رواية زواج وانتقام
للكاتبة:-Ayat SA♥
البارت(6)
احمد:شديري في دار مؤيد؟هلبا تتسمعي ع مكالمات الولاد وتدخلي لديارهم
اسراء نزل عليها الكلام زي السم والصدمة كان مؤيد يسمع فيهم?بس حب يسكت ويسمع الكلام لنهايته
اسراء:-احترم نفسك لو سمحت و يومها سمعتك بالصدفة ومش قصدي نتنصت والدارهذيي اللي تحكي عليها زي ما قلت دار مؤيد يعني مش شورك فيها?
احمد انصدم من ردها القوي لان قبل يحسابها ضعيفة بحكم المرة الاولى ماردتش ومشت تبكي
احمد:ولد خالتي مؤيد وانتي شنو؟؟
اسراء خافت وعرفتش شن بتقول وهني طلع من الدار مؤيد
مؤيد:انت ولد خالتي وهيا حبيبتي ومش ليها جو تدخل لدار الذكورة ع قولتك اعرف شن تقول يا احمد ني توا سكتت عشان امك اخت امي بس?
احمد انصدم?لم شوية من الكرامة اللي قعدتله ومشي??
مؤيد:حبيبتي اسف نيابة عنه
اسراء:عادي دور روحي توا بنمشي قبل لا يشوفنا حد
مؤيد:تمام?
رنا:اووف عموري نقدرش نروح توا
عمر:قتلك روحي لا تشوفي شي يعجبكش الحوش معبي ذكورة وتكذبي تقولي ني وصاحباتي بس تحسابيني ديوث باش نخليك قاعدة ربع ساعة وتلقيني قدام الباب
رنا:به
وسكرت من عليه وقعدت تبكي لعند ما حست بيد ع كتفها تلفتت لقت مازن
رنا:مازن?
مازن:خيرك ليش تبكي من مزعلك
رنا:شي غير خطيبي يبيني نروح??
الكلمة نزلت ع مازن زي الصاعقة
مازن:قصدك مخطوبة انتي
رنا:اي
مازن نحى ايده من ع كتف رنا ومشي رنا استغربت من حركته بس دورتش
مازن(مع نفسه):انت تحب وحدة يا مازن ليش تكنطيت لما عرفت انها مخطوبة وبعدين شن دخلي فيها تنخطب ولا تفسخ
__
اصعب شيء لما تحاول تقنع نفسك بشيء غير صحيح♥
كيف وصلت للحوش وفتحت بابا الحوش الخاررجي حسيت بيد جبدتني
انا:انت?
محمد:اي
انا:تي خيرك جايبني ورا الحوش؟
محمد:احكيلي منو اللي كنتي معاه؟؟
انا انصدمت لما عرفته يلحق فيا وحبيت نقلب الطبخة عليه
انا:انت كيف تسمح لنفسك تلحق بنت ما تكونلكش وين رجوليتك؟
لما سمع كلامي تعصب وبدي وجهه احمر شد يدي ولواها ورا ظهري وحط يده التانية ع الحيط وقعد محاوطني
محمد:راجل غصبا عنك وع االلي زيك فهمتي ولاا
انا خفت منه وتجمعو دموعي في عيوني
انا(بصوت يرجف):مم م ممحمد يد يددي
استاقظ محمد وحس بروحه زودها معاي نحى يده من يدي
قعدت نشوف ليدي لقيتها حمراا نزلت لتحت قعدت نبكي زي الطفلة
.
محمد: لما لقيتها قريب تبكي وملامح الخوف ع وجهها وجعتني الحق وحسيت بنفسي نذل معاها ونزلت تبكي تحت زي الملاك اااخخ تهبل♥
انا(بصوت يبكي):ااالولد اا الليي للقيتهه ممعاااي ممش حبيبي راه
ونضت نجري دخلت الداخل
محمد:لما قاتلي مش حبيبي حسيت انني ارتحت لكن نبي نعرف من هو
احمد:لما قال مؤيد انه حبيبته اسراء حسيت بشي نغزني في قلبي يا خوفي نكون حبيتها??لالامؤيد زي خوي مستحيل نخونه♥
ركبت لداري دهشانة لقيت اسراء قدامي
اسراء:خيرك دهشانة؟
انا:شي
اسراء:تعالي ننزلو تحت به
انا:اوك
ونزلنا قعدنا نهدرزو وبعددين جت العشية الكل روح لحوشه ومرو ايامات هكي وبديت في القراية وجي يوم الثلاث اللي بيجو فيه اهل احمد لاهل اسراء يخطبو
احمد:تي كيف يا امي هكي تاخدي موعد معاها من غير علمي وتحطيني في امر الواقع من قالك نبينتزوج
نرجس:تي غير اهدا يا ولدي البنت تهبل وانت تعرفها
احمد:منو
نرجس:اسراء صاحبة ميراث
احمد جمد في مكانه?
احمد:لالا ما نبيهاش
نرجس:تي البنية مشالله عليها
احمد:ملاخير ولد خالتي مؤيد حاط عليها العين وعاجباته ويبيها ممن قبل كيف تبيني نخطبها ني؟؟
نرجس:اسمع من يومهم صغار فاطمةاللي يبوه ياخدوه اختي ع راسي وعيني لكن البنت لينا مش ليهم
احمد اقتنع بكلام امه شوية ومن ناحية عاجباته اسراء اصلا
احمد:به وكان رفضو؟
نرجس:كلهم توا يدورو في الفلوس وانت مشالله عليك حوشك واتي وبمعاشك وخدمتك لكن مؤؤيد معتمد ع بوه من يومه يعني رح يقبلو ولما يخطب مؤيد رح يرفضوه الحياة مادياات??
احمد:ملا ع بركة الله هي اركبي السيارة
نرجس:ايوا هذا وليدي
__
اسراء:مانيش موافقة عليه ني بنلبسو بنطلع لكن مش رح نوافق?
امها:وعلاش بتوافقي ع يوم الخميس؟
اسراء:اي نبي مؤيد
امها:كنت حاسة اصلا في بينكم علاقة وربي ماتكوني واخدة الا اللي نبيه ني ولما يروحو الناس عندي معاك كلام تانيي يلا توا البسي وانزلي
وطلعت امها
اسراء قعدت تبكي ورنت ع مؤيد ما ردش رنت مرة تانية وتالتة ورابعة ما ردش بعتتله رسالة كان مكتوب فيها(مؤيد اليوم جاببني خطاب بيخطبو وني رفضت وقلت لماما ان نبيك انت وقالت وربي ماتكوني واخدة الا اللي نبيه ني الحقني وراسك مانبيش غيرك ني وربي نقتل روحي راه اي نسيت نقولك ولد خالتك احمد اللي جايني يخطب هو وامه)وسلمت امرها لله ولبست ونزلت
_
طق طق
فتحت ام اسراءاستقبلت نرجس وسارة وبو اسراء استقببل الرجالة في المربوعة
ام اسراء:مشالله هذي بنيتك
نرجس:اي هذي ماعندي وزوز ولاد
ام اسراء:ربي يحفظهملك
نرجس:ويحفظ كنتنا
بعد شوي جت اسراء جابت العصير ومطرمة بوزها وامها تفنص فيها
نرجس:حويتة عليها كنتنا
اسراء تبتسم بالسيف
قعمزت جنب سارة
اسراء(بهمس):اسمعي كان نموت خوك البارد ماني واخداته?
سارة ضحكت ع الهزاز
سارة(بهمس):كنت نعرف انك تبي مؤيد?
اسراء(بهمس):اي زيدي اضحكي?
قعدو يهدرزو بعدين اتصل بو اسراء بامها وقالها الولد يبي يشوفها
لبست اسراء عباية وخشت للمربوعة لقت احمد
طلع بوها سيبهم شوية
احمد:يا اهلين
اسراء:…?
احمد:تكلمي
اسراء:مانبيكش وتعرف كان نشنق روحي ماني واخداتك ولاني متسمية على ذمتك واحترم شناباتك شوية وتاخدش حبيبة خوك?
وناضت وسيباته وهو مصدوم
احمد:(مع نفسه):ملا لما ناخدك وتو تشوفي وراسي وراسك
اسراء:خلاص بابا كملت
بوها:تمام
وكملو هدرزة بعدين روحو
اسراء:مانيش واخداته
امها:نشوفو بتاع الخميس واللي نلقوه معبي اكتر ناخدوه
اسراء:معقولة هكي تفكيرك؟
امها:اييي
اسراء ركبت لدارها تبكي
مؤؤيد كان مع صحابه ووصله مسج وقراه اتصل بيها
اسراء:الحقني مؤيد?
مؤيد:ولا يهمك يا روحي وربي ماهو واخدك وكان ع قطع الرقبة
اسراء:?
سكر مؤيد من عليها وكان متعصب ع الاخرر ركب سيارته ومشي لحوش خالته نزل وقالهم نبي احمد
جاه احمد
احمد:اووو مؤيد شجوك
مؤيد:….
احمد:?
#يتبع…
#أيات?✨