حبيبتي بكماء

الحلقة ال12
الكاتبةوعدالخضر

(( حبيبتي_بكماء ))

في صباح يوم جديد :

ناضو الكل ع صوت الدوشه

بنات سالمه الـ 4 المتزوجات جو بيش يوقفو مع امهم

اجمتعو الكل ع سفره الفطور

اريج ( بنت خالة مُنية ) : سامحينا ياامي ماقدرنا نجوك بسرعه عارفتينا كل وحده ساكنه في مدينه ووضع البلاد صعب

سالمه : عادي يابنيتي عاذرتكم والله

وقعدو يهدرزو وجوهم حلو

في العشيه

سمع محمد صوت هدرزه وضحك ودوشه صغار

طلع لـ برا لقى البيت مقلوب كأنه مهرجان والصغار بكل الاعمار في كل مكان

اتجهه للمطبخ سمع صوت بنات
تحشم يخش ف خبط ع الباب ونادى ع مُنية وكانت اتدير في كيك

ريان : ولد عمك ينادي فيك يا مُنية

اشرت بمعنى : ندير في الكيك بالله عليك اطلعيله انتي شوفيه شن يبي

ريان : ي خيتي سلمها اخيرا بنشوفه من قريب

لوحت عليها الوشاح

اشرت بمعنى : استري روحك قبل

لبست ريان الوشاح وطلعت

رفع محمد راسه لقاها ريان نزل راسه مره اخرى

ريان : مُنية مشغوله شوي قولي لو تبي شي

محمد : لالا ناديها بس

ريان : اوك

خشت للمطبخ وخلت الباب نصف مغلق

ريان : ي حليلي طرف ويتحشم هلبا هك ?

اشرت بمعنى : هاهاها شن يبي

ريان : قالي اناديك يبيك شويه بس

اشرت بمعنى : اياااه علينا شن يبي فيا توا بسس ، هاتي الوشاح

ريان : هاك وانتي قدامه مره متحجبه و 10 لا ?

لبست الوشاح

اشرت بمعنى : الهي في روحك

وطلعتله

اشرت بمعنى نعم

محمد : خليك بعيده عن نادر ?

رفعت حاجبها

اشرت بمعنى : شن خطر عليك توا

محمد : مش عارف مهم قتلك و خلاص وفكينا من جو وليد خالتي وغزال والحركات هذي

اشرت بمعنى : باه يصير خير لكن كان تبيني نبعد عن نادر حتى انت ابعد عن مرام

محمد : تكلمت معاها وحذرتها و معاش بتدخل فيا

ابتسمتله وخشت للمطبخ وهو مشا

ريان : ي حليلي ع الي يغار ??

اشرت بمعنى : من هو ؟

ريان : محمد الطرف ?

اشرت بمعنى : والله

ريان : واضحه يابنت يغار عليك ماانتبهتي لـ نظراته ليك انتي يعني ، شكله يحبك وبيموت عليك

سرحت مُنية في كلام بنت خالتها
مُنية :
” زعما حقق كلامها ههههههه مشش عارفه اي مرات بس ماقالي شي ووك علاش ماينطق هالمحمد بس ماظني غيره ، لكن تصرفاته زي تصرفاتي بعد نلقى مرام معاه واني بجد نغار عليه من مرام زعما يغار عليا حتى هو من نادر ! ”

ضربتها ريان ع راسها

ريان : في شن تفكري ها ؟

فاقت ع روحها

اشرت بمعنى : معاك شن كنتي تقولي

ريان : يحبك بجد

اشرت بمعنى : بس عمره ماقالي شي كيف بنعرف

ريان : عندي الحل ?

اشرت بمعنى : وشن هو ؟?

ريان : …….

اشرت بمعنى : خواتك مقدور عليهن لكن نادر !

ريان : تي عادي نادر نقدرو عليه عارفتيه متفهم وماعنده مشكله

اشرت بمعنى : اي صح تمام اتفقنا ?

خشت عليهم سعاد

سعاد : وين القهوة يابنات ساعة عاد

ريان : هي خويله وتيناها

رفعو السفر واتجهو لـ صاله النسوان الـ كانت مزحومه بـ بنات خالات مُنية ال4 المتزوجات

ريان : مُنية ارفعي العصير للصغار برا

اشرت بمعنى : هي

رفعت العصير واتجهت للجنان وزعت عليهم
فجأة طلع محمد

تلفتت عليه

اشرت بمعنى : ع وين ؟

محمد : طالع عندي كم موضوع بنقضيه

اشرت بمعنى : تمام ترجع بالسلامه

ابتسملها بـ فرح وطلع

مُنية :
” ان شاء الله يكون كلاام ريان صح ??‍♀♥ ”

سمعت صوت ريان اتنادي فيها

جرت عليهم

ريان : وافقو كلهم ونادر كلمته وافق حتى هو

اشرت بمعنى : شكرا هلباااااا ?

وحضنتها

ريان : هههههههه لو صار من الخطه نبي الزرده

اشرت بمعنى : هههههههه ان شاء الله ان شاء الله

بعد ساعات من الهدرزه والضحك قررو يطلعو برا في الجنان ويهدرزو وجاء نادر وقعمز معاهم

ريان : وينه تأخر ؟

اشرت بمعنى : مش عارفه اصبري توا يجي

وقبل ماتكمل جُملتها خش محمد

لقاهم ملتمين

محمد : السلام عليكم
وجاء بيخش لـ داخل

ريان : محمد تعال هدرز معانا
استغرب الصوت وتلفتت بـ حشم

لكزتها ريان
اشرت بمعنى : اي تعال هدرز بالله عليك

جاء وقعمز جنب مُنية

ريان : موني جيبي مياه لـ محمد

ناضت بيش اتجيبله

قعمزت ريان جنب محمد
توتر شويه

محمد : احم احم
انتبهتله ريان
ريان : شنجوك حميده ولد عم بنت خالتي ?

محمد : هـ حمدالله حمدالله ، عن اذنكم بنرقد

ريان غمزت لـ نادر

شده نادر

نادر : تي قعمز ياراجل وين مازال بدري الوقت

جت مُنية ومدتله المياه

وقعمزت جنب نادر

قرن محمد حواجبه بإنزعاج

اريج ( بنت خالة مُنية ) : هي شنو نلعبو ؟

امتنان ( بنت خالة مُنية ) : اي خلينا نلعبو حمدالله الصغار رقدو

ريان : تمام نلعبو جراءة او صراحة شن رايكم

وافقو الكل

جابو شيشه زجاج وبدو يلعبو

غمزت ريان لـ نادر
تلفت نادر ع محمد
نادر : بو حميد شن تخدم حاليا
محمد : والله…

ريان : نااادر

تلفتو الكل عليها

ريان : نادر جراءة ولا صراحه اختار

نادر : ااا جراءة

ريان : امممممم شن بنختار شن بنختار ايوا لقيتها نبيك اتدير تمثيلية طلب الزواج

نادر : كيف يعني ؟

ريان : نقولك كيف يعني تركع كأنك بتقدم خاتم لـ حبيبتك و هي توافق وبعدين تحضنك وهك فهمت

نادر : اي فهمتك باه ومن هي حبيبتي

ريان : اختار اي وحده من البنات ماعديا طبعا لأني الطلبت منك

وقف
نادر : تمام نوضي اريج

اريج : لالا ي وخي الصغار هدولي حيلي مانقدر الحق شوف امتنان
امتنان( بنت خالة مُنية ) : اهيا بطني قدامي ماعندي كيف بنمثل شوف آمنه
آمنه ( بنت خالة مُنية ) : لالا ظهري نايض عليا اليوم بنموت من الوجع شوف فاطمة
فاطمة ( بنت خالة مُنية ) : نعسانه وما عندي جهد
يالله نقدر نعاني عويلتي

نادر : اياه علينا كيف الراي توا فوتيه ياريان

ريان : لالا وين نفوته اهيا مُنية قاعده تو تمثل معاك نوضي هي

اشرت بمعنى : لالا مانقدر

نادر : قصدكم اني سئ لهدرجه لين مانلقى حتى حبيبة تمثل معايا ?

ريان : منونه عيب عليك تكسري بـ خاطر خوي هك نوضي مثلي معاه

اشرت بمعنى : هههههههه اوك هيا

وناضت وقفت قدام نادر

شافلهم محمد وقريب ينفجر ??

ريان مدت لـ نادر غطاء بيبسي

ريان : وهذا الخاتم هي 1، 2 ،3 اكشن

ركع نادر ع ركبتيه

نادر : حبيبة قلبي مُنية عمري تقبلي تتزوجيني

وقعدو يصفقو ومحمد شاد قبضته و ع وشك يولع فيهم

اشرت بمعنى : موافقه ?

ولبسها الخاتم ووقف وجت بتحضنه
وهووب يخش بيناتهم محمد ويدف نادر ع الارض ويشد مُنية من يدها ويجبدها بعيد عليهم ??

دفها ع الحيط وحاوطها بـ ايديه

محمد : شن العار الي اتديري فيه هذا ها

بلعت ريقها بـ صعوبه

اشرت بمعنى : ااا لعبة هي بس مافيها شي يعني مش ح يتزوجني بجد

محمد قرب منها اكتر

محمد : خليه يجرب مجرد تجربه بس انه يحاول يتزوجك وربي مايطلع عليه نهار بعدها انتي ليا اني وبس من يوم جيتي ع الدنيا وانتي اميرتي وحبيبتي من اول نظره ليك ومن اول خطوه من اول كلمه وانتي ليا سميتك مُنية لـ انك كنتي أمنيتي و ديما ح تقعدي امنيتي صح ماقتلك شي من زمان وممكن متفاجأه حاليا بسس ماكنتش نعرف ماكنتش مفرق بين انك حبيبتي ولا طفلتي لكن اليوم عرفت انك تعنيلي اكتر من مجرد طفلة اهتميت بيها واكتر من بنت عم عرفت انك كل دنيتي
نزل راسه وحط عينه في عينها

محمد : نحبك يا مُنية وربي نحبك من كل قلبي

دمعت عيونها وحضناته بفرح غمض عيونه وحاوطها

بعد دقائق

بعدت عنه شويه

محمد شافلها

اشرت بمعنى : نحبك

ابتسملها

اشرت بمعنى : باه بما انك تحبني هك علاش خليتني درت كل هالخطه

رفع حاجبه

محمد : اما خطة ؟

اشرت بمعنى : الخطة الي خليتك بيها تعترف

محمد : هههههههه قصدك اعترافي ليك كان وراه خطة

اشرت بمعنى : طبعااا

محمد : هههههههه ترا قوليلي شن هي جاني فضول نعرف

اشرت بمعنى : اتفقنا كلنا انا و بنات خالتي و نادر طبعا ان انخلوك تجي و تلعب معانا هاللعبه بيش نديرو هالتمثيليه

محمد : هههههههه وشن ضمنك ان الدور بيجي ع نادر

اشرت بمعنى : ماه كان فيها غش اصلا

محمد : غش ! كيف ؟

اشرت بمعنى : بعد بدينا نلعبو ريان غمزت لـ نادر بيش يلهيك و هي تحط الشيشه قدامه ويجي الدور عليه

محمد : هههههههه باه

اشرت بمعنى : خلاص بعد جاء الدور عليه طلبت منه ريان هالتمثيليه وباقي البنات كل وحده تسبلت بسبله بيش في النهايه اني نمثل معاه

محمد : هههههههه باه وعلاش هذا كله

اشرت بمعنى : بيش اتغار

محمد : انغاار ، يعني عارفتيني انغار عليك

أشرت بمعنى : الحق لا ريان قتلي و اي راه تبي زردتها

محمد : تم الي تبيه حاضر ، تو خلينا منهم تعالي نهدرزو

اشرت بمعنى : وين ؟

محمد : في الجنان الخلفي تعالي هي

وشد يدها ومشو الجنان الخلفي وقعدو يهدرزو ويحكو لـ بعض كيف كانو بيموتو غيره ع بعض ومش قادرين يقولو شي