حبيتك بجنون الحلقة 24

حبيتك بجنون الحلقة 24

حبيتك بجنون?
للكاتبه/رورو
الحلقه[24]
.
.
في الشقه عند محمد وساره:

ساره في المطبخ ادير في كيكه وتغني وجوها حلو محمد في الصاله يسمعلها ومبتسم فاتح اللاب توب ويخدم .

فجاه جاه تلفون ??

محمد /الووو .

عمر/الووو حميده شن الجو.

محمد/تمام شن اخبارك انته وينك من يومها معدش شوفتك.

عمر/والله حاصل في الخدمه شن بنقولك راه الي وصيتني عليه تم .

محمد انخلع/خليك على الخط الشويه وناض الطلع برا من الشقه .

محمد/الووو مفهمتكش شن صار?

عمر/كلمني اليوم وليد صاحبي يخدم في المطار وقاالي الجمعه هاذي في طياره لليبيا وخدالك تذكره .

محمد???/تمام باهي بارك الله فيك سلملي على الشباب .

عمر/يوصل ان شاء الله ليلتك سعيدة.

محمد سكر الخط وراسه بيتفجر يبي ساره تقعد ويبي ساره تروح ومش فاهم حاجه ركب فوق .

ساره/محمد انته الي جيت .

محمد خشلها في الكوجينه/ايه اني .

محمد دار روحه بيشرب اميه وقعد يشبح في ساره كيف تزين في الكيكه.

ساره قامت عيونها القاته يشبحلها ابتسمت/خيرك محمد في حاجه .

محمد /لالا غر راسي يوجع فيا كان اديرلي قهوه .

ساره /حاضر .

محمد/اوووو دايره تشيز كيك ?

ساره/ايه تحبها .

محمد/انموت فيها .

ساره/حتى اني ?

دارت ساره القهوه وقصت من الكيكه وقعمزو ياكلو محمد كان يشبح لساره من تحت لتحت ??

محمد/ساره .

ساره تاكل/اممم.

محمد خايف/تو اتصل بيا واحد اموصيه على تذكره لليبيا لانه مش كل ديما في رحلات لليبيا مره في السبوعين مشي حصلك وحده يوم الجمعه.

ساره??تغيرت ملامح وجها زي من صب عليها اميه مصقه /اممم باهي تو انوتي روحي .

محمد راقيله ناض طلع للبلاكونه متع الصاله وقعد يدخن ويبزع على روحه في الميه مصقعه .

ساره خشت الداخل ومبتش تبكي شدت روحها لانه عارفه محمد بيسمعها لمت الكوجينه وبرمت على الشقه وخشت لسريرها وقدامها البلكونه والنجوم والقمر دايرين ضوء قعدت تقرا في قران وتتفرج

محمد خش للدار خدي حوايجه وخش دار دوش طلع البس شورط ورقد بجنب ساره .

محمد/ساره ارقدي .

ساره دارت روحها راقده ?

محمد حط ايده على وجهها /ساره براحتك كان متبيش تسمعيلي لكن عارفك مش راقده راه اني انسان عصبي طبعي صاعب اندير في المحرمات مصاحب ولاد مش كويسين صح اني اتعودت عليك وخاطري انك تقعدي لكن اني منرضهاش فيك انتي حياتك بجنب عيلتك في جامعتك اني نتمنى انك تسامحيني.?

ساره عينها دمعت ونزلت على خدها?

رقدو محمد وساره وفي الحقيقه مرقدوش بس ايحاولو .


عند جوري يتصل رضا بجوري ويلقا فيها مقفل كلم صاحبتها وتفق معها .

نرجس اتصلت بجود/الووو.

جود/اهلا كيف الحال نرجس وله .

نرجس/ايه الحمد لله شن حالك انتي وجوري خيرها مصكره تلفونها .

جود/الحمد لله مندريش عليها منكن شحنه تو انقوللها تفتحها وينك معد انشوفو فيك .

نرجس /والله القرايه وتعرفي الجو متعها اصلا اني متصله بنقولك في العشيه بنجيكم انهدرز مكسده .

جود/اهلا وسهلا بيك اتفضلي تو انكلم ميسم اتجي انغيرو جو.

نرجس /باهي تمام نتلاقو بسلامه .

جود/سلام .

جود/جورررري جووووررري تعالى جري .

جوري في الدار تحت الورغان تبكي/انعم شن تبي .

جود جتها/نوضي بتجيك نرجس في العشيه .

جوري/واااك مخطريش في حد ?

جود اتحول في الغطاء /نوضي شن ماخطركش

جوري مسحت ادموعها منغير متشوفها جود .

وناضت دارت دوره في الحوش وكتبت لبوها حاجات ناقصين وبخرت ولبست سروال اسود جين وفوقه بلوزه عنابيه مربوطه من الخير ودارت شعرها قرين وبخت بارفن ياسمين ودارت مكياج اخفيف .

وجت ميسم ونرجس وقعدو يهدرزو وضيفتهم شكلاطه وعصير وبعدين نسكفي وكيكه .

نرجس/نبي نمشي انسلم على الحنينه استحشتها معدش جتنا قبل تجي لماما.

جوري/ايه بدت مريضه معدش زي قبل تعالي نمشو .

جود/اني لالا مخطريش سلمولي عليها .

ميسم /حتى اني فوتوني النت اقوي اهني .

جوري/?صار النت اقوي يلا متفتحيش فيديوات تكملينا رصيدنا.

ميسم /طيح سعدك ?ياكلبه مني ايجنا ويفتح في النت.

نرجس/???

ونزلو وصلو قدام الباب .

نرجس/اشيه محلاهم النعناعات ايهبلو?تعالي نبي ناخد.

جوري/تعالي خودي منهم غارستهم الحنينه اتهبل ريحتهم .

ومشو بالجنب وقعدو يشمو في النعناع .

جوري/محلاه ريحلي نفسيتي .

وطلع رضا من وراء الصور/حتى انتي محلاك اتريحلي في نفسيتي?

جوري/??انهار ابيض انته شن ادير اهني .

نرجس/اني بنمشي لحنينه?

جوري/انتي حسابك بعدين?

رضا/صحيتي .

جوري جت بتمشي شدها رضا من ايدها ودفها عليه.

جوري/حول يابارد تو ايجي بابا .

رضا/ياريت باش نخطبك منه?

جوري?/تحسابها ساهله كان شافك معاي?

رضا/حبي اني نحارب الدنيا كلها على خاطرك انتي خيرك متبينيش?

جوري/باهي خلاص حول .

رضا دف جوري على الحيط /لالا مزال لن اتقولي سامحتك حبيبي .

جوري بدلع/مش قايله انته مش حبيبي ?

رضا/حبيبتي اني مكانش قصدي انديرلك مشكله اسف .

جوري/انته تو بديرلي مشكله ?

رضا باسها على …………

جوري انصدمت وقعدت جامده?

جوري ضربته على صدره /حول رضا خيرك هكي انته.

رضا/اسف والله ماقصدي .

جوري/به خلاص بره.

رضا/باهي خودي اهديتك وردي على التلفون.

جوري اخدت الهديه/خلاص سامحنك حبيبي

رضا يشبح في عيونها/ياناعليا من هل كلمه ياسمحتي?

جوري/انحبك.

رضا/واني نعشققك?

جوري باسته على خده/خلاص برا .

رضا/اهه على البوسه محلاها ?

روح رضا وجوري قريب اطير بالفرحه


اما عند روبين في اليوم التاني ناضت دارت دوش ولبست بيجامه حمرا وفتحت شعرها وجهزت الفطور ونوضت زياد .

روبين/زياد زياد.

زياد مسكها من ايدها/صباح الفل على عروستي الحلو .

روبين/صباح النور هيا نوض جهزتلك الفطور .

زياد/حاضر لكن معقوله في حد سمح على الصبح هكي واااك من سماحتك ?

روبين بخجل/هيا نوض خلاص??

زياد/باهي زيدي خليك جافه هكي تو انوريك ?

طبعا روبين اتحاول تتاقلم لانه زياد ايحبها ويدلع فيها وهيا اتحاول متخوناش حتى بالتفكير


نور تاكتها مع احمد?

احمد /نور نور نوضي نبي افطور جعان ?

نور من تحت الورغان/واني شن دخلي .

احمد /والله املا من دخله انتي مرتي كان موكلتنيش انتي من بيوكلني .

نور حولت الورغان/قول هذا الكلام لروحك الي فاتحها حب وغارميات مع الممرضات تو هما ايوكلوك .

احمد بعصبيه وصوت عالي/تعرفي اخر مره نسمعه الكلام هذا خير ما تصير حاجه متعجبكش راه قاعد هادي ماهو اني الحمار الي جاي نبي نراضيك لكن انتي ميمشيش معاك ?

نور خافت اول مره تشوفه فاصل هكي غطت روحها وقعدت تبكي ??

احمد طلع من جنبها ومسح على وجها/استغفر الله العظيم .

نور قعدت تبكي وتشهق وحست نفسها خلاص ??

احمد اطلع امشي للعياده وقلبه عندها ?قعد يتصل بيها ومتردش ?

احمد الطلع جري من العياده حس انها صارلها حاجه قعد يجري بالسياره خش للحوش القي نور طايحه قدام الحمام .

احمد/نور حبيبتي خيرك ?اني اسف نوضي خلاص .

احمد قام نور على السرير ويبخ فيها بالميه نور كيف البدت تستاقط

نور بصوت متقطع/احمد ?

احمد /ياعيوني ساعدي روحك نمشو للمستشفى.

نور/لالا مش ضروري كويسه اني اهم حاجه انك سامحتني .

احمد باسها/والله ياعمري مش قصدي انزعلك خلاص بلا تصكير راس هيا البسي العبايه لازم نمشو انديرو تحليل .

نور شبحت فيه /به

احمد قعد يلبس فيها بعدين قامها ونزلها حطها في السياره ومشو للعياده .


اما عند ساره ومحمد كان الهدو والصبر على وجوههم .

محمد روح للشقه الساعه خمسه اتغدى ورقد اما ساره قعدت تقرا في قراءن بجنبه .

محمد /ساره تعالى نطلعو انغيرو جو وكان ناقصاتك حاجه تاخديها .

ساره اتساوي في الصالون/لالا مش ضروري.

محمد/اني مش قاعد ناخد في رايك هيا البسي بسرعه .

ساره بصوت واطي/هل بارد هذا شن دخله فيا .

محمد/هيا شن صار خلاص تو انضمها اني الصاله .

خشت ساره لبست بشت احمر وتحته بلوزه بيضه وسروال اسود والوشاح اسود وكموش احمر

طلعو قعدو يتمشو بجنب بعض وايديهم يخبطو في بعض محمد مسك ايدها .

ساره قلبها قعد ينبض ومحمد منسجم?

خشو مول ملابس :

محمد/شوفي هاذي تطلع عليك خوديها .

ساره/منبيش عندي?

محمد اضغط على ايدها/عارف عندك لكن اني نبيك تاخديها ?

ساره/خلاص باهي نقص صوتك .

محمد/اصلا انتي متجيش الا بالعين الحمرا .

وقعدو يشرو في لبس ومحمد قريب يشري السوق كله ليها و شرو هاديه للكل .

طلعو برا المول ومحمد شاد الاكياس وساره شاده فيه من مرفقه ?

محمد/اني جعان بكل شن رايك انخشو للمطعم هذا مكلته اتجنن.

ساره تشبحله وتفكر كيف بتبعد عليه.

محمد قعد يشبحلها ?/ساره انكلم فيك .

ساره/ايه معاك .

محمد/هه مش معاي باهي شن كنت انقول اني??

ساره مرتبكه/هه كنت اتقول شن رايك انقعمزو على البحر وله.

محمد /???لالا كنت نحكي على المطعم لكن حاضر بعد ناكلو نمشو للبحر.

خشو للمطعم طلبت ساره بيتزا وبيبسي ومحمد هامبرغر وبيبسي?

ساره/محمد .

محمد شبح فيها/انعم .

ساره/ليش ماترجع حتى انته على ليبيا ما انته كملت قرايه وعيلتك تراجي فيك .

محمد /ايه لكن اهني احسن وتوا بنجي زياره اكيد حتى اني استحشتهم بس نبي انصكر الشويت الشغال اهني .

ساره عيونها دمعو حست انها بنفقده/اممم باهي .

محمد قعد مركز على عيونها وغمتله /تعالي نمشو انقعمزو على البحر الشويه .

ساره وقفت /باهي .

طلعو امشو للبحر وخدو جلاطي وقعمزو على الرمله قعدو ساكتين ?? البحر كان هو الي يتكلم عليهم .

محمد تنهت بصوت عالي/اه ه ه ه ه ه ه ه ه .

ساره/الدنيا هكي ربي خلقها مره اتشوف الحلو ومره المر .

محمد/وانتي شن شوفتي .

ساره/اني شوفت الحلو والمر .

محمد/وعجبك المر .

ساره/الحمد لله الي ايجي من ربي يامحلاه.

محمد/الحمد لله.

محمد/تو لما بتروحي شن بديري ؟؟

ساره/بنكمل جامعتي وبنكمل حفظ القران .

محمد/ربي يساعدك ويوفقك.

ساره /ان شاء الله هيا خلينه انروحو صقع تو نبردو.

محمد حول تجاكته وحطها عليها.

ساره/لالا البس تو تمرض .

محمد /خلاص خليها اني مش صقعان.

ساره قعدت ساكته وهو يشبحلها بالجنب ?

ناضو وهما في الطريق خطمو من قدام محل متع هواتف .

محمد/تعالى الشويه للمحل هذا .

ساره تمشي وراه/به .

خش محمد وقعد ايشوف في التلفونات /اما وحد عجبك .

ساره /قصدك بتاخدلي واحد لالا راه منبيش .

محمد/والله من قال نسال فيك اما لون تبي .

ساره/اووف احمر ?

خدي محمد Samsung s2 احمر? في وقته كان حاجه مليحه?

طبعا محمد حاط في راسه باش يكلمها لما تروح .

روحو وبعد يومين كانو قصار بين محمد وساره وجي يوم الجمعه ?


عند احمد نزل نور ودخلها للدكتوره :

الدكتوره/انتي عروسه .

نور/ايه .

الدكتور/وقداش ليها مجتكش .

نور مقعمزه على الكرسي واحمد شاد ايدها وواقف .

احمد/ليها مجتهاش الشهر هذا كله .

الدكتوره ضحكت نور انحرجت .

الدكتوره/معنها نبيك اديري التحاليل هاذي.

احمد اخدي الورقه/باهي تمام .

وطلعو ونزلو لوطه لقسم التحليل نور خايفه.

نور/احمد حبيبي اني تعبانه خليها بعدين .

احمد /خلاص ياخوافه مش حاره هيا نخصه بس .

نور تبكي/بس اني قتلك تعبانه ولا متحسش انته .

احمد يمسحلها في وجهها/نونو خلاص براحتك معدش تبكي ياعمري .

طلعت الممرضه/نور دورك .

نور ترعش /خلاص خلي انروحو??

احمد/باهي شن رايك اني انديرهالك اني حبيبك ومنوجعكش.

نور اقتنعت/به.

خشو نور واحمد:

طبعا احمد هو دكتور في العياده لكن في قسم الاطفال والكل يعرفه بالاخص انه حلو?

الممرضه/احميده هو انته هاذي مرتك .

احمد /ايه نعرفك دكتوره خوله نور مرتي .

طبعا نور في عيونها شراره واحمد عارفها راقيلها ?

خوله مدت ايدها نور بتنفير مدت ايدها .

نور تعلق بصوت واطي/احميده قريب حضناته?

احمد /خليني اني نسحبلها الدم .

نور شبحتله وترد فيها/لالا خلي الدكتوره ??

احمد قعد يشبحلها وجي بجنبها/خلاص براحتك اتحملي الالم ?

نور/احميده عادي مش مشكله مش قلت مش حاره.

احمد وقف بعيد عليها ومسح في وجهه.

جت الممرضه بتسحب دم من نور .

نور??????????

الممرضه/متبكيش ساهله متتوتريش ساهله.

احمد شاف دموعها جاها/خلاص اعطيني تو نسحبلها اني هذي خوافه.

نور تبكي/احمد بعد عليا مدخلكش فيا ??

احمد/بالله خلينا بروحنا الشويه بس.

طلعت الممرضه وخلتهم.

احمد/نونو حبيبي في ناس برا تراجي هيا خلي نديروها ساهله بعدين في الحوش رديهالي .

نور تمسح في دموعها/به.

احمد يبي يسحب لكن مباش يطلع الدم من كتر ماهيا خايفه.

احمد باس نور على……? عارفه ترتخه??

نور/احمد عيب الناس مش بروحنا احني .

وسحب الدم ?

نور???

احمد حاضنها/بيبي خلاص تمينا?

نور /باهي نبي نطلع من اهني .

طلعو احمد ونور رفعها لمطعم فطرو وبعيد رجعو للعياده باش ياخدو الناتيجه?

خشو للدكتوره تاني (احمد يعرف يقرا التحليل لكن كان يبي يسمعهم من الدكتوره باش فرحتهم اتكون احلا كان حاس انها حامل)

الدكتوره/مبروك حامل ?

نور عيونها دمعو وفرحانه/الله يبارك فيك?

احمد حضن نور وباس على راسها/الف مبروك ياعمري.

نور توخر فيه/مبروك علينا حبيبي عيب الناس ايشوفو فينا.

الدكتوره/وتوا بتولي اب يااحمد ? ونبي الزرده ?

احمد/ايه اكيد الزرده ?

طبعا احمد طول اتصل بامه ايقوللها?


اما ساره ومحمد مرقدوش الليل كله وهما ايفكرو .

في الصبح ساره ضمت حوايجها ولبست كاب بيج ووشاح اسود?

خشت للحمام قعدت تبكي لعند طاب خاطرها??

محمد يزربز في الشقه ومش عارف شن بيدير?

ساره/اني واتيه هيا.

محمد متوتر ومرتبك وخاطره ايقوللها مفيش مشي لكن عارف انه بيظلمها.

محمد/باهي خلي انزل الشناطي قبل ونزلهم ورجع .

ساره وقلبها بيتقطع/مش مفروض الطلقني وله.

محمد قعد ساكت ويشبح لوطه.

ساره/محمد انكلم فيك اني .

محمد/ايه الورقه في الدرج تبي توقيع بس .

محمد طلعها وعطي البيرو لساره .

ساره وقعت وقعدت تبكي ?

محمد قرب منها وجي بيمسح ادموعها لكن ساره وخرت.

ساره/خلاص انته تو غريب معدش تمسني .

محمد/باهي علاش البكي .

ساره/عادي الموقف صعب .

محمد وقع وعطاها نسخه وخله نسخه عنده.

نزلو امشو للمطار وساره الطريق كلها تبكي ومحمد قلبه بيوقف عليها.

سلم عليها باليد/اسف بالله عليك سامحيني الي خليتك في موقف زي هكي وباش اطمنيني لما توصلي ابعتيلي على الفايبر.

ساره/مسامحتك حتى انته سامحني لو قصرت معاك وربي يرزقك بخير مني .

محمد قعد يشبح لعيونها المورمات من البكي وملينات الدموع/مفيش خير منك انتي ان شاء الله ربي يرزقك بخير مني ?

طبع الكل يسال وين عبدو?عبدو في المطار لابس بدله اطلع طول ومحلق وباخ الصنه طالع زي العريس وبيروح مع ساره ?وهو فرحان وصار الي يبيه ايصير .

ركبت ساره في الطياره وطارت في الجو

محمد قعد يبكي وحس بحبه ليها ?

طبعا ساره مش مخبره اهلها انها راجعه محبتش تخلعهم?

محمد امشي للبار قعد يشرب لعند السكر ?

وصلت ساره بعد منكن اربعه ساعات في الطياره كلها وهيا تبكي وتفكر في محمد .

وصلت ساره لبلادها لوطنها لارضها ?

القت صاحب محمد وامه سلمت عليهم طبعا صاحب محمد اول ماشافها عجباته?وامه قريب كلتها ?

ام عزيز/ربي يعوضك خير بنيتي الغربه صعبه.

ساره/ان شاء الله .

عزيز قعد يراقب فيها من المرايه

وصلو ساره لحوشهم ??ونزلت?


error: