رواية نصف البدر بقلم / د. إيلاف أحمد

نـصف البدر
بقلم / د. إيلاف أحمد
الفصــل الثامنخلونا نرجع شوية بالذاكرة لي ورة ،متذكرين الفترة الاختفى فيها بدر بعد الحادث ديك ، قرابة الشهر ما كان ظاهر ولا بيرد على تلفونه وخلى بدور تتجنن وراه ،يلا بدر الفترة ديك كان مسجون بتهمة التجارة في الأعضاء البشرية بس طلع بكفالة هو وعصابته لحدي ما تثبت عليهم التهمة ، العصابة دي مكونة من ثلاثة شباب وجيهين وجذابين لدرجة ما تتخيلوها بيعزلوهم عزيل بمقاييس معينة وبيدوهم قروش خيالية عشان يغشوا البنات ويستدرجوهم ويجوا لعندهم بارادتهم ومن غير خطف وفضائح وبكدة بيبعدوا عنهم الشبهة ويسرقوا أعضاءهم ويبيعوها ، بدر كان واحد من العصابة دي وطبعا شغله في الاتصالات كان مجرد تمويه عشان يغطي على شغله الحقيقي ومافي زول يشك فيه ، بدر لمن قابل بدور ختاها في بالو بس لمن اتسجن خطته فشلت وبعد طلع قابلها تاني و كانت معاها براءةالشقلبت كل كيانه وحس إنها مختلفة عن البنات بحجابها وأدبها وبراءتها وخلته يخلي شغله ويتغير من جوة عشانها ، بس بعدين صدمته فيها خلته يفقد الأمل ويرجع لي شغلو القديم وهدفو القديم واللي هي بدور

الصباح اتصل ببدور وكلمها انه حيجي يوصلها الليلة بعد تنتهي محاضراتها ، بدور كانت مستنية الصباح بفارغ الصبر عشان تصفي حسابها مع مخضرم أول ما وصلت الجامعة لقتو بيشرب شاي في الكافتيريا ، وقفت قدامه غازة كوعها ورافعة حاجبها …. ممكن نتكلم؟، مخضرم فرح شديييد لأنه بدور جاية لعنده وعايزة تتكلم معاه، … بدور؟صباح الورد كيفك….. أيوة بدور اتخلعت كدة مالك….. ما اتخلعت ولا حاجة بالعكس أنا مبسووط اني شفتك من الصباح….. وديت براءةوين يا مخضرم….. قصدك براءةصحبتك؟ ما عارف والله انا طولت ما شفتها….. أسمعني هنا الكلمتين ديل ما علي أنا اذا كنت متخيل إنك حتمسكها علي ذلة عشان أوافق عليك خليك عارف إنه نجوم السما أقرب ليك….. إنتي بتتكلمي عن شنو أنا ما فاهم حاجة….. قول إنك لمن شفتني مع بدر نار الغيرة حرقتك وعملت كدة عشان تبعدني عنه، خت في بالك إني ما ح أكون لي زول غيره ولو عملت السبعة وزمتها…. حرام عليك يا بدور بتقولي لي كدة بعد كل العملته عشانك….. تحرم عيشتك أساسا انت اخر زول انا ممكن أفكر فيه اصلا ما فيك حاجة تلفت النظر عشان كدة احسن تلملم الباقي من كرامتك وتبعد مني…. الله يسامحك يا بدور….. أيوة اتمسكن اتمسكن قسما عظما أشم خبر إنك كلمت زول في الجامعة ما حيحصل طيب ياااا ود، قبل ما تكمل كلامها مخضرم اتحمق قام من كرسيه بغضب وعاين ليها جوة عيونها وعيونو بتطلع شرار … قلت ليك أنا ما بعرف براءةوين وما فاهمك بتقولي في شنو أصلا، كل البعرفه إنه ما بسمح لزول يخدش كرامتي أو كرامة أمي وأكبر غلطة غلطتها في حياتي إني حبيت وحدة تافهة وسطحية زيك، مافي فايدة من السماحة طالما القلب أسود وحاقد، اتخيلت اني ممكن اغيرك بس الفيه طبع عمره ما حيغيره وإتأكدي إنك سقطتي من نظري تماما من اللحظة دي وحيجي يوم وحتندمي ومشى خلاها، كوركت ليه أحسن يا أخوي في ستين دهية تكون قايل نفسك النبي يوسف وأنا ما عارفة قال،أندم قال هههههههاااااي

يلا أحمد بعد وصل للحقيقة المرة ما قدر يصبر استأذن من براءةوجرى على جامعة بدور ، بقى يفتش عليها في كل مكان ولمن وصل الكافتيريا مخضرم كان طالع وهو داخل يعني سمع بدور وهي بتكورك، جرى عليها وصم ليها خشمها….أسكتي فضحتينا الله يفضحك يا شيخة، هي بقت تعاين ليه في وشه ومنططة عيونها وبترمش ما مصدقة إنه ده أحمد أخوها واتبكمت مرة وحدة، أحمد بقى جاريها من يدها وماشي بسرعة من غير ما يتكلم معاها ولا كلمة، وقف تاكسي ركبوا وفورا على البيت، لمن وصل بقى يخبت الباب بقوة فتحت أمو مخلوعة مامصدقة إنه ولدها المشلول واقف قدامها بقت تعاين ليه من فوق لي تحت ….. أحمد؟…. أحمد دخل وبكل قوتو رمى بدور على الواطة ونزل فيها كفيت وهو بقول ليها كدة يا خبيثة يا حقيرة كدة تزلينا وتختي راسنا في الواطة أنا ما ح أرحمك الليلة احنا ما ربيناك صح ولازم تتربي من الأول، أحمد غضبان بيضرب ويشلت فيها وبدور تصرررخ وما قادرة تقاوم… فاطمة بقت تحاول تحجز أحمد وتوقفه… بدور عملت شنو يا أحمد لييه بتضرب أختك كدة….. بتك المحترمة المتعلمة طلعت رئيسة عصابة و شيطانة وأخبث إنسانة في الدنيا….مالها عملت شنو??…… اتفقت مع عصابة يخطفوا صحبتها ويغتصبوها وده كلو عشان جارية ورة واحد ما دايرها وداير صحبتها، فاطمة ختت يدها على صدرها…. سجمي بدور بتي تعمل كدة، رجع تاني يضرب فيها وبيقول ليها إنتي بقلبك الأسود ده مافي زول ح يدورك إنتي المفروض أوديك على السجن ما البيت، بدور عرفت من كلام أحمد إنه هو الكان مراقبها وودى براءةالمستشفى، فجأة صرخت بأعلى صوتها بااااس وقامت على حيلها….. إنت مالك ومالي إنت القومك من كرسيك شنو، جيت خلاص عشان تنكد علينا عيشتنا، ياخي يا ريتك لو ما اتعالجت وكنت مت وريحتنا منك ومن خلقتك، أحمد ضرب بدور كف بأقوى ما عنده وقال ليها من اللحظة دي أنسي إنه عندك أخ

فاطمة واقفة فجأة وقعت من طولها، بدور وأحمد الاثنين كوركوا بصوت واحد أمييييين
فاطمة ما قدرت تتحمل صدمة ولدها الشافته فجأة واقف على رجلينه وصدمة بدور بالعملتو في صحبتها وصدمة أولادها وهم بيخسروا بعض قدامها، جاها هبوط حاد في الدورة الدموية وفجأة انهارت كل قواها ووقعت من طولها، أحمد شال أمو وطلع، بدور جرت وراه لزاها وقفل فيها الباب بالمفتاح بقت تخبت في الباب من جوة…. يا أحمد حرام عليك أفتح الباب ده عايزة أشوف أمي….. رد ليها من ورة الباب ،تحرم عيشتك الحصل لأمي ده كلو بسببك انتي خليك محبوسة في البيت ده زي الكلاب لا من شافك ولا من سمعك ولو أمي حصلت ليها حاجة ما ح أرحمك سامعة ، وجرى بي أمه على أقرب مستشفى

بدر بهناك يادوب وصل الجامعة زي ما اتفق مع بدور واتصل عليها عشان تطلع ليه….. يسعد نهارك يا جمييل…..ردت عليه وهي بتبكي، بدر ألحقني أنا واقعة في مصيبة….. يا ساتر مصيبة شنو انتي وين؟…. أنا في البيت اتشاكلت مع أخوي وأمي وقعت ساقها المستشفى وحبسني في البيت….طيب أنا جايي عليك

يلا أحمد ساق أمه على نفس المستشفى الودى ليها براءةوفي نفس الوقت مشى يتطمن عليها برضو…. كيفك براءةبقيتي كيف؟….. أهلا أحمد بخير الحمد لله انت كيفك؟…. ما كويس والله…. خير مالك؟…. أمي وقعت فجأة واسي راقدة في الانعاش ….. ألف سلامة عليها أنا ح أمشي أتطمن عليها، بدور لييه ما جات معاك؟…. أسمعي يا براءةبدور أختي أنا وأنا البقول ليك أبعدي عنها خالص هي ما بتشبك لا في أخلاقك ولا في أدبك ولا في تصرفاتك…..لييه بتقول لي أبعد عنها بدور عملت شنو؟…. ما ح أقدر أحكي ليك التفاصيل بس صدقيني هي ما بتحب ليك الخير اعتبريها نصيحة من أخ وابعدي عنها…. حاضر يا أحمد ح أخد بنصيحتك

أحمد شكلو اتشد لي براءةوطيبتها واعجب بيها ، قطع حديثهم تلفون من محمد….. وين انت يا زول ليك يومين ما ظاهر من المطار تاني ما شفتك….. أهلا يا محمد أنا في المستشفى والله….. يا ساتر مستشفى شنو تاني ما تكون حصلت ليك حاجة…… لا أنا كويس بس أمي التعبت فجأة وجبناها المستشفى…. لا حولااا سلامتها وريني ياتو مستشفى وانا مسافة الطريق ح أكون عندك

بدر سايق العربية ماشي على بدور مبسووط وبيقول لي نفسه دي فرصتك يا بدر بدور في البيت براها اخوها مخاصمها وامها في المستشفى ومافي زول حيلاحظ غيابها أنا لازم أستغل الفرصة دي، وأخييرا حتقعي في فخي يا بت يا بدور هههههه

أول ما وصل دق جرس الباب، بدور جرت على الباب… مين؟…. أنا بدر يا بدور…. ألحقني يا بدر أنا محبوسة وأمي في المستشفى عايزة اشوفها….. طيب أرجعي ورة أنا ح أكسر الباب

بدر كسر الباب وبدور جرت عليه حضنها وقال ليها…. ما تخافي حبيبتي إنتي ما براك أنا جنبك، بدور عاينت ليه في عيونه مستغربة …حبيبتك؟…..أيوة حبيبتي وروحي كمان أنا اكتشفت إني بالجد كنت عميان يا بدور عشان ما عاينت ليك من الأول لكن أوعدك من اللحظة دي ما ح أسيبك أبدا….. أنا ما قادرة أصدق عيوني حاسة نفسي بحلم…. لا ده ما حلم وانتي احلى حاجة في واقعي يلا نمشي؟ ….. نمشي وين؟ ….. عشان نشوف ماما ولا ما عايزة تشوفيها…. حضنته وقالت ليه الله يخليك لي يا رب

ركبوا العربية وبقوا يلفوا على المستشفيات بدر ينزل يستنى جوة المستشفى شوية عشان يقنع بدور إنه بيسأل عن أمها ويطلع يقول ليها قالوا ما عندهم، بعد ما مشوا أربعة مستشفيات بدور بدت تفقد الأمل في إنها تشوف امها وبدر بدا يحنكها….. يا ربي إنتي وين يا أمي والحاصل عليك شنو….. ما تخافي حبيبتي ان شاء الله ماما حتكون كويسة وانتي شايفة عملنا العلينا وما لقيناها…. والحل طيب؟….. أنا عندي فكرة حلوة…. فكرة شنو يا بدر…. رايك شنو أوديك تسلمي على أمي وتتعرفي عليها وتقعدي معاها لحدي ما تطلع أمك بدل تقعدي براك…. لا ما ينفع أمك حتقول علي شنو لمن أقابلها بي عباية وانت حتقول ليها شنو؟ ….. يا ستي العباية مالها طالعة زي القمر بالعكس بالعباية حتقول عليك بت مؤدبة ومحترمة بعدين انت ناسية انك حتبقي مرتي يعني ح أقول ليها دي البت الاخترتها من بين كل البنات وعايزة اعرفك عليها بعدين أخطبها …. مرتك؟….. أيوة مرتي يا بدور انتي متخيلة اني بلعب بيك يعني ولا شنو انا نهائي ما من النوع ده اها نمشي؟
طيب وافرض إنه أمي ما طلعت الليلة أنا ح أقعد عند أمك لبتين يعني ….. يا ستي أنا بس ح أوديك تسلمي عليها وترتاحي حبة بعدين نرجع تاني نفتش على ماما لحدي ما نلقاها اذا ما طلعت اتفقنا؟ ….. امممم …. ولا انتي ما واثقة في حبيبك؟ …..بدور خجلت ونزلت عيونها،أكيد واثقة فيك…..ههههه حبيبتي انتي امووت في الخجلان أنا ، دور عربيتو ومشى

نشوف حصل شنو مع مخضرم القاعد في بيتو وقافل على نفسه من ساعة كلام بدور معاه ،لا اكل ولا طلع ولا اتكلم مع زول ،أمو دخلت عليه لقتو متمحن وسرحان …. وبعدين يا ولدي حتكون على الحال ده لبتين؟ ، مخضرم قام قبل راس أمه وقعدها جنبه …أنا كويس يا أمي ما تشيلي هم ….كويس كيف يا ولدي وانت من ساعة جينا من الجامعة لا بتاكل لا بتتكلم مع زول احكي لي الحاصل شنو عليك مش قلت ما بتخبي عني حاجة انا عمري ما شفتك بالحالة دي ، مخضرم رقد في رجلين أمه وبقى يفضفض ليها وحكى ليها كل الحصل والعبرة خانقاه …. كر عليك يا ضناي شايل ده كلو جوة قلبك وساكت أنا مما جات سألتني عنك وقلت ليها في المستشفى حسيت إنه في حاجة في راس البت دي …..هي ليه بتعمل معاي كدة يا أمي أنا ما عملت ليها غير كل خير ….معليش يا ولدي أنا من الأول حذرتك منها وقلت ليك الناس ديل ما شبهنا يا مخضرم أبعد عنها وانت ما سمعت كلامي….. كنت متخيل إني ح أقدر أغيرها وأأثر عليها يا أمي بس طلع مافي فايدة…. الزي ديل طبعهم كدة وعمرهم ما بيتغيروا وما تزعل بكرة حتجيك ست ستها صدقني هي الخسرانة لو لفت الدنيا كلها ما حتلقى زي حنيتك ولا طيبة قلبك وأكيد حيجي يوم وحتندم قليلة الأدب البعيدة

كلام أم مخضرم ليه واساه وخفف عنه وأداه قوة عشان يواجه محنته ويرجع يقيف على رجلينه وينسى بدور للأبد بعد كل المحاولات الفاشلة.

نمشي لي أحمد الواقف قدام غرفة أمه ومانعين يدخلوهو عشان حالتها الحرجة، وفي اللحظة دي جا محمد عشان يقيف معاه….. خير يا أحمد أمك الحصل ليها شنو…. والله شديت شوية مع بدور أختي وفجأة وقعت…. وانت البخليك تشد مع بدور شنو، أحمد أخد نفس عمييق كدة…. دي قصة طويييلة يا محمد بحكيها ليك بعدين …. لا إنت كدة قلقتني وأنا ما ح أخليك إلا تحكي لي بدور عملت شنو…… طيب يا محمد ح أحكي ليك، وحكى ليه كل الشافو والعملو

معقولة بدور يطلع منها ده كلو….. والله انا زاتي ما مصدق لكن للاسف ده الواقع…. بس انت اتحامقت شديد ياخ ما كان تفاجئ امك بالطريقة دي…. أعمل شنو بدور ما خلت لي طريقة غير دي واتصرفت معاها بدون وعي أنا ما مزعلني إلا صحبتها المسكينة الوقعت ضحية أفكارها الشيطانية وهي ما عندها ذنب لو شفت أدبها وبراءتها صدقني قلبك حيوجعك عليها

وهم بتكلموا مع بعض سمعوا صوت زول وقع في الأرض جروا عليها …براءة ?!! ، بقوا يحاولوا يفوقوها بس شكلها اغمي عليها من الصدمة ، بعد فترة من الزمن صحت وبقت تبكي وتبكي بحرقة ودخلت في حالة هستريا أحمد عرف إنها تكون سمعته لمن بيتكلم مع محمد قعد جنبها وبقى يحاول يهدي فيها …. معليش يا براءة حقك علي انتي زولة طيبة وقلبك أبيض ما بتستاهلي الحصل ليك ده أنا بعتذر ليك نيابة عن بدور بس صدقيني أنا ما رحمتها وعلمتها معنى الأدب….. أنا بس ما كنت متخيلة صحبتي الوثقت فيها تعمل فيني كدة لييه عملت فيني كدة وهي ما شافت مني غير كل خير…..بدور دي وحده مريضة وتفكيرها شيطاني عشان كده انا قلت ليك أبعدي منها وما تخافي أنا ح أكون جنبك وح أقيف معاك ،

في اللحظة دي الدكتور جا داخل… إنت أحمد ولد فاطمة…. أيوة أنا…. أمك اتوفت نتيجة جلطة البركة فيكم

نرجع لي بدور الصدقت كلام بدر المعسول ومشت وراء عاطفتها من غير ما تفكر في العواقب وصلوا البيت وبدور مبهورة تتأمل فيه من برة طول في عرض وجنينةوخدار …. ده بيتكم؟…. أيوة ده عجبك؟….. ما شاء الله ده جنة عدييل….. ههههه وحيكون أحلى لمن تنوريو بوجودك يلا ننزل؟ بدور خجلت و ابتسمت ابتسامة عرييضة كدة….. أوك ننزل

نزلت وأول ما دخلت البيت زول ضربها بالحديدة في راسها من ورة وفورا جات واقعة

يا ربي ده منو وبدور حيحصل ليها شنو؟؟ وأحمد حيتصرف كيف بعد وفاة أمو؟؟

إلي اللقاء ..

error: