رواية حبيتك بجنون
رواية حبيتك بجنون
جميع الحقوق محفوظة للكاتبة رورو
حبيتك بجنون ?
للكاتبه/رورو
(المقدمه)
..
..
في الصبح الساعه 7:30 .
ربيعه/نوضي ياسرك بيفوتك الوقت.
ساره/صباح الخير باهي ياماما قاعد بكري??
ربيعه/صباح النور هيا سلم بنتي نوضي اني بنمشي انوتي الفطور
ساره/حاضر أني بنخش الحمام(حشاكم)وتوا إنجي
خلي نحكيلكم على الابطال والشخصيات إلي بتصادفنا في الروايه.
طبعا عندنا الحاج الخليفه راجل اكبير في السن ويحب اولاده واحفاده عنده اربع اولاد وثلاته البنات كانو اولاده ساكنين امعه في حوازه واحده وكل واحد وحوشه وعيلته معادا ولده الصغير علي قاعد مش متجوز قاعد مع امه الحاجه سالمه وبوه الحاج خليفه
عيلة رمضان /رمضان اكبر ولد عمره ٥٥ سنه متجوز حنان بنت عمته وعنده زوز بنات و ولدين ويخدم عند بوه في الشركه كانت لتصدير مستلزمات الافراح.
.
ولده عبد الرحمن عمره ٢٣ سنه يقراء في الهندسه ومزاله سيمسترين ويتخرج مواصفاته شاب حلو وجداب ?طويل هلبا ومعبي مش الضعيف ومش السمين عيونه اكبار وملونات على الاخضر وشعره الطويل وعنده لحيه بسيطه والبنات في الجامعه بيموتو فيه لكن هوا شخصيته ميحبش الدوه الفارغه ومش امعدل على حد ايموت في حاجه اسمها ساره لكن ساره مش امعدله اعليه . وعنده إخواته ودنيا ❤
اما ولده محمد يقرا في بريطانيا في كلية الجراحه من ثالته تانوي وعمره 26 ويتكلم انجليزي صافي وتوا بادي يخدم برا مروحش لي ليبيا بكل ايكلم في امليه بالفيديو .وجده كان مش اموافق على سفرته لكن إصرار محمد خلاهم يقتنعو .
اما اخواته/ جود وجوري جود لكبيره حلوه هلبا وبيضه ونقشها ارقيق وعيونها ايهبلو خضر ?وعمرها 17 السنه في ثالته تانوي ودلوعه هلبا وعلى ابسط حاجه تبكي?اما جوري كانت تانيه تانوي وتحب الضحك وجوها من لخير وتحب الهياجه كانت عاديه لكن بساطتها محليتها ?
اما عيلة خالد/خالد عمره 50 سنه وتجوز ربيعه على حب. تكون بنت خالته ويحبها وتحبه هلبااا وعندهم بنت وحده اسمها امل وولدين اسمهم جاد وإياد وكانو تؤام .
جاد/اشقر هلبا وطويل وضعيف وشخصيته وشقوريته التهبل ?البنات كانو بيهبلو اعليه جوه مرح هلبا ويموت في حاجه اسمها جود ?يقرا في ثالته جامعه في كلية الطب البشري عمره ٢٢ سنه .
اياد/نقشه على الاسمر ايهبل? شعره على الاسود الداكن ويحب ايهدرز على البنات مفيش بنت في الجامعه مش امكلمها حتى هوا يقرا في كليةالبشري.
ساره/كانت اتهبل جميله وطيبه والكل ايحبها عمرها ٢٠ سنه وتقرأ في كلية طب البشري وحلمها اتكون دكتورة أطفال مواصفاتها مش اطويله هلبا ومتوسطه مش اضعيفه ومش اسمينه اعيونها إكبار وعسليات وبيضه هلباا وشعرها الطويل هلبا لعند اركابها وعلى الليمي .?
اما سالم /سالم عمره 45سنه وتجوز وحده امعه في الشغل نور حلوه لكن مسمومه وعمرها ٣٣ سنه ومتجوزه اصغيره عندها بنت و ولد .
بنتها ميسم عاديه لكن اعيونها إكبار وتحب النوم وتأكل هلبا وديما وهيا تتفرج. في اوله جامعه ?
ولدها احمد في اوله ثانوي يحب الهدرزه مع البنات إعمامه وميحبش حاجه اسمها إقرايه.
عمتهم ليلى / عندها ثلاته اولاد بس عبد الودود .وابراهيم وعيسى .وراجلها ميت قبل في حادث .
عمتهم ناديه /اربعه ابناويت اميمه. الاء .زهره .ريان ومتجوزه وهيا اصغيره وقعدت تقرا وتوا بدت معيده في الجامعه.
عمتهم نور / اصغيره وحلوه عمرها ٢٢ سنه متخرجه من كلية العلوم. ومخطوبه لدكتورها في الجامعه.
وعمهم علي/إيجنن لدرجت اخواته وبنات اخواته معجبين بيه وهوا ايحب اصغار إخواته وخوته ومواصفاته الطويل وعنده لحيه وعيونه على الاسود ونقشه ارقيق وشعره خازير وعلى الاسود ويحب يلبس ويتجكتر . ومتخرج من الصيدله وعنده صيدليه ومقرر مش حيتجوز الا على حب??
ساره/صباح الخير
بوها/صباح العسل هيا بسرعه البسي باش انوصلك
ساره/حاضر عشره ادقايق بس خلي نلبس.
طلعت ساره من باب حوشهم ألقت جود وجوري بيمشو للثانويه.
جود/صباح الخير أموله شن الجو
ساره/صباحو الحلو تعالو امشو امعاي انوصلوكم على طريقنا علاش اتعبو في عمي .
جود/صحيتي بارك الله فيك بيوصلنا عبدو ?
ساره/بهي مع السلامه.
جود/حتى عبدو بيمشي للجامعه بري معنا خلي ايوصلك خير من اتعبي في بوك
على جيت عبد الرحمن /صباح النور تعالي معنا توا انوصلك ساره.
ساره متحشمه منه/لالا اهوا بابا نازل بيوصلني
جوري/هيا ساره. نبيك اتشوفي صاحباتي.
خالد بو ساره/صباح الخير بالغزلات. هيا ساره.
جوري/عمي خلي ساره تمشي امعنا توا ايوصلها عبدو نبيها اتشوف صاحباتي
ساره/فنصت اعيونها في جوري ?
عبدو/صباح الخير كيف حالك عمي .
جود /هيا بسرعه بنعطلو
خالد/صباح النور الحمد لله شن خبارك انت
عبدو/تمام .هيا اركبي في السياره.
جوري/حتى ساره بتمشي امعنا
خالد/خلاص بري امعهم مدامهم يبوك. بالله بنتعبك ياعبدو وصلها والله اليوم عطلت على الخدمه .
عبدو/تعب شني اني قولتلها هيا متبيش. هيا ساره .سلامتك عمي توا. توا انروح بها .
خالد/بهي هي توكل بسلامه .
جود ساره احني بننزلو الاولين اركبي انتي القدام.
تحشمت ساره /باهي
وركبو ومشو وطريق كلها عبدو ايشوف لساره بجنب بيهبل فيها.
اما ساره كانت عاديه. ومتفكرش فيه. تحس فيه زي خوتها.
ومشو حطو جود وجوري في التانويه.
في الطريق عبدو يبي يفتح موضوع.
عبدو/توا في اما سيمستر ياساره؟
ساره/الرابع
عبدو/شن بتتخصاصي؟
ساره/اني خاطري في اطفال الحق
عبدو/اه حلو المجال ?ويشبحلها ودايب.
وصلو للجامعه.
ساره /صحيت بارك الله فيك
عبدو/سلمك ❤ امتى اتكملي؟
ساره/لالا توا انكلم بابا
عبدو/لالا توا انروح بيك
ساره/توا لما انكمل انكلمك ? مع 12
عبدو/ باهي ان شاء الله
وعبدو انزل وهيا امشت لمحضرتها .
عبدو احيييي قداش انحبك ❤خر امتى بنقوللها ?زعما انقوللها اليوم..لالا مزال لن نتخرج باش انولي راجل قدامها وقطع حبل افكاره صاحبه.
مروان/تي خر في مني اتفكر في هل الصبح؟شكلك ابديت التحب ?
عبدو/صبح اطلع من راسي.
وكملت امل وكلمت عبدو وروحو.
امشت ساره خشت لحوش جدها باش اتسلم اعليهم وحتى عبدو امشي امعها.
ساره/السلام عليكم.
جدتها/وعليكم السلام ورحمة الله وبركاته أهلا ببنيتي تعالي افطري معنا اني وجدك
ساره/باهي خلي نغسل ايديا
عبدو/احنينه شن الجو
الحاجه سالمه/الحمد لله اهو نعاند في روحي تعالى باش تفطر.
وقعمزو فطرو مع بعض هما وعمهم وجدهم وكانو ايهدرزو في الجنان والجو ايهبل. على جيت جاد واياد
جاد /وااااووو تفطرو في هل الجو ومتقولوش خيانه الحق
اياد/ايه خيانه شني سروره من روح بيك؟
ساره/ روحت مع عبدو
عبدو امركز على ساره كيف نطقت اسمه وهوا دايب بيهبل?
قعمزو مع بعض وقعدو ايهدرزو. ودجاجات قدامهم والهواء والعاله والضحك ?.
وروحو جود وجوري ومشو.
جود/شن الجو متجمعين من غيرنا
جوري/خاشه ميته بضحك ????
طبعا جاد يشبح لجود قريب يكلها ?
(الحب)?
ساره و اياد>شن ايضحك فيك. ضحكينا امعاك.
جوري/توا اني في المدرسه شوفت بنت نكرها متكبره ومسمومه. ?
كلهم في صوت واحد/باهي شن صار
جوري/ههههههههههههههههه ?????منيش امقايله ????????
علي/صامطه ?
جاد/بكل حسستيني متشوق على دوت المفرخ ?
جوري/طلعت اني مفرخ?باهي ياجاد منبداش الفرخه جوري كان مرديتهاش ?
جاد/خوفت حي عليااا حي ??
وكلهم يضحكو على وجه جوري كيف كله غضب ?
الحاجه سالمه/ساره نوضي جيبيلي القصعه من المخزن والسميد ومي خلي نبرم الكسكسي.
ساره/حاضر
الحاج اخليفه/ديري بازين ?خير.
عبدو/لالا اني نبي كسكسي
نور/اه نبو كسكسي
الحاجه/ياسر من البازين امس درناه.
وتغدوى مع بعض في الحوازه وقيلو فيها.
في العشيه جت عمتهم ناديه. والبنات الاربعه وراها طابور ?
خشو البنات ايديرو في كيكه بيشربو بيها القهوه ويهدرزو على الحب ويضحكو على نور كيف تحب خطيبها وتحكي اعليه????
نور/راقيلها عادي المهم هوا توا بيجيبلي شكلاطه باش نشرب القهوه وانتو خليكم في حالكم اصلا الحب مش مار اعليكم
خش جاد/ههه تحكو على الحب وانتو كنتو بحدا الدجاج ???
جود/تشبح لجاد عادي الحب من القلب مش من المنظر الخارجي ?
جاد/تلخبط. اه اكيد اكلام متع وحده امجربه ?
جود/اه شن ميجيش اعليه انجرب ?
جاد/عبود ?ياعبدو تعالى شوف اختك شن اتقول
ساره/جاد ياسر فكنا من المشاكل ?وانتم فأر وقطوس
نور/الووو حبيبي اوصلت ?
وكلهم في صوت واحد/
نور/باي .ياسر شن هل الضحك تو يحساب اعليه ?
جاد/قولي لروحك اتحشمي جايه قدامنا حبيبي ???
كلهم يضحكو على جاد كيف ايمثل في نور ?????
جود كانت غايره على جاد من بنات عمتها ناديه?قريب اتقوله اطلع ?
نور/جاد ورأسك تمشي تجيبلي منه الشكلاطه
جاد/شن قالولك نخدم عندك ?
نور/بالهي اعليك برا
جاد/بشرط نقسموها بنص ?
نور/باهي يامصلحجي ☹
جاد/باهي وحده منكم تمشي اتجيبلي السبيدرويا
الاء/توا اني انجيبهولك
جود/??????ارقالها كيف هيا تمشي تجيبله السبيدرو وطلعت من الكوجينه بسرعه راقيلها
اميمه/???حي على الحب
ساره/????جاد حبيبتك زعلانه راهي بتتفجر اطلع حتى في شبشب جدي ?خير ما السبيدرو ايجك ارياحي ?
جاد/انتو الي ايبصر امعكم تهزو اعليه ??
جاد اطلع من بجنبهم ويكلم في روحه شكلها تحبني زعما علاش طلعت متعفلقه. وهوا ايفكر. بفففففففف???
جود/اشبح قدامك ولا خلاص امشت اتجيبلك في السبيدو اهبلت ????
جاد/باهي خيرك انتي هكي راقيلك توا كنتي تضحكي نشتك شن فيها?شن دخل السبيدرو ?
جود/لا سلامتك مدخلاش في شيء ?
جاد/اتهبلي كيف غايره ?
جود/اتحشمت ?
جاد/بري جيبيه انتي? اني نبيه منك?
جود/بالحقاااا?حاضر توا انجيبه ?
جاد/حضرلك الخير?هيا بسرعه قبل متسبقك الاء?
جود امشت تجري?
وكلهم ناضو يضحكو ?????????كانو واقفين بجنب الباب
جود/????شن اديرو اهني?
حدفت الاء اعليها السبيدرو بري اجري ارفعيه ???
جود/باردين ?
امشت جود تجري لجاد ومدتله السبيدرو وهوا يشبحلها ??
جاد/انحبك?????
جود/خشت تجري متحشمه???
كلهم ايعيطو من الشباك جوووووودددددد ???جاد اسمعهم وطلع يضحك ???
جاد/القصقصات ميفوتش اعليهم شيء?حشموها حبيبتي ?
نور/واااااه حي اعليا اتعالو…………..
زعما خيرها نور………?؟شن تتوقعو صارلها ?
جميع الحلقات
- حبيتك بجنون الحلقة الاولى
- حبيتك بجنون الحلقة الثانيه
- حبيتك بجنون الحلقة الثالثة
- حبيتك بجنون الحلقة الرابعة
- حبيتك بجنون الحلقة الخامسة
- حبيتك بجنون الحلقة السادسة
- حبيتك بجنون الحلقة السابعة
- حبيتك بجنون الحلقة الثامنه
- حبيتك بجنون الحلقة التاسعة
- حبيتك بجنون الحلقة العاشرة
- حبيتك بجنون الحلقة الحادية عشر
- حبيتك بجنون الحلقة الثانيه عشر
- حبيتك بجنون الحلقة الثالثة عشر
- حبيتك بجنون الحلقة الرابعة عشر
- حبيتك بجنون الحلقة الخامسة عشر
- حبيتك بجنون الحلقة السادسة عشر
- حبيتك بجنون الحلقة السابعة عشر
- حبيتك بجنون الحلقة الثامنه عشر
- حبيتك بجنون الحلقة التاسعة عشر
- حبيتك بجنون الحلقة العشرون
- حبيتك بجنون الحلقة 21
- حبيتك بجنون الحلقة 22
- حبيتك بجنون الحلقة 23
- حبيتك بجنون الحلقة 24
- حبيتك بجنون الحلقة 25
- حبيتك بجنون الحلقة 26
- حبيتك بجنون الحلقة 27
- حبيتك بجنون الحلقة 28
- حبيتك بجنون الحلقة 29
- حبيتك بجنون الحلقة 30