روايه أباطرة العشق |نرمين جمال

﴿بسم الله الرحمن الرحيم﴾
البارت الثالث والثلاثين من روايه أباطرة العشق##
رحيم وفاهر وصلوا قدام فيلا رحيم ودخلوا جرى لقوا الفيلا متبهدله من تحت خالص
فاهر:اى اللى عمل كده
رحيم بصوت عالى:نرمين نرمين
فاهر:استنا اسكت انا سامع صوت ضرب من فوق
رحيم:طيب يالا بسرعه
فاهر:يالا
رحيم وفاهر طلعوا بسرعه من غير ميعملوا صوت ووصلوا لحد الأوضه الرئيسيه لقوا اربعه نازلين ضرب فى نرمين يا حرام
رحيم وفاهر ادخلوا بسرعه وضربوهم وفاهر ربطهم
رحيم جرى على نرمين لقها بتنزف من كل مكان
فاهر:شلها بسرعه على المستشفى وانا هشوف دول واجى وراك
رحيم: طيب وشال نرمين وطلع يجرى بيها على المستشفى
فاهر بعد ما رحيم مشى:عملتوا كده لي
محدش رد عليه
فاهر خبط واحد فيهم فى رجله بالجامد
فاهر: بقولكم عملتوا كده لي
محدش رد بردو
فاهر طلع فونه واتصل بحد
فاهر:جهزلى اربع مقابر فى الصحراء بسرعه وتعالالى على فيلا رحيم بسرعه
طبعا هما خافوا من فاهر هو شكله يخوف اصلا
واحد منهم:احنا ملناش دعوه بيها اصلا ومنعرفهاش والله ده واحده دفعتلنا عشان نعمل فيها كده احنا كنا بنفذ الاوامر بس والله
فاهر:اسمها اى الواحده دى
وأحد منهم:اسمها مدام سلوى
فاهر:سلوى
الشخص:ايوى والله
فاهر:طيب انا مش هعملكم حاجه هسيب الشرطه تتصرف معاكم
شويه وواحد من رجاله فاهر جه
فاهر:تاخد دول وتسلمهم وتبعت حد ينضف البيت هنا
الرجل:امرك فاهر بيه
فاهر: مفتاح العربية
الرجل ادله المفتاح وفاهر خده ونزل وركب عربيته وطلع على المستشفى وراء رحيم
*******
فى المستشفى
فاهر وصل وسأل عن مكان رحيم وعرف ورحله
فاهر:ها اى الاخبار
رحيم:فى اوضه العمليات دلوقتي مين اللى عمل كده
فاهر:عمتك
رحيم:اى
فاهر:عمتك هى اللى طلبت منهم يعملوا كده
رحيم بعصبية:هما اللى طلبوا الموت يستحملوا بقا
فاهر: هتعمل اى
رحيم:ثوانى وهتعرف وطلع فونه وطلب حد
رحيم:الو مكان عمتى فين دلوقتي
المتصل:……….
رحيم:تمام وقفل
رحيم:يالا
فاهر:طيب ومراتك
رحيم: هنيجى بسرعه بس الاول لازم اجيب حقها
فاهر:طيب يالا بسرعه
وطلعوا من المستشفى
********
فى أحد الشقق في الأحياء الراقية
سلوى قاعده هى ونوران وسيف
سيف:زمانها ماتت دلوقتي
سلوى:احسن فى داهية
نوران:طيب احنا لازم نسيب مصر بسرعه قبل ما رحيم يوصلنا
سلوى: متقلقيش هو ميعرفش المكان ده اصلا ولا اى يا سيف
سيف:اها طبعاً يا ماما
:لا غلطان
كلهم لفوا لقوا فاهر ورحيم واقفين ورائهم
رحيم:غلطان عشان انا اللى اشترتلك الشقه دى اصلا
سيف:رحيم
رحيم:ايوى رحيم اللى هيخلص عليكم دلوقتي
رحيم طلع مسدس ورفعه فى وش سيف
سلوى: رحيم نزل سلاحك هى حصلت ترفع سلاحك على اخوك
رحيم: تؤ تؤ مش على اخويا بس وعليكي انتى كمان
ووجه المسدس نحيه سلوى
نوران:فاهر خليه ينزل المسدس
فاهر بصلها ببرود واقعد ولا كن فيه حاجه بتحصل
رحيم:انا مش هوسخ أيدى بيكم انا هسيب الشرطه تتصرف معاكم ونزل مسدسه
فاهر بصوت عالى:ادخل يا احمد
احمد دخل
احمد:انا المقدام احمد وانتو مطلوب القبض عليكم اتفضلوا معايا
سيف:اى التهمه
احمد:دى مش تهمه واحده دى اكتر من تهمه اتفضلوا
احمد خدهم ومشى
فاهر:يالا نرجع المستشفى
رحيم:يالا
******
فى المستشفى
رحيم وفاهر دخلوا لقوا الدكتور طالع من العمليات رحيم رحله جرى
رحيم:خير يا دكتور
الدكتور: الحمدلله هى كويسه دلوقتي والحمل الحمدلله مستقر رغم اللى حصلها ربنا بيحبك
رحيم:هى حامل
الدكتور:ايوى فى الشهور الاولى ألف مبروك
رحيم: الله يبارك فيك
الدكتور:هى محتاجه الراحة بالذات الفترة دى وعدم الضغط النفسي عن اذنكم
رحيم:شكرا يا دكتور
الدكتور مشى
فاهر:الف مبروك يا صحبى
رحيم: الله يبارك فيك عبقالك يارب ياريت تبطل تصرفاتك دى والعند ده عرفها بحبك وريها فاهر لما يحب
فاهر:خليك فى مراتك دلوقتي انا ماشى
رحيم:طيب هبقا اتصل بيك
فاهر:ماشى
فاهر مشى ورحيم دخل لنرمين لقها نايمه اقعد جنبها واقعد يحسس على بطنها بفرحه لحد ما نرمين فاقت
نرمين فاقت وهى حسه أن جسمها كلو مكسر
رحيم: حمد الله على السلامه يا روحى
نرمين: الله يسلمك
رحيم: متخافيش بعد كده خلاص محدش هيقدر يقربلك تانى
نرمين:هما لي عملوا معايا كده
رحيم: خلاص بقا متفكريش فى الموضوع ده تانى انسيه خلاص بقا فكرى فى ابنك بس
نرمين باستغراب:ابن مين
رحيم:ابنك يا روحى انتى حامل
نرمين بفرحه:بجد
رحيم:اها والله
نرمين عيونها دمعت من الفرحه
رحيم:ربنا يخليكم ليا وباس راسها
********
فى فيلا منذر
نورهان فاقت من النوم ماسكه راسها مش فاكره اى اللى حصل بتبص حواليها باستغراب مش عارفه هى فين اصلا الباب اتفتح ودخل منذر
منذر:عامله اى دلوقتي
نورهان بصتله بقرف:خلاص نفذت اللى انتو عايزينوه يالا رجعنى مصر بقا
منذر:انتى فى مصر اصلا ومحدش عملك حاجه
نورهان:ازاى مش فاهمه انا مش فاكره لي وانا جيت هنا ازاى
منذر:هقولك الاول اقولك اى سبب كل ده واى اللى خلنى اعمل كده معاكى كان غصب عني والله كوكو الكلب كانت حاطه كاميرات فى اوضه الفندق اللى هنا وصورتنا اول يوم مع بعض وبعد ما سافرنا بعتتلى الفيديو وكان لازم انفذ كلامها والا كانت هتنشره على اليوتيوب وكان غصب عني ونفذت كلامها وعشان تدينى الفيديو كانت عايزة تحطك فى مزاد فضلت أمثل انى كنت بضحك عليكى اصلا عشان اعرف منها مكان الفيديو واقدرت اعرف منها واستغليت أنها نايمه وخدت الفيديو واتاكدت أنه مفيش نسخ منه وبلغت عنها وبعدين دخلتلك رشيت منوم عليكى عشان تنامى وشلتك وهربت من هناك وبعدين جبتك مصر هو ده كل اللى حصل انا اسف والله اسف كل ده حصل بسبب علاقاتى القديمه بسببى انتى دخلتى مكان زباله وسط ناس زباله لمده يوم انا كنت بموت وانا بشوفك كده كان غصب عني والله كان لازم اعمل كده عشان واحده زباله زى دى متنشرش الفيديو انا عارف انك خلاص بقيتى تكرهينى وليكى الحق فى ده
نورهان:لا
منذر:ها؟؟؟
نورهان:رغم كل اللى حصل انا مكرهتكش كنت بحاول اكرهك بس حبى ليك اقوى من انى اكرهك مقدرتش كنت بحاول اقنع نفسي انك كنت بتمثل عليا كل ده وانك كنت بتمثل عليا انك بتحبنى بس قلبى رفض كل ده وكان واثق من حبك وبعد اللى عرفته انهارده بقيت بحبك اكتر انت عملت كل ده عشان تحمينى بس لي مقولتليش كنت عرفنى عشان اكون مطمئنة بدل الرعب اللى انا عشت فيه لي خلتنى اعيش فى الرعب ده
منذر:عشان عارف انك فاشله فى التمثيل
نورهان ببكاء:انا مش فاشله
منذر:لا فاشله وفى التمثيل كمان والعيله كلها تشهد على كده
نورهان:مش فاشله فى التمثيل انا اشطر واحده تمثل هنا
منذر:لا مش عليا الكلام اروح اجبلك البوم العيله يثبت انك فى فاشله فى التمثيل
نورهان:طلاما انا فاشله فى التمثيل طلقنى بس ها
منذر:مين اللى قال انك فاشله دانتى احلى واحده فى العالم كله بتعرف تمثل دانتى نجمه يا بنتى
نورهان:متقوليش يا فاشله انا اشطر واحده تمثل
منذر:طبعا يا روحى ممكن ترتاحى شويه بقا عشان شكلك لسه تعبانه
نورهان:حاضر
********
فى لندن
يامن:يعنى اى يا دكتور دى بقالها يوم نايمه
الدكتور:من الواضح أن الصدمه كانت شديده عليها اوى لا تقلل ستكون بخير ومن الواضح أنها ستفيق الان
يامن:حسنا يا دكتور شكرا
الدكتور: العفو استئذان منك
يامن:تفضل
الدكتور طلع
يامن:يالا يا يارا فوقى بقا
شويه ويارا فاقت وفضلت تبكى
يارا ببكاء:انا كنت بتجار فى أعضاء ماما كنت بتجار فى أعضاء ماما
يامن حضنها:هشش بس أهدى أهدى مينفعش كده
يارا هدت شويه
يامن:يالا قومى هنرجع القاهره دلوقتي
يارا قامت من غير متتكلم ويامن خدها وطلعوا من المستشفى وركبوا الطياره ورجعوا القاهره
********
فى قصر البديرى فى جناح خالد وفريده
فريده:طيب انت مضايق لي
خالد:مش مضايق بس عايز ارجع الصعيد
فريده:انت مضايق عشان شيماء مرات فاهر اخويا صح مضايق عشان شايفها مع حد تانى
خالد: هو انتى لي مش عايزة تفهمى انى خلاص مش بحبها انا بحبك انتى انا اها صح مضايق بس مش عشانها عشان حاسس انى عايش علئ على مراتى وانا مش عجبنى كده عشان كده عايز ارجع الصعيد ومش عارف اصلا فرح اخوكى ده هيجى امتا اصلا انا اتخنقت
فريده:الياس قال بكره خلاص
خالد:احسن حل يعنى بعد بكره هنرجع صح
فريده:اها صح
******
فى الاسفل
شيماء قاعده لوحدها بتفكر فى فاهر وتصرفاتها الغريبه
فاهر دخل لاقى شيماء قاعده لوحدها
فاهر: مساء الخير
شيماء: مساء النور
فاهر لسه هيتكلم لاقى يامن داخل هو ويارا
شيماء قامت بسرعة سلمت على يارا
فاهر حضن يامن
فاهر:حمد الله على السلامه
يامن: الله يسلمك
فاهر:كويس انك جيت عشان فرح الياس بكره
يامن: نعم ازاى
: فرح مين
كلهم لفوا لاقو مصعب جه هو سما
مصعب:هو الياس قرر يتجوز
يامن:انت كمان جيت
مصعب:متيم اتصل بيا وقالى
فاهر:طيب تعالوا ندخل جوه ونتكلم
مصعب:يالا
واقعدوا مع بعض واتكلموا وعرفوا أن فريده خلاص رجعت والقصر جهز للعرس ومتيم قالهم أنه هيخطب ايلاف فى نفس اليوم اللى الياس هيتجوز فيه والكل وافق واستعدوا وفاهر طلع متأخر وكان ناوى يتكلم مع شيماء بس لاقها نايمه وسابها نايمه وخلص اليوم كده
*********
صباح يوم جديد في فيلا رحيم
نرمين نايمه ورحيم اقعد بيتفرج عليها وهى نايمه وبيحسس على بطنها ومبسوط اوى كلها تسع شهور ويشرف طفله
رحيم:لو بنت هسميكى حور ولو ولد ادهم
نرمين:طيب لو تؤام
رحيم:انتى عامله نفسك نايمه بقا
نرمين فتحت عيونها:ههههه ايوى كنت مستنيا تخلص كلامك
رحيم:يا رخمه
نرمين:مش ارخم منك
رحيم:طيب يالا يختى قومى اجهزى عشان الفرح بليل
نرمين:اها يدوب الحق اخلص اللى ورايا
رحيم:طيب يالا
********
فى منزل لامار
لامار قاعده بتقرا قران خلصت وقفلت المصحف واقعدت تدعى شويه فونه رن كان الياس قفلت ترد عليه
لامار: السلام عليكم ورحمه الله وبركاته
إلياس: وعليكم السلام ورحمه الله وبركاته كلها خمس ساعات
لامار:على اى
إلياس:وتكونى ملكى للابد يعنى يالا قومى اجهزى هبعت السواق ياخدك كمان نص ساعه
لامار:ماشى سلام بقا
إلياس:سلام
لامار قفلت مع الياس وهى هتموت من الفرحه
********
فى المساء في قصر البديرى الكل جاهز ومستعد
عبدالرحمن خد نواره وخالد وفريده معه فى عربيته
ومصعب وسما مع بعض ويامن اللى أقنع يارا انها تروح معه فى عربيه ومتيم ركب مع الياس مفضلش غير فاهر اللى كان لسه مستنى شيماء تخلص
فاهر اقعد مستنى شيماء وواقف بيبص للحديقه
شيماء جاءت من ورائه :انا خلصت
فاهر لف وانبهر بجمالها شكلها كان زي الملايكه بفستان اسود ضيق ومثير جدا وحجاب احمر كانت روعه
شيماء لحظت أن فاهر مركز معاها اوى وشها قلب احمر وبصت فى الأرض
فاهر:احم يالا
وخدها وراحوا المكان اللى بيتعمل فيه العرس
وكان غايه فى الروعه الياس ولامار لاقين على بعض اوى ومتيم خطب ايلاف من مايا وواتفقوا أنهم يتجوزوا بعد شهرين والكل انبسط بالعرس وانبهروا من جمال المكان وده طبعا المتوقع من عيله البديرى
انتهى العرس والكل رحل مفضلش غير فاهر اللى كان واقف بيتكلم مع رجل اعمال وشيماء قاعده مستنيه
فاهر:خلصت يالا نمشى
شيماء:يالا
فاهر وشيماء طلعوا من القاعه ومن غير قصد شيماء خبطت فى واحد من إللى شغال فى القاعه
فاهر اضايق جدا وشدها من أيدها جامد وطلعوا بره ورمها على العربية
شيماء:فى اى انت مجنون
فاهر:خلى بالك من كلامك متنسيش انتى بتكلمى مين
شيماء بصراخ:بكلم مين يعنى انت اكيد مجنون انا زهقت منك خلاص زهقت مش قادره استحملك انا لحد دلوقتي مش عارفه انت بتعمل معايا كده لي مش ليا سبب واحد يخليك تعمل معايا كده طلقنى وريحينى من عذابك ده حرام عليك انت خلتنى بتمنى الموت فى كل لحظه ورتنى جهنم حرام عليك طلقنى بقا وريحينى لو عندك قلب طلقنى
شيماء بتتكلم وبترجع لوراء
فاهر لسه هيتكلم لاقى عربيه جايه بسرعه وخبطت شيماء وهو واقف بيبص بصدمه كل ده حصل فى ثانيه
فاهر جرى بسرعه على شيماء اللى وقعت فى نص الطريق وشالها وجرى بسرعه على المستشفى
واول موصل دخلوها اوضه العمليات بسرعه وعدا اكتر من خمس ساعات ومفيش ولا خبر شويه والدكتور طلع وشكله ميبشرش بالخير
فاهر بقلق وخوف:فى اى يا دكتور
الدكتور:انا اسف البقاء لله
فاهر بصدمه وبدون وأعى وكلمه واحده بتردد فى راسه البقاء لله البقاء لله
يتبع………
#########
انتهى البارت الثالث والثلاثين من روايه أباطرة العشق بقلم نرمين جمال.