كسرتنا العادات للكاتب: Arhima Alagory
#قصة_واقعية
#الحلقة_الرابعة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
كملنا الامتحان وبعدها قالولنا روحو طلعنا شوي دنيا رنت ع سراج وقاللها يرجا فيها في شارع جنب مدرسه مشينا غادي
انا:دنيا بسرعه ما طولش
دنيا:باهي غير قربي بس تعالي اهو شاب لي يبيك معاه قاعد
انا:لالا خليني هنا
دنيا:باهي
مشيت دنيا لسراج شوي شفت شاب جاي شوري وشاب قرب مني وبرمت نشوف سيارة عبدالله خشت من شارع قلبي قعد يدق بسرعهعندنا في الحوش باب يدق طلعت ماما فتحت لقاته عمي علي
علي:خير فوزية
ماما:خيرات تفضل
علي:نبيك في موضوع
عندي انا
شفت سيارة عبدالله في شارع معاش عرفت شن اندير وشفت شاب جاي شوري وسيارة عبدالله تقرب شوي شفت لقيت مش عبدالله لي يسوق فيها تريحت
شاب:يا ريم
انا:تفضل
شاب:انا نبي نتعرف عليك
كنت خايفه وقتها من عبدالله يرد ولا حاجه
انا:مش توا معلش يا دنيا هيا
دنيا:شيرتلي بيدها يعني شويه
شاب:براحتك بس ياريت تردي عليا
انا:ان شاءلله
جت دنيا ومشينا
عند ماما وعمي علي
ماما:خيرات علي تفضل
علي:نبيك في موضوع
ماما:ان شاءلله خير
علي:من عندك
ماما:مافي حد وبنات في مدرسه
علي:باهي نحكو هنا
ماما:شن في والله شغلتني
علي:مافي الا الخير انا جاي ونبي نقولك ان نبي نخطب لعبدالله
ماما:باهي ماشاءالله ربي يقدملكم لي فيه الخير
علي:ان شاءلله بس بنت نبيها له هيا بنتك
ماما:بنتي من
علي:ريهام
ماما:ريهام ان شاءلله ماتلقاش خير من عبدالله وان شاءلله توافق
علي:شوفيها وتوا مش ح نديرو شي وحتي العرس مزال عبره ع خطبة بيش بنت تقاعد له
ماما:ان شاءلله
علي:خلاص تبي حاجه
ماما:سلامتك
علي:سلام عليكم
ماما:خليك اشرب حاجه
علي:لا والله نبي نمشي
عندنا
دنيا:كنك سكنتي
انا:يا حيوانه سيارة لي خطمت متاع عبدالله خو نمارق
دنيا:كذابه شافك
انا:مش هو لي يسوق
دنيا:باهي الحمدلله شن صار بينك وبين شاب
انا:فاضيه انتي مش فضيتله بكل
دنيا:ع كيفك شن قلتيله
انا:قتله مش توا
دنيا:يعني تبي تفكري في موضوع
انا:لالا تهيالك انا اجلتها بيش نفوته ومعاش تحطيني في موقف كيف هذا
دنيا:اوكي يا ابله اسفه
انا:دنيا ما تزعلش
دنيا:انسى خلاص باي
انا:باي
رديت للمدرسه وكلمت ريحاب وروحت انا ويها
الكاتب:Arhima Alagory
في الحوش
انا:سلام عليكم
ماما:جيتو
انا:اها جينا
ماما:شن حليتو
انا:انا تمام
ريحاب:حتي انا ميه ميه
ماما:باهي خشن غيرن دبشكن بيش تسعدوني
انا:شن الغداء
ماما:بشاميل
انا:نعليا توا نجيك توا
خشيت غيرت دبشي وطلعت تميت نساعد في ماما
ماما:ريهام طولت
انا:لا كيف وقتها
ماما:بس اليوم امتحانات
انا:مش عارفه تو تجي اكيد معاش طول
ماما:باهي تعالي ديري معايا
انا:حاضر
قعدت اندير مع ماما شوي سمعت باب يدق
انا:ريحاب اطلعي افتحي
ريحاب:هي طالعه
طلعت ريحاب فتحت سمعت صوت عبدالله ينادي عليا وريهام تقول توا نكلمها لك
ريهام:ريم
انا:نعم
ريهام:يبيك عبدالله
انا:شن يبي فيا
ريهام:مش عارفه
انا:قوليله مش فاضيه
ماما:اطلعي شن مش فاضيه
انا:فكيني يا ماما
ريهام:عيب عليك اطلعي شوفي كنك
عبدالله:ريم يا ريم
انا:خفت زيادة ننعم
عبدالله:تعالي نبيك شوي
انا:باه
طلعت وانا كنت متاكده ان يسال ع امبدري
انا:نعم
عبدالله:تعالي هنا
انا:شن في يا عبدالله
عبدالله:اسمعي احكيلي بصراحه نوعدك مش ح نقولها لحد بس صارحيني
انا:شن في يا راجل
عبدالله:لي كنتي معاه امبدري من
انا:عبدالله شن تحكي انت من كنت معاه
عبدالله:شفتك انتي ومعاك بنت اخره قاعده مع اثنين شباب
انا:مدامك شفتني لي ما جيت في وقتها وعرفتهم من هم من بدايه
عبدالله:سكت باهي مش انا شفت بس حكولي
انا:عبدالله انا بابا مربيني ونعرف روحي شن اندير ولي كنت معاه مش شوري انا هو يقرب للبنت وبعد طلعنا تلقو في شارع وسلمت عليه يعني انا ماليا شي فيها قصة
عبدالله:اكيد
انا:اطمن يا عبدالله وصبيت
عبدالله:قعمزي
انا:عليش نقعمز مدام انك مش عرفنا واي حاجه يحوكها علينا تصدقها طبعا لان يتيمة وباتي ميت وما عنديش اخ هكي تشوفو
عبدالله:ريم مش هكي
انا:لا هكي يا عبدالله المهم العتب مش علي جابلك كلام العتب عليك انت لي صدقته
عبدالله:ريم انا
الكاتب:Arhima Alagory
خشيت سيبته وعبدالله طلع
ماما:كانه عبدالله
انا:شي مكسد عليا
ماما:باهي كملي
انا:والله ماعندي نيه يا ماما وخشيت دار
عارفه ان وقفتي مع شباب غلط بس لي وجعتني ان حكو علينا خشيت دار ومضايقه طحت ع سرير نبي نرقد
ريهام:ريم
انا:نعم
ريهام:كانه عبدالله
انا:شي
ريهام:مش شي في حاجه عبدالله كان متعقد بكل اول مره نشوف هك
انا:يا ريهام توا نحكيلك
ريهام:نسمع قاعده
انا:جتني دنيا وقلتلي….وشكله لي شافني قالها لعبدالله وهذي القصة
ريهام:معقوله يا ريم هكي عبدالله عند الحق بعدين هو مش مصدقهم لان لو مصدقهم راه هزب ولا ضرب
انا:يضرب عينه من يحساب روحه هو
ريهام:وطي صوتك
انا:ريهام خليني نرقد
ريهام:باهي ارقدي
الكاتب:Arhima Alagory
رقدت ونضت ع صوت ريحاب
ريحاب:يا ريم ريم
انا:نعم
ريحاب:نوضي هي تعالي تغدي
انا:باهي باه
ريحاب:هيا ريم صبي عاد
ريم:حاضر توا نجي خلاص نضت والله
صبيت ومشيت نتغداء
ماما:كنك
انا:شي
ماما:لالا مش شي في حاجه من لما جانا عبدالله انتي مش تمام
انا:مافي شي يا ماما ما تشغلش بالك
ماما:باهي
انا:تهبل تسلم دياتك مامي
ماما:صحه
قعدنا نتغدو وكملنا غسلنا المواعين
ماما:يا بنات تعالن نبيكم
نحنا:نعم
ماما:نبي نحكيلكن
ريهام:ان شاءلله خير
ماما:لا خير اليوم جاني عمك علي وقال يبي يخطب ريهام لعبدالله
انا:يا حبيبي هو هكي حكمنا معنها كان خطب منه
ماما:شنو
انا:لا شي شن قلتيله
ماما:قتله ان شاءلله خير بس نسال ريهام
ريهام:بس يا ماما بابا ماله شي متوفي
ماما:باتك يقعد اخ علي حتي هو
انا:بس مافيش حد يحس بغيابه اكثر منه
ماما:يا بنات افهمني قبل اولا الحزن مش ح يدوم ضروري نفرحو مش ديمه في حزن ثانيا عمكن يبي توا خطبه بس مافي شي وبيش تقعد ريهام لعبدلله
انا:باهي وريهام خذيتو رايها
ماما:ماتلقاش كيف عبدالله وعمك قال شوفيها ويرجا في ردها
ريهام:انا عادي مش رافضه بس مش توا الخطبة بعد نكملو امتحانات
ماما:حاضر توا نقولها لهم
انا:نمشي نقرا
ماما:خلاص امشي
ريحاب:يعني تبي تقعدي عروس انتي
ماما:نجكليا انتي تعالي عطيني بوسه
انا مشيت قريت وثاني يوم
ماما:ريم حبيبتي هي صبي بنيتي
انا:حاضر
ماما:خشي حمام وتعالي افطري
انا:حاضر
صبيت توضيت وصليت ولبست وجيت نفطر
ريهام:شن امتحانك اليوم
ريحاب:رياضيات
ريهام:شدي روحك فيه
ريحاب:ان شاءلله
انا:هي يا بنات
ماما:ريم كنك
انا:كني يا ماما
ماما:مش عارفه كنك في حاجه
انا:والله تريحي مافي شي هي انتن وقت
ريهام:توا يجينا عبدالله يشيلنا
انا:جديده هذي
ريهام:اها قالها ليا امس
انا:خليك انتي امشي معاه وطلعت
ماما:ريم تعالي هنا كنك
انا:وقت يا ماما
سمعت سيارة تبيب
ماما:اهو عبدالله هي اطلعن
انا:باه
الكاتب:Arhima Alagory
طلعت لقيت عبدالله ومعاه نمارق مشيت وما عدلتش عليهم
عبدالله:اركبي
انا:مارديتش عليه
ريهام وريحاب طلعن ركبن في سيارة عبدالله جا قدامي بسيارة
عبدالله:اركبي
انا:لا شكرا توا نمشي ع كرعيه
عبدالله:تسمعي ولالا قتلك اركبي
انا:مانبش
ريهام:اركبي يا ريم بلا هرجه
نمارق:كنك يا ريم هيا
انا:ركبت وما قلت شي
نمارق:كنكم
انا:ساكته
نمارق:نحكي انا
عبدالله:مافيش شي
ريهام:كيف مافي شي
ماحد رد عليهم
وصلنا للمدرسه نزلت انا وريحاب
ريحاب:ريم كنك انتي
انا:ريحاب فوتي
ريحاب:عليش نبي نعرف كنك مضايقة
انا:والله مافي شي
دنيا:باهي جيتي نرجا فيك من امبدري
انا:دنيا فوتيني وعديت سيبتها
دنيا:كانها هذي
ريحاب:مش عارفه
دنيا:لحقتني اسمعي كنك
انا:دنيا قتلك فوتيني قتلك
دنيا:مش فايتك كنك شن فيه
انا:كل منك تمو ناس يحكو عليا
دنيا:شن في
انا:امس واحد جاي لعبدالله وقيله شفت بنت عمك قاعد مع شاب
دنيا:سكتت
انا:تريحتي
دنيا:اسفه
انا:شكرا وعديت سيبتها
دنيا:ريحاب هلك شن قالولها
ريحاب:ما تزعلش يا دنيا انتس تعرفي ريم هيا حساسه بس واكيد وجعتها توا ترد كيف قبل
دنيا:ان شاءلله
خشينا امتحان وبعد طلعنا لقيت دنيا ترجا فيا
دنيا:ريم
انا:نعم
دنيا:اسمعيني
انا:يا دنيا فوتيني توا ماعندش نيه نحكي بكل
دنيا:باهي عليش هذا كله
انا:شوفي شفتي سيارة عرفتي عليش توا نقعد تحت امرت عبدالله
ريحاب:هيا يا ريم قالك عبدالله
انا:هيا جاية
مشيت وسيبت دنيا وركبت مع عبدالله وما حكيت شي مشينا خذينا نمارق وريهام وروحنا للحوش
ريهام:ريم
انا:ريهام ما نبش نحكي وانا حكيتلك عليش متعقده
ريحاب:شن قصة
انا:توا تحكيلك اختك
خشيت لقيت ماما مش قاعده
ريهام:ماما وين
ريحاب:شكلها هيا لي دق
طلعت ريهام فتحت
ريهام:وين كنتي
ماما:كنت عند عمك علي مشيت وحكيت معاه ع موضوع خطبة
ريهام:باهي
ماما:قال بعد الامتحان وفي عطله نص سنه
ريهام:ان شاءلله
الكاتب:Arhima Alagory
مرت الايام ومافيش شي جديد وانا وعبدالله نفس معامله مانردش عليه ولا نحكي معاه ودنيا حتي هيا وجا اخر يوم في امتحانات مشينا المدرسه وشالنا عبدالله طبعا خشيت مدرسه لقيت دنيا قاعده بروحها
ريحاب:ريم
انا:نعم
ريحاب:حرام عليك دنيا صاحبتك عليش تعركتي معاها
انا:والله ما كنت نبي نتعرك معاها بس اضيقت من عبدالله وجت عليها
ريحاب:امشيلها صالحيها
انا:باه
مشيت لدنيا
انا:صباحو
دنيا:بحتت فيا وردت تبحت في كتاب
انا:اسفه عارفه روحي بارده وزدتها وضايقتك
دنيا:لا عندك الحق انا لي حقيرة فكرت في روحي
انا:حشاك معاش تقولي هكي خلاص رايفت عليك وع قريتنا مع بعضنا
دنيا:صبت حضنتني والله انتي اختي باهي
انا:نجكليا
دنيا:شن درتي في امتحانات
انا:اكويسه وانتي
دنيا:نفسك
انا:ماتقولش تغشي مني حتي نحنا مش نفس درج
دنيا:لالا شعوري هو خليني نعرف حلك
انا:نعليا
دنيا:خلاص هي نرجعو
انا:هي
وقعدت راجع انا ودنيا وبعدها مشينا للامتحان
كمل امتحان ونزلنا
انا:الحمدلله جت عطله
دنيا:ع اساس عطله سمحه كلها اسبوعين
انا:مهم نتريحو شويه
دنيا:بس ح نرايف عليك اكثر ماني مرايفه
انا:مش تقاطعيني تعاليلي
دنيا:حتي انتي
انا:ان شاءلله نحول
دنيا:غصبان عنك مش تحاولي
انا:هههه ان شاءلله
دنيا:اوكي
انا:باي
ريحاب:واخيرا
انا:شن حليتي
ريحاب:الحمدلله
انا:هي نروحو
ريحاب:نرجو عبدالله
انا:لالا انا مروحه
ريحاب:باهي استني جايه معاك
انا:هي
مشيت انا وريحاب شوي درست سيارة علينا لقيت عبدالله وركبنا
عبدالله:من قاللكم اطلعو
ريحاب:طلعنا بدري قلنا نروحو قبل لا تفضه مدرسة
عبدالله:لا لو ريجتو ما صار شي
ريحاب:خلاص ماصار شي
مشينا خذينا بنات وروحنا للحوش
ريحاب:نشوفكم بخير
انا:حتي انا
ريهام:تعالي يا ريم
انا:نعم
ريهام:مزلتي متعركه مع عبدالله
انا:لا جونا سمح
ريحاب:يا بنات ماما مش قاعده
انا:وين تبي تعدي
شوي باب دق
ريهام:اكيد ماما طلعت فتحت
ماما:روحتو
انا:شن رايك
ماما:باهي شن حليتو
نحنا:الحمدلله
ريهام:وين كنتي
ماما:كنت عند عمك علي ع موضوع الخطبة
ريهام:اها شن صار
ماما:قتله ان موافقين قال خطبة خميس جاي
انا:الف مبروك حبيبتي
ريهام:الله يبارك فيك
ماما:اليوم جاين خوالكم
انا:نبي نرقد حتي غداء ما نبش ماما ياريت تطلعي نت
ماما:طلعت امبدري
انا:نعليا تصبحو ع خير
الكاتب:Arhima Alagory
خشيت رقدت نضت ع صوت نمارق
نمارق:حبيبتي نوضي
انا:نعم
نمارق:صحصحي هيا
انا:شن تبي يا همي
نمارق:خوالك يبو يجو هيا صبي
انا:باهي تو نصبي
نمارق:هيا عاد ليا ساعه نوعي فيك
انا: هي نضت خلاص
نمارق:كنك انتي وعبدالله
انا:هذا عليش وعيتني
نمارق:احكي ليا ايام وانا نفكر
انا:باهي هذك اليوم ….هذي القصة
نمارق:حي ع امك باهي شن صار في شاب
انا:مبردك نحكيلك جد انا
نمارق:باهي احكيلي
انا:نصبي نصلي العصر ونجي
نمارق:باه
صبيت صليت العصر وانا نصلي سمعت خوالي جونا كملت وطلعت سلمت عليهم وقعدنا نهدرزو
ماما:يا مصطفي نبي ناخذ رايك في موضوع
مصطفي:شنو
ماما:علي طلب ريهام لولده عبدالله
مصطفى:ماشاءالله باهي شن راي بنت
ماما:موافقه بس قلت نشورك
مصطفي:ما تلقاش خير من ولد عمها
ماما:يعني مش معارض
مصطفي:لا مافيش اعترض وكل شي ع بركة ان شاءلله
ماما:ان شاءلله
قعدنا نهدرزو وروحو خوالي ونمارق قاعده
نمارق:تعالي نبيك
انا:شن تبي
نمارق:نهدرزو
انا:باهي هدرزي
نمارق:باهي
قعدنا نهدرزو ونمارق تبيني نصالح مع عبدالله
الكاتب:Arhima Alagory
مرات الايام وجينا ليوم الخطوبة طبعا خوالي قعدين وبدينا نوتو في حاجات
انا:ريهام تعالي قلتلي مرات خالي نديرلك ميك اب
ريهام:باه
انا:ريحاب افتحي باب دنيا جايه
ريحاب:باهي
دنيا:لولولولولي
انا:نعليا صاحبتي العسل
دنيا:لعقبالك
انا:ان شاءلله
دنيا:وين عروس
انا:في دار
دنيا:خير اعميمه فوزية
ماما:خير دنيا كيف حالك وكيف حال هلك
دنيا:الحمدلله بخير
مرات خالي:يا ريم تعالي
انا:نعم
مرات خالي:شوفي
انا:تهبل في وحده تبيك
ريهام:من
انا:خشي
دنيا:خيرات الف مبروك
ريهام:انتي انستي
دنيا:طالعه تهبلي بكل
ريهام:عيونك لي يهبلو
شوي سمعنا سيارات يبيو
انا:ههه جيرانه جونا
ماما:يا بنات تعالن
طلعنا وريهام قاعده في دار شوي خشت منيرة ومني ونمارق ومعاهم خالات عبدالله وزقريت واغاني
منيرة:لولولولولي
ماما:سلمك زغراته
منيرة:وين عرستنا
ماما:توا تجي
نمارق:ع اساس غابية فيها انتي يا ماما
ماما:هي تفضلو
خشو صبايا ونحنا قعدنا نمدو
ماما:وين ريهام
انا:في دار
ماما:عدي كليمها
انا:باه
مشيت لدار
انا:ريهام
ريهام:نعم
انا:قلتلك ماما تعالي
ريهام:فكيني مانبش
انا:في عينك صبي هيا
ريهام:واللهي متحشمه بكل
انا:بلا حشم زايد صبي هيا
ريهام:والله مش عارفه مرتبكة
نمارق:وين ريهام
انا:جاتك سلفتك
نمارق:هي قدامي
انا:ايوه وريها عين حمرة من توا
نمارق:امشي يا بارده
انا:توا امشي باهي
نمارق:حبي انتي
انا:باه هيا اطلعو
طلعنا للمطبخ وخذت ريهام سفرة قهوة وطلعت بيها وهيا منحجرة خشت بيها
منيرة:ماشاءالله تبارك الرحمن ربي يحفظك ويخليك
مني:ربي يهنيكم ان شاءلله
ريهام:ان شاءلله
المهم ضيفنهم وكل حاجه وبعد مغرب
ماما:يا ريم
انا:نعم
ماما:عبدالله برا قوليله يخش
انا:وين يخش
منيرة:كيف وين يخش امشي افتحيله بس
انا:باه
مشيت فتحت باب
انا:تفضل
عبدالله:يزيد فضلك
وخشيت
ماما:خش عبدالله
عبدالله:بسم الله سلام عليكم كيف حالك عمتي
ماما:الحمدلله الف مبروك
عبدالله:الله يبارك فيك
منيرة:هي خش
ماما:تفضل
عبدالله:هي
خش عبدالله ولبس ريهام دباله وريهام نفس شي وكان جو سمح بكل وصور مع بعضهم
الكاتب:Arhima Alagory
طلع عبدالله
انا:الف مبروك
عبدالله:بحت فيا بنضرة غريبة الله يبارك فيك
انا:كنك
عبدالله:تعالي نبيك
انا:نعم
عبدالله:اسف كان زعلتك بس انتي كيف اختي وما نتحمل فيك شي
انا:شكرا
عبدالله:عندك امانه عند ريهام بيش تخذيها
انا:شنو
عبدالله:شوفيها بعدها بعدين المهم ما تزعلش
انا:خلاص زعلت وفضت
عبدالله:باهي سامحيني
نمارق:واخيرا اصلحتو
انا:مايفوتها شي اختك هذي
عبدالله:طلعتلك
نمارق:اربح خلاص
عبدالله:اوكي وطلع
خشينا انا ونمارق
انا:الف مبروك
ريهام:الله يبارك فيك
دنيا:خلاص يا بنات
ريهام:وين
دنيا:خلاص ماشية والله
انا:تعالي معايا
دنيا:باه
انا:تعالي مطبخ
دنيا:شن تبي
انا:نعطيك شوي حاجات
دنيا:لالا فكيني
انا:تي امي وتتهن لكم خوذيهن وروحي
دنيا:حاضر شكرا
انا:ولو
طلعت دنيا وبعدها طلعو عيت خوالي وعيت عمي وقعدنا نهدرزو ودرنا عشاء
نمارق:واخيرا فرحانا وعرفنه مرات خويا
انا:طبعا فرحانتلها
نمارق:لعقبالك
انا:انشاءلله حتي انتي ريهام في امانه قالي عليها عبدالله
ريهام:اها تفضلي
نمارق:ورينا
انا:اصبري فتحتها لقيتها ساعة حلوه بكل
نمارق:تجنن
انا:والله خوك يعرف في الاصول
ريهام:اكيد
انا:بدينا توا
شوي دق باب طلع عبدالله يبي نمارق روحت نمارق معاه
روحو كلهم وماما خشت رقدت ونحنا قعدنا نهدرزو ونحنا فاتحين نت
شوي انا شفت منشور علقت عليه متاع كل حد ينورنا باسم مدينته شوي جتني رساله ع خاص من صاحب المنشور
شاب:هلا
انا:اهلين
شاب:انتي صديقتي من فترة وديمة تلقي ونهدرزو ع تعليقات
انا:اها صاح
شاب:حبيت نتعرف عليك
انا:اها عادي عرفني بنفسك
شاب:انا….
.
.
.
.
.
#يتبع