روايات ليبية
أخر الأخبار

كسرتنا العادات للكاتب: Arhima Alagory

قصة واقعية جميع الحقوق محفوظة للكاتب Arhima Alagory

#كسرتنا_العادات
#قصة_واقعية
#المقدمة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
سلام عليكم اسف ع تاخير اكيد ترجو في رواية وانا كيفكم نرجا في تعليقاتكم وكلامكم لي يحفز فيا ان شاءلله تكون خفيفة عليكم وتحبوها طبعا روايتنا هذي قصة حقيقية وصاحبته القصة هي لي طلبت مني نكتبها نبدو في القصة وطبعا نحكي بلسان صاحبه رواية ونبدا نعرفكم بالبنت و عائلتها
انا اسمي ريم مواليد 2003 من أزوارة طبعي حساسة وطيبة ما نحبش نحقد ع ناس ونحب عائلتي واجد بكل عندي هم رقم واحد وصافي بشرتي سمره عيوني وسعات وسود ملامحي اسمح و برزات شعري اسود متوسطه في طول ومش سمينه واجد وهذي انا
عائلتي
بابا متوفي عام 2017 الله يرحمه وماما حيه وربي يحفظها لنا اسمها فوزية ما عندش خوت نحنا 3بنات انا وريهام م2001 ورحاب م2004الكاتب:Arhima Alagory
حياتنا عايشن وحدنا بعد بابا سيبنا طبعا عندنا عمين علي و احمد و3خوال خالد ومصطفي وناصر
مايسيبوش فينا ونحنا نسكن قريب من اعمامي انا نقرا ثالثة اعدادي ورحاب ثانية اعدادي وريهام ثالثة ثانوي هذي عائلتي وباقي شخصيات تعرفو عليهم بعدين وقصتي بدت في 2018 شهر 1 كان بابا متوفي له 5شهور نبدو في قصة

انا:يا ريهام نوضي هيا عاد
ريهام:انا غايبة ليوم شن تبي
انا:عارفتك غايبة نبي نسالك وين حاطيتي سمعات
ريهام:شن تبي فيهن ع صبح
انا:نبي نعطيهن لدنيا تبيهن
ريهام:اووف منك هن سمعاتك ولا سمعتها
انا:سمعتي بس دنيا تبيهن ماعندهش سمعات وقالت تبيهن ضروري وبعدين تردهن ليا
ريهام:باهي خلاص تلقيهن في درج
انا:نوم العوافي حبيبتي
رحاب:هيا عاد
انا:اس اخت تبي ترقد هيا قدامي
رحاب:هي انا واتيه امبدري
ماما:ردبالكن من بعضكن وما تمشن هك ولا هك
انا:باهي يا مامي انتي ديمه توصي فيا مش عارفه عليش خوف هذا
ماما:دنيا متخلطه والواحد يخاف من كل شي وبعدين انتن لي ليا بعد باتكن الله يرحمه
انا:الله يرحمه باي
رحاب:اوكي ماما
ماما:ربي يحفظكن ان شاءلله

الكاتب:Arhima Alagory

في طريق
رحاب:عليك صقع
انا:خليك انتي شوفي لبستك
رحاب:باهي كنك متشمته فيا
انا:مش متشمته بس توا تمرضي وبعدها تو تعرفي قيمة صحه
رحاب:ان شاءلله خير
انا:ان شاءلله

وصلنا المدرسه
دنيا:يا حيوانه باهي كنك طولتي
انا:كنك انتي
دنيا:نبي سمعات ما ندورش فيك
رحاب:هههه انا نقول قلب الام هذا من وين جاك
انا:هكي شن تبي اديري بيهن
دنيا:توا تعرفي هيا تعالي معايا للحمامات
رحاب:كنكن
انا:مش عارفه دنيا شن تبي اديري
دنيا:تعالي بسرعه
انا:باه
رحاب:اوكي انا

خشينا حمامات حشاكم
دنيا:امسكي شوي مدتلي شنطتها
وسلحت الحجاب
انا:دنيا شن اديري
دنيا:توا تشوفي سكري فمك بس
انا:باه ورينا
لبست دنيا سمعات وعلقتهن ع بلوتوث متاع فونها ودست تلفونها بين سروال والسوريه ولبست الحجاب وكان مافي شي
انا:عليش هذا كله
دنيا:امس يا حنه تعركت مع الهم سراج ماجتنش نية نقرا سجلت جميع الحاجات مهمة في فون توا نولعهن بعدين
انا:حيوانه مايطلع منك انتي
دنيا:تربيتك
انا:هي نمشو اكيد طبور
طبعا دنيا هذي صاحبتي من طفولة كانت نسكن حذاهم بعدها جينا جنب عيت اعمامي بس مزالت صاحبتي لعند توا
المهم صبينا طابور وبعدها ركبنا للفصول خذينا اول حصة رياضيات بعدها جت ابلة علوم
ابلة:هي يا بنات كل وحده طلع ورقة وتكتب اسمها وما نبي شي ع درج
بدينا نطلعو في الاوراق وكتبنا عليهن اسمينا وبدينا نكتبو في الاسئلة
انا:بديت نحل
دنيا:عليك براده الابلة هذي
انا:كنك
دنيا:نبي نطلع تلفون الابلة زقبتلي هنا
انا:منك هذين رايتك
الابلة:ريم الصوت
انا:حاضر
قعدنا نحلو بعدها رن جرس
دنيا:ياربي مزالي سوالين
انا:شن هن
الابلة:ع مهلكن حتي حصه هذي وخذتها
دنيا:باهي درتي خير
الابلة:شنو
دنيا:قتلك هكي خير
الابلة:باهي حلي وانتي ساكته
المهم كملنا الامتحان وطلعنا للساحة لان بعدها فطور
بنات يضحكن
انا:كنكن
دنيا:يضحكو عليا انا
انا:شفتوها
خديجة:عارفتها انا من منظرها امبدري متخزرطة
انا:بكل
دنيا:فكينا منهن وتعالي نهدرزو
انا:باهي
بنات:توا تشوفن يا كلبات
انا:شن تبي تحكي
دنيا:شي نهدرزو
انا:شن قصة عركتك مع سيراج
دنيا:اولا امسكي سمعات سراج يحرق دم وخلاص
انا:كانه
دنيا:فكيني منه يعوينك انتي ما عندكش حب ولا هم
انا:باهي هي نركبو رن جرس
دنيا:هي
ركبنا وخذينا حصة دين وبعدها روحنا لان خامسه وسادسة عربي والابلة غايبة

الكاتب:Arhima Alagory

طلعنا
دنيا:هي تروحي
انا:عينك نروح بروحي توا نمشي نرجا رحاب
دنيا:رحاب مش قاعده
انا:كذابه
دنيا:والله في فطور ما شفتهش
انا:توا نمشي للفصل
دنيا:هي معاك
ركبنا للفصل دقيت باب
ابلة:فتحت
انا:ابلة نبي رحاب
ابلة:رحاب مش قاعده
بنات:رحاب خذت حصة الاوله وروحت
انا:روحت
بنات:اها
دنيا:هي تعالي
انا:وين تبي تكون مش معقولة مفروض تقولي
دنيا:هي تعالي بس
انا:شن ندير توا
دنيا:روحي الحوشكم ع سريع
انا:بس نخاف
دنيا:انا نمشي بروحي عليش خايفه
انا:باه

طلعنا من مدرسه دنيا مشيت حوهم وانا مشيت لحوشنا بس كل وحده في اتجاه اول ما طلعنا شفت سيارة سودة عاليه قاعده في شوكة المدرسه بس ما عدلتش عليها طلعت ونمشي ونفكر في رحاب وين عدت وانا نمشي بسرعه وخايفه لان اول مره نروح بروحي شوي شفت سيارة لي كانت عند مدرسه جايه ورايا وتجري انا خفت بكل شوي وصلت لعندي ودرست قدامي انا خلاص جمدت في مكاني كان قزاز مظلم شوي ينفتح باب سيارة و….
.
.
.
.
.
#يتبع
هذي مقدمة رايكم فيها وريكم في سرد ان شاءلله تكون عجبتكم ومشكورين

تقييم المستخدمون: 4.91 ( 8 أصوات)

1 2 3 4 5 6 7الصفحة التالية
الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error:
إغلاق
إغلاق

عفوا أنتي تستخدمي إضافة Adblock

برجاء تعطيل إضافة Adblock حتي تتمكني من التصفح