حبيتك بجنون الحلقة 28

حبيتك بجنون الحلقة 28

حبيتك بجنون?
للكاتبه/رورو
الحلقه[28]
.
.
روح محمد من الخدمه مع وقت العصر قعد يفكر في ساره بعدين اتصل بيها لكن مردتش لانها كانت في الجامع .

ساره كنت نسمع على اخر طالبه ورن الموبايل مبيتش نرد وبعتله مسج * اني في المسجد بنصلي العصر صلي انته وبعدين تو انكلمك*

محمد قريت الرساله وبتسمت حسيتها قداش خايفه عليا خشيت توضيت وصليت وحسيت بالراحه ?

اتكيت على الكنبه وتصلت تاني اما اني كيف وصلت للحوش رديت.

ساره/اهلا ?

محمد/اهلا بيك وينك امس مرديتيش .

ساره/ارقدت بكري كنت تعبانه.

محمد/سلامتك.

ساره/الله يسلمك .

محمد/روحتي من الجامع ولالا .

ساره/ايه كيف خشيت الحوش وانته .

محمد/اني صليت وتكيت بنرقد تعبان.

ساره/تو بالسلامه نخليك تستريح اكيد التعبت من العمل واني بنزيدك.

محمد/لالا انتي راحتي خليك متصكريش.

ساره ولو خدودها حمر ?

محمد فطن لروحه شن قال ?

محمد/قصدي اني مش تاعب جيعان بس .

ساره/ قصدك متغديتش?

محمد بنبرت تسخيف/ايه قاعد جيعان?

ساره/ خيرك مكليتش في المطعم .

محمد/ماخطريش فيها ماكلت المطاعم استحشتك تطيبيك الي زي العسل ??

ساره قعدت ساكته ?

محمد/الووو .

ساره/ايه نسمع فيك .

محمد سمع باب الشقه ايطق/ساره تو بسلامه جاني صاحبي بعدين انكلمك.

ساره/بسلامه .

صكرت وحطيت ايدي على قلبي كل مانكلمه نبدا نرعش ونحس في قلبي بيطيح ?

خشيت للحوش ونسمع في دوشه وعياط صوت اياد وبابا وماما الي تبكي وقفت وماحد حس عليا .

اياد وعروق رقبته طالعين ويعيط/الموضوع يتسكر يانقلب الدنيا فوقي لوطي ???

خالد/عبدو شاريها مش كيف محمد واختك توا ولت مطلقه يعني المفروض ما نوقفوش في نصيبها .

اني قعدت نسمع ودموعي ينزلو ?

اياد/لو بتم الرجاله اختي مانيش عاطي ?

ربيعه تبكي/ اسمع سلم وليدي ما تقفش في نصيب اختك .

اياد/اني مش واقف في نصيبها اني خايف عليها ?

خالد قام عيونه شاف بنته تبكي ?

ساره حست انها قعدت حمل عليهم ?/خلاص متعاركوش
يابابا قول لعبدو ساره موافقه .?

ومشت ساره تجري للدار وصكرتها بالمفتاح الحقها اياد و ربيعه لكن مبتش تفتح .

اياد يخبط/ساره افتحي متفهميش الموضوع غلط?.

ساره تبكي/خلاص خلوني في حالي ??اني فاهمه كل شيء .

طحت فوق السرير وقعدت نبكي لعند حسيت النفسي بيهرب وبعدين معدش حسيت على روحي?

اياد بصوت عالي /ساره ساره ردي عليا افتحي الباب .

على خشت جاد جي يجري/تي شن فيه خيرها ساره?

اياد/بسرعه بنقلع الباب ?

ربيعه تضرب في رجليها/ياحليلي على بنيتي وااااه عليا ما شافت فرح ??

قلع اياد الباب وخشو يجرو القوها صايخه وكلها دم جاد قامها في غمره وطلع يجري واياد وراه وربيعه لاحقتهم.

جاد يعيط/افتح باب السياره .

اياد فتح الباب وركب بسرعه هو واياد وطلعو يجرو مشو للعياده ومشي وراهم خالد وربيعه وسالم وخليفه وعبدو ?

اياد يعيط في الممر/بسرعه اختي بتموت .

جو الممرضات يجرو دخلوها فوق السرير وخشو بيها .

اياد وجاد واقفين و بيتفجرو ملقوش من يسالو?

جاد/يارب الا ساره يارب نوضها على خير .

على خشت ربيعه وخالد وكلهم يجرو اياد مشي يجري لعبدو بيضربه لكن كلهم شدوه .

اياد يعيط/تي شن جايين تبو جايين بتتشمتو فيها وله ??

جاد شده/تي صكر فمك احني في العياده?

خليفه/توا مش وقته الكلام اسكتو ?

عبدو وقف بعيد عليهم وجاد قعد شاد اياد وربيعه تبكي وتدعي?

طلعت الدكتوره ناضو كلهم يجرو.

جاد وكله العرق/خيرها شن صارلها؟؟؟

ربيعه/بنيتي شن صار فيها ???

الدكتوره/للاسف اجهضت الجنين ونزفت هلباا دم .

كلهم متفاجئين?????

ربيعه/قصدك حامل ?

الدكتوره/ايه وتو حالها الكويس لكن بتقعد اليومين هاذو لن يتعدل دمها و لازمها راحه تامه.

اياد وخليفه/تمام ان شاء الله .

ربيعه/نبي انشوفها?

الدكتوره/للاسف تو لا لعند انطلعوها من العنايه وان شاء الله لاباس عليها.

اما عبدو كان يسمع من بعيد وفرح في داخله انه البيبي مات ?

كلهم قعدو يتصلو ويتطمنو?

_____________________

اما ساره قعدت راقده لعند فتحت عيونها وقعدت تشبح في خيال محمد ?

ساره?????

خش اياد القها تبكي حضنها/ياعمري يعوضك ربي متبكيش هذا قضاء الله.

ساره بخلع/شن في ؟؟

اياد انسيه انها مش عارفه ومعدش عرف شن يقول ?

على خشت ربيعه تجري حضنتها / سلامتك يابنيتي وسعي بالك .

اياد وقف البعيد الشويه .

ساره تخبط في ايدها/تي ردو عليا خيره شن فيه?

ربيعه/اجهضتي?

ساره عيطت بحرقه وقعدت تبكي وتبي تنوض/لا ياربي علاش هكي هذا ماقعدلي منه علاش اخديته يارب????وقعدت تضرب في روحها.

خشت الممرضه ضربتلها مهدي لعند رقدت وطلعتهم .

_____________________________

عند روبين تكلم في زياد في التلفون :

روبين/حبيبي خيرك عطلت عليا هيا وينك .

زياد/ياعمري في الطريق جايك استحشتك موت?

روبين/حتى اني بس نبي نمشي لساره اليوم ترفعني .

زياد/حاضر واني عندي غير اميرتي حاجه?

روبين/ياعمري انموت فيك?

زياد/ههه اني جايك تو نوريك الحب ?

روبين/ههههه بنزل الغدي لعمتي ونلقاك جيت راه.

زياد/حاضر تبي حاجه .

روبين/سلامتك حبيبي وانته تبي حاجه?

زياد خنقاته العبره/نبيك تحافظي على روحك ونبيك ديما القويه ومتزعليش واسف كان زعلتك سامحيني .

روبين خافت حست روحها بتخسره/حبيبي معدش اتقول هكي ربي يحفظك ليا وتقعد سند ليا .

زياد بصوت داهش /قولي لامي وبوي سامحوني ونبيكم ماتنسونيش ودعيلي .

روبين تبكي/ حبيبي خيرك اتقول هكي تخوف فيا علاش ?

زياد/انحبك ??

وسمعت روبين صوت الرصاصه?

روبين اتعيط/زيااااااد لالا ياربي رد عليا وووااااااااااه عليا فيه ياحليلي يااااارب الا هو ?

كلهم يسمعو في عياط روبين ركبو يجرو .

ام زياد/خيرك يابنتي ?

روبين ترعش /زياااد حي عليا شن صارله .

خو زياد/تي خيره زياد تكلمي .

روبين ترعش/كان يكلم فيا قالي سامحيني وسمعت صوت الرصاااصه وتصكر الخط .

طلعو الرجاله كلهم يجرو .

________________

طبعا زياد قبل كان يتاجر مع ناس مش كويسين وبعد سيبهم قالوله عليك دين وكان الرقم الكبير هلبااا وفي حالت ماجبتش الفلوس بنقتلوك طبعا زياد كان حاس انه بيموت ولما كان مروح من العمل قريب يخش للزنقه جو وحدين الرمو عليه ومشو .

كلهم نزلو ألقوا الشارع امصكر مشو يجرو .

خو زياد يعيط ويبكي ويدف في الناس/حولو خويييييي حول ?ياااااارب .

الرجاله وخوته وبوه بسرعه قاموه و رفعوه للعياده?

_______________________

خشو بيه وكله دم واياد كان واقف قدام الباب انفجع??

قعد يشبح القاه راجل روبين/لا حول ولا قوة الا بالله ربي يلطف ?

خشو بيه داروله الصدمات لكن مفيش فايده وتوفه وغطو وجهه?

عند روبين الحوش كله التعبه بالجيران والعيله :

روبيت تخبط في وجهه وتعيط/يا حليلي ياربي يااااحليلي في سندي يارب الطف بيه ياربي انموت منغيره متحرمنيش منه??

كلهم يبكو ويعيطو ?

خش واحد من خوته وجهه اصفر كلهم التجمعو عليه?

روبين تعيط/متقولوهاش واااااه عليااا متقولوهاش حي عليااا لمن خليتني???? .

خوه يبكي/عظم الله اجركم توفه?

امه/وااااااااه علياااا في ضناي ياحليلي وين مشيت علياااا ياربي الطف بيا ?????

وقعدو يعيطو?
_________________________

محمد قعد يتصل بساره اليوم كله ومتردش مقفل انشغل وكلم عبدو حاول يفهم منه?

لكن عبدو ماباش ايقوله شيء غير انها كويسه .

عبدو كان خايف بعد يسمع بالعيل ايجي ويخسرها?

_______________________

اياد سمع بخبر موت راجل روبين وجعه .

على خشت روبين وامه وخواته يبكو للعياده /ياحليلي في راجلي الي جايه بنشوفه في التلجه .

اياد شافها نزلو دموعه وقعد يرعش????

خشت روبين للتلجه:

قامت الغطاء من على وجهه وهيا تبكي وحاطه ايدها على وجهه/ياحبيبي لمن خليتني بعد ماحبيتك بعد ما رجيتك جيتني لكن بياخدوك بسرعه اخخخخخ ياحليلي شن بيصبرني على فراقك من بنراجي مع مني بنلعب وبنضحك مع مني بنبكي علاش خليتني بروحي?????

باسته على جبهته وطلعوها ?

كنت نمشي في الممر وفجاه قلبي وقف لما سمعت صوت عيطه ?جسمي اهتز رعشت لحمي وله شوك اعرفته صوت روبين?

قعدت نجري في الممرات لعند القيتها بعيده قعدت نجري وحضنه بعض .

روبين شاده فيها بالقوه/ياحليلي ياوخيتي مشي وسيبني سيبني خلاني بروحي امشي واااااااه علياااا فيه ????

قعدت حاضنتها بالقويه وتبكي / وسعي بالك ياوخيتي ربي كبير امشي لربه تحملي هذا اختبار?????

_____________________________

بعد فترت شهر كان اسوء شهر للكل ?

روبين كانت في العده تمشيلها ساره كل يوم تواسي فيها.

اما ساره معدش ترد هلبا على محمد وكانت ضاعفه من بعد العمليه ومحمد بيهبل مستحشها وقررت انها متقولاش على موضوع الاجهاض ?

واما عبدو حاول الف مره مع ساره بس ساره صكرت راسها لانه حبها لمحمد كان كبير ?

اما اياد كل يوم يبعت في حاجات لروببن وخايف عليها .

جود وجاد كانو امتحانات ويحضرو في المشروع وكان وقتهم كله للقرايه.

خليفه مريض الشويه تاعب وحاس بالذنب ?
________________
زعما محمد بيرجع ولالا وهل يقدر او لا ؟؟؟؟؟

error: