بداية النهاية رواية للكاتب محمد مالك
المقدمةللكاتب / محمد مالك
اول رواية بوليسية نكتبها ونتمنا تنال اعجابكم ?
اهلا اهلين
اليوم وصلت رسالة لي كل واحد فينا من 7 خوت ان بابا الله يرحمه توفى بحادث سير
ع رغم انه كان انسان صعب وكبير ف العمر كان عايش بروحه في حوش كبير وميتواصلش معا اي ولد من ولاده او بناته
بابأ ايام الثورة نصب ع ناس وقدر يكون ثروة في سنين معدودة حوشنا تفرق بعد وفاة امي بتحديد ف سنة 2014
اني رواسي البنت الصغيرة نقراء طب مواليد 97
طلعت من الحوش وقعدت ف حوش خالتي لليوم سمعت بوفاة بابا
خوي علاء الكبير فينا مواليد 82 مبطل من الثانوي عنده ورشة سيارات وحالته تعبانه واعزب طلب من بابا الفلوس بس بابا رفض يعطيه وصارت بينهم عركة كبيرة في عزاء ماما الله يرحمها وسيب الحوش ومن يومها متلقيتش معاه
خوي صقر هاده سندي ف الدنيا واكثر حد قريب ليا مواليد 94 ومتخرج اقتصاد وخاطب من بنت شخص بابا يكرهه * ( قاعد معاي ف حوش خالتي)
اختي شهد مواليد 89 متزوجه وعنده بنوته صغيرة زي العسل ..وعلاقتي بيها حلوة
خوي رجب مواليد 87 عايش في تونس عنده مطعم وسمعت انه جاي ليبيا
خوي هشام مواليد 90 هاده طير شر القراية مش شهادة ثانوية واقف وفي حوشنا اكثر انسان مشكلجي وكان هوا وعلاء مشاكا وكره كبير بينهم تقول مش خوت
واخير اختي ساجدة مواليد 85 متزوجة ومطلقة عايشة في لندن متخرجة طب صيدلة وراجعه لي ليبيا
الخوت السبعة لينا سنين مشفناش بعض غير
اني وصقر وشهد نتلقو ديما
اما الباقي من 2014 مشفتهمش
بابا توفي في يوم 2019 /1/10
بابا يسكن في جبل واحد من الأسباب الي خلتنا نسيبو الحوش
صح الحوش كبير وقصر بس
في مكان مفيشي لا جيران لا محلات اقرب محل يبعد 3 ساعات بالسيارة
يعني حتنقطع من العالم غير التغطية المعدومة
ع قد فلوسه واملاكه حاولنا نقنعوه انه يبيع ويمشي في وسط البلاد القراية والعمل قريب علينا بس سكر راسه
اليوم حنشوف خوتي السبعة لي اول مرة من 2014
(ملاحظة ) حيكون احداث القصة في يوم واحد كلها
يعني حلقة الاولي حتكون ساعة 8.00 حلقة الثانية حتكون ساعة 9.00 وهكذا يعني 10 حلقات كل حلقة حيكون احداثهم ادور في ساعة يعني كل الاحدات حتصير في يوم واحد او ليلة وحدة يعني مش تموت شخصية بعدها اسبوع تموت الثانية لا يوم الي حيتلقو فيه ف الليل حيبدو يموتو وحتصير هلبا احداث لحد يطلع الصبح عارف مفهمتوش الفكرة بزبط بس معا الحلقة الاولي حتفهمو باذن الله
وكل حلقة حيكون في شخص حيتوفى
انتظروني غدوا بالحلقة الاولي
ومن تكلم البسيط ع الشخصيات من القاتل في رايك ؟! ومن الي حيعيش من الخوت
ديرو لايك وتعليق حلووو يحمس هكي وان شاء الله التفاعل يكون فوق 500 لايك مش نتحمس ونكتب شى ابدااع وهكي
دمتم سالمين
محمد مالك ?