رواية زواج وانتقام
البارت(1)♥
?
لا شـــي يـبقــى للابــد حــتى الشـمــس ستــكســر القــانــون يــومـا وتشــرق غــربـا لتـعلــن النهــايــة
…
حياتي تغيرت في يوم واحد صارت جحيم?
وبدت غايتي الانتقام وبس??
__
قبل سنة….
انا:حبيبي استاحشتك الشغل واخدك مني?
وسام:ياروحي انتي الاسبوع هذا بنجي نخطبك وتعرفي ترفضي نهارك احرف
انا:لالا خلاص تعاال روحي بس خليني نخبر ماما الاول ونعطيها علم♥?
وسام:تمام عيوني نبي ماكلة حلوة عاد☹?
انا:تففف همك ع بطنك بس????
وسام:البطن قبل الوطن?
انا:به انتلفف روحيي بنكلم ماما نقولها
وسام:انتلف روحي؟؟وين نترجمها هذي
انا:في قاموسي?تي بنسكر باي
وسام:نحبك باي♥
__
مشيت لماما وقلتلها?♥
انا:ماما
ماما:نعموش
انا:في واحدة كلمتني اليوم وقاتلي قريبها يبي يخطب وني عجبتها وبيجو الاسبوع هذا يطلبو يدي
ماما:يبوش يطلبو رجلك؟
انا:ماماااااا???تي نحكي جد
ماما:باهي?تو نكلم واحد من خوتك يرفعني ني وياك ونشرو الحاجات اللي ناقصينا
انا:تمام♥
مشيت نجري اتصلت بيه سكر وعاودلي
وسام:ها شن قالت؟
انا:الحق قاتلي ولد عمي طالب يدي??ومعاش فيها كيف
وسام(بعصبية):تيي كيف هذااا وانتي كيف ياخدوش رايك تي وربي لما نقربعها ع روسهم
انا:?????اهداا ريلاكس بيبيي ماما قاتلي تفضلوو عادي??
وسام(بغيض):?ياباردة وقفتيلي قلبي حسبتك مش رح تكوني ليا?
انا:كان مش ليك للموت?
وسام:حبيبي بعيد الشر عاش تحكي هكي♥
انا:حاضر
وسام:هيا توا عندي شغل نكمل ونكلمك
انا:تمام رد بالك ع روحك♥
وسام:روحي عندك♥
انا:نحبك سلام♥
طووط طووط
نزلت تحت وساعدت ماما في الغدي
ماما:شوفي خوتك وصلو؟
انا:امبه
مشيت للمربوعة لقيتهم مقعمزين
انا:محلااااكمم نجي نقعمز جنبكم
بابا:تعالي بنيتي جنبي
جيت قعمزت جنب باباا♥
مازن:يافرخة نبيك في موضوع بعدين
انا:فرخةة ففي عينكك
مازن:?
انا:شجوك عليوة?
علي:شن تبي قولي?
انا:مش هكي☹?
علي:كان ما نعرفك راه صدقت?
انا:نبيك ترفعنا للاسواق
علي:ليش؟
انا:ماه جايني خطاب ونبي نشري شوي حاجات ناقصيني
فراس:به تقولي فيها تحشمي شويةقدامنا وقدام بوك?
انا:قلتش حاجة عيب?
مؤيد:هذي زيي
انا:حشاني
مؤيد:تفووو?
انا:???
بابا:بنات قبل يسمعو جايينهم خطاب معاش ياقبلو بوهم بكل وانتي جاية تقوليلي فيها
انا:انت قلتها بنات قبل???
بابا:المهم عيلة منو؟؟
انا:حكيت كل شي لماما وتو هيا تقولك وتوا تعالو للغدي هيا
نضنا ومشينا تغدينا وماما حكت لبابا وخوتي ع الخطاب وطلع بابا يعرف بوه♥ومشينا شرينا كل شي ناقصنا وروحنا♥
انا:وووووه رجليا تكسرو??
ماما:بري ارتاحي وتو نكلم مؤيد يجيب عشي من برا
انا:امبه تمام
ركبت لداري ولقيت مكالمة فائتة من رناا وزوز من وسام ووحدة من اسراء
انا:الوو هفكتيي
رنا:شنجوك وينك غايبة امس
انا:خاطريش نجي?
رنا:تفوو تعرفي اليوم صارت هلبا اشياء ووو….
قطعت عليهاا انااا
اناا:بيخطبني الاسبوع هذا!!
رنا:كك كك ك ككييف
اناا:اللي سمعتيه?
رناا:روروروريي فرحتلك يا كلبة??
انا:تسلميليي حب المهم بتجي راه لما بيخطبني عندي خوات ني وانتي عارفه انتم خواتي♥
رنا:نسال عمر قبل حبيبتي ماه
انا:تمام اساليه وقوليلي وني بنمشي نكلم اسراء
رنا:تمام تشاو
انا:تشاو
طووط طووط
رنيت ع اسراء
اسراء:ميراثث حبيي شجوك
انا:تمام وانتيي
اسراء:تموم خيركك غايبةة ياخراا
اناا:خاطريش نجيي
اسراء:تفوو
اناا:بيجيي وسام يخطبني الاسبوع هذا?♥
اسراءء:حييي مبرووووووككك حبي?♥
انا:يباركك فيك دخليش بتجيي انتي ورنا راه لما بيخطبوني♥
اسراء:اكيد من غير ما تقوليي?♥
انا:تمام♥
وقعدنا نهدرزو شوية وسكرت وبعدين اتصلت بوسام وقالي بيجي الخميس وخبرت العيلة ومشيت رقدت♥
__)
يوم جدييد
نضت الصبح غسلت وجهي وسنوني ولبست سروال اسود وبلوزة لونهاا مشماش ووشاح اسود وسبيدرو ابيض وشنطة بيضةة ونزلت فطرت وركبت سيارتي وطلعت
(ملاحظة:-ني نسوق من لما خشيت الجامعة)
وصلت للكلية
انا:هايي بنات شجو
رنا&اسراء:تممام وانتي
انا:تمام شن الدكتور ما جاش؟
اسراء:ما جاش
انا:اووف تعالو نمشو للكافتيريا
البنات:هي
ومشينا خدينا نسكافي وقعمزنا
اسراء:اخخ بنولي صاحبة العروسةة
رنا:اي?
انا:لااا خوات العروسة♥
اسراء:خيتسلمها?♥
رنا:??
اسراء:اووف مليت من رؤوف درتله بلوك☹بديت مع هاشم
رنا:طول عمرك هكي
انا:ياخوفي كان ما تتزوج اربعة???
اسراء:نديرها???
رنا:وووووه???
جي خطييب رنا بيشوفها
رنا:بنات عمر جي شوي ونجيكم
وناضت مشتله
انا:محلاهم مع بعض ربي يحفزهم♥
اسراء:ياارب♥
انا:تعرفي خايفة يا اسراء حاسة بتصير حاجة?
اسراء:حاجة شنو
انا:وسام وانا?
اسراء:خير فيتك تفائلي خير يابنت وادعي لربي يسخرلكم عاش تحكي هكي
انا:حاضر
2:00م
تم دوام الكلية وروحت للحوش
انا:مامااا
ماماا:جيتي
انا:لاقاعدة في الطريق
ماما:عليك باردة?
انا:???شن درتي غدي فوفتي
ماما:عصبان
انا:اوووفف نحباش نحبش حتى صنته?نكلم علي يجيبلي بيتزا
واتصلت بعلي قتلع يجيبلي
نزلت فرح وشادة ميرال في يدها
(فراس باني شقة فوق حوشنا)
انا:يختشيي ع كتكوتي انا هاتيها جاي
وخديت منها ميرال♥
انا:شنجوك فروحة
فرح:به الحمدلله
ماما:خيرك يابنت وجهك اصفر
فرح:تعرف عميمة شاكة في روحي حامل مرات!
ماما:روروروريي كلميي فراس بعدين يديرلك تحاليل
فرح:نبيش عيل انا ماعنديش جهد وميرل قاعدة صغيرة?
انا:حلوة ههذي تتصويع هيا وراجلها بعدين تقول نبيش نحمل?
فرح(وجهها احمر):ميرااااث?
ماما:يياا مسخة??نوضي من جنبي امشي لدارك
انا:?ماشية اصلا
ركبت داري ومعاي ميرال اتصلت ع وسام سكر وعاودلي
وسام:ياعيوني انتي واخيرا بتولي لياا خلاص غدوا خميس بنخطبك وبتتسمي خطيبتي♥??
انا:تعرفش قداش فرحانةة اااخخخ?♥
وسام:ربي مايحرمني منك♥
انا:ولا منك يارب♥
وسام:شنجوك…
وقعدنا نهدرزو مشوااار
جي يوم الخميس واخيرا تصدقووو وقتهااا فرحتي مش سايعة حد?
لبست فستان زهري كلوش قصير♥من فوق دانتيل ودرت شعري كيرليي وهو طويل درت ميكاب خفيف ولبست كندرة سودة ونزلت
جت امه صفية واخته مروه♥سلمت عليهم ومديت العصير وهدرزت شوية
امه:محلااها كنتي
مروه:واخيرا عنديش خوات تجيني انتي??
انا:?♥
طبعا داروش نظرة شرعية بحكم شايفني قبل وشروطه قالتهم امه ع اساس انا نعرفهمش??ووافقت وكذلك وافق ع شروطي واخته الحق هضمتهاا هلباا وروحو
وبعدين جي يوم التلبيسة ولبسني ولبسته كان احلا يوم في حياتي♥ وقرينا الفاتحة حتى?♥وبدي حلالي♥
بس من بعد هاليوم تغيرت حياتي للاسوء او بالاحرى للجحيم?
انا:الو وسام خيره صوتك هكي؟
وسام:انا معاش تقدر نكمل معاك سامحيني?
قعدت تتردد الجملة في اذني انا معاش نقدر نكمل معاك سامحيني?كان صوته واضح انه يبكي اي اي وسام يبكي ولاول مرة حسيت الوقت توقف وكل شي توقف وقعدنا ني وهو بس كنت مصدومة ومتفاجأة وخايفة شعور غريب بكل?كنت نبي نحكي بس الحروف يبوش يطلعو من الصدمة?لعند فجأة قتله….كيف بتسيبني؟
وسام(بصوت يبكي):اي?
انا نعرفف وقت وسام في عنده حاجة ويبيش يحكيها ف عرفت انه مخبي شي
انا:كذابب قولي ااسبب نعرفك اني احكي وسام
وقعدت نبكيي بعبرتي?
وسام:اسف يا قزومتي نبي نقعد معاك نبي نكمل حياتي معاك لكن القدر مش كاتبلنا هكي?
انا:لااا ليش نكملوش مع بعض
وسام:خايف الموت ياخدني منك?
انا:وسام وراسك معاش تحكي هكي??تبي تقتلني انت؟
وسام:خلاص معاش نحكي هكي
قعدت نبكيي
وسام:عيونيي
انا:اوعدني تقعد معاي
وسام:(غمضت عيوني وشحبت لفوق وخديت نفس ورجعت للمكالمة)نوعدك?
ني ارتحت نوعا ما بس قاعد في شي حاساته مخبيه عليا?
سكرت المكالمة عليها وحسيت بشيء خانقني ليش ليش البنت اللي حبيتها من كل قلبي وصنتها مش رحح نكمل معاها؟؟زعما شن بيصير فيها من بعدي?اااخ ياااارربب حسيت بوججع في قلبي ولعت سيارتي ومشيت للصيدلية..
حاسةانه مخبي شي علياا ولازم نعرفه وسام ولا عمره فكر يسيبني كيف توا بيسيبني كان مستحيل مستحييييل?وقعدت نبكي
__
قلت مكالماتي ني ووسام مرات باليومين يكلمش فيا ولما نكلمه يردش ولما يرد يقولي كنت مشغول مرات ولا مرة جت في بالي انه يخون فيا او نشك فيه لان ثقتي في حبه لياا وصونه اكبر من كل شي♥
كنت نحاول نعرف شن الشي اللي مخبيه علياا لعند ما جي اليوم الاسود اللي دمرلي حياتي كلها وخلاني من بنت فرفوشة لبنت كئيبة?
نسمع في عياط تحت نزلت بسرعة
انا:باابباا ماماا شن في ليش صوتكم طالع؟؟
بابا:??
ماما:بنيتي انتي عاقلة وتعرفي ان ربي يختبر فينا ع اغلا الاشياء
انا:ماماا من غير الغاز احكي شن في
ماما:عظم الله اجرك يا بنتي وسام عطاك عمره?
جمدت في مكاني جتني صدمة معاش قدرت نحكي او نتحرك قعدت نستوعب في اللي قالاته?يعني وسام مات يعني خلف بوعده وخلاني?به وحبنا وصغارنا اللي اخترنا اسمائهم مع بعض?
حسيت روحي ظلمت الدنيا عندي ومعاش نشوف في شي الا بابا وماما جو يجرو قاموني
هككذآ…
ككآنت آلنهآيةة بدموعةة انتهىءء كل شيءء??
…
اتصل بابا بخوتي وجو بعدين نضتت وقعدت نخبط في وجهي ونعيط
انا:ارفعوني لييه نبي نشوفه ارفعوني???
ماما خلاص يابنتي تو نرفعوك لبست ماما عبايتها ولبستني ومشينا للعزاء
اول ما دخلنا للخيمة شفت امه وخواته يبكو يعني صح مات مش كذب?
وقفت لحظة جمعت كل قوتي ودخلت طحتت ع امه وبكييت لين عييت ونسمع في اخته تقول كله بسببي مافهمتش ليش تحكي هكي بعدين طلبت ندخل غرفته
دخلت لغرفته وسكرت الباب وراي?
قعدت نتأمل في كل قطعة فيها وريحته اللي مستحيل ننساهااا اخخخخ محررهااااا?
ياادنياا ليش اخدتي مني الاحبااب…
يادنياا وليش من النوم حرمتينيي..
مشوو عنيي ياا دنياا وطال الغيابب…
وبس طيوفهم ضلت بعيني??
لقيت صندوق خديته قعمزت ع حافة السرير وفتحته لقيت ورقة مكتوب عليها اللي يشوفها يعطيها لميراث زوجتي♥
خانتني الدمعة ونزلت?
تشجعت وفتحت الورقة….
#يتبع…
لو تبوني نكمل تفاعلو♥
#أيات?