بداية النهاية رواية للكاتب محمد مالك
الحلقة ( 5 )
للكاتب / محمد مالكلايك ?
رجب: كيف بيدوي الباب بدي يخبطط
صقر كان ع الارض يبكي ناااض وقف
رجب خدا عصا كان محطوطة جنبه
الخبط وقف
رجب..بصوت واطئ : مرات يخشو من مكان ثاني تمويه زي مرة الاولي
صقر: ايه
شهد شادة ف ايد رواسي ونبضات قلبهم يسمعو فيها
روشن الي لوطا ف جنبهم ف الدار نكسر المرش
رجب وصقر تلفتو للروشن والحديد الي فيه طاح بلمح البصر
صقر ..بصوت عالي : مش فيهم حديد
رجب: وين نندري اني
شهد ورواسي كانو جنب الروشن امشو يجرو بين رجب وصقر
خش واحد لابس ماسك اكحل من الروشن
رجب شاد العصا وايده ترعش
صقر كان ف ايده مووس
خش وقف قدامهم ورجب يرعشو ايديه ومش عارف شن يدير
الي قدامهم واقف وف ايده بالطه ( فاس )
صقر..متوتر: رجب ياا رجب شن نديرو
نكسر الباب وطاحو الحاجات الي محطوطة قدامه
وخش واحد من جهة الباب وف ايده حديده
رجب تلفت الي ف جهة الباب وصقر الي ف جهة الروشن وبينهم شهد ورواسي ميتين من الرعب
رجب يصب عرق : شن تبووو مناا ؟؟! مش سادكم الي درتوه
صقر..شاف لي علاء كيف ميت ف الدار تفكر ساجدة تفكر هشام تفكر فرج
صقر..يعيط: مش حتقتلو حد ثاني
ويجري شوور الي عنده ( فاس )
صقر خش يتعارك معاه
رجب…خائف وايده ترعش
صقر بيضربه بالموس
الراجل الي قدامه ف نفس الوقت ضرب بالفاس رجل صقر وجت ف رجله
صقر رجله دم وقاعد يقاوم
لصق فيه وهوا وياه يتعافرو والموس ف ايد صقر قاعد
رواسي شادة ف شهد وتتفرج ع صقر يتعارك معاه
وراهم رجب شاد العصا
وواقف قدام الراجل الثاني
الراجل الثاني الي واقف قدام رجب متحركش ولا مداير اي رد فعل
ورجب مش قادر يساعد صقر لانه في حد واقف قدامه
كانهم متفاهمين الي حيقاوم بيقتلوه وبيخلو الثاني عاجز !
صقر طاح ع الارض والموس ف جنبه طاح من ايده
الراجل الي قدامه رفع ايده والفاس ف ايده
رواسي شافت لي صقر مرمي والثاني بيضربه بالفاس
رواسي تجري شور الراجل وخشت فيه الكتف وطاحت ع الارض
الفاس طاح من ايده
صقر خدا الموس ف ايده وضربه ف رقبته
صقر بعد ما ضربه بعد من عليه من الرعشة والخوف من الي داره
ايديه يرعشو ودم
الراجل الي واقف ف فم الباب هز راسه بعد ما شاف صاحبه مات !
سكر الباب وطلع
رجب تلفت لي صقر
رواسي حاضنه صقر
والراجل ميت مرمي قدامهم
رجب شاف رجل صقر تنزف
الساعة 12:15 )
رجب: رجله تنزف
رواسي ناضت خدت الحاجات الي استعملتهم لي علاء مش توقف نزيفه
شهد مشت شور الي ميت وترعش معا بعضها
حولت القناع الاسود من وجهه
كان شاب صغير واضح مش شايف شى من الدنيا
شهد تبكي وانهارت بدت تضرب ف الجثة برجلها وتعيط
رجب ناض شدهاا: اصصص خلاص
شهد ؛ فرج وخواتي ماتو هاده يستاهل الحرق التعذيب
رجب: شن حيحس هوا ميت اصلا
سمعو المايك الي ف جثة الولد يتكلم
رجب..رفع حاجبه وخدا المايك يسمع فيهم يتكلمو
المايك : رقم 3 مات استنو اقتحام معا ساعة 12:40 رقم 2 ورقم 4 يخشو من الدور الي فوق رقم 1 يستنا قدام الباب ورقم 5 معاه السلاح حيقعد معا رقم 1
رجب…شاف لي ساعته لقاها 12:18
رجب: مزال 22 دقيقة وبيخشو ثاني من الدور الي فوق
رواسي دارت كحول وفاشه لي رجل صقر
صقر واقف عليها لكن يتالم هلبااا
صقر: تعال نشوفو لازم نسكرو عليهم من فوق منخلوهمش يخشو
رجب: به انتو رد بالكم في حاجة عيطو
صقر: اصبر نفتشوه كويس
صقر قعد يفتش ف الجثة ملقاش شئ غير المايك معاه
صقر خدا الفاس ف ايده وركبو الدور الثاني
رجب: زعما من وين يخشوو ؟
صقر: منعرفش شوف الرواشن ترا
رجب دار دورة هوا وصقر ع الرواشن كلهم فيهم حديد
رجب: كيف حيخشو من فوق
صقر: شكله فترة العزا مدايرين مكان يخشو منه زعما؟
رجب..حاط ايده ع راسه من وين بسس
صقر..مشي الحمام لقي روشن صغير صعب يدخل بني ادم خصوصا انسان بالغ
صقر: شوف الروشن هاده مفيشي حديد
رجب: شن قطاطيس مش يخشو منه ؟!
صقر: به كيف حيخشو
رجب: اني متاكد ف الروشن الي تحت كان فيه حديد بس كيف اتحول ف لمح البصر الله يعلم
صقر: ترا تعال معاي
مشي فتح روشن فيه حديد ومش بايده بس الحديد تحرك من مكانه
صقر..شاف لي رجب
رجب: الحديد محطوط حطان
صقر: هاده ليش بيركبو من فوق
المايك يتكلم
رجب حطه في جنب وذنه
المايك: الاوامر وصلت الضحية الجاية صقر ^
رجب شاف لي صقر
صقر: قال الاوامر وصلت ؟!
رجب: في حد ليه يد
صقر: مشكلة لما شكيت ان حد منا يكون هوا الي هكي مداير كلهم ماتو من فضل ؟ وندمت اني شكيت ممكن قريب من بعيد ولا حاجة
رجب: هه قريب من بعيد زي من امالا ولد عمتك الي بنص عقل
صقر: مرات يطلع الي بنص عقل وراء الموضوع وانتا الي بنص عقل تطلع
رجب: لا اني نتوقع بوك مداير عداوة معا حد وجت علينا احنى اصلا بوك من يومه مدايرلنا المشاكل والهم من صغرنا واحنى متعذبين وراه
صقر..شاف لي الساعة لقاها 12:27
صقر: مزال 13 دقيقة
رجب: هياا نسكرو الرواشن بالاثاث وخلاص ع الاقل نعطلوهم
صقر: ناض هياا
____
رواسي تصلي وتدعي
شهد فاتحة فونها وحاطه ع صورة بنتها و وفرج وهيا وتبكي وتدعي انها تشوف بنتها مرة ثانية بس !*
___
صقر ورجب سكرو كل شى فوق
ونزلو لوطاا
كانت الساعة 12:35
صقر: اسمعو انتو خليكم لوطا هما بيجو من فوق اني ورجب بنركبو فوق بنستنوهم…مد موس لي شهد
شهد: شن بندير بيه ؟!
صقر: خليه عندك احتياط
شهد شداته وايدها ترعش وحاله نفسية راكبتها توتر غريب عندهاا
صقر..حضن رواسي
رواسي: تبكي رد بالك ع روحك والله يصيرلك شى نموت!
صقر: متخافيش مش حيصير شئ
شهد..تبكي منفعله: ووووه معاش تقولوها متخافيش فرج قالها مات هشام قالها مات
صقر..هيا رجب: مزال دقيقتين
رواسي رافعه ايديها للسماء وتدعي
صقر ركب شد الفاس
ورجب شاد عصا ف الجهة الثانية
المايك: بدى الوقت خشوو
رجب: بيخشو
صقر: بحق كل حد من عيلتي مات بناخد منهم واحد رديت دين ساجدة ومزال الباقي تعالوو هي
رجب خاائف
وصقر خائف
الحديد طاح من زوز رواشن سمعوه
رجب: بيخشو من روشن الدار هادي والي غادي
صقر: خليني اني نشد الدار الي غادي وانتا هادي
رجب: تمام رد بالك
صقر رجله توجع فيه شافلها لقي دم ع رجله عرف انها تنزف
رجب..شد العصا بااحكام اكثر : بسم الله
يدفو ف الاثاث الي محطوط يسمعو فيهم
الي عند صقر دف الاثاث وخش الدار
صقر شد الفاس
نفتح باب الدار
اول ما نفتح صقر ضرب الفاس ف كتف الي قدامه
والراجل عيط باعلي صوته
رجب تلفت لي صقر لما سمع العيطة
ونفتح الباب الي واقف عليه رجب
رجب تلفت خدي ضربه ع راسه بالعصا
صقر يعافر ف الثاني
رجب طايح ع الارض وراكب فوقه واحد يخنق فيه
___
شهد شادة الموس وتدعي
رواسي تدعي
__
صقر عكف الي معاه وطيحه
وركب فوقه ويخنق فيهه
رجب معا الثاني قريب يموت مخنوق
___
تقربع الباب الي لوطاا
وصقر يتعافر معا حد فوق
ورجب ما نتبهوش لي صوت الباب لوطا
خشو زوز للبنات لوطاا
رواسي ..تعيط : شن تبووووو منااااا حرام عليكم شن درنالكم
شهد شادة الموس وايدها ترعش
شد واحد شعر رواسي ويجبد فيها
والثاني واقف وشاد اسلاح ف ايده
شهد..واقفة زي الجماد تبكي وايدها ترعش
رواسي تقاوم وتعيط
____
صقر سمع عياط رواسي
وقاعد يتعافر معا الراجل دفه برجله
وخدا الفاس
ضربه ف صدره
ايديه يرعشو بس كل تفكيره انه رواسي توا
خد الفاس وهوا طالع لقى الثاني فوق رجب
شاف لي الدروج وشاف لي رجب
صقر مشى ضرب الي فوق رجب بالفاس
صقر ايديه دم ووجهه دم
صقر نزل يجري
لقي شهد واقفة ف الزاوية خائفة تبكي
ورواسي مقتولة !^
صقر ….طاح الفاس من ايده
مشي شد ف رواسي : متموتيش بالله عليك لااااا ياربي لاااا خودني اني لااااا لاااااااااااا لااااااااااا …ويبكي وشاد ف رواسي
الساعة 1:00
يتبع
عارف قصيرة بس هكي نظام الرواية هادي يعني محصورين ف ساعة وحدة بس الا حلقة غدوا حتكون ف ساعتين
الكاتب محمد مالك