع صوت بكاء حمادي لقيت مني تسكت فيه وباقي بنات رقدت
انا:صباح الخير ساعه كم
مني:ساعه 11ونص
انا:حي ع امه هذا كله
مني:هي صبي معاي
انا:هيا
خشيت حمام(حشاكم) وطلعت صليت وجيت نفطر
مني:نمشي نوعي بنات
انا:باهي منها نفطرو مع بعضنا
مني:خلاص وتي فطور توا نجي انا وبنات
انا:تمام
قعدت اندير في فطور وبعدها جتني نمارق
نمارق:صباحو
انا:هلا صح نوم
نمارق:اندير معاك
انا:ياريت
نمارق:هي
مني:نجيهن بنوتتنا
انا:وعيتيهم الاخرات
مني:اها وعيتهم توا يجو
انا:شن دارت رحاب
مني:لا الحمدلله اكويسه
ريهام:صباح النور
انا:ريهام رني ع عمتي منيرة شوفيها شن صار عندهم
ريهام:باه
رحاب:شنجوكم
نمارق:ماشاءالله صحيتي
رحاب:الحمدلله

الكاتب:Arhima Alagory

حطينا الفطور وقعدنا نفطرو شوي جت ريهام
مني:شن صار
ريهام:حكيت مع ماما بروحها اكويسه الحمدلله وقالت يرجو في دكتور ولان اليوم جمعة يطول دكتور ما يجي
انا:اها باهي الحمدلله
مني:يا بنات انا ماشيه للحوش نطلع دبش لاحمد ونجيكم انتو رتبو الحوش
نمارق:تمام
طلعت مني ونحنا قعدنا انديرو في الحوش شوي سمعنا باب يدق لقينهم عيت خالي مصطفي وخالي ناصر
انا:اهلين غوالي شرفوتنا
خالي ناصر:كيف حالكم
انا:الحمدلله
خالي مصطفي: وين رحاب قالو مريضه
رحاب:لا توا تمام يا خالو
مصطفى:نجيها شنجو
رحاب:الحمدلله
وخشو عيت خوالي وقعدنا نديرو في الغداء ودرنا غداء لماما وجتنا عمتي مني

مرات خالي مصطفى:توا ندير انا المحشي
ريهام:باه مني احمد عده لجامع
مني:سيبته يبي يعدي
انا:باهي غداء ماما وعمتي منيرة من يشيله
نمارق:عبدالله
رحاب:توا نطلع نشوفه
طلعت رحاب كلمت عبدالله
مني:شن صار
رحاب:توا يجي توا
مني:تمام
المهم عبدالله خذا الغداء للمستشفي و روحو احمد وخوالي من جامع
مني:هي يا بنات حطن الغداء
ريهام:قعدين نحطو ريحاب تعالي شيلي سفرة المشروب للمربوعة
رحاب:باه
انا:هي بعدكم جعانة بكل
مني:باب يدق راه
رحاب:توا نطلع نشوف
انا:هذا اكيده عبدالله

طلعت رحاب تشوف في باب لقت عمي احمد فتح باب
علي:هي تفضلو
رحاب:خشت تجري يا بنات ماما جت
انا:وين
رحاب:توا خشت
طلعت نجري لقيتها قاعده في صاله وكلهم يسلمو عليها
انا:وسعولي
ماما:خيرات
انا:الحمدلله ع سلامه
ماما:الله يسلمك
انا:وين الحوش شين بلاك
ريهام:وحق الله جديات شين بكل ربي ما يغيبك علينا
منيرة:باهي تبو تقعدو مصابين بيها هنا هي خشو

خشينا للدار معيشة
مني:يا بنات هي تعالن الغداء
انا:حي نسينه بكل
نمارق:توا نكلم عبدالله ياخذه
انا:باه بس عبدالله روح ولا مزال
نمارق:اها روح
عبدالله:هي وين الغداء
انا:عمرك طويل
نمارق:هي تعال خوذه
عبدالله:جيبيلي الغداء هنا صبايا قعدات
انا:بلا طروح خش خوذه الغداء ع اساس اول مره صبايا
عبدالله:نمارق جيبي الغداء
نمارق:هي
عطينا الغداء للرجاله وحطينا غدائنا وقعدنا نتغدو

الكاتب:Arhima Alagory

بعد كم دقيقة
انا:منى خلاص اطلعي
منى:لالا تو نسعدكم
انا:لالا تريحي
نمارق:صاح اطلعي تو نديرو نحنا ماعليك
منى:باه
بعدها خشن معانا بنات خالي وقعد يساعدن فينا المهم كملنا الحوسه جينا كلنا في دار المعيشة لقينهم يحكو في قصة متاع ماما
مني:انا كلمني احمد قالي امشي لفوزية شوفيها انفجعت جيت لقيت طالعه مع منيرة وعلي لقيت ريحاب وحدها وتبكي هي رنيت ع منيرة قلتلي ان شاءلله ساهله هي اطمنت شوي
انا:خشيت لقيت ريحاب تبكي قلت ماما فيها حاجه كبيرة
ماما:وريحاب عليش تبكي
ريحاب:خفت نخسرك كيف بابا
انا:قعدت نبكي وطلعت خشيت داري

في دار جتني نمارق
نمارق:كنك حبيبتي
انا:شي
نمارق:كيف شي وانتي تبكي
انا:واللهي مضايقة
نمارق:احكيلي بلا زعل
انا:والله مش زعلانه بس هكي اضياقت
نمارق:هي تمشي معايا
انا:لالا عيب نسيب بنات خالي
نمارق:قوليها لروحك يا شاطرة طالعه ومسيبتهم
انا:هي تعالي نطلعو برا

طلعنا وقعدنا مع بنات نهدرزو جو سمح المهم مر الوقت وخوالي روحو وحتي اعمامي نمارق بس قاعده عندنا وبايتة
ريهام:عارفين كرعيه طاحن
ماما:خلاص امشي ارقدي وتريحي
انا:بس ما درتي شي انتي
ريهام:عينك والله من اول ما نضت وانا نجري ما تريحتش بكل
نمارق:بكل بكل
ريحاب:انا خلاص نبي نرقد
نمارق:مافيكنش جو بكل
انا:انا يا حبي توا نقاعد معاك
نمارق:نجكليا
قعدت انا ونمارق نهدرزو ومكسدين ع نت عند جا ليل ورقدنا

ثاني يوم
نضت خشيت حمام (حشاكم) بعدها طلعت صليت ظهر وخشيت مطبخ لقيت خالي خالد
انا:صباح النور
خالد:اين صباح قريب نرقدو من جديد
انا:انت ما تحكش ع صبح بكل
خالد:عليش
انا:تنوض من قبل فجر شن هذا
ماما:نديرلك فطور
انا:توا ندير تريحي خليك مع خوك لي هذا وين جاك
ريهام:عليك قصف
خالد:يا بارده والله كنت في طرابلس وهذا وين روحت
انا:الحمدلله ع سلامه
خالد:الله يسلمك
انا:وين ريحاب
ماما:تكتب في واجباتها
انا:اها باهي
نمارق:خير يا انتو
نحنا بحتنا فيها وقعدنا نضحكو
نمارق:وجها قعد احمر ونحرجت
انا:خشي
نمارق:صباح الخير
خالد:صباح النور
انا:اذكرتها هذي
خالد:عليش اذكرتها انا انضني كل جيه نلقاها عندكم
ريهام:لصقه بعيد عنك
انا:غصبان عنك نطلعك انتي ونخلي نمارق
ماما:باهي ديريلها فطور معاك
انا:تبي فطور
نمارق:شن رايك
خالد:خلاص انا المهم انك انتي اكويسه
ماما: خليك للغداء
خالد:والله ما نقدر عندي شغل
انا:باهي مربوحه
خالد:تو تشوفي يا ريم
انا:عندك شغل ما نبيش نعطلك عاد
خالد:تمام اوكي
ماما:مع سلامة
روح الخالد ونحنا تغدينا وبعدها كسدنا ع نت شوي ونمارق روحت تبي تقرا وانا وريهام قعدنا نقرو المهم نين جا وقت نوم ورقدنا

ثاني يوم
نضت انا درت روتين الصبح يعني توضيت وصليت لقيت ماما تفطر
انا:ماما
ماما:صباح النور
انا:ليش واعيه كم مره تقولولك ارقدي وتريحي
ماما:ما نتريحش مرات يفوتكم الوقت
انا:لالا مش ح يفوتنا ارقدي
ماما:توا نرقد بعد تطلعو
انا:ربي يخليك لنا
ماما:امشي وعي خواتك
انا:مزال بدري
ماما:خلاص هذا هو
انا:باه
المهم وعيتهن ولبسنا قعدين نفطرو دق باب
انا:هذي نمارق
طلعت فتحتلها
انا:هي خشي
نمارق:لالا هيا انتن توا يشيلنا عبدالله
انا:باه
ماما:من
انا:قولي لبناتك هيا
ماما:باه
طلعنا وشالنا عبدالله للمدرسه

الكاتب:Arhima Alagory

في مدرسه
خشيت لقيت دنيا
دنيا:صباح النور
انا:ياريت ديمه لاحد
دنيا:عليش
انا:بيش تستقبليني هكي
دنيا:اسمعي يا ريحاب اختك خساره فيها القدر
انا:عليش
ريحاب:صدقتي
انا:باهي باه
دنيا:تي نبصر لاباس ع اعميمه فوزية
انا:ماتشوفي باس
دنيا:صحتها تمام توا
انا:الحمدلله
دنيا:باهي الحمدلله

تسريع الاحداث خشينا للمدرسه مره الوقت وجت حصه منتظرة هيا حصة العلوم
خشت الابلة
ابلة:سلام عليكم
نحنا:عليك سلام يا ابلة صلحتي الاوراق
الابله:اها صلحتهن تبوهن توا ولا بعدين
نحنا:لا توا
الابلة:باه
وبدت تسمي بالواحد وصلت عند دنيا
ابلة:دنيا
دنيا:نعم وخذت ورقتها وكانت جايبة 10ع 10
دنيا:عرفتي عليش تشكر فيا الادارة
ابلة:باهي قعمزي واسكتي
دنيا:حاضر
المهم عطتني حتي انا حتي انا نفس دنيا 10 بعدها كملنا الحصص وروحت انا وريحاب للحوش

تسريع الاحداث روحنا للحوش وتغدينا ورقدنا شويه نضنا قرينا وبعدها قعدنا نهدرزو عند ساعه 11 ونص تقريبا انا قاعده ع نت ونهدرز مع بنات جو صقع ومطر جاني طلب صداقة وبعدها نسمعو باب يدق
ريهام:ياساتر من هذا
ودق يزيد ويرن جرس
انا:عزقت تلفون وطلعت نجري
ريهام:توا نشوف من
ماما:قولي من
ريهام:تقول من ماحد يرد وباب يدق اخره
ريهام:قربت وحطت يدها ع باب و…..
.
.
.
.
.
#يتبع

 

error: