روايه أباطرة العشق |نرمين جمال

﴿بسم الله الرحمن الرحيم﴾
البارت الثامن عشر من روايه أباطرة العشق##
صباح اليوم التالي فى فيلا منذر فى اوضه نورهان
نورهان قاعده متوتره وخايفه بكره فرحها وهى متعرفش حاجه عن نرمين خايفه ومتوترة وجابت فونها وطلعت رقم نرمين واتصلت بيها اكتر من مره مفيش رد وفى اخر مره رد
نورهان:انتى فين يا زفته كل ده خوفت عليكى مش انتى المفروض تنزلى أجازه من يومين انتى فين انا روحتلك البيت اكتر من مره مفيش فايده وبتصل بيكى بقالى كتير مفيش فايده انتى فين كل ده انتى يابت انتى مش بتردى عليا ليا يابت هموتك والله إن شوفتك ردى
:طيب ادينى فرصه اتكلم
نورهان سمعت صوت رجولى بعدت الفون عن أذنها وبصت تتاكد أنها اتصلت بنرمين فعلا ولقته رقم نرمين
نورهان:حضرتك مين فين نرمين
رحيم:انا رحيم ونرمين حصل مع …………
وحكلها اللى حصل كله
نورهان: ينهار اسود طيب هى كويسه دلوقتي انتو فى مستشفى اى
رحيم:اها هى كويسه دلوقتي احنا في مستشفى ال…..
نورهان:ماشى شويه وهكون عندك
رحيم:تمام
نورهان قفلت وقامت لقت منذر واقف ورائها
منذر:كنتى بتكلمى مين ورايحه فين كده
نورهان حكت لمنذر باختصار وكدب أن نرمين تعبت ورحيم ده جارها وخدها المستشفى
منذر: طيب هى كويسه دلوقتي
نورهان:هو قالى أنها كويسه هروح اشوفها
منذر: اجى معاكى
نورهان:لا خليك انت فى شغل كتير هنا وانا مش متاخر
منذر:طيب خدى بالك من نفسك
نورهان:ماشى بأى
نورهان طلعت من الفيلا جرى على المستشفى اللى رحيم قالها عليها
****
فى شقه كوكو
كوكو:اى الاخبار
الشخص:هيتجوز بكره
كوكو:اى هيتجوز مين
الشخص: بنت عمه
كوكو:اها يا ابن ال….. كان بيضحك عليا ماشى انا هوريه ازاى يضحك على كوكو انا هندمه
الشخص: هتعملى اى هتروحى لبنت عمه دى ولا هتعمل اى
كوكو:لا لا اللى بيعمل كده بيكون ناس ضعفاء
الشخص:مش فاهم قصدك اى
كوكو: قصدى انى مش هروح لبنت عمه
الشخص: امال هتعملى اى
كوكو:ههه هعمل حاجه هتخلى منذر مينسنيش طول عمره ههه هتعرفه مين كوكو
الشخص:ربنا يستر منك
********
فى المستشفى
نورهان وصلت وسالت على اوضه نرمين ورحتلها ودخلت لقت واحد قاعد جنبها فهمت أنه رحيم وجرت على نرمين وحضنتها وفضلوا كده وقت كتير
نورهان:انتى كويسه
نرمين ببكاء: اها
نورهان مسحتلها دموعها:اوع تبكى الدموع دى للضعفاء وانتى مش ضعيفه انتى اقوى من كده
رحيم: معاها حق امسحى دموعك انتى قويه اوى يا نرمين
نورهان فهمت من كلام رحيم أنه عرف كل حاجه
نورهان:كويس يا حبيبتي أنها جاءت من عند ربنا والجنين مات
فى اللحظة دى نرمين انفجرت في البكاء
نورهان:بس خلاص اهدى
رحيم:انا واقف بره لو احتجاتو حاجه
نورهان:ماشى
رحيم طلع ونرمين ونورهان اقعدوا يتكلموا ونرمين عرفت أن فرح نورهان بكره
نرمين:مبروك يا حبيبتي اخيرا
نورهان: الله يبارك فيكى يا روحى عبقالك كده يارب
نرمين بصتلها بحزن:ومين هيرضى يتجوز واحده زى
:انا
نرمين ونورهان بصوا لقوا رحيم واقف
نرمين:نعم
رحيم:اسف بس انا كنت جايب الدواء لنرمين وسمعت كلامكم والف مبروك يا انسه نورهان
نورهان:انت مستعد تتجوز نرمين
نرمين:اى الكلام ده يا نورهان اسكتى دى بتهزر
رحيم:اها مستعد اتجوزها ودلوقتي حالا لو هى موافقه
نرمين:لا طبعا
نورهان: خلاص اتصل بالماذون دلوقتي يجى
رحيم طلع فونه وطلب المأذون أنه يجى
نرمين:انا مش موافقه على الكلام ده لا طبعا مش موافقه
نورهان:لي
نرمين:هو اى اللى لي انتى ازاى اصلا تعملى حاجه زى دى انتى كده بتفرضينى عليه
رحيم:لا طبعا انا كنت هطلب منك الجواز بس بعد متطلعى من المستشفى
نرمين:عايزة تتجوزيني عشان بتشفق عليا صح
رحيم:لا طبعا عايز اتجوزك عشان معجب بيكى ونفسى تكونى معايا في كل حياتى تكونى شريكتى فيها ارجوكى وافقى انا هحميكى مش هكون زى ال… اللى عمل معاكى كده الاول انا هكون جوزك وسندك قدام ربنا والعالم كله وافقى
نورهان:يالا وافقى يا نرمين
نرمين:عمرك مهتعيرنى ابدا بالماضى
رحيم: مستحيل اعمل كده
نرمين: خلاص موافقه بس هنتجوز انهارده بليل مش دلوقتي
رحيم:اللى تشوفيه طيب انا هروح اظبط الدنيا معايا وهاجى اخدك بليل ماشى
نرمين:ماشى
رحيم طلع
نورهان:ايوى بقا
نرمين:اى اللى انتى عملتيه ده
نورهان:كنت بعمل اللى انتى عايزه تعمليه مش ده برده نفس الشاب اللى كنتى بتقعدى تحكيلى عنه كل مكلمك
نرمين بخجل:اها هو
نورهان: اعترفى انك بتحبيه
نرمين:بس بقا
نورهان: ايوى بقا بتحبيه واقعدوا يضحكوا ويرخموا على بعض
******
فى قصر البديري فى جناح فاهر
فاهر قام من النوم لاقى شيماء نايمه جنبه فضل يبصلها ومتكلمش لحد ما شيماء قامت
شيماء قامت من النوم لقت فاهر بيبصلها اتخضت
شيماء:فى اى
فاهر:فى اى ؟؟؟فى واحده اول متصحى تقول في اى بدل من صباح الخير
شيماء:انت متاكد انك كويس يا فاهر
فاهر:ههه نفس السؤال بتاع امبارح اها كويسه يالا قومى غيرى هدومك بسرعه عشان ورانا مشوار ومهم
شيماء:فين
فاهر:هتعرفى بعدين يالا
شيماء:ماشى
فاهر قام وطلع من الاوضه
شيماء:استر يارب أنا مش مطمنه
وقامت وغيرت هدومها وجاءت تلف الطرحه بصت لنفسها فى المرايا وافتكرت شعرها اللى كان طويل وتقيل ونفس الوقت فاهر دخل يشوفها اتاخرت لي لقها واقفه قدام المرايا وبتبص على شعرها حس بندم فظيع
فاهر:احم
شيماء انتبهت أن فاهر موجود ولفت الطرحه بسرعه
فاهر:خلصتى
شيماء:اها
فاهر:ماشى يالا
شيماء:ماشى
فاهر نزل وشيماء نزلت معه
*****
فى الاسفل الكل قاعد بيفطر يامن متيم الياس مصعب يارا عبدالرحمن
فاهر نزل هو وشيماء
فاهر: صباح الخير
الكل: صباح النور
عبدالرحمن:يالا اقعدوا افطروا
فاهر:لا احنا متأخرين ولسه هيكمل كلامه قطعه دخول رحيم
رحيم: السلام عليكم
الجميع: وعليكم السلام ورحمه الله وبركاته
وقاموا يسلموا عليه
متيم:كنت فين كل ده
رحيم:كنت مشغول شويه المهم انا جاى عايزكم تشهدوا على جوازى
كلهم فى صوت واحد:انت هتتجوز!!!!!
رحيم:اها يا جماعه فى اى يعنى
فاهر:ههه هما مستغربين عشان عارفين أنك ضد النساء
رحيم:ههه ربنا تاب عليا عبقالك انت كمان
متيم:ههه فاهر تاب من قبلك
رحيم:قصدك اى
يامن:فاهر اتجوز
رحيم:نعم؟؟؟؟؟؟؟مين؟؟؟؟؟
فاهر:اقدملك مراتى وشاور على شيماء
رحيم بص لشيماء بتعجب:عملتيها ازاى
إلياس:عينك يا رحيم بدل متكون اعمى
فاهر:اهو قالك المهم هتتجوز مين
رحيم:واحده زملتى الفرح انهارده هيكون صغير
يامن:متخليك معانا كمان يومين
رحيم:معاكم فين مش فاهم
مصعب:هو انت متعرفش اللى حصل
رحيم:هو اى اللى حصل شكل في حاجات كتير فيتانى
الياس:كمان يومين فرح مصعب ويامن
رحيم:بجد مبروك
متيم: خلاص خليك معاهم
رحيم:لا انا عايز فرح صغير معلش يا شباب
يامن:ولا يهمك اللى يريحك
رحيم:المهم بليل فى بيتى تيجوا عشان تشهدوا على جوازى
فاهر:طيب مبروك من دلوقتي عشان مش هقدر احضر
رحيم:نعم لي دانت صاحب عمرى المفروض انت اللى هتشهد
فاهر: والله عندى طياره كمان نص ساعه
عبد الرحمن:انت رايح فين
فاهر:عندى اجتماع فى لندن وهاخد شيماء معايا
مصعب بصله باستغراب وفاهر بصله بمعنى أنه يسكت وهو فهم عليه
يامن:وهتاخدها معاك لي انت مش هترجع انهارده
فاهر:لا هرجع بكره
متيم:تمام
فاهر خد شيماء وطلع وركبوا الطياره اللى كانت واقفه مستنياهم وركبوا
فى القصر من الداخل
الشباب قاعدين بيتكلموا
رحيم:ياه كل ده من غيرى
متيم:ههه حظك كده
مصعب:كلنا هنتجوز عبقالك يا متيم انت واليأس
الياس:لا انا كده تمام
متيم لسه هيرد فونه رن وكانت ايلاف
متيم:عن اذنكم
الياس:اتفضل
متيم قام بعيد عنهم ورد
متيم:خير
ايلاف:أنهارده يومك هنخرج ولا اى
متيم فكر شويه :ماشى قابلينى فى مول ال…….. كمان نص ساعه
ايلاف:طيب بس متتاخرش
متيم:تمام
متيم قفل معاها وطلع يجهز عشان يطلع
*******
فى الاوضه الضلمه
الباب اتفتحت
:اى الاخبار
:كلو تمام فاهر سافر دلوقتي
:انت متاكد ان فاهر هينفذ اللى احنا عايزينو
:اها متاكد ولما يرجع بكره هتشوف هو هيعمل اى وهتتاكد أن كلامى صح
:تمام طيب والصور دى اعمل فيها اى
:تستنا بعد الفرح وتنشرها
:تمام
:يالا انت روح دلوقتي عشان محدش يشك فيك
:تمام
******
فى الصعيد فى سرايا هاشم
خالد دخل لاقى فريده قاعده بتبكى
خالد:اى اللى حصل
فريده ببكاء:انت اها متجوزنى بس انا مش خادمه عندك عشان والدتك تعمل كده
خالد:هى عملت اى مش فاهم
فريده:عزمت كل نسوان البلد واهانتنى قدامهم وبهدلتنى وشغلتنى خادمهم ليهم انا مش خادمه لأحد وكنت اقدر ارد عليها قدام كل النسوان اللى كانت تحت بس سكت عشان انت قولتيلى مردش عليها
خالد اعجب بيها اكتر أنها سمعت كلامهم ومطنشت
فريده:لو انت او والدتك مفكرين أنى خادمه فلا انا مش خادمه لأحد
خالد: ششش خلاص انت مش خادمه لأحد انت ست السرايا غصب عن عين اى حد وانا هكلم امى وانتى اهدى دلوقتي
خالد طلع وفريده مسحت دموعها
فريده: خلاص قربت انفذ انا عايزة اعمل اى خلاص قربت .
يتبع…….
#####
انتهى البارت الثامن عشر من روايه أباطرة العشق بقلم نرمين جمال.