لست لقيطه |للكاتبة امل احمد سلوم

#لست_لقيطه
#الجزء_السادس_والاخـــير
#بقلــــمي امل احمد──────────────────?⊹⊹⊹⊹⊹⊹⊹?

بلش المطر ينزل وصوت الرعد عم يعمل ضجيج مرعب بالمكان

ام خالد : انا ماعم صدق ياللي عم اسمعه .. صالح ابني يعمل هيك… مستحيل انا ماربيته هيك

نزلت على ركبها وحطت ايديها على ايدين حماتها وضمتهم بقوه

بانا : مرت عمي كلنا منغلط وصالح غلط وندم وعم يحاول يكفر عن زنبه… كرمالي مرت عمتي لاتزوديها عليه

ام خالد : انتي عم تحكي هيك بانا

بانا : اي انا مرت عمي… انا مو ملاك ومعرضه للغلط لازم اغفر لحتى لاقي حدا يغفرلي زلاتي

سوسن : ووتين

اطلعت بانا بجنان وبعدا حولت نظرها ناح سوسن

بانا : وتين رح تعيش ملكه الها امين وابين وماحدا رح يحرم جنان منها

جنان : اااه يابنتي مو لحتى نلاقيها بالاول… ليش هيك عملتي يا اسيل بشو ازتك هالطفله

سوسن : صحيح امي ليش اسيل كرهانه وجود وتين لهي الدرجه

ام خالد :…… .

──────────────────?⊹⊹⊹⊹⊹⊹⊹?

وصلو عالجبل وبلشوا يدوروا على اسيل ووتين بكل مكان .. بلش المطر يقوى ويشتد اكتر واكتر وصوت الرياح مرعبه بالمكان

خالد : اسسسييييل وينك

صالح : اسسسسسيل كرمال الله وينك

خالد : اخي نحنا لازم نطلع على سفح الجبل وكل واحد منا يروح من طريق واللي بيلاقيها يتصل للتاني

صالح : تمام اخي عجل بلا مانضيع وقت

افترق خالد وصالح وراح كل واحد منهم بجهه وقلوبهم عم ترجف من خوفهم على مصير وتين
خالد الاب بالتبني وصالح الاب الحقيقي وتنيناتهم حاملين بقلبهم حب لهطفله يلي من لما خلقت وهيه بتعاني… حتى لو ما ادركت

صالح : يارب احميلي بنتي يارب انا ندمان وبدي صلح غلطي يااارب

مشي صالح ب اتجاه الاشجار بحذر وبلش يسمع صوت بكا طفله عم يقرب منه شوي شوي

صالح : هي اكيد وتين…

اسرع بمشيته وحجر عينه عم يفتش المنطقه قرنه قرنه… بقي ماشي لحتى شاف وحده لافه حالها وحاطه جاكيتها فوق راسها من المطر وواقفه تحت شجره

صالح : اسيل ؟؟

التفتت عليه البنت ب استغراب

: عفوا مين حضرتك

صالح : بعتزر منك اختي بس شفتيلي بنت شايله طفله بهالمكان

البنت : اي من شوي مرت من هون

صالح : شكرا اختي وفتل حاله ليروح ووقف فجأه عفوا انتي ليش واقفه هون بهالجو بقدر ساعدك بشي

البنت : لا شكرا ناطره حدا

صالح : طيب اختي شكرا مره تانيه وكمل طريقه بسرعه واتصل بخالد

خالد : اي صالح لقيتها

صالح : لسه .. بس سألت بنت حكتلي انها شافت وحده حامله طفل بهالمكان تعال لعندي بسرعه

خالد : جاي

نزل الموبايل من ايدو ورجع اطلع لمكان البنت مالقيها

صالح : وين راحت هي هلأ كانت هون… .

──────────────────?⊹⊹⊹⊹⊹⊹⊹?

واقفه على حفة الجبل وماسكه وتين بين ايديها وعم تشدها لصدرها وتبكي

اسيل : بعرف مالك زنب بس وجودك بحياتنا غلط انتي ليش اجيتي لعنا

فتحت وتين عيونها وهي عم تضحك ل اسيل

اسيل : ليش عم تضحكي انا بدي اقتلك

وتين : ?

رفعتها لفوق وغمضت عيونها لترميها من على الجبل

اسيل : لك ماااااابقدر مااااااابقدر

رجف قلبها ورجعت خطوتين لورى ونزلت ع ركبها وهي عم تبكي

اسيل : ااااااااه يا امي يا ابي ليش عملتوووو فيي هيك شو زنبي اناااا شووووو زنبي انا بكرررهكم بكررررهكم بكرررهكم

صالح وخالد : اسسسسيل ؟؟

التفتت عليهم اسيل وهي منهاره وعم تبكي وصارت وتين تبكي معها
ركضو لعندها وسحب صالح وتين منها وضمها لصدرو وهو بيبكي بقلب محروق

صالح : اااه يابنتي سامحيني انا السبب بكل شي

اسيل : بنتك ؟؟

اطلع فيها وعيونو حمر متل الجمر

اييييه وتين بنتي يا اسيل بنتييي لك انتي كنتي رح تقتلي بنت اخووكي .. وتين مو لقيطه يا اسيل مو لقيطه

ــ بس بنت حرام ؟؟؟

التفت الكل ناح الصوت ليشوفو سهيل واقف وعيونو بتقدح شرار

صالح : سهيل ؟.

مشي سهيل ب اتجاه صالح بخطوات بطيئه

سهيل : بشوف ماجاوبتني

صالح :……

سهيل : انت ابو وتين وجيهان امها ماهيك

صالح :……

خالد : سهيل خلينا نروح عالبيت وهونيك منحكي بهدوء

سهيل : ههههههههه هدوء قلتلي لك هالواطي دنس شرفي وضحك على بنت عمي وياريتو طلع رجل واتزوجها… لك هالحقير رماها رمية الكلاب
واطلع بصالح
خبر اخوك شو عملت بجيهان ياواطي

صالح : كل شي رح تعمله انا موافق عليه… . بس بنتي مالا زنب

سهيل : وشو كان زنب جيهان ؟؟ انها حبتك وافتكرت انك رجال وامنتك عحالها وشرفها لك يلي متلك مالازم يعيش

وطلع مسدسه وصوبه بإتجاه صالح وقبل ما يضغط عالزناد اجت صرخه دوت بالجبل كلو

جيهان ; لااااااااااااااااا اقتلني انا عواضو ابوس ايدك لاتقتلو خليه يربي بنتنا

صالح : جيهااااان

──────────────────?⊹⊹⊹⊹⊹⊹⊹?

سوسن : اففف لك والله طولو معقول مالقيوها

بانا : الغايب عزرو معه

سوسن : خايفه تكون اسيل عملت لوتين شي

بانا : هصص وطي صوتك بلا ماتسمعك جنان لك بالزور لسكتها شوفي عيونها كيف تورمو من البكي

سوسن : بعمري ماكنت صدق انها جنان تتغير وتكون حامله جواتها هالطيبه والحنيه كلا

بانا : هي حكمة ربنا .. ربنا اتلطف بحال هالبنت ورمى محبتها بقلب الكل

سوسن ب اسى : الا اسيل ?

──────────────────?⊹⊹⊹⊹⊹⊹⊹?

هدوء طغى بالمكان كله .. كان قلبه عم يدق بسرعه وانفاسه مخربطه .. معقول هي جيهان بس كيف انا شفتها وقت ماتت

سهيل : جيهان بعدي هيك

جيهان واقفه وماده ايدها بعرضهن بين صالح يلي حامل بنته وسهيل
مارح بعد سهيل بدك تقتله اقتلني قبله

سهيل : لاتستعجلي جاييكي الدور مفكره انك تحبلي وتجيبي بنت بالحرام وخليكي عايشه هي بعيده عنك… . بس بالاول بدي صفي حسابي مع هالواطي الندل

جيهان بتبكي : بنتي مو بنت حرام والله مو بنت حرام نحنا كاتبين ورقه عرفي بس ? بس صالح خباها… لفت وجهها على صالح وبلشت تضربه على صدرو
احكيلهم انه تزوجتني عرفي حرام عليك حاج تعزبني لك بنتي مووو بنت حرام مو بنت حراام ?

صالح : الورقه معي جيهان

جيهان : ?

طلع صالح الورقه من محفظته وحطها بوجه سهيل

صالح : بنتي لاهيه لقيطه ولا بنت حرام .. انا بعترف اني خدعت جيهان وكان هدفي وقتها قضي ليله رومانسيه ولحتى تقبل كتبنا كتاب براني… بس ?… .. سكت شوي وبعدها كمل
بس وقت عرفت انها حامل خفت افوت بسين وجيم وبالاخص اني كنت خاطب ومو مخبر جيهان لهيك طردتها وماعدت رديت ع مكالماتها ولما اجت لعندي اخر مره وولدت بالمحل فكرتها ماتت حملتها وحطيتها بقرنه بعيده عن المحل وبلغت الشرطه بوجود جثه بالشارع… من غبائي مافكرت ليش الشرطه ما استدعوني بوقتها لياخدو افادتي ماتوقعت تكون جيهان عايشه ?

سهيل : يعني جيهان مرتك ؟؟

قرب خالد بسرعه من سهيل وسحب من ايدو المسدس

خالد : بكفي لحد هون اعتقد شفت بعينك عقد زواجهم حتى لو براني بس حلال وهلأ ممكن تبعد بنتي قصدي بنت اخي هلأ بتبرد

سهيل : مافيي اتركه يروح بهالسهوله ياخالد .. حط حالك محلي لك عمي مأمني عليها شو بدي قلووووو ازا سألني عنها

صالح : انا رح اتزوجها شرعي بالمحكمه

سهيل : بتفكرني غبي لصدقك

مسك جيهان من كتافها وفتلها عليه

صالح : جيهان الله وحدو بيعلم اني ندمان واديش تمنيت تكوني عايشه لكفر عن زنبي تجاهك…

جيهان :?

صالح : بعرف اني غلطت بحقك وغلطي لايغتفر بس انا بترجاكي تسامحيني ازا مو كرمالي كرمال بنتنا

اطلعت جيهان ب وتين ومدت ايديها برجفه وحملتها… قربتها من انفها وبلشت تشم ريحتها وهي عم تبكي وتنوح

جيهان : ياعمري يا امي شو اتمنيت شوفك وضمك ياروح امك انتي شو مشتقلك اااااه يا امي لو تعرفي اديش تعزبت بغيابك

صالح : تتزوجيني جيهان

جيهان : ?

صالح : مو وقت البكي هلأ فكري ببنتنا فكري بحالك… انا بدي اتزوجك ونكون عيله طول العمر وبوعدك مافرط فيكي ولا ببنتي

سهيل : شو قلتي جيهان

جيهان : مافيي ابني سعادتي على تعاسة حدا .. صالح خاطب و

ماخلاها تكمل كلامها

صالح : بانا يلي عرضت عليي تجي تخطبك قبل ماقلها انك ميته

جيهان : بس

خالد : لابس ولاشي خلونا نمشي من هون وبالبيت بتحكو قد مابدكم لك البنت رح تموت من البرد

اطلع سهيل ب اسيل يلي كانت بعدها بمكانها ومنزله راسها بالارض… تقدم لعندها ورفع راسها با يدو

سهيل : قومي هلأ بتمرضي

اسيل : اتركني موت

سهيل : عم قلك قومي يابنت

اسيل : عم قلك ترررركني مووووت

خالد : اختي اهدي قومي الله يحن عليكي

تعلقت اسيل بجاكيت خالد وهي عم تصرخ

اسيل: تركووومي موووووت انا اللقيطه مو وتين انا اللقيطه ياخالد انا مو اختك ولا اخت صالح وسوسن

خالد وصالح : شووووو ?

سهيل : ?
──────────────────?⊹⊹⊹⊹⊹⊹⊹?

فتحت عيونها وهي مو قادره تتنفس لتشوف وتين وكرم شي بيشدلا شعرها وشي ماسكها من انفها

اسيل : وتين ؟ كرم ؟ ا انا وين

سهيل : بالملجئ حبيبتي

اطلعت بسهيل يلي كان وجهو احمر وعم يحاول يكتم ضحكته وهو شايف منظر اسيل على وشك تبكي وصدقت انها بالملجئ

خالد : حاج سهيل لاتتغالز على اختي

سهيل : هههههههههههه لك والله مو قادر مثل اكتر ???

اسيل : شو عم بيصير

ضمتها امها بقوه وهي عم تبكي

ام. خالد : لك والله كنت حالفه مية يمين نتفلك شعراتك عالشي يلي عملتيه بوتين بس ماكنت بعرف انك حامله بقلبك كل هالجروح ومخبيتا عني

اسيل : ?

صالح : هيك يا امي هي اخرتا تربي بيناتنا لقيطه

اسيل : ?

خالد : حاج انت التاني بلا ماخربطلك الواجهه تبعك روح التهي بعرايسك واتركني مع اختي

صالح : لك ريتن يسلمو لقلبي ما احلاهم ?

اسيل : سامحيني امي

ام خالد : انتي يلي سامحيني بنتي انا ماكنت بعرف انك كنتي سامعتيني انا وابوكي الله يرحمه

اسيل : ?

ام خالد وهي عم تشد ادنها ل اسيل بقوه وتفركها فرك بغل

بس تاني مره وقت بدك تتنصتي عشي اسمعيه منيح وافهميه مو تحللي على كيفك

اسيل : حااااج امي حااااج انا سمعتكم بدني التنتين

سوسن : شو الشي يلي سمعتيه اختي وخلاكي تتأكدي انك لقيطه

ضمت الشرشف لصدرها وكورته بين ايديها وحست قلبها رح يطلع من مكانه

اسيل : ?? كنت صغيره .. طلعت من غرفتي لروح عالحمام سمعت امي وابي عم يحكوا اني لقيطه… وكانت امي خايفه من اليوم يلي رح اعرف فيه السر

ام خالد : واخدتي الحكي عحالك واتقوقعتي وعيشتي حالك بوهم وعقدتي حالك من ولا شي يامجنونه

اسيل : والله سمعتكم والله ?

قعدت ام خالد حد اسيل ولفت ايدها ع رقبتها وقربتها منها

ام خالد : كلامك صح بنتي بس يومها انا كنت شايفه منام بشع وعم احكيه لابوكي

اسيل : شو هالمنام

ام خالد : شفتك طفله ملفوفه بتوب ابيض وفي مره بشعه كتير حطتك عباب بيتنا وراحت
وعلى قد ماكنت مزعوجه صرت احكي مع ابوكي وكأن الشغله جد
وقتها ماعرف ابوكي يفسرلي هالمنام… بس ليكو تفسر بنتي

صالح : ولي يعني انا المره البشعه امي ?

الكل : ههههههههههه

اسيل : يعني انا مو لقيطه

جنان : لا حبيبتي انتي لقيطه… لقيطة مشاكل ?

سوسن : لك انتي خص نص اكتر وحده بتشبهي بابا الله يرحمه فوله وانقسمت نصين

خالد : رب ضرة نافعه ياجماعه وليك العيله اجتمعت بخير وسلامه واهم شي الاميره وتين منوره حياتنا

سوسن : بلا مايغار كرم ههههه

خالد : لك شووو يغار من اخته هاد شبلي هاد تعا بابا تعا

وتين : بتبكي ?

جنان : يي ياالبي يا امي تعي لعندي اكيد جوعانه

جيهان : لا لا انا بشوفها ارتاحي سلفتي

بانا : ارتاحو انتو الجوز انا بشوفها

صالح : بااااااس ولا وحده منكم خدي اسيل الاميره وتين بدا ياكي

حملت اسيل وتين وضمتها لصدرها وهي عم تبكي

اسيل : سامحيني عمه سامحيني ياروحي دخيل اللي خلقك على هالوش ما احلاه

صالح : معلوم طالعه لابوها

سهيل : اي معلوم صهر ?

صالح : ليكون مو عاجبك ولا

سهيل : وانا شو دخلني اسأل نسوانك

بانا : انت احلا من الحلا حبيبي

جيهان : ماانحرم منك ابو وتين

صالح : لك ريتكن تطلعوا على قبري انتو التنتين ما احلاكم ? عقبال ماتصيرو تلاته ?

الكل : شووووووو ?

──────────────────?⊹⊹⊹⊹⊹⊹⊹?

☆ وبعد مرور عشرين سنه ☆

نازله عن الدرج بفستانها الابيض المطرز باللولو

وصلت لاخر الدرج ليوقف صالح وجيهان وبانا ع يمينها و خالد وجنان وكرم ع شمالها وقدامها ستها ام خالد وسوسن واسيل عم يزلغطو ويرشو عليها الورد ليقدموها لعريسها

صالح : مبروك بابا

وتين : الله يبارك فيك بابا ☺

سوسن : وصل العريس وصل العريس

شد خالد وصالح على ايدين وتين لحتى يسلموها للعريس وتسابقت جنان وبانا وجيهان مين تمسكلا الفستان

العريس واقف ومصدوم : من مين رح يستلم عروستو

غمزت وتين لكرم يلي اجا وانقذ الموقف وسحب وتين منهم وحط ايدو ب ايدها ومشى فيها ووصلها لعريسها

كرم : مبروك اختي

وتين : الله يبارك فيك اخي

كرم : دير بالك عليها معتز

معتز : وتين بعيوني

جيهان : محلاه ويزعلها

بانا : والله بحسب الله ماخلقه

جنان شو يزعلها مايزعلها لك والله بطلع بروحو

كرم : خود عروستك وانفد بريشك صهري انت واقع بين 3 حماوات مابيخافو الله ?

جنان : سمعتك ولا

ركبت وتين السياره مع عريسها وزفوها اهلها احلا زفه مكلله بالورد والدموع
وعاشت وتين حياه كلها حب وحنيه كيف لا وهيه عندها 3امهات وابين وزوج بيخاف عليها واخ سند الها وعماتها وستها بيعشقوها وبيخافو عليها من نسمة الهوا

وتين مو لقيطه… وتين كانت ضحية استهتار اب وطيش ام ومن حسن حضها لقيت حضن خالد يلي انقذها من انها تعيش حياتها ك لقيطه منبوذه من المجتمع يلي بيشوف انه اللقيطه حملها خطيئه وولادتها عار والتخلص منها واجب
كم لقيط ولقيطه حظهم سيئ وانتهت بهم الحياه في احد الملاجئ او على ارصفة الشوارع
كم من لقيطا ولقيطه نهش لحمهم احياء ف استغلهم ضعفاء النفوس ابشع استغلال
وتين ليست لقيطه واطفال الملاجئ ليسو لقطاء بل انتم من تجردت منكم الرحمه انتم اللقطاء والشياطين يامن دنستم معنى الانسانيه وشوهتم الامومه والابوه… انتم لقطاء الشرف لا هم !!
قال تعالى .. بسم الله الرحمن الرحيم
((وليخش الذين لو تركوا من خلفهم ذرية ضعافا خافوا عليهم فليتقوا الله وليقولوا قولا سديدٱ )) صدق الله العظيم

♬♫♪◖(● o ●)──────────────────?⊹⊹⊹⊹⊹⊹⊹?

#النـهـــــــــايــه
##بقلمي_امل_احمد

(◕‿◕✿)