رواية ضحايا للكاتبة زهور جمال الدين

#ضحايا

بقلم زهور جمال الدين ⚘
?الحلقه الثانية عشر ?

❤ماقبل الاخيرة❤

شاهين طاح على ضهره يتألم / اااه .. اااه
طاحت يارا على ركابها / شاااهين…. شااااهين …
مسكها من كتفها وقربها لى فمه بيش تسمعه/ قققوولى الخنننننناب خش ……… وهوا اللى ضضضضضربنى وهرب
وطاح راسه للخلف ….
-يارا تعيط باعلى صوت / شااااااهين ….شااهين
غمض عيونه … فرفشت معش عرفت شن ادير … تاخد هداكة السكين بايديا الزوز واطلعه من جسمه …
لما طلعاته فاق / اااااه…ااااه
-يارا حضناته من راسه وتعيط / شاااهين ….لا ماتموتش
…شاااهين
سلافها سمعو العياط جو يجرو … ركبو من الدروج يخبطو عالباب بالقوة …
طلعت يارا تجرى وايديها دم وتعيط/ شاااهين .. تعالولى شاهين بيموووووت
خشو سلافها الزوز يجرو لقو خوهم طايح وغارق فى دمه
-جلال مشالها يجرى / بشوى عليك فهمينى شاهين من ضربه
-يارا / خناب نقز من الروشن تعارك هوا وياه وضربه
-عزيز يبكى / اهو الموس طايح هنايا يا جلال
-يارا تعيط / انا حولته منه خفته يموووت

قاموه خوته الزوز وطلعو يجرو بيه للمستشفى .. ويارا تعيط شادينها غير سلفاتها … ستر ربي عزوزتها وحماتها مهناش فى حوش اصيله كنهدا راهو العزوز طاحت ماتت من الصدمه

________________________________________

–

فى المستشفى ….

جلال وعزيز خشو يجرو بي خوهم غارق فى دمه… الناس تلمدت بتساعد … جو زوز ممرضين يجرو بالسرير …حطوه فيه … ومشو يجرو فالممر وعزيز وجلال وراهم …
دخلوه لى غرفه وجاه الدكتور يجرى خشله … وخلو جلال وعزيز برة ….

وقف جلال على تركينه … كلم سليم راجل اخته اصيلة ..
قاله ان شاهين انضرب وصل امى والفى للحوش … .
هيا الفى تسوق .. لكن خاف حد يكلمها ويقوللها عالخبر تصيرلها حاجه هيا وامها فالطريق

بالفعل روح بيهم سليم .. اتحجج ان شاهين انضرب فالورشه
ركبو معاه ومشت معاهم اصيلة وقلوبهم على نار..لين وصلو

__________________________________________

_

فى حوش جلال

طبعا مجيدة وامنه خدو يارا ورفعوها يجرو لى حياشهم
وهيا تعيط وتخبط … تبكى وشادة تليفونها واطلع فى رقم خوها قيس … اتصلت بيه
-قيس/ ايوة يارا
-يارا تعيط / انت وين ياشاهين .. تعالالى للحوش .. شاهين انضرب
-قيس دار فرينو / وين انضرب دار حادث ولا شنو
-فاطمه جنبه/ خيرها اختك .. ومنو اللى انضرب راجلها ولا منو
-قيس مش منتبه لى امه / فى اما مستشفى هوا
-يارا / غير تعالى .. انضرب فالحوش ..
-خدت منها مجيدة التليفون / الو .. اهلين خوى
-قيس/ اهلا اختى شاهين خيره
-مجيدة / انضرب بي موس يا اوخى .. قالو خناب خش للحوش شوره تعارك معاه .. رفعوه خوته كلم جلال تو يقولولك هما وين
-فاطمه تنتش فى ولدها / يا اوايدى خيره راجل اختك
-تلفتلها قيس بي عصبيه / انضرب بي موس ياااام غير بالشويا خلى نفهم
-فاطمه / وووه عليا على بنيتى مازالت صغيرة .. حيه عليا حيه
-قيس نزل عالسيارة يجرى بسرعه / تى بالشويا يااام خير ما نضرب السيارة فى اول بالو
-فاطمه رادة راسها لتالى بدوخ/ ارفعنى لى بنتى .. نبى بنتى
-قيس/ اهو ماشيلها

“فاطمه متوقعه شاهين بي يموت .. و بين عيونها بنتها اللى بتترمل وهيا صغيرة ”

________________________________________

–

فى المستشفى

طلع الدكتور …مشوله عزيز وجلال يجرو ..
-الدكتور/ نبو دم فصيله او سالب
-عزيز يبكى/الدم يحضر يا دكتور لان انا وجلال وشاهين نفس الفصيلة توو نتبرعوله احنا .. لكن فهمنا كيف حاله وكيف لقيت الضربه
-الدكتور / دخلناه غرفه العمليات .. الموس مسنون جديد .. ومانكدبش عليك الضربه جاته عميقه هلبا
-جلال مغصوص/ المهم بيعيش يادكتور ولا
-الدكتور/ هدا الشى يعرفه الله وحدة … لو مازال عنده نصيب فى الدنيا اكيدة حيشوفه
-عزيز / باهى شن تراجو دخلوه ديروله عمليه
-الدكتور / اولا هما لداخل ايجهزو فى غرفه العمليات واول ماتجهز بيدخلو الحالة طول … ثانيا لازم اديرو محضر بالواقعه
-جلال / نمشى للمركز ولا كيف
-الدكتور ماشى فالممر/ لا تقدرو اديروه حتى هنايا فى المستشفى
ومشى الدكتور وخلى عزيز وجلال غارقين فى دموعهم ..
خاصه عزيز لانه قلبه رهيف

__________________________________________

_

فى حوش الخامسه …

خش سليم نسيبهم جايب معاه عمتك الخامسه والفى ومعاهم اصيلة وصغارها الزوز ….
الكناين لما سمعو صوت السيارة طلعو يجرو خاصه يارا تحسابه خوها قيس …
سليم نزل نساباته ومرته ووخر السيارة طول تحشم منهم لكن قعد قدام الباب الرئيسى ماقدرش يطلع ويخلى النساوين بروحهم

لما نزلت الخامسه جوها الكناين يجرو ولقتهم يبكو انخلعت وتعيط/ خيركم..شن فى تتباكو هكى .. وينه شاهين مش قالولى انضرب ضربه عاديه بس فى الورشه
-الفى واصيلة / شن فى قولو …
يارا تبكى حالة زى المتهسترة …
-امنه تبكى / شاهين انضرب بي موس ورفعوه خوته للمستشفى
-الخامسه / حيه عليا ولدى
وطاحت عالارض مغمى عليها .. جوها بناتها وكناينها يجرو
خش قيس بالسيارة هوا وامه يلقى الدنيا خايضه قدامه
درس السيارة ونزلو يجرو .. لقو الخامسه طايحة والبنات يتعايطو .. جى سليم يجرى قاموها هوا وقيس دخلوها لى حوش جلال لانه مفتوح … وفاطمه مشت تجرى لى بنتها ..
والشباب غير حطو الخامسه وطلعو طول
-اصيله تصحى فى امها تخبط فيها على وجهها / يااام .. يااام … نوضى ..
جابت امنه الميه وجت تجرى .. بخو الخامسه على وجهها شهقت وفتحت عيونها
-فاطمه شادة بنتها / كيف صار يابنيتى خيره راجلك … شن من ضربه
-الخامسه / ياحليلى على وليدى شن جاه .. منين انضرب
-مجيدة / شوره الخناب اللى يبي ينقو للحوش قبل مايروح شاهين من مصر رجعلهم ثانى
-اصيلة تلفتت لى يارا/ احكيلنا انتى كيف صارلكم مافهمنا شى راهو
-يارا تبكى/ خش خانب وضربه بموس .. وبعد ماهرب.. وانا خديت الموس وطلعته من جنبه …
-الفى/ طلعتيه من جنبه!!! .. كيف بالك غلط
-امنه/ هيا فيها عقل وقتها بيش تعرفه صح ولا غلط
-اصيلة تبكى/ يا حليلى على وخيي.. شن بيصير فيك يا وليد امى …
-الفى تبكى / قولى لى سليم يرفعنا توة للمستشفى نلحقوهم
-وقفت اصيلة / سليم … ياسليم
-سليم من برة / نعم
-اصيلة مشتله تجرى / ارفعنا للمستشفى انا والفى تربح
-سليم/ جلال قالى اقعد هنايا مع العيلة وماتطلعش .. وقالى ماتجيب حد من النساوين
-اصيلة/ لكن انا نبى نمشى
-سليم / قلتلك لا
-فاطمه من داخل / وين قيس ولدى
انتبهت الفى وشبحتلها
-سليم من برة / لحقهم للمستشفى
خشت اصيلة لداخل … والكل يبي وهادوكة المفرح يتعايط ومخلوعين…

________________________________________

_

فى المستشفى

وصل قيس وسأل عالحالة قالوله عالقسم اللى فيه شاهين ركب يجرى …لقى صحاب شاهين وصلهم الخبر ووجو للمستسفى .. واللى يسمع يجى حتى من جيرانهم
لكن جلال وعزيز مهناش لانهم مشو يتبرعوله بالدم …
شوى وخشو مراد وخالد عمام قيس ووصل بعدهم عبدالسلام نسيبه …
-عبدالسلام / وين جلال وعزيز
-قيس/ قالت الممرضه مشو يتبرعو بالدم لان الدكتور بيدخله للعمليات
-خالد/ نمشو حتى احنا نتبرعو بالدم بالك مايسدش خوته الزوز بس
-قيس/ فصيلة دمهم او سالب ..مش نفس فصيلة دمنا .. بعدين نفرين اعتقد ايسدو
-وقف عبدالسلام / ترا حول ياخالد خلى نخش للدكتور نفهم منه
-قيس/ يابوى مانعين اى حد يخش لداخل
-عبدالسلام /تى قلتلك حول
ومشى لى نهايه الممر ووقيس وعمامه يشبحوله … صق عالباب وفتح …
طلعتله الممرضه بسرعه/ لو سمحت يا حاج ممنوع الدخول هنايا …
-عبدالسلام / نبى نسأل على شاهين شن صار فيه
-الممرضه / اما هوا .. متع الحادث ولا المضروب بي موس
-عبدالسلام / المضروب بابنتى … نشوفه شوووية بس ولا نسأل الدكتور على حالته ونفهم منه
-الممرضه / صعب تشوفه … لكن خلى نسأل الدكتور .. انت شن تقربله
-عبدالسلام / انا زى بوه .. انا نسيبه وجد صغاره
-الممرضه / شوية بس
خشت وصكرت الباب وقعد عبدالسلام واقف .. جاه قيس وقاله تعالى للكراسى ماباش يمشى معاه ..
-طلعت الممرضه / خش يا حاج
-عبدالسلام فرح / هي…
وخش مع الممرضه وسكرو الباب

__________________________________________

–

فى غرفه الدكتور

-عبدالسلام / هوا نسيبي وزى ولدى .. نبى نفهم كيف صارله
-الدكتور / توة احنا نجهزو فى غرفه العمليات .. وبالنسبه للحالة مانكدبش عليك حرجه هلبا .. الضربه جت من جهه اليمين.. اخترقت الزايدة وخشت للرئة … احنا نديرو مجهودنا وربك يستر
-عبدالسلام متأثر / المهم بيعيش يا دكتور
-الدكتور/ هدا شى بأيد الله مش بيدينا .. لكن مانبيش نكدب عليك نسبه نجاح عمليته مش كبيرة …
-عبدالسلام / وتوة فيش تراجو .. ليش قاعدين مادخلتوشى للعمليه
-الدكتور/ اولا هما ايجهزو فى غرفه العمليات ..ثانيا لازم الدم متع المتبرعين يكون عندنا بنسبه معينه قبل مانبدو لان المريض نزف هلبا
.
.
.
ودخلو شاهين لى غرفه العمليات.. 80% بيتوفى … و 20% بيقعد حى .. هادى النسبه اللى عطاها الدكتوى متع العملية
.
.
.
___________________________________________

_

فى حوش جلال

-الخامسه / يابنيتى كيف صار … والله مافهمت منكم حاجه
-يارا تبكى/ انا فالمطبخ بندير الغدى .. وخش شاهين جايب حوت .. قعد الباب مفتوح.. خش وراه واحد .. تعاركو وضربه
-فاطمه تسمع فيهم / يعنى الحمدلله يابنيتى الخناب خاش وراه مالقاشى فى الحوش
-يارا / لااااا… انا بروحى كنت فالحوش .. وحست وضميت ومافى شى فالحوش
-اصيلة/ يااااربي ساعد اوخى …يااااربى مانورينى فيه يوم
-الفى/ ياااربي اوخى يااارب
وقفت الخامسه / وين مفتاح الحوش ياالفى
-الفى تمسح فدموعها / اهوا مع مفاتيح السيارة
-الخامسه/ نوضى ساعدينى نمشو غادى
-مجيدة/ يا عمتى انتى طحتى من طولك .. مزال فيك حيل تتحركى وتمشى غادى..هاكم قاعدين حتى هدا حوشك

-الخامسه/ سلم بنيتى وربي يحفظك … لكن خلى نمشو غادى عالاقل الحوش اوسع
وتلفتت لى عمتك فاطمه / هيا يا فاطمه نوضى
-فاطمه / على كيفكم ..هيا ..

ناضو كلهم مشو لى حوش الخامسه …. والجيران اللى سمعو الدوشه بدو يخشو بالوحدة..

__________________________________________

_

كملت العمليه …لكن الحالة حرجه هلبا … طلع الدكتور ونادى خوته الزوز ونسيبه
-عزيز منهار / شنو يادكتور .. كيف حاله شاهين
-الدكتور / احنا سعينا ودرنا جهدنا … لكن الحالة خطيرة هلبا وضربه الموس جت فى جهه صعبه
-جلال متعصب / يعنى العمليه نجحت ولا لا
-عبدالسلام / غير بالشوية يا جلال سلم ولدى خلى نفهمو
-الدكتور / السكين بعد ماستقر فى الجهه اليمين للحالة انسحب منها .. وهدا اللى انقد المريض فى الوقت الحاضر
..لان لو قعد الموس فى مكانه كان دمه كله تصفى ..
-عزيز / كيف يعنى
-الدكتور / يعنى اللى سحب السكين هوا انقد حياة المريض ..
-عبدالسلام استريح / الحمدلله … ربى يحفظه ويطول فى عمره ياااارب
-الدكتور / لكن ننصحكم ..لو عندكم امكانيه تطلعو بيه برة افضل… مش مدرق عليكم.. تشبحو فيها حالة المستسفيات كيف بدت صعبه بعد الثورة ..وحاولو انكم تسرعو فالموضوع
.
.
.

اتصل قيس بي اخته …. وطمنها ان عمليه شاهين استقرت
وانهم يديروله فى اوراقه بيرفعوه لى تركيا يكمل علاجه فيها
.
.
.
مشى عزيز مع ضابط التحقيق لى حوش شاهين .. لانهم فتحو محضر بالواقعه … وخدو البصمات عالبيبان وبالفعل طلعت فى بصمات مختلفه لى شخص ثالث .. فأكدو وجود خناب فالموضوع ورجحو انه هوا اللى ممكن يكون ضرب شاهين .. واستدعو زوجته للمربوعه متع عزوزتها خدو اقوالها.. رفضت انها تعطى اى اوصاف لاى شخص …
وتحججت انها ماشافت حد … واستمرو فى التحقيق واخد البصمات يومين وفاتو الموضوع …ليبيا وقتها مافيش تدقيق والكل خايف..

_________________________________________

_

كملو لى شاهين اوراقه .. دايرينه علاج عالجرحى .. وعلى فكرة ماصحاش من الغيبوبه اللى هوا فيها حتى بعد العمليه
رفعوه للمطار .. ورفعو امه وخواته سلمو عليه بالرغم مش حاس بيهم …
ومشت يارا معاهم رافعها خوها قيس .. قعدت شادة يده وتبكى .. حاسه بالالم فى داخلها عالعملة اللى صارت واللى دارتها بيدها ..كل الكره اللى كانت تحس بيه جيهته اختفى .. مفيش الا الود والحنان عليه وعالخالة اللى هوا فيها ..
ممكن لان عقلها الباطن تحرر من فكرة ان الشخص هدا عدوها .. ممكن لانها بالفعل انتقمت ووصلت لى مرحلة الرضا
فى حاجه اسمها سيكولوجيا البشر ..قالك بعد ما ديري للشخص اللى يمليه عليك عقلك الباطن .. ترجع علاقتك بيه عاديه جدا ولا كأن كان بينكم شى ..والباين ان هدا اللى صار مع يارا
سلافها رفضو انها تمشى معاه .. وحتى بوها رفض البنت صغيرة ومش مكانها معاه بين الجرحى .. مشى معاه خوه جلال وقعد عزيز
فى تركيا قالولهم نفس الكلام …ان تحويلت الموس من جسمه هيا اللى انقداته ..يعنى يارا هيا القاضى والجلاد فى نفس الوقت

___________________________________________

_

بعد شهر …

شاهين فاق من الغيبوبة اللى هوا فيها….
وطول هالمدة يارا قاعدة فى حوش عزوزتها .. حتى بوها يبيها تقعد غادى .. وامها قعدت تمشى وتجى عليهم والحوش يملى ويفرغ من الناس …
وردة صار فيها فى محنه شاهين هادى..وعلى فكرة لما نضرب وداروله العمليه وكل هاديكة الامور كانت وقتها فى مصر ..لما سمعت بالضربه روحت .. وحتى لما رفعوه لى تركيا لحقت بالطيارة هيا وامها ..لكن جلال وقتها دارلها عركه وقاللها تووووةتاخدى تدكرة وتروحى ليبيا وبالفعل سمعت الكلام وروحت ..
تشبح لى يارا فى شبحات غل .. خاصه انها تشوف فى احوالها مع الخامسه تغيرت وبدت افضل بهلبا .. الخامسه لما شافت هدوء يارا وخوفها على شاهين تغيرت الفكرة فى راسها عليها ..و بدت تحن عليها

اما يارا راحت زى الخلال .. لا ماكلة لا شراب …تتمنى غير تسمع صوت شاهين بس … والدكاترة فى تركيا مانعين عليه كل شى .. الزيارة المكالمات .. حكم حاطينه فى حجر صحى لان حالته خطيرة برغم انه فاق

__________________________________________

_

بعد شهرين

شاهين فاق وتعافى … وبدى يتصل بي امه … ولما يعطوه يارا بيش يكلمها تصكر الخط وادير روحها تدوى .. متحشمه منه مش قادرة تسمعه صوتها من العملة اللى دارتها
بالرغم سهمها فى حوش عزوزتها قوى من لما سمعو ان هيا اللى تعتبر انقداته .. ومع هدا وجهها قاعد مخطوف .. لانها خايفه من المواجهه معاه لما يروح
.
.
.
الفى تعول واطيب وتمد ونساوين خوتها واختها يعاونو فيها
وكانا شرين تليفونها تاخدها وتخش دارها
-قيس/عندك علم انى نحبك ومستاحشك هلبا
-الفى تضحك / الناس تقول الو ..وانت تحبي فيا من بدايه المكالمه لى نهايتها
-قيس/ ماتوقعتش نفسى نقولها لى بنت فى يوم من الايام
-الفى/ ولا انا توقعت نفسى نكلم راجل ونقوله انى نحبه ونبيه

-قيس/ المدة اللى فاتت كلها نتكالمو وتعارفنا عالمزبوط .. ومش عيب ان الواحد يقول مشاعره ويوصلها للشخص اللى يحبه
-الفى/ كلمه نحبك كنت نراجى فيها من اول يوم تعارفنا
-قيس/ اصلا انا ماعطلتش بيش قلتهالك .. وين ليا هلبا متكلم على مشاعرى من اول ماروح خوك من مصر
-الفى / المهم حتى انا نحبك
-قيس/ اسمعى .. اول مابيروح شاهين طول بنخلى امى تطلبك ليا ..معش عندى صبر
-الفى / انت كملت البنى
-قيس/ حكم تشطب ..وقفت شوى لما انضرب خوك وبعتالى كملت .. هوا ماهناك بنى يادوبك زدت دار وحمام عالدارين اللى خديتهم من حوش العيلة
-الفى/ الصور اللى بينا وبين حوش اهلك مفيش داعى ليه
-قيس/ بوى شاد فالموضوع زعميتا يبيك انتى تاخدى راحتك فالحوش
-الفى تحشمت / قصدك قلتوله عليا ?
-قيس/ لا مزال امى ماقلتلاش .. لكن غير يروح شاهين وبتقوله اكيد
-الفى/ ربي يرده لينا بالسلامه ياااارب
-قيس/ ياااارب

_______________________________________

_

بعد اسبوعين ….

روح شاهين ليبيا .. يمشى على رجليه .. وحالته مستقرة
اول ماخش دخلوه للمربوعه … لقاها مليانه كل من يعرفه يراجى فيه فى مربوعة حوش بوه
بعد ماسلم خش للحوش .. سلم على امه وخواته .. ويارا واقفه تبكى جنب امها
-شاهين يشبحلها / تعالى
-قدمت يارا خطوات ومدت يدها / الحمدلله انك بخير
-شاهين/ قدر الله وماشاء فعل ..وكله كاتب من ربي
يارا تمسح فى دموعها .. الكل مش فاهم … الا هما الزوز فاهمين بعضهم ..
بالصدفه وقتها وردة بنت عمه ماكانتش موجودة .. ماشافاتاش
.
.
.
وفات اسبوعين…
شاهين راقد فى مربوعه امه مايطلعش منها .. قد ماقالتله امه روح لى حوشك حتى شوية .. ماباش.. وهيا قاعدة فى حوش عزوزتها تعول وتمد .. يخشو خواته وامه مرة مرة يشوفو فيه لما المربوعه تفضى .. لكن يارا ماتخشش
..متحشمه من عملتها ..
-الخامسه/ الحمدلله ياوليدى لازم نصدقو فالجوامع على سلامتك
-شاهين/ ربي يطول فى عمرك ياغاليه
-اصيلة/ الحمدلله ربي طولنا فى عمرك يا وخى ومافجعناش فيك
-شاهين/ كيف حال يارا ياام
-الخامسه / الحمدلله ياوليدى كويسه ..مقعمزة مع نساوين عمامها لداخل
-اصيلة/ يانارى تتحشم ماتقدرش تخش المربوعه .. خوتى وصغار عمامى يخشو فى اى لحظه
-شاهين / معاها حق
.
.

بعد ساعه …

شاهين روح لى حوشه .. واتصل بي يارا
-ردت عليه بصوت واطى وحزين / الو
-شاهين / ترا تعالى نبيك شوى… انا فالحوش
-يارا بدت ترعش / باهى

بالفعل ساوت حجابها وطلعت من حوش عزوزتها مشت لى حوشها …
ركبت من الدروج ورجليها يرعشو … قامت المفتاح وفتحت الحوش … خشت لقت شاهين مقعمز عالصالون .. منغير ماتشعر بنفسها مشتله تجرى … نزلت على ركابها .. خدت يده باستها وتبكى/ والله ماكان قصدى .. مش عارفه كيف درتها عمله زى هادى
-خداها من يديها وقعمزها عالصالون / بالشوى عليك .. خيرك .. اللى حصل مقدر ومكتوب من اللع واحنا صغار اليوم
-يارا ترعش وتبكى / مش عارفه كيف يدى طاوعتنى ودرتلك هكى ..
حطت يديها على وجهها / انا بديت مجرمه . ياربي سامحنى
-شاهين / صلى عالنبي
-يارا تشهق/ عليه الصلاة والسلام
-شاهين / فى تركيا يجيبو للمريض دكتور اسمه دكتور الصحة نفسيه …عشان يشوف حالتك النفسيه بعد العمليه كيف صارت… الدكتور هدا عطانى كتب على علم النفس وقريت هلبا حاجات ومن ضمنهم الاغتصاب
يارا تشبحله وتسمع باهتمام
-شاهين / قريت ان المغتصبه لو تزوجت اللى اغتصبها ماتستريحش الا لما تقتله او تطلق منه .. يعنى اللى صار واللى درتيه طبيعى فى حالة زى حالتنا
-يارا / شن قصدك بالكلام هدا
-شاهين / انا توة عرفت ليش اللى يشدوه داير عملة مع بنت يطلقها بعد يتزوجها …
-وقفت يارا وربعت ايديها / ليش
-وقف مقابلها / لان البنت تكره .. واى شى تبى اديره … يكون فى نضرها مشروع….
عطى بالضهر ومشى خطوتين / فى حاجه فى علم النفس اسمها القرار اللحظى .. واكثر ناس يقيسو بيه فى المواضيع هما اللى صارلهم اغتصاب .. يعنى قراراتها توصل للقتل ..
-يارا / مفهمتش .. انت كيف تبى توة
-شاهين يشبحلها / ماتقوليش شاهين تخلى عليا .. انا اعترفت بغلطى .. واعتقد نوعا ما صلحتها .. بل بالعكس .. اطورت عندى الحكايه ووصلت انى حبيتك ..فالوقت اللى عارف ومتاكد انك مستحيل تبادلينى نفس الشعور
-يارا تعصبت/ انت ليش اتلف وادور .. قولى شنو اللى تبيه
-شاهين/ بيش تهدا نفسك واتحسى انك خديتى حقك ثالث ومثلث منى لازم اديري حاجتين .. الاولى تقتلينى والثانيه تطلقى منى
-يارا / اهاا
-شاهين / وانا مانبيش نعيش معدب نفسى ومعدبك طول عمرى …
يارا تشبحله وعيونها دموع
-شاهين/الكلام اللى نقولك فيه واقعى .. انتى عارفه انى نحبك .. ومع هدا مستمتعه بتعديبى .. وانا عارف انك تكرهينى ومع هدا مش قادر نشد نفسى عن حبك
-تلفتت للجهه الثانيه / والخلاصه …
-شاهين / الخلاصه اننا لازم نطلقو

-يارا صوتها مغصوص / بدل ما ليك ساعه وانت تتفلسف .. وعلم الناس والدكتور قال .. كنت تقول انك خايف على نفسك من الموت .. خايف نقتلك
-قرب منها / يعنى من كلامى كله هدا هوا اللى فهمتيه
-يارا تبكى / ايه هدا اللى فهمته .. ولو انت تبى اطلقنى واحد فى الميه..انا نبى نطلق منك ميه فى الميه
-شاهين وجعاته / خلاص اهو اللى تبيه ميه فى الميه صار .. الحالتين درتيهم.. القتل وقتلتينى غير طلعت منها .. والطلاق بتطلقى
-تلفتت بتطلع / خلاص قول لى بوى الليله .. وكل حد مننا يمشى فى طريقه
ومشت شوى تبى تطلع
-شاهين / استنى
-تلفتتله وعيونها دموع محبوسة / نعم …
-قرب منها / نبى نقولك حاجتين
-يارا / واللى هما
-شاهين / الاولى انى بنقول لى بوك جانى صرع .. ومعرض انى ندير اى شى فيك يوصل للضرب والقتل
-يارا بكل كبرياء/ والثانيه
-شاهين عيونه معبيات دموع / ربي يطيحك فى ولد حلال يحبك وتحبيه .. يسعدك .. واديرى عويلة وتفرحى
-يارا / اكيد حنلاقى الشخص اللى نحبه ويسعدنى .. ونعيش باقى حياتى معاه سعيدة
-شاهين / لكن مستحيل ننسى تجربتى معاك .. ولا ننسى اجمل شهور فى حياتى … نستادنك
خلاها فالحوش وطلع … قعمزت عالصالون تبكى .. بالرغم فى خاطرها سعيدة بالطلاق .. وحست انها انتصرت عليه انه هوا يبيها وهيا سيباته…
بالرغم ان شاهين دار هكى .. لانه قري ان الشى هدا هوا العلاج الوحيد للى فى حالتها …

__________________________________________

_

شاهين مقعمز مع عبدالسلام ويوشوشو
-عبدالسلام / لكن ياولدى ماتوصلش للطلاق عاد
-شاهين / الدكتور قالى الضربه جابتلك صرع ولازم تقعد عالاقل سنتين تحت الملاحظه ومعرض انك ادير اى حاجه سلبيه فالشخص اللى معاك توصل للقتل
-عبدالسلام / الكلام اللى تقول فيه ..انا اول مرة نسمعه فى حياتى .. المريض يتعالج لكن ماتوصلش للطلاق .. البنت شفت عليها حاجة قول .. لكن تجيبلى مواضيع فاضيه انا مانقتنعش …
-شاهين / مش مهم انت تقتنع .. المهم انى مانديرش حاجه تغضب ربي .. نقولك الدكتور قال توصل انك تقتل منغير ماتحس .. ولدلك مانبيش نرزى البنت فى عمرها
-عبدالسلام/ نحسابك عاقل لكن طلعت فالصو.. انا بنتى مش زايدة عليا …الليله نبعتلها خوها يجيبها…
وقف عبدالسلام / قيس .. اطلع
وقف شاهين / يا جماعه الخير انا بنطلق عيالى ..
بدى صوت قوى ودوشه وتعالت الاصوات
-عبدالسلام عيونه حمر / نوض يا خالد
-وقف خالد / شن الكلام اللى تقول فيه يا شاهين
قيس ساكت ومصدوم فى الكلام
-شاهين / ياناس الدكتور قالى عندك صرع من الضربه اللى جاتك .. وانا توة تكلمت وشهرت الموضوع نبى نقوللكم البنت مش معيوبه … انا اللى مريض..قالى الدكتور يجوك حالات ممكن توصل حتى تقتلها …يعنى نرزى المراة فى عمرها ولا كيف
-خالد / الكلام مس مقادى بعضه …اطلع يا عبدالسلام

وطلعو عبدالسلام وولاده وخوته
نادو على فاطمه ..ويارا …ونساوين العيلة كلها اللى معاهم
وطلعوهم …طبعا يارا مش مصدومه … لانه بعلمها … الصدمه خدتها الفى …
ويافرحة وردة باللى صار

__________________________________________

تمت …. ويتبع

نحبكم ❤