رواية زواج وانتقام
للكاتبة:-Ayat SA♥
البارت(7)♥
احمد:اووو مؤيد شج
مؤيد شد احمد من رقبته
مؤيد(بعصبية):ياحقير يلي مش رااجل ماشي تخطب في حبيبتي حبيبة خوك يلي ما تتحشم
احمد نحى مؤيد من عليه ونفض سوريته
احمد:اسمع انت جاي تمد فيي يدك عليا وقدام حوشي هلبا هكي وبعدين من قال ني خديتها برا اطلبها الخميس انت واللي تبيه اسراء بتوافق عليه مستحيل امها تجبرها?تفضل تعشى معانا
مؤيد:حقير لو نقتلك بيدي اسراء ماهي مكتوبة ع ذمتك وراسي وراسك
و ركب مؤيد سياررته ومشي
احمد(مع نفسه):تو تشوف يا مؤيد
انا اتذكرت انه عيد ميلاد وسام اليوم خديت ورد واستاذنت من بابا ومشيت للمقبرة لعند ما وصلت قبره
اااحييييه موعرهااا وين تشوفي حبيبك في القبر مدفون في حفرة مظلمة بروحه?تذكري كلامكم مع بعض ودمعتك تخونك وتنزل تشوفي البنات ياخدو اللي يحبوه وانتي اللي تحبيه خداه الموت منك?ليش ياربي تختبر فيي صبري معاه هو ليش?
استجمعت كل قواي وقدمت لقبره قعمزت ع ركبتي وحطيت الورد وقريت سورة الفااتحة
___الكاتبة:-Ayat SA❤________
خدتني الذكرى ل….
انا:اي قدم شوي شوي ووصلنااا
وسام:نفتح عيوني؟
انا:اممم ايي?
فتح وسام عيونه وتفاجأ لقاني محضرتله حفلة بمناسبة عيد ميلاده
وسام:ياارووحي انتي نحبك وربي
انا:كل عام وانت حبيبي♥
وسام:نحببك نحب الساعة اللي عرفتك فيها♥
ورجعني للواقع صوت راجل
الراجل:يابنيتي راهو الوقت تاخر والمغرب قريب نوضي روحي
انا:حاضر عمي
________الكاتبة:-Ayat SA❤_______
مسحت دموعي بانامل يدي وركبت سيارتي ومشيت للحوش فتحت الباب لقيت العيلة يتعشو
انا:تاخرت؟
فراس:وين يا هانم لعند توا برا الحوش
انا:مش شورك طالعة باذن بابا
فراس:مش شوري صار
وشدني من شعري
انصدمت اول مرة يمد يده عليا
بابا:اطلقها يافرخ
فراس:تي خليها تبي الرباية هذي وقعد يضرب فيا كفوف
ناض بابا من السفرة ودف فراس من عليا وني مكتفية بالبكي بس?
علي:تي برا والله ماك راجل تمد في يدك على اختك خزي وفراس تعصب وطلع من الحوش
ماما:خزي يعطيه كسرة في يده?
مازن:خير فيتك انتي تبيش حتى دفيه من عليك عاجبك يمد في يده عليك؟
انا:ههه ندفه؟لو كنت بندف راه دفيت الوجع اللي خش لحياتي بنجي ندف خوي عشان شد شعري؟مايجي شي قدام اللي حسيته قبل راه
ونضت ركبت لداري
لا شـيء يـؤلمٌ ؛ أڪـثر مـنّن أن يـَغيب
عليـگ إنسـَان گـان يَعـني لـڪ لگثير
?
________الكاتبة:-Ayat SA❤________
بابا:اااخخ هالفرخ هذا غير يجي بس عندي معاه كلام تاني
علي:تي يبي الرباية المسخ يمد في يده ع اخته
مازن:وين مؤيد اليوم شفتاش بكل!!
باباا:اي وينه الفرخ التاني
ماما:اتصلو بيه ترا
علي:مايردش
ماما:وووووه عليااا وه وليدي
بابا:تي غير اسكتي يامرا وانتي ماتصدقي تلقي حاجة تعيطي عليها
تلفونه كان يرن بس مافيش رد
جثة متلوحة ع فراش من غير روح
متحسر ع حبيبته اللي بتمشي من بين ايدييه
بتنزف لواحد غيره
كان متاكد ان لو خطبها رح يرفضوه
لان احمد مكون نفسه….
سمع فونه يرن بالنغمة اللي مخصصها ليها هيا وبس♥
رد بلهفة وشوق
مؤيد:الوو
اسراء:وينك من بكري كلمتنيش بكل?
مؤيد:اسراء توافقيش عليه?
اسراء:وربي لو نشنق روحي ماني متسمية عليه يا جبر خاطري?
مؤيد:ااااخخخ تعباااننن
اسراءء:سلامتك من التعب انت وين توا
مؤؤيد:في حوش صاحبي لكن بروحي في الحوش
اسراءء:حبيبي رد بالك ع روحك وكول كويس♥وتغطى وخلي في بالك كان مش انت الموت♥
مؤيد: بعيد الشر عليك حاضر يانبضي انتي♥
وسكر المكالمة وحسس براحة من كلامها ورقد
…
ﺍﺣﺒﺒـﺘُـڪﻚ ﺣُــﺐ ﻻ ﻳـَ؏ـﺮﻓﻬﻪ ﺇﻻ ﻣــﻦ ﺧـﻠﻘـﮕﻚَ♥،
________الكاتبة:-Ayat SA❤______
عمر:حبيبتي بوي كلم بوك وعرسنا بعد اسبوع♥
رنا:كيف امتى بنلحق نجهز روحي?
عمر:عادي تلحقي ني مش مصدق واخيرا بتبدي ليا♥
رنا:ايي?♥
عمر:وليلة الخميس?
رنا:ياصايع?
عمر:مزال شفتيش الصياعة انتي تو تشوفيها الخميس?
رنا:عمررر راه نسكر
عمر:خلاص خلاص???المهم شنحالك
رنا(بغيض):يابارد?
عمر:???
اليوم التاني…….♥
رنا:الوو يا كلبه
انا:هاااا
رنا:عصااا
انا:تي منوضتني من اافججرر شن تبي
رنا:فجر طيحح سعدك الظهر قريب يأذن?
اناا نضت مخلوعة:حيي محاضرة فاتت علياا
رنا:المهم بنقولك
انا:قولي
رنا:الاسبوع جاي عرسي باش تجي من اليوم توتي معاي دخليش ففييك
انا:الله مبروووككك?حاضر ممن عيوني
رنا:يبارك فيك يا عمري هي تشاو خلي نقول لاسراء
انا:تمام
_______الكاتبة:-Ayat SA❤______
وسكرت من عليها ورفعتني الذكرى ل….
.
اناا:بيخطبني الاسبوع هذا!!
رنا:كك كك ك ككييف
اناا:اللي سمعتيه?
رناا:روروروريي فرحتلك يا كلبة??
انا:تسلميليي حب المهم بتجي راه لما بيخطبني عندي خوات ني وانتي عارفه انتم خواتي♥
رنا:نسال عمر قبل حبيبتي ماه
انا:تمام اساليه وقوليلي وني بنمشي نكلم اسراء
رنا:تمام تشاو
ﺍﻷﻳﺎﻡ ﺍﻟﺠﻤﻴﻠﺔ ﻻ ﺑُﺪ ﺃﻥ ﺗُﻌﺎﺩ ﺑﻨﻔﺲ ﻣﺘﻌﺘﻬﺎ♥ .. ﻟﻴﺘﻨﻲ ﺃﻋﺮﻑ ﻛﻴﻒ?
اتصلت رنا باسراء وخبرتها وفرحتلهاا وقتلها انها بتجيها♥
وبدت رنا تجهز في نفسها وكذلك عمر
كيف كنت طالعة من الحوش قابلني مازن
مازن:نببي نفهم انتي خاشة طالعة من الحوش شن عندك ديري
انا:نساعد في صاحبتي عرسها ماهو
مازن(بخوف):مم من صاحبتك
انا:رناا
مازن الاسم صدمه وجمد في مكانه ني استغربت
انا:حقى شن صار في حبيبتك امتى تبيني نكلمها
مازن:لالا فوتيها خلاص مشت وارتبطتت بواحد تاني باعتني
انا:تزعلش روحك عيوني باذن الله تجيك اللي خير منها
مازن:وكان اللي خير منها حتى بتمشي مع واحد تاني
انا:فهمتش؟
مازن:شي شي دوريش تبيني نوصلك؟
انا:لالا تو نمشي بسيارتي
مازن:به ردي بالك ع روحك
انا:حاضر
ومشيت ركبت سيارتي
______الكاتبة:-Ayat SA❤_______
مازن:اوووف لازم ندير حل ونخرب العرس
مازن:تي شن تحكي انت البنت بتمشي في حالها حرام هكي
مازن:لكن ني نحبها
مازن:لالا حرام هيا ع ذمة شخص تاني
مازن:اوووووف ياربي افكاري مشوشةة
__________________________
وصلت لحوش رنا
وكيف نازلة رن فوني لقيته رقم غريب رديت
انا:الوو من معاي
….:عرفتينيش
حسيت الصوت مش غريب عليا
انا:محمد؟
محمد:بشحمه ولحمه شنجوك
انا:الحمدلله من وين حصلت رقمي؟
محمد:من فون سارة شديري
انا:كيف بننزل لحوش صاحبتي
محمد:منو
انا:رنا
محمد:اممم تعطليش بروحك
انا:بكيفي
محمد:بشنوو
انا:قلت به
محمد:تي به به تو يبانلك
انا:???
محمد:محلاها ضحكتك
انا توترت
انا:احمم يلا نستاذن توا
محمد:اذنك معاك
سكرت من عليه وكنت متوترة بعدين سجلت رقمه وسميته البارد?
تزلت ودخلت لحوش رنا
لقيتهم رنا واسراء سلمنا وقعمزنا نهدرزو واسراء حكتلي اللي صار معاها
انا:اوووف معقولة هكي
اسراء:اي?
انا:تخافيش احمد تو نكلمه ونحاول نقنع خالتي ولا يهمك
اسراء:ديري فيا خير?
انا:يلا فكك من الحزن واضحكي وباذن الله مايصير الا اللي تبيه♥
اسراء:اممبه♥
رنا:هيا تعالو معاي ساعدوني
انا:هياا جيتك
______الكاتبة:-Ayat SA❤_______
المجهول1:اسمع ملاخير مليت راه تبيش تعطيني حتى وجه هيا راه
المجهول2:خلاص مهمتك تمت انت اهم شي الكلام صدقاته هيا؟
المجهول1:اي صدقت
المجهول2؛خلاص ملا توا جي دوري وفلوسك تو تاخدهم وتنسى واحد اسمه…..فهمت ولا
المجهول1:به
#يتبع….
#أيات?