رواية زواج وانتقام
للكاتبة:-Ayat SA♥
البارت(5)
محمد:مش قصة نعرفه لكن اي شخص يحب جد بيتمنى للطرف اللي حبه ان يكمل حياته لو هو مات مش يقعد معلق في ماضي
مؤيد:خلاص يا جماعة اهدو
مازن:بكل حني نلعبو مش نتعاركو
محمد:ني ننصح فيها نبيهاش تعلق في ماضي
كلمته (ماضي) تتردد في مسمعي
حطيت ايديا على وذاني وغمضت عيوني وقلت
انا:خلاااااااص خلااااااص وسااامم مش ماضييي معاش تحكي علييهه هكي خللااص
ونضت نجري طلعت من المربوعة
الكل انصدم من ردة فعلي
مؤيد:اسراء الحقيها
لحقتني اسراء ولحقتها رنا
نورس:خيرك يا محمد غلط هكي المفروض تتعمقش في الموضوع وبالذات الموضوع هذا لان انت عارف هذا شنو بالنسبة لميراث
محمد:وين نعرف ني وكنت ناقش فيها عادي هيا تفكيرها غريب
مؤيد:به خلاص سكرو ع الموضوع اطلعي يا خالتي بنرقدو حني
نورس:تلز فيا يا تافه?
مؤيد:حاجة زي هكي??
نورس:اقعد فيها يابارد?
طلعت نورس والولاد فرشو ورقدو ماعدا محمد
مشيت نجري طلعت من المربوعة ومشيت للجنان برا قعمزت ع درجة وحطيت راسي ع الحيط وقعدت نبكي بالعبرة
انا:ااااخخ قعدو يقولو عليك ماضي اااخ موعرها??مش مصدقة سنة مرت وانت مفارقني?
فجأة حسيت بصوت وراي تلفتت لقيت اسراء ورنا
اسراء:حبيبتي نوضي سقع عليك هني
رنا:فوتيه ما تكدريش روحك بسبب كلامه
انا:ممكن تخلوني بروحي
اسراء:لكن….
قطعت عليها رنا
رنا:تمام شوية وتعالي نستنو فيك
وجبدت اسراء معاها ومشو
- لستُ حزينة ولستُ سعيدًة ، أنا فِ المَرحلة الأصعب، أنا لا أشعُر بشيٍء أبداً ??):
اسراء:خيرك خليتيها بروحها
رنا:بنخلوها بروحها شوي بالك ترتاح هكي
اسراء:تمام
محمد(مع نفسه):اوووف ني شن درت ضايقتها بكلامي وخليتها تبكي وتتوجع شكلي نوضت عليها مواجع?اوووف غبي ماه
ناض بيشرب مية وسمع صوت في الجنان
طلع قعد يتبع في صوت الانين لعند ما وصله لملاك قاعد ع الارض
محمد:لقيتها قاعدة وصوت انينها معبي المكان تبكي بالعبرة حبيت نصلح غلطتي
انا:سمعت صوت ينادي باسمي
محمد:ميراث
تلفتت لقيته محمد
انا(ودموعي مليانات عيوني):شن تبي؟
محمد:ممكن نقعمز معاك شوي
انا:قدامك الكرسي
خدي كرسي وقعمز مقابلني
قام وجهي باطراف اصابعه وحط خصلات شعري الطايحات ورا وذني
محمد:اشبحيلي
ني شبحتله وعيوني دموع
محمد:اسف ع كلامي وربي ما بقصدي ياميراث ني ولد خالتك وما نبيلك الا الخير راه انسي اللي صار وخلينا نبدو صفححة جديدة
ني اقتنعت بكلامه شوي
انا:امممبه تمام
محمد:ايواا هكي حلوة?
انا:ههههههه
محمد:تظلميش روحك يا ميراث عشان شخص مات حتى لو تحبيه كلنا ليها وبيجي يوم كلنا بنموتو خلاص الدنيا فانية راه♥
بجد ريحني كلامه هلبااااا تفكروش بانني بنحبه لاا بس هكي كلامه يريح♥
انا:انشالله نستاذن توا تصبح ع خير
محمد:وانتي من اهلو♥
مشيت للدار خشيت لقيت رنا راقدة واسراء شادة فونها ونورس راقدة وسارة راقدة
انا:حبيب القلب نايض ملا
اسراء:لالا غير نقرا فيي رواية اي احكي ارتحتي توا؟
انا:اي الحمدلله♥
مشيت ناحية الدولاب طللعت صورة وسام
انا:نحببك♥
وبست ع الصورة ورجعتها مكانها
اسراء؛تعالي نني جنبي
ني جيت نجري ننيت جنبهاا وهيا تلعبلي بشعري
اسراء:تذكري قبل لما نباتو مع بعض ونرقدو جنب بعض
انا:وتلعبيلي بشعري زي توا
اسراء:ايوااا استاحشت الايام هذوكم♥
انا:باذن الله رح يرجعو
اسراء:نحبكك هيا غمضي عيونك وارقدي
ني غمضت عيوني ورقدت ورحت في سبات عمييق
وسام:ميراث
انا:وسام استاحشتك خيرك خليتني ومشيت?
وسام:ربي هكي يبي يا عيوني بس ني زعلان منك
انا:وعلاش
وسام:معقولة وصيتك تتزوجي وتكملي حيياتك عادي وانتي قاعدة هكي سنة كاملة
انا:اسفة بس نقدرش نتزوج شخص وقلبي عند شخص تاني
وسام:حاولي
انا:رح ناخدلك حقك وسام وعد
وسام:ردي بالك ميراث تخاطريش
انا:لا بنخاطر
وسام:انتي ما عارفة شن صاير من وراك
انا:شن صاير
وسام:……
انا:وسام وينك؟؟وساااامم وساااااام
__
ماما:هيااا نوضووووو
فتحت عيوني والشمس جت عليا اذكرت الحلمة واذكرت كلمة وسام (انتي ما عارفة شن صاير من وراك)
انا:صباح الخير ماما
ماما:صباح النور نوضو هياا
خشيت الحمام بعدين طلعت لبست توتة نايك ودرت شعري كعكة فوق ونزلت لقيت خالاتي والبنات يجهزو في الفطور
انا:صباحووو
الكل:صباحح النور
اسراءء:اي تعالي كولي وخلاص انتي
رنا:باايرة ماهو
انا:ننننننن
ومشيت قعمزت جنبب نورس
نورس:هيا بتغسل الماعين
انا:عينك انتي وياها عندي شغل بنطلع وبعدين نجي
ماما:ع وين؟
انا:شغل?بنمشي نكلم بابا ونطلع
سارة:ارفعيني معاك باليييز
انا:لااااء?انطمري هني
سارة:تفو?
مشيت للمربوعة
طق طق
بابا:خشي
اني دخلت سلمت ع عمي بو سارة وصبحت ع الولاد
انا:بابا عندي شوي شغل بنطلع ونجي باهي؟
بابا:وين
انا:شغل بسرعة بسرعة ونجي
بابا:ردي بالك ع روحك وتعطليش
انا:حاضر
محمد:تبيني نوصلك؟
انا:لالا تو نمشي بسيارتي
محمد:اممبه
طلعت من المربوعة ولبست وطلعت ركبت سيارتي خديت حاجة حلوة نفطر بيها وفتحت فوني
انا:الوو
عامر:تعالي في مكان ال….. نستنى فيك
انا:تمام
فطرو البنات ورفعو للرجالة وغسلو الماعين
احمد ناض بيمشي للحمام
اسراء:اسمعي وين الشحن؟
سارة:اكيد في دار مؤيد
اسراء:اممبه
وانسحبت اسراء بهدوء ودخلت لدارر مؤيد خدت الشحن وكيف بتطلع فتح مؤيد الدار
مؤيد:اووووو سرورتيي هني
اسراء:افتح بنطلع تو يجي حد ويفهمنا غلط
مؤيد:نبيهم يفهمو غلط ويزوجوناا بعض?
اسراء:يابارد?
مؤيد قرب منها لين لصقت ع الحيط وحاوطها بايديه
مؤيد(بهمس) وهو قريب من وذنها:منو البارد
اسراء حست روحها ركبتها حرارة ومعاش قدرت
اسراء(بصوت بيبكي):خلاص مؤيد
مؤيد حس بيها بتبكي باعد
مؤيد:خيرك حبيبتي شن فيك؟
اسراء:تخوف فيا انت☹
مؤيد ضمها وخلاها في حضنه
مؤيد:ياروحي تخافيش مني مستحيل ندير اي شي الا بالحلال راه
اسراء ارتاحت في حضنه بعدين بعدت
اسراء:به بنطلع
مؤيد:نحبك
اسراء:نموت في حبك♥
وطلعت من الدار وكيف تسكر في الباب سمعت صوت يكلم فيها
احمد:شديري في دار مؤيد؟هلبا تتسمعي ع مكالمات الولاد وتدخلي لديارهم
اسراء نزل عليها الكلام زي السم والصدمة كان مؤيد يسمع فيهم?
رنا:اووف عموري نقدرش نروح توا
عمر:قتلك روحي لا تشوفي شي يعجبكش الحوش معبي ذكورة وتكذبي تقولي ني وصاحباتي بس تحسابيني ديوث باش نخليك قاعدة ربع ساعة وتلقيني قدام الباب
رنا:به
وسكرت من عليه وقعدت تبكي لعند ما حست بيد ع كتفها تلفتت لقت…..
انا:اووف اهو جيت هيا شن في؟
عامر:الولد اللي اغتصب مروه وقتل وسام اسمه ايمن ال… سمعت بيه مات لانه مغتصب اكتر من وحدة وشكله اللي قتله واحد ممن خوت هالبنات
انا:بس لقبه غريب اول مرة نسمع بيه في طرابلس!!
عامر:اااا مماهو يمكن انتي تخالطيش هلبا ني سامع بيهم
انا(بعدم تصديق):اممم اي يمكن المهم هذا هو الكلام
عامر:اي
انا:يلا نستاذن توا
عامر:اذنك معاك ?
ونضت من الطاولة وركبت سيارتي وهذا كله صار بعيون تراقب فيا
نرجس ضربت ع رقم ام اسراء
نرجس:السلام عليكم
ام اسراء:وعليكم السلام
نرجس:انا نرجس اخت فاطمة ام ميراث صاحبة بنتك
ام اسراء:ااااه اهلين كيف حالك
نرجس:الحمدلله وانتي
ام اسراء:الحمدلله
نرجس:والله ني نبي نكلمك في موضوع
ام اسراء:تفضلي
نرجس:والله ني شفت بنتك عند اختي وعجبتني هلبا بنجيكم الثلاث هذا وبنطلبها لولدي احمد
ام اسراء:هذا وقت السعد تفضلو في اي وقت مرحبتين بيكم
نرجس:سلمك ياربي ملا توا نخليك تقولي للراجل هي في امان الله
ام اسراء:سلام
__
ام اسراء(مع نفسها):تو بيجوها الزوز بنشوف اللي معبي اكتر ونوافقو عليه
#يتبع…..
#أيات?✨