لست لقيطه |للكاتبة امل احمد سلوم

#لست_لقيطه
#الجزء__الثالث
#بقلمي☆ ╚══════ღღ══════╝

مرق اسبوع على وجود وتين ببيت خالد ..كان يحرص تكون مرتاحه ويدير باله عليها ازا انشغلت مرته وامه واخته
وجنان بلشت تحس بالحنيه تجاه هالطفله وتعاملها متل كأنها بنتها ومافرقت بينها وبين كرم ابدا
صالح كان يتجنب يشوفها ويهرب من المكان يلي تكون موجوده فيه واحساسه بالذنب تجاهها وتجاه جيهان عم يكبر ويكبر… وبنفس الوقت ماكان عندو الجرأه يحكي انها هالبنت بنته وهوي يلي زتها وكان السبب بموت امها
بالنسبه ل اسيل ماكانت متقبله فكرة وجود بنت لقيطه بنفس البيت يلي هي فيه وكل ماتشوفها تبلش تزت حكي وخالد يصدها
☆ ╚══════ღღ══════╝

نرجــــــع للتفاصــــيل

صحيت من نومها متل عادتها غسلت وفرشت سنانها ولبست وتعطرت وطلعت من البيت بدون ماتحكي لحدا صباح الخير
كانت عم تمشي وزخات مطر خفيفه عم تنزل على وجهها بلطف .. وقفت عند موقف الباص لتستنى الباص وتتيسر على جامعتها…… شردت بفكرها وصارت تفكر ب وتين وكيف حتكون ردة فعل سهيل بس يعرف

جيهان : انا لازم اخلص منها قبل مايعرف سهيل.بالموضوع والله مايدري لحتى يعايرني طول عمري ومو بعيده يتركني
لا واخي خالد متمسك فيها نسيان انه عندو اخت بعمر حرج وعلى وش زواج…. فعلا يلي استحوا ماتو

: طالعه يا انســه

اطلعت ناح الصوت لتشوف الباص واقف والركاب صارو بقلبو وهي مو حاسه عحالها… . طلعت بالباص وهي عم تفكر بطريقة تخلص من وتين والمشاكل يلي ممكن تجي بسببها

☆ ╚══════ღღ══════╝

جنان : صباح الخير مرت عمي

ام خالد : صباح الورد حبيبة البي شو بشوف فايقه بكير

جنان : مو صار عندي عيله ولازم اهتم فيهن اكتر لهيك قلت بفيق بكير بحوس بالبيت بنومة الصغار

ام خالد : الله يرضى عليكي بنتي ويرزقك اجر هالبنت بيت بالجنه

جنان : اجمعين يارب العالمين… .

وقربت قعدت بحد حماتها وباست ايدها وعلقت بطرف عينها دمعه

جنان : انا تعودت على وتين مرت عمي حاسه رب العالمين بعتلي ياها ليجبر خاطري لاني ماعاد جيب ولاد… سمحت دمعتها وكملت كلامها
كرمال الله مرت عمي ما تخلي حدا ياخدها والله بجن ازا بتبعد عني

حضنتها ام خالد بحب ومسحت عشعرها : ياعمري يامو ماحدا رح ياخد وتين منك هيه خلص صارت بنتك ومسجله بشهادة الميلاد ب اسم خالد

جنان : لك الله مايحرمني منك يقلبي

ام خالد : ولامنك ياروحي… . شو وينو خالد بعدو مافاق

خالد : خالد فايق بس مو حابب يخرب هاللحظة الحلوه عليكم

ام خالد : ههههه تقبر قلبي يا امي

خالد : سلامة قلبك امي ونزل باس ايدها وحول نظرو لجنان…… .. صباح الخير جنجونه شو وين قهوتي

جنان : صباح الورد حبيبي تكه بتكون القهوه جاهزه

دخلت جنان عالمطبخ لتعمل قهوه وعيون خالد عم تراقبها ولاول مره بعد خمس سنوات زواج بيدق قلبه لجنان بهالطريقه

ام خالد : مرتك تعلقت بوتين كتير وحاسيتها متغيره

خالد : حسيت امي… جنان متغيره تغيير جذري للاحسن تصوري صرلنا اسبوع من لما اجت وتين ماتخانقنا ولا علي صوتها وعم تهتم بحالها وفيي وبالصغار

ام خالد : الحمد لله ابني… جنان بنت طيبه ومعدنها دهب

خالد : بعرف امي ..وبتمنى تبقى متل ماهيه هيك ❤

جنان : وهي القهوه صارت جاهزه تفضلي مرت عمي

ام خالد : يعيشو دياتك حبيبة قلبي

جنان : اتفضل ابن عمي

خالد : يسلمو حبيبتي

جنان : شو قلت

خالد : يسلمو

جنان : ايه

خالد : شو ايه قلتلك يسلمو شبك

لوت بوزها بدلع وقعدت : ولاشي خلص انسى

حط فنجان القهوة من ايدو وسحبها من ايدها وقعدها جنبه

جنان بخجل : لك مرت عمي هون

ام خالد : قايمه صلي الضحى بالازن واتبسمت بسرها وهي بتدعيلهم بالحب والسكينه تجمعهم

قرب خالد من حنان وباسها من خدها

جنان : لك حاج خالد والله بخجل

خالد : جنان

جنان : نعم ابن عمي

خالد : بحبك ❤

ركزو بعيون بعض وكأنهم عشاق عم يلتقوا بعد شوق طويل غمرت راسها بحضنه وهمستله : وانا بحبك خالد انت وكرم ووتين اغلا شي عندي بالدنيا

خالد : وانتي سيدة قلبي ?

جنان : ❤

☆ ╚══════ღღ══════╝

قاعد ورى مكتبه شارد بفكرو وهو عم يطلع عالمكان يلي ولدت فيه جيهان وماتت ..ومن الفراغ سطع نور قوي قدامه وشاف جيهان واقفه بنفس المكان يلي ماتت فيه

جيهان : مبسوط هلأ ياصالح

صالح : جيهان ؟؟؟ انتي عايشه ؟؟

جيهان : انا رح عيش معك طول عمرك صالح وخطيتي وخطية بنتي برقبتك ليوم الدين

صالح : انا بعرف اني غلطت ومستعد كفر عن غلطي تعالي معي جيهان

جيهان : فات الأوان صالح فات الأوان

صالح : عطيني بس فرصه بترجاكي

جيهان : وليش انت ماعطيتني فرصه وقت ترجيتك… .

صالح : غلطت غطت ومنك السماح

جيهان : فات الأوان روحي رح تبقى ملاحقيتك طول عمرك ياصالح ومارح ترتاح بحياتك

صالح : لاتحكي هيك بترجاكي

جيهان : اخوك كان احن منك على بنتك… .. وصيتك قبل ماموت وقلتلك ماتزتا… . انت مالازم تعيش صالح مالازم تعيش

وقربت عليه ووجها عم يطلع منه نار

صالح : لاااااا ابعدي عني لاتئزيني لاااا بترجاكي لاتئزيني

فز من اربعته عم يتصبب عرق وهو عم يصرخ : لااااااااااا

اطلع حواليه ونفسه طالع نازل بسرعه وبس شاف حاله انه بالمحل وكل شي طبيعي انعدل ومسح جبينه بخوف

صالح : العمااااا شو هالكابوس هاد… . اكيد هي تهيوئات مستحيل تكون روح جيهان عم اطاردني لتئزيني مستحيل

ياصااااااااااالح الحق المخازن عم تحترق

كان الصوت جاي من برا ركض ليشوف شو القصه وانصدم بمنظر النار عم تاكل كل شي بالمخازن
حاولو الشباب يطفوها بس النار كانت كبيرة وبلمح البصر اكلت كل شي وحولته لرماد

كان صالح ساكت وماعم ينطق من هول الصدمة وقع على ركبه وعيونو مسلطه عالرماد يلي خلفه الحريق .. مسك الرماد ب ايديه وشد على قبضته ودموعو بعرض وجهو بقي صافن بالرماد وهو شايف وجه جيهان قدامه… رفع راسه للسما وصرخ
جيهااااااااااااااااااااااااااااااااان

☆ ╚══════ღღ══════╝

سوسن : اميييي انا جيت شو وينكم اممممممه شو هالروايح الطيبه

ام خالد : اهلين بنتي شو كيف كان امتحانك

رمت حالها عالكرسي ونزلت راسها بالارض وبين عليها الحزن

ام خالد بخوف : شو في بنتي غليتي قلبي لتكوني ماقدمتي منيح بالامتحان

سوسن :…… .

ام خالد : لك احكيييي

سوسن : ههههههههههههه شبك ماما ماحلك تعرفي طبعي لاتخافي قدمت كتيررررر منيح

شلحت من اجرها وبلشت تضرب فيها وسوسن عم تحضنها وتضحك : خلص ياست الحبايب التوبه التوبه

ام خالد : تضربي انتي ومزحك

جنان : ههههههههه خرجك اللهم شماته

سوسن : نن نن ناااا ست جنان اصلا ضرب الحبيب متل اكل الزبيب انتي ماخصك اي

جنان : هههههههه حاضر تكرمي يالله روحي غسلي وبدلي اواعيكي وتعي لتتغدي وتروحي تدرسي

سوسن بصدمه : اه…… . اقرصيني امي معقول هي جنان

ام خالد : ليش لا اساسا كنتي مافي منها بالدنيا

سوسن : ياعيني عالغزل ياعيني الله يحميكم من عيني

جنان : هههههه امين

ام خالد : الله يرضى عليكم و يهدي صالح اسيل ويحنن قلبهم

سوسن : صحيح امي اخي صالح شبو كتير متغير هالفتره على طول شارد يا اما حابس حاله بغرفته

ام خالد : ااه يابنتي يعني انا مو حاسه عليه والله حاسه ومحروق قلبي لاعرف السبب حتى على خطيبته ماعاد سأل

جنان : ليكونو متخانقين ؟

سوسن : مابظن مرت اخي… .. بانا كتير هاديه

جنان : طيب شو رأيكم نعزم بانا اليوم عالعشى ومنه منعرف ازا متخانقين او لا

سوسن : فكره حلوه شو رأيك امي

ام خالد : اي ليش لأ هلأ رح اتصل فيها واعزمها وبالمره بعزم صهري سهيل صرلو زمان ما اجا لعنا

جنان : ماشي مرت عمي لكن خليني قوم من هلأ جهز للعشا

سوسن : بس اوعكن حدن يخبر اسيل وصالح خلوها مفاجأة

هزت جنان راسها وفاتت عالمطبخ تجهز امور العشا واتصلت ام خالد على بانا وسهيل وعزمتهم ووصتهم مايجيبو سيرة العزيمه لصالح واسيل
☆ ╚══════ღღ══════╝

صارت الساعه 8 المسا والتحضيرات للعزيمه على قدم وساق

سوسن : ييي وتين عم تبكي رايحه شوفها

جنان : ستني سوسن يمكن جوعانه خليكي انا بشوفها

سوسن : اي ماشي

راحت جنان لعند وتين وشافت كرم عم يحبي وهو ماسك شوكه ب ايدو

جنان : وليييي من وين جبتها هي الشوكه هات امي بلا ما تئزي حالك…

وفجأه توسعو عيونها وشهقت وتييييييين

ركضت لعندها حملتها بسرعه وهي عم ترجف وتصرخ ولييييي على امتي ولييييي على امتي الحقيني يامرت عمييي ياسووووسن ياخاااااالد… . وتييييييييين

ركضو الكل لعند جنان يلي كانت حاضنه وتين بقوه وعم تصرخ متل المجنونه

خالد : شووو في شبها وتين

ام خالد : شو صار بنتي

سوسن : لك احكي شوو في

جنان : و و وتين وتين دم دم على وشا

سحب خالد وتين من ايد جنان وهو عم يصرخ : دم شووو من شوووو الدم فهميني وين كنتي عنهاااا

جنان بتبكي : والله بالمطبخ عم ساعدهم

بهاللحظه بترجع اسيل عالبيت وبتسمع صوت خالد عم يصرخ بتروح تشوف شو صاير وهي تدعي تكون وتين ماتت

اسيل : خير خير شو في اصواتكم واصله لاخر الشارع

سوسن : وتين ?

اسيل : شبها ?

سوسن : كلا دم

وبتقرب ناح خالد وبتطلع بوتين بغل وهي متمنيه يكون فعلا صايرلا شي

اسيل : العين تطرقكم اي

خالد : شو قلتي

اسيل : اخي حبيبي هاد مو دم هي حمره ابصر مين كان عم يلعب معها شبك ماعاد فرقت بين الدم والحمره حبك لوتين عما ع البك ?

اطلع خالد بوتين وهو عم يتفحصها وبلش يمسح ب ايدو على وجهها بشويش

خالد : لك اي والله حمره… لك جنااااان

جنان : معلش عصب عليي اضربني كسرلي راسي بس المهم وتين مافيها شي عطيني يااااها… . وحملتها وضمتها لحضنها وهي عم تبكي وتنوح

اسيل بمسخره : اي حاج حاج كلا شقفة لقيطه على شو كل هالبكي والله لو بنتك ماعملتي هيك

احمرت عيون جنان واطلعت ب اسيل بكره وصرخت فيها : هي اللقيطه بتكون بنتييي عم تفهمي طلعي من غرفتي اسيل

اسيل : عم تقلعيني من غرفتك مرت اخي

جنان : اي بقلعك واي حدا بدو يجيب سيرة وتين مايلوم الا حاله

وحملتها وفاتت عالحمام بلت قطعة قماش ناعمه وصارت تمسحلا بوجهها وتبكي واسيل طلعت وراحت لغرفتها وهي على اخرها من العصبيه

سوسن : من وين اجتها الحمره ؟؟

جنان : لك اكيد الفصعون كرم عامل فيها هيك تعال ولا

سوسن : بالله شو بعدي عنه شو مفكرتيه شب بدك تحاسبيه

جنان : لك والله نشفلي دمي والله

خالد : اهدي جنان… .. ماكان لازم حكيتي هيك مع اسيل

جنان : والله يا ابن عمي مو بقصدي بس ماتحملت تحكي على وتين لقيطه وبنت حرام حقك على راسي… . سامحني سامحيني مرت عمي

ام خالد : لاتهكلي هم بنتي انا مو زعلانه منك انا زعلانه على بنتي يلي انتزعت الرحمه من قلبها

خالد : معلش امي مع الوقت بتتعود على وجود وتين بينا

ام خالد : ان شاء الله ابني

بيندق الباب وبيروح خالد يفتح

خالد : اهلا وسهلا اختي بانا تفضلي زارتنا البركه

بانا : كيفك اخي خالد

خالد : الحمد لله تمام تفضلي تفضلي ليش واقفه بره

فاتت بانا واستقبلها الكل احلا استقبال وكانو عيون سوسن وجنان عم يراقبو كل تصرفاتها

سوسن : ايه بنبونه كيفك انتي واخي صالح

بانا بخجل : مناح الحمد لله بس صرله فتره مابعرف شبو قلت بسألكم ازا صاير معه شي

سوسن : يعني انتو مو متخانقين

بانا : لا يوه نحنا متل السمنه عالعسل

خالد : بيكون مشغول بشي صفقه اختي حاكم صالح متل مابتعرفي تاجر ولازم يتابع شغله بنفسه

بانا : يعني هاد مبرر لحتى مايسأل عني لو بتليفون

خالد : معلش سامحيه اكيد عندو عزر

بانا : ماشي اخي خالد

خالد : شو امي مطول العشا

ام خالد : مو ليوصل صهرك واخوك

ماكملت كملتها واندق الباب

خالد : ابن الحلال عند زكرو بيبان قايم افتح هاد اكيد صالح

فتح الباب وكان سهيل… سلم عليه بحراره وفوتو لجوا

خالد : اهلين وسهلين صهري نورت… اسيل يا اسيل تعي اختي اجا سهيل

اسيل بغرفتها : سهيل ؟؟ شووو جابو هلأ… .

وقامت بسرعه لبست وحطت ميكاب خفيف وطلعت استقبلته ب ابتسامه عريضه

اسيل : اهلين حبيبي كيفك

سهيل : مشتقلك حبيبتي

اسيل : ايمت رجعت من السفر

سهيل : اليوم الصبح

لوت تمها وماعجبها الكلام : يعني انا اخر من يعلم

اطلع سهيل بحماته ورفع حواحبه

ام خالد ; هههه انا قلتله مايخبرك لتكون مفاجأه

اسيل : اي بصراحه مفاجأه غير شكل ?
☆☆☆☆☆

خالد : كأنه اخي صالح اتأخر

سوسن : اي والله كتير تأخر

خالد : هلأ برن عليه وبشوف وينو

قام خالد عالمطبخ ولحقته امه
مسك الموبايل واتصل على صالح وكان موبايله مغلق

خالد : موبايله مسكر اكيد طفا شحن… . امي صالح بيعرف بجية بانا عنا اليوم

ام خالد : لا مابيعرف…

خالد : اكيد عندو شغل

ام خالد : مابعرف شبني قلبي مو مرتاح

خالد : شبك امي شو اول مره صالح بيتأخر… تعي لنروح عند الضيوف واطلبي من البنات يحطوا العشا مو حلوه انطرهم اكتر

ام خالد : طيب ابني
─────────────────
─?⊹⊹⊹⊹⊹⊹⊹?

اجتمع الكل عالسفره وبلشت اصناف الاكل الطيبه تنصف بشكل مرتب وانيق

سهيل : شو كل هاد مرت عمي والله ماكان الو لزوم كل هالشي

ام خالد : كرمال واجبك ابني يوه مين اغلا منك ومن بانا

جنان : احمممم ?

ام خالد : ومن جنان هههه

الكل : ههههههههه

كانت سهره لطيفه رغم الاجواء المتوتره وخوف اسيل من انه سهيل يعرف بموضوع وتين

سهيل : دايمه ياجماعه

خالد : ما اكلت شي صهري

سهيل : لك نسفت الطاوله وبتقلي ما اكلت شي

خالد : ههههه صحتين صهري اكل الرجال على قد افعالها… ..

بانا : ?

سوسن : شبك بانا

بانا : ولاشي قايمه غسل ايدي يسلمو عالعشا

قامت بانا والكل لاحظ انزعاجها لعدم وجود صالح

ام خالد : الله يهديك ياصالح ماعرفت تجي بكير اليوم

خالد : الغايب عزرو معه بعدين انتو الحق عليكو المفروض خبرتوه ليعمل احتياطه ويرجع بكير

ام خالد : والله حبيت اعملو مفاجأه

سهيل : هدول البنات يامرت عمي بيحسبوها بالورقه والقلم اي غلطه منا اقري علينا السلام

اسيل : بالله جد يعني انا هيك

سهيل : شفتي مرت عمي ناطريتني ع كلمه

ضربته ع كتفه بخفه وهي عم تسحبه ليقوم يغسل ايديه

سهيل : يالله قايم قايم شبك

قام سهيل مع اسيل ليغسل ايديه وهو عم يطلع بعيون اسيل ودايب فيهم

سهيل : اشتقتلك يامجنونه

اسيل : لهيك بترجع من السفر ومابتخبرني

حاوطها بين ايديه وطبع بوسه على جبينها

سهيل : اسف حبيبتي والله مرت عمي طلبت مني ماخبرك

اسيل : مابدي زعلانه

باسها من انفها بخفه وهو يضحك

سهيل : بعدك زعلانه

اسيل بخجل : لا خلص بعد هيك

سهيل : بس انا لازم صالح حبيبتي ونزل ليبوسها من تمها بس كان في شي عم يشدو من بلطلونو

تلفت وراه ماشاف حد… . نزل بنظرو لتحت شاف كرم متشعلق فيه وكأنه بيقله حاجتك قلة ادب ?

سهيل وهو عم يحمل كرم : لك هاد انت يا ازعر فعلا انت هادم اللذات

اسيل : ههههههههه خرجك

سهيل : هيك لكان

اسيل : اي هيك ويالله قدامي لنرجع لعندن هلأ بيستعوقونا

سهيل : لك اسمعي

اسيل : شو في

سهيل : صوت طفل بيبكي

اسيل : بيكون كرم ابن اخـ خـ

واتتبهت انه كرم بحضن سهيل اصلا وماعرفت شو ترد

سهيل : مين هالطفل في حدا زاير عندكم

اسيل : بعدين بفهمك تعا هلأ لنروح عندهم
──────────────────?⊹⊹⊹⊹⊹⊹⊹?
رجعوا عالصالون وسهيل عم يفكر مين هالطفل يلي جوا وليش اسيل اتوترت وقت سألها عنه وتغير لونها… اكيد في شي

سوسن : تفضل الشاي صهري

سهيل : عقبال مانشرب شرباتك

سوسن : تسلم

سهيل بخبث : سوسو حبيبتي ممكن تجيبلي معلقة سكر

اسيل : اي حاضر…

فتل حاله بسرعه ب اتجاه خالد وسئله : شو ابو الخل مبروك ما اجاك

خالد : اسيل حكتلك ؟؟

سهيل : اه ايه ايه خبرتني ولو يارجل اسيل مابتخبي عليي شي

خالد : والله ريحتني اسيل كنت محتار كيف خبرك وهي اجت لحالها هلأ بتشوفها ومتأكد رح تحبها

بانا بإستغراب : شو اللي اجاك وعلى شو مبروك انتو خلفتو ومامعي خبر

خالد : هههه هيك شي واشر لسوسن تجيب وتين

راحت سوسن ركض لتجيب وتين اما اسيل رجعت ومعها السكريه

اسيل : كم معلقه حبيبي

سهيل : وحده حبيبتي ووجه نظرو لخالد

سهيل : اي ابو كرم شو سميتو العروس

خالد : وتين

اسيل : ??

سهيل : بنت مين بتكون

خالد : الله اعلم صهري هدول يلي بزتو ولادهم مابيكون بقلوبهم رحمه

بحلق عيونو على اخرهم : لقيييييييطه

خالد : شبك صهري مو على اساس اسيل خبرتك

وصلت سوسن وكانت على وشك تحط وتين بحضن سهيل

سهيل : بعديهااااا عني ?

سوسن : شو صرلك ?

قام سهيل وهو معصب وطلع من البيت… لحقته اسيل وبقيت تنده عليه بس مارد عليها… . ركب سيارته وراح وترك اسيل ببركان غضب

بانا : العما ليش هيك عمل يعني ازا لقيطه بتكون مو انسانه

اسيل : اييييه مو انسانه واللي متلا بيعيشو وبيموتو منبوذين من المجتمع

بانا : غلطانه اسيل

جنان : عطيني البنت سوسن ?

حملتها جنان وفاتت لغرفتها وهي عم تبكي

اسيل : عايشه الدور مرت اخي?

خالد : اسيل لاخر مره بقلك الزمي حدودك

اسيل : الززززم حدودي يعني مو هامك انه خطيبي طلع زعلان بسببها

بانا : خطيبك مو انسان

اسيل : شو تفضلتي بانا خانوم

سوسن : وحدو الله ياجماعه

اسيل : اي والله لاحسب الله ماخلقها عم تغلطي ع خطيبي ولييييي وبتهجم على بانا وبتبلش فيها ضرب وعض وعلى وين بيجعك فورا بيدخل خالد. وبيضرب اسيل كف بيخليها توقف مكانها مصدومه وهي حاطه ايدها عخدها

خالد : لك انتي ماعاااااد استحيتي نقبري لغرفتك وماتوريني وجهك بنوب

اسيل :…… ..

ام خالد : خلص ابني الله يرضى عليك

خالد : حاج امي حااااج انا رح اخد مرتي وولادي واطلع من هالبيت

بانا بتبكي : انت مو غلطان ياخالد لحتى تترك البيت انت انسان وقلبك كبير

بيقرب منها خالد وبيمسح دمعتها : اسف بانا ماتزعلي

بانا : ماصار شي خالد لاتشغل بالك

سوسن : هلأ بعملك كاسة ليمون تروقي دمك

بانا : لا بدي امشي

خالد : خليني وصلك

بانا : مافي داعي سيارتي معي… . يالله خاطركم

بتطلع بانا مكسورة الخاطر ? من تصرف اسيل وبتغرق عيونها بالدموع

(( عزيزتي وفري دمعك لحين تعلمين الحقيقه المره ? ))
──────────────────?⊹⊹⊹⊹⊹⊹⊹?

على وجه الفجر بيرجع صالح وهو عم يجر حاله جر وبيفوت لغرفته وبيرمي حاله عالتخت

صالح : معقول يلي صار معي يكون خطيتك يا جيهان… ااااه لو يرجع الزمن شوي لورى ماكنت رح اتخلى عنك
☆☆☆
──────────────────?⊹⊹⊹⊹⊹⊹⊹?
” يومًا ما ستفهم جيدًا أن الدنيا تدور ثم تعود وتقف عندك لتفعل بك ما فعلته بغيرك ، تذكر ذلك جيدًا يامن تؤلم غيرك وتمضي وكأنك لم تفعل شيئًا “.
──────────────────?⊹⊹⊹⊹⊹⊹⊹?