لست لقيطه |للكاتبة امل احمد سلوم
#لست_لقيطه
#الجزء_الثاني
#بقلمي_امل
☆ ╚══════ღღ══════╝
رجع صالح واسيل عالبيت وهنه عم ينقطوا من كل جهه
صالح : يححح ابعديلي هيك سوسن رح اتجمد من البرد ?
اسيل : يا امي رح اتجمد مو حاسه ب اصابع اجريي ?
سوسن : ولي على امتي تعو ادفوا لحتى ساويلكم شي دافي تشربوه
ام خالد : فوتو امي بدلو تيابكن بلا ماتاخدو برد اوام
اسيل : طيب امي… حبيبتي سوسن جهزي العشا رح موت من جوعي
صالح : اي والله وانا ميت جوع رح فوت بدل تيابي وارجع
سوسن : يالله حاضر
فاتت اسيل لغرفتها اخدت شور دافي ولبست بيجامتها ورفعت شعرها كعكه وطلعت لحتى تتعشى معهم
صالح : كأنه اخي خالد بعدو ما رجع من الشغل
اتلبكت ام خالد واحتارت كيف رح تفتح مع صالح واسيل موضوع الطفله لانه بتعرف طبعهم عصبيين ومابيتحاكوا
سوسن : اخي خالد رجع من زمان ليكو بغرفته
اسيل : شبك امي كأنك مو على بعضك ؟؟
ام خالد : شبني ما فيني شي
اسيل : مااامااا على اسيل لك انا بعرفك منيح احكيلي شو مخبيه ست الحبايب
ام خالد : هلأ بس نتعشا بنقعد الكل ومنحكي
اسيل : ايوه معناها حزرت في شي ومخبيين
ام خالد : طولي بالك بنتي خلينا نتعشا بالاول وبعدا لكل حادث حديث… . واشرت لسوسن تروح تنادي لخالد وجنان يجو يتعشوا
☆ ╚══════ღღ══════╝
التم الكل عالعشا وبلشت طقطقة المعالق تعلا
صالح : مممممه ياسلام مافي اطيب من شوربة العدس بالشتي?
سوسن : ههههههه تركت كل الاكل وحطيت راسك بشوربة العدس?
صالح : لك انتي شو بيفهمك اصلا لك العدس فيو فوائد غير شكل ?
سوسن : اي بعرف بعرف تفضل صحني انا مابحبو كتير?
صالح : اي لعمرينك هاتي الصحن لهون ?
اسيل : اي امي شو الموضوع يلي بدك تحكيه معنا
ام خالد وهي عم تطلع بخالد : الموضوع اااه…. خالد هلأ بيخبركن?
صالح : شو القصه شو في اخي
كان خالد هادي وحاطط عيونو بصحنو : لقيت بنت حديثة ولاده عالطريق وجبتا معي عالبيت
اسيل : لقيطه عنا بالبيت?
صالح بتلعثم : و وين لقيتها?
خالد : كانت ملحوشه بحد حاوية الزباله
صالح : وشو كمان?
خالد : شو يعني شو كمان… بس هيك شفتا عالطريق عم تبكي حملتا وجبتا عالبيت
صالح : كانت جوات الحاويه يعني?
خالد : اسألتك غريبه لا سيدي كانت بكرتونه ومكتوب ع صدرا لقيطه
صالح : ??
اسيل : وليش جبتا لهون ليش ماحطيتا عشي باب جامع او ملجئ?
ادخلت جنان وحكت بنبره عاليه : هي صارت بنتي ومابحطا بملجئ?
اسيل : شووووو كيف يعني بنتك ؟؟??
جنان : رضعتها وهلأ هيه بنتي واخت كرم ايه وانتي عمتها ليكون عندك علم?
وقفت اسيل ورفعت اصبعها بوجه جنان : هالشي مارااااح يصير الا ع جثتي شو جنيتووووو انتوووو ع اخر الزمن نحوي لقيطه ببيتنا… ووجهت نظرها لصالح يلي كان مصدوم وهالحكي مو طالع معه…… لك صاااالح احكيلك كلمه انت موافق على هالمسخره??
صالح :…… .?
وقف خالد وراح بإتجاه اسيل ووقف قبالها : .. خلصتي كلامك
اسيل : اي خلصت واللي عندي حكيتو هالبنت مالها قعده بهالبيت ?
خالد : وتين
اسيل : ؟؟؟؟؟?
خالد : اسمها وتين وبالنسبه لكلامك بليه واشربي ميته انا هون رجال البيت وكلمتي رح تمشي عالكل… وتين مالا طلعه من هالبيت ان قلتي اي وان قلتي لأ
اسيل : بس يا خالد… ?
رفع ايدو بوجهها وسكتها?
خالد : انتهى النقاش ?
اسيل : ??
صالح : و وين البنت ?
سوسن : ليكا نايمه بغرفتي اخي
قام صالح بسرعه وركض ناح غرفة سوسن ومسك البنت وبلش يشلحها اواعيها… .
صالح بصدمه : العمااااا هي نفس الوحمه معناتا هيه شو رح ساوي بهالمصيبه ؟؟؟؟
ركضت سوسن عليه واخدت منه البنت بسرعه
سوسن : لك شووووو عم تعمل ليش هيك شلحت البنت هلأ بتاخد برد
وبسرعه رجعت لبستها وهي مستغربه من تصرف اخوها ومالقيت تفسير للي عملو
☆ ╚══════ღღ══════╝
دخل صالح على غرفته وسكر عحاله الباب… رمى حاله عالتخت وتناول باكيت دخانه وشعل سيجاره
صالح : معقول هاد عقاب من ربي عاللي عملته فيكي يا جيهان ؟؟؟
ركى ضهرو عالتخت وبلش يتزكر ــ
#فلاش_باك
☆ ╚══════ღღ══════╝
جيهان : صالح انا حامل شو رح ساوي بهالمصيبه والله ازا اهلي دريو غير يدبحوني ?
صالح : وانا شو دخلني ?
جيهان بصدمه : كـ كيف شو دخلك ؟؟ هلأ صار شو دخلك?
صالح : شوفي يابنت الناس بلاويكي بتروحي ترميها على غيري انا رجال مابحب وجعة الراس وبعدين ليش متأكده انه اللي ببطنك مني?
جيهان : شووووو لك انت جنيت هلأ بعد ما اخدت غرضك عم تقلي هالحكي لكان وين وعدك الي بالزواج ?
صالح : ههههههههههههه زواج شو ياحلوه انا وقت بدي اتزوج بتزوج وحده نظيفه مو الله اعلم مع كم واحد نامت قبلي?
ارتعش جسمها وماحست بحالها الا وايدها نازله على خد صالح وضاربيتو كف وهيه عم تصرخ وتبكي
جيهان : لك خراااااااس خراااااس ياحقير انا الحق عليي صدقت واحد كلب متلك?
صالح وهو حاطط ايدو ع خدو وعم يبتسم بخبث : مارح ردلك الكف بكف لاني عازرك… بس رح خليكي تتمني الموت لو خليتيني المحك مره تانيه .. روحي حلي مشاكلك لوحدك?
وفتل حاله ومشي…
لحقته جيهان ونزلت عند اجريه وصارت تبوسلو فيهم
جيهان : ابوس اجرك لاتتخلى عني لك انا حبيتك والله حبيتك كرمال الله اكتوب كتابك عليي وبعد شهر طلقني لا شو شهر بعد اسبوع طلقني ومابدي منك لا ابيض ولا اسود بس استر عليي الله يستر على حريماتك ?
نتر اجرو وكمل طريقه ولا كأنه سمع شي .. تركها وراح لتواجه مصيرها لوحدها .. تخلى عنها بعد ما اخد يلي بدو ياه متلو متل اي ذكر بيلهث ورى ساق عاريه
( عذرا لن اسميكم رجالا فحتى مسمى الذكوره لاتستحقونه )
☆ ╚══════ღღ══════╝
ام خالد : لك بنتي ليش مابدك هالبنت تبقى عنا لك حرام شو زنبها هالطفله تنرمي بالملاجئ
اسيل : والله انا مو امها يلي فرطت بحالها مع شي كلب من هالكلاب وبس صار اللي صار زتت بنتها ازا امها هنا عليها ضناها نحنا شو دخلنا ليش نجيب لحالنا وجعة الراس وبعدين شو بدك ياني احكي لسهيل… معلش حبيبي والله هي لقيطه لقاها اخي بالشارع وجابا لعنا
ام خالد : وخطيبك شو خصو فينا هوي الو فيكي انتي وكلا كم شهر وبياخدك لبيته ومابيعود الك دخل بهالبنت
اسيل : وكلام الناس امي .. الناس شو رح يحكوا علينا وقت يعرفوا انه حاويين ببيتنا بنت حرام
ام خالد : لك يابنتي كلام الناس مابيخلص وبكل الحالات رح يحكوا نحنا شو النا بالناس نحنا النا بحالنا وبس واخوكي مصر يربيها عندو ورح يسجلها ب اسمه بالاحوال المدنيه
اسيل : كمااااااااااااان
سوسن : انتي ليش مكبره الموضوع لك اختي انتي الصبح بجامعتك وبعد المسا بشغلك يعني مارح تشوفيها خطي اختي وافقي تبقى هون حبابه والله قلبي انشرحلا
اسيل : اخرسي لك فصعونه مو ناقص الا انتي تحكي
وقفت وحطت ايدها ع خصرها
سوسن : انا مالي فصعونه ووتين رح تبقى هون هه بالازن رايحه شوف توتو … وتركتها وراحت لغرفتها
اسيل : عجبك هيك امي
ام خالد : شو رأيك تفوتي تشوفيها انا متأكده رح ينشرحلا قلبك
اسيل : اعوووووز بالله هاد ياللي ناقص بالازن امي فايته نام تصبحي على خير…………. ايه وياريت ما اسمعلا حس والا بزتا بالشارع ولابسئل لافيها ولا بخالد
ام خالد : لاحول ولاقوة إلا بالله… الله يهديكي بنتي
☆ ╚══════ღღ══════╝