كسرتنا العادات للكاتب: Arhima Alagory
#قصة_واقعية
#الحلقة_الاولي
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
طلعنا من مدرسه دنيا مشيت حوهم وانا مشيت لحوشنا بس كل وحده في اتجاه اول ما طلعنا شفت سيارة سودة عاليه قاعده في شوكة المدرسه بس ما عدلتش عليها طلعت ونمشي ونفكر في رحاب وين عدت وانا نمشي بسرعه وخايفه لان اول مره نروح بروحي شوي شفت سيارة لي كانت عند مدرسه جايه ورايا وتجري انا خفت بكل شوي وصلت لعندي ودرست قدامي انا خلاص جمدت في مكاني كان قزاز مظلم شوي ينفتح باب سيارة ونداني
انا:هو انت
عبدالله:اها انا
انا:فجعتني يا حيوان
عبدالله:اركبي وانتي ساكته
انا:شكلها سيارة جديدة
عبدالله:اها جديدة
انا:باهي مبروك
عبدالله:يبارك فيك شن جو القرايه
انا:الحمدلله ماشيه
عبدالله:وين رحاب
انا:رحاب
عبدالله:اها رحاب كيف مش معاك
خطرها نسيت نقوللكم عبدالله هذا يقعد ولد عمي علي
انا:خفت نقول ما نعرفش وين رحاب يقعد يهزب وقصة قتله رحاب راقده وتاخرت سيبتها وطلعت
عبدالله:مقوله هكي
انا:فكنا من رحاب وين نمارق
عبدالله:توا ماشي نجيبها
انا:باهيالكاتب:Arhima Alagory
مشينا مدرسه وخذينا نمارق طبعا نمارق هذي اختي ثالثة م2002 تقرا اولى ثانوي وتقعد اخت عبدالله جت نمارق وركبت وانا هذا كل قلبي نار ع اختي ومش عرفتها وين قاعده
نمارق:اووو ريم حبيبتي هنا
انا:اها خوك بارد فجعني امبدري
نمارق:ههه شن دارلك
عبدالله:خسارة فيك قدر
انا:درس عليا تقول يبي يخطفني
نمارق:وانتي عاد ما تحملي شي
انا:اكيد عندي حق نخاف ع روحي
نمارق:باهي وين ريهام امبدري في صبح شفتك ماشيه انتي و
عرفتها تبي تقول انتي ورحاب قطعتها طول
انا:اها ريهام راقده وقالت ما عندها شي
عبدالله:تي شن قصتكم ريهام راقده ماتبش تمشي ورحاب سيبتيها لانها متاخره
نمارق:كيف رحاب مش
في عقلي عليك قصة هذي بحتت في نمارق وفنصت فيها بيش تسكت وسكتت
انا:اها رحاب تاخرت انا عندي امتحان
عبدالله:لا مدام عندك امتحان عندك الحق
انا:اكيده خلاص تبي شي يا نمارق
نمارق:سلامتك توا نجيك بعدين
انا:تم يا حبي
عبدالله:اوكي
انا:اوكي
الكاتب:Arhima Alagory
طلعو نمارق وعبدالله لحوشهم وانا جيت عند باب صور ودقيت وانا مش عارفه شن نقول لماما كان سالتي ع رحاب دقيت باب وقعدت نرجا فيهم يفتحو شوي سمعت صوت
ريهام:هي جيت
انا:ساعة بيش تفتحو
ريهام:خشي يا همي
انا:ريهام تعالي نقولك
ريهام:كنك
انا:ماما وين
ريهام:جو كنك
انا:رحاب مش قاعده في مدرسه وقالولي انها طلعت من صبح
ريهام:هههههههه خفتي عليها
انا:كنك تضحكي
ريهام:لانها رحاب جت هنا قاعده راقده مريضه
انا:تحكي جد
ماما:من يا ريهام
انا:انا يا ماما
وخشيت حوش طول ندور في رحاب لان كل شي الا خواتي وماما
انا:رحاب يا رحاب وينك
ماما:اس راقده
انا:كنها
ماما:جبتها الاخصائية متاعها خذت حصة الاولي وبعدها حست بدوخه وقعدت ترجع روحت
انا:ليش ما قلتلي واللهي انشغلت عليها
ماما:ربي يخليكم لبعضكم
ريهام:ويخليك لنا
ماما:هي ريم امشي صلي بيش نحطلكم الغداء
ريهام:تريحي يا ماما توا نحط انا
خشيت دار نبي نغير لقيت تلفوني يرن شفت لقيت نمارق
انا:الو
نمارق:قتلك شن قصة رحاب كنها
انا:ههه قصقصة
نمارق:احكي باهي
انا:يا حنه رحاب مريضه وروحت بدون ما تقولي وانا بعد سالت عليها قالولي انها مش قاعده وكلعت من حصع الاولي خفت نقولها قدام عبدالله يقعد يهزب ويحقق
نمارق:اها باهي المهم انها توا اكويسه
انا:الحمدلله
نمارق:لاباس عليها انا ان شاءلله
انا:ان شاءلله
غيرت دبشي وطلعت صليت وبعدها جتيت نتغد مع ماما وريهام
ماما:شن درتي في امتحان
انا:الحمدلله حليت تمام
ماما:انشاءلله بنجاح
تذكير وتصليح ريهام تقرا سنه ثانية ثانوي مش ثالثة
ريهام:اجمعين
ماما:انتي كنك ما تمشي لمدرستك
ريهام:يا ماما توا اليوم اربعاء وبكرا خميس ماعندي عليش ماشيه
ماما:لا لا امشي لقريتك الله يربحك
انا:توا تمشي ريهام عارفتها شاطرة
ريهام:عليك جو دلع
رحاب:تغدو وفيتيني
انا:رحاب معقولة تروحي وما تقولش انك مروحه
رحاب:نسيتك بكل
انا:نسيتي باهي باه
رحاب:والله قبل نسيت حتي شنطتي
ماما:هذي من لبستك الخفيفة
انا:قلتها لها
رحاب:عرفتك متاع نصائح
انا:اكيده
ريهام:شكلك صحيتي
رحاب:يعني
ريهام:اغسلي المواعين
انا:خزي عليك يا ريهام توا نغسلهن انا
رحاب:نجكليا
ماما:انا ماشية نرقد شوي
انا:تريحي يا ماما
ريهام:حتي انا ماشية نفتح نت
رحاب:وانا ماشيه نرقد
انا:قعدت بروحي يعني
رحاب:هذا لي يدير خير توا
انا:هههه وحق الله جديات
مشيت غسلت المواعين وبعد كملت جيت للدار وفتحت نت لقيت عرم رسائل من دنيا شوي رنت عليا
انا:الو
دنيا:يا حيوانتي وينك
انا:والله توا كيف فضيت
دنيا:شن صار في رحاب
انا:لا لقيتها في حوش مريضه
دنيا:كنها
انا:واخذه برد
دنيا:لاباس عليها
انا:ماتشوفي باس
دنيا:نتلاقو نبي نرقد
انا:تمام باي
سكرت من دنيا
ريهام:وين سمعات
انا:اها في شنطة
ريهام:وراس ريم جيبيها ليا
انا:اوف منك يا ريهام وصبيت جبتهن لها
ريهام:نجكليا
الكاتب:Arhima Alagory
مر الوقت وجت العشية ودق باب طلعت فتحت لقيتها نمارق
انا:حبي خشي
نمارق:هي توا نخش هي البسي بيش تمشي معايا انتي وبنات
انا:وين
نمارق:نمشو نغيرو جو
انا:قتلك وين مش عليش
نمارق:بارده نمشو للسوق نبرمو ونروحو
انا:باهي من شيلنا
نمارق:عبدالله
انا:باهي خشي انتي
نمارق:خير اعميمه فوزية كيف حالك
ماما:الحمدلله كيف حال هلك
نمارق:اكويسين الحمدلله
ماما:وين مشيات
انا:للسوق بنات يبن يمشن
ماما:رحاب واللهي ما نضني تقدر
نمارق:اها صاح وينها
انا:قاعده في دار راقده
نمارق:باهي شوفي ريهام
ريهام:والله ما نقدر حاصله في كتيبه دروس اليوم
نمارق:بعدك بعد تغيبي يعرمولهم دروس تمشي ما يعطوكم شي
ريهام:هههه فطنتلها
نمارق:اها ههههه
شوي سمعنا سيارة تبيب
ماما:هي يا ريم بسرعة
انا:هيا هي اطلعيله يا نمارق
طلعت نمارق وركبت
انا:تبي حاجه يا ماما
ماما:سلامتك ردبالك من روحك
طلعت وركبت مع عبدالله ومشينا
في طريق
عبدالله:لاباس ع رحاب
انا:ماتشوف باس
عبدالله:كانها
انا:شكلها برد
عبدالله:اها شتاء وصقع
انا:بكل سم
نمارق:مش صقع واجد
انا:انتي مخلفه عرب
نمارق:بارده
عبدالله:هي انزلن
نزلنا وقعدنا نبرمو في سوق وخلاص المهم برمنا وخذينا حاجات كلينهن وغيرنا جونا وعبدالله قعد يبرم بينا بالسيارة بعدها روحنا للحوش خشيت الحوش بعد العشاء
عبدالله:يا ريم كان رحاب مريضة بكل قوليلي نشيلها مستشفي
انا:شكرا عبودي والله اكويسه
عبدالله:اكيده
انا:والله
نمارق:عبدالله توا نجي انا
عبدالله:باه
خشيت انا ونمارق للحوش لقينهم يتعشو
انا:عليك خيانه
ماما:وين كنتو
نمارق:غير قوليلنا ع خيانه
ريهام:اكيده حصلتو عشاء من برا
انا:واللهي
رحاب:واللهي شنو
انا:صحيتي شكلك
رحاب:لا غير توا غير واخذه دواء
نمارق:باهي مافيش عشاء يعني
ماما:تعالي قعمزي تعشي
انا:انا بنتك
ماما:بلا دلع انتي ويها تقدرن تخشن مطبخ وتاخذن لي تبنها
انا:كنك ماما تعقدتي
نمارق:منكم اكيد رقيتولها ضغط
ماما:هههه لا ما تعقدت لكن دلع جديد انتي ونمارق
نمارق:انا نسمسم قاعده
ماما:صحه صحه
كملنا العشاء وخشيت نغسل في المواعين انا ونمارق
نمارق:شنجو نت
انا:مكسده
نمارق:منك بروحك لو لقيه مع من تحكي مايقعدش مكسد
انا:زعمك
نمارق:خوذي الاكيد
ريهام:هيا انتي ويها تقول تغسلو في مواعين عرس لكم سنه
نمارق:باهي قعدين نغسلو نحنا مش نلعبو
ريهام:ما لو تسكتي وبعد تكملي تحكي توا تكملي بسرعه
انا:محاضرات
نمارق:اطلعي راه نحط التبسي هذا في وجك
ريهام:باهي جيبو معاكن برتقال بعد تكملن
انا:باه توا نجيبه توا ونجي
نمارق:لا وراس امك مافي طلعو نين تكملي معايا
انا:باهي بلا كلام وخلينا نديرو
نمارق:به
الكاتب:Arhima Alagory
غسلنا المواعين وكملنهن بعدها خذينا برتقال ومشينا للدار
ماما:رحاب نوضي اهو جا برتقال
انا:ناضت رحاب
ماما:اها
رحاب:ع اساس كنت في غيبوبة
انا:خساره فيك نسال عليك
ريهام:باهي مديلي الموس
انا:امسكي وراس ماما قشريلي انتي
ماما:باهي
نمارق:يعوينك انا لو ماما تقشرلي نمشي نصلي ركعتين
رحاب:عليش
نمارق:شكر لله
ماما:هههه توا تشوفي عند منيرة
منيرة هذي مرات عمي علي
نمارق:لالا اعميمه فوزية عرفتك حنونه وما تبصش عليا
ماما:هههه مرات نبص
نمارق:نهون عليك
ماما:لالا ههه باهي شنجو مدرسه
نمارق:فكيني من نكد وراسك
ريهام:بكل معاش تبي تكمل
ماما:خطرها انتي بكرا تمشي مدرستك راه
ريهام:فكيني يا ماما
انا:لالا امشي معايا بيش مانخفش
ماما:اصلا سادك غياب عاد
نمارق:بصيتي ع روحك
ريهام:منك لو قلتي قرايه سمحه شن صارلك لكن قلتي نكد اطريت نحكي
نحنا:ههههه
رحاب:فكوني من هرجتكم عاد
نمارق:انا اوكي نبي نروح
ماما:بدري
نمارق:واللهي نمشي نبرم ع كتباتي
ماما:باعي سلميلي ع هلك
نمارق:يوصل
روحت نمارق وانا وريهام خشينا درنا وماما ورحاب رقدو في دار ماما
الكاتب:Arhima Alagory
ثاني يوم
ريهام:هيا يا ريم صبي
انا:باهي
ريهام:تقعدي تقولي باهي وخلاص نفوتك راه وامشي بروحك
انا:لالا صبيت خلاص
مشيت توضيت وصليت ولبست وجيتهم في مطبخ
انا:صباح الخير
ماما:صباح النور
انا:شنجوكم
ريهام:هي بسرعه
انا:باهي نفطر ماما شن دارت رحاب
ماما:امبدري شوي غير رقدت حراره
انا:اها
ريهام:هيا يا ريم بسرعه
انا:هي جيتك عليك سكنان
ريهام:تبي هكي انتي
طلعت انا وريهام درس علينا عمي احمد
احمد:صباح الخيرات
ريهام:صباح النور
احمد:هي اركبن
ركبت انا وريهام
احمد:شنجو مدرسه
ريهام:تمام
احمد:وانتي يا ريم
انا:مارديتش عليه
احمد:كانها هذي
ريهام:نسيت كنها
احمد:زعلانه قصدك
ريهام:اها تبي الهدية
احمد:نسيتها بكل
انا:اكيده تنسها
احمد:شن تبيها تكون
انا:شكلاطة اكيد مش ح نغيرها
احمد:حاضرين بعدين تكون عندك تمام
انا:تمام
احمد:انزلي هي
انا:باي
نزلت خشيت مدرسه مشيت للبنات
انا:صباحكم سمح
دنيا:صباحك اسمح
بنات:لاباس ع رحاب
انا:ماتشوفن باس
بنات:غايبه
انا:اها
دنيا:ياعوينها ياريت حتي انا نمرض ونغيب
انا:بعيد السو تسيبني بروحي
دنيا:انشاءلله تمرضي معايا
بنات:هههه عليك دعوة سمحه
انا:بكل
دنيا:عليك قصة هي اللطابور
مشينا للطابور ودرنا التمارين وبعدها مشينا للفصل خذينا حصص ونزلنا فطور
دنيا:وراس ريم نبيك
انا:نعم
دنيا:نبيك تجي معاي وراه مدرسه سراج جايب هدية يبي يرضيني بيها
انا:عينك والله يزرقو علينا حي ع امنا بعدها
دنيا:ماتخافيش هيا خليك من بعيد
انا:نمشي بس نقعد من بعيد راه
دنيا:يا ستي باهي غير هيا اهو يرن
انا:هي
مشينا وراه المدرسه وسراج زقب من صور ونشوف فيهم من بعيد يحكو ويضحكو بعدها شفت سراج عطاها صندوق احمر وطلع بعدها دنيا جت
دنيا:هي
انا:شن حكيتو
دينا:كلام
انا:باه يا دنيا
دنيا:حبيبتي انتي تعالي
انا:شنو شوفي جابلي شكلاطات وخاتم
انا:يهبل الخاتم
دنيا:انتي تهبلي
شوي سمعنا صوت:تعالي يا طالبة انتي ويها
انا:تريحتي
دنيا:ماتخفيش
استاذ:شن اديرن وراه المدرسة امشن قدامي الادارة
دنيا:يا استاذ اليوم عيد ميلادي وصحاباتي جيبتلي حاجات وديرت كيف حفله وماعندنش وين ناكلهون جينا وراه مدرسه
استاذ:مره ثانيه خوذو اذن قبل
دنيا:حاضر يا استاذ اسفين
استاذ:امشن للفصل بسرعه
انا:ماسكه ضحكه بسيف
دنيا:توا تفضحي بينا انتي اسكتي
انا:من وين جاك الادب والاحترام
دنيا:صقع عليك
انا:باهي توا شن تبي اديري مع ابله العلوم بارده
دنيا:شوري
الكاتب:Arhima Alagory
جينا للفصل
الابلة:وين كنتن يا ابلات
دنيا:في ادارة
ابلة:عليش
دنيا:الادارة تشكر فينا
ابلة:عليش يبو يشكروك ع كثرت كلام
دنيا:اها ع شطرتي شوفي درجة امتحان كم جبت كان صلحتيها
ابلة:مزال وصلحت وخشي قعمزي واسكتي
دنيا:حاضر
خشينا وقعمزنا بعد كملنا الحصص طلعنا
عند الباب
دنيا:باي ياحبي
انا:اوكي
دنيا:ردبالك من روحك
انا:حتي انتي
وطلعت نمشي بروحي شوي شفت بنت فطنتلها تسكن قريب منه قعدت نجري نين وصلت فيها
انا:خير
بنت:خيرات
انا:عادي نمشي معاك لو مافيش ازعاج
بنت:اميد منها تمشي وقتي
انا:شنجو
بنت:الحمدلله انتي اخت رحاب صاح
انا:اها
بنت:وينها رحاب اليوم
انا:غايبة مريضه
بنت:لاباس عليها
انا:ماتشوفي باس
بنت:خلاص انا وصلت باي
انا:باي
انا كملت طريق وجيت عند باب القطعة متاعنا طبعا نحنا دايرين صور كبير وفي حوشنا وحوش اعمامي الاثنين معانا المهم انا خشيت من باب لقيت سيارة عبدالله قدام حوشنا قلت اكيد جاي يسال ع رحاب بعدها شفت سيارة احمد هنا انا ستغربت معقوله كنهم هذوم وشفت المهم خشيت حوش وما عدلتش شوي جتني رحاب تجري وحضنتني وتبكي
انا:رحاب كنك
رحاب:ما ردتش عليا
انا:رحاب احكي كنك
رحاب:ماما ما
انا:كنها ماما
منى مرات عمي احمد تبكي:يا ريم امك…..
.
.
.
.
.
#يتبع