رواية طفلتي | للكاتبة Hano Salem
#رواية_طفلتي❤
نور طاحت ?
ولد عمها: نور خيرك كيف صارلك هكي
نور: ناضت بشويه وعيونها دموع .. شيء رجلي التوت بس
ولد عمها: باهي ردي بالك مره تانيه
نور:ان شاء الله
وشافت لبنت عمها وخشت
__
نور قعدت بروحها وبنت عمها كل مرة اديرلها موقف لان ماتبيش ولد عمها ينعجب بنور?
ليوم الثالث
خشت نور لدار وسكرت روحها ولبست توته للعواله لونها اسود ولافه شعرها كعكه ?
بتفتح لباب معاش بي يفتح لمفتاح علق ?
قد ماحولت مافتحش جو بنات عمها ماقدروش يفتحو
والرجاله يتغدو برا
نور بدت تبكي لان عطلت بروحها ف دار?
لين سمعت صوت تخبيط ع الروشن فتحت
لقت ولد عمها ولما شاف منظرها بدي يضحك
نور شن يضحك فيه هذا?
ولد عمها : يا عليك طفله
وطبعا نور ماتشوفش فيه الا ف لمناسبات حتى شكله تنسه فيه
نور: قولي كيف نفتح
ولد عمها: مدلها زي طرف حديده صغير وقاللها دخلي وافتحي بالقوه قعدت تحاول لين فتحااته
وتلفتت بتقوله شكرا مالقتاش
??
بعدها جي ليل وبتمشي لصاله وهيا طالعه شافها وبدي يضحك
نور دارت روحه ماتشوفش فيه وفاتته
__
لبست نور قفطان منفوخ لونه احمر وسبيدرو ابيض وفتحت شعرها ❤❤
مشت لصاله والجو كان حلو وشادتها تصوير ونست يوسف يلي مانعها من التصوير?
خش ولد عمها مدخل اخته وكان منظره خيال كيف لابس بدله رسميه❤
هوا قنين وشخصيه
بس مانضنيش يفكر ف نور بحكم مايتلاقوش❤
طلعت نور بتروح
كانت تبي ع طلعة بنت عمها?
جت بنت عمها لحقوده قالتلها انتي من بيخطبك طالعه زي الاطفال حتى لمكياج لا?
نور خير من منظرك تقول مهرج
وطلعت نور
لقت ولد عمها دارت روحها ماشفتاش
ولد عمها: تعالي جاي تعالي
نور: نعم
ولد عمها: وين ماشيه
نور: اهو بابا بنمشيله
ولد عمها: خليك هني تو يجي هوا
نور: شافتله وسكتت وهوا كان قدامها تلفتلها
وقاللها شن جو لعرس عجبك
نور: ايه ماشي حاله الحمد الله
ولد عمها : اهو بوك
نور: بتمشي قاللها تصبحي ع خير وضحك
نور: وانت من اهل لخير
الصراحه ياريت هوا حبها بدال احمد??
روحت نور وبدلت ورقدت شويه من التعب❤
بعدين فتحت نت لقت يوسف فاتح
نور: اهلين بوسيفه
يوسف: اهلين بيك
نور: كيف حالك
يوسف: تمام وانتي
نور: الحمد الله
يوسف: شن جو لعرس
نور: حلوو ❤
يوسف: مافيش شيء عزوز خطباتك
نور: لحق لعيون عليا تو بعد فتره يخطبوني??
يوسف: ان شاء الله مايخطبك حد غيري
نور: ان شاء الله
يوسف: صورتي
نور: لا
يوسف: اوكي تمام
يوسف: يمكن لايام الجايه بنجي لطرابلس
نور: تنورها?
يوسف: حولت لحنه من ايدك ولا
نور:لا
يوسف: لما تتنحى معاش اديري اول شيء مانبيش حد يشوفك بها لان شيء ملفت تاني شيء اني منحبهاش
نور: حبها لان اني نحبها راه
يوسف: يستر الله
يوسف: شافك حد من ولاد لعيله
نور: ولد عمي واحد بس
يوسف: صار موقف او شي
نور حكتله موقف الصاله بس لما سالها ولد عمها شن جو لعرس
يوسف: شن دخله بجدك يسال ع لعرس
نور: ولد عمي
مالا كان نحكيله ع كل شيء شن يدير?
يوسف: جو ولد عمي ومش عارف شن فوتييه
نور: باهي ماتكبرش لموضوع ماتنكدش عليا
يوسف: انتي تنررفزي
نور: باهي حاضر
يوسف: نور
نور: نعم
يوسف: اسف بجد لان ديما نتعصب عليك
نور: لا عادي تعودت?
يوسف: بلا سماطه عااد
نور: باهي خلاص
يوسف : نحبك بجد ربي مايفرقنا❤
نور: والله نمووت فيك❤
يوسف: توا بنسكر ياعيوني نتلاقو بعدين
نور: تمام ان شاء الله
___
ام نور: نووضي بسررعه البسي
نور: علاش شن في
ام نور: بنمشو لخالتك مريضه
نور: وووه مانبيش معاش نبي نمشي غادي بكل
ام نور: تحشمي ع وجهك هاذي اختي
نور: باهي
نور تقول ماشيه لعزي قعدت تبكي?
لبست عبايه سودا ووشاح بيج ف لاخضر واسوره فضيه بس❤
__
نور: يوسف بنمشي لحوش خالتي مريضه
يوسف: باهي تمام ان شاء الله لا باس علها وسلام لا ردي بالك
نور: حاضر وسيفه❤
___
مشو لحوش خالتهم ولقو زحمه شويه واحمد مهناش
نور فرحت بكل❤
وقعدو مقعمزين ف الجنان والضي هرب?
بنت خالتها حامل ومش قادره تتحرك
نور بالله عليك جيبيلي ولدي راقد ف الدار يلي لداخل
نور: تمام
خشت نور ولحوش مافي حد وظلام يخوف
خشت لدار وطبست ع لولد بتقيمه
وحست بحد شدها من وشاحها من لتالي
نور: تجمدت ف مكانها وقالت ماااماااا
احمد: سكري فمك اني احمد ماتتكلميش ولا صوت
نور: خافت وقلبها بدي يدق بسرعه?
خيرك احمد شن تبي مني
احمد: نور ولا كلمه
وقرب منها شويه
نور: احمد حرام عليك ابعد الضي هارب وخايفه بالله عليك
احمد: نور ماتخافيش مش دايرلك شيء
احمد دخل ايده ف جيبه ونور جت بتهررب?
شدها من ايدها
اوقفي هني ردي بالك تتحركي
نور وقفت بخوف?
واحمد طلع تليفونه من جيبه وولع فلاش
نور دموعها بدو ينزلو? يا احمد تو يحسو بيا عطلت خليني نمشي
احمد: خيرك انتي راه بنت خالتي مستحيل نضرك وفوقها نحبك
قام احمد نقاله وخلى لفلاش ع وجه نور
وهايم ف ملامحها ❤
ونور تغمض ف عيونها وخايفه بكل
احمد: عسل ماشاء الله علييك تهبلي
لو مش عيب راه بست ع ايدك❤
ونبيك توا تفهميني شن دايرلك بش ماتحبينيش
نور: احمد مش وقته لكلام هذا خليني ف حالي و انت مازال تبيلك سنوات بش تكون روحك وجاي ديرلي ف حركات زي وجهك
ونور قامت لولد بحركه سريعه?
واحمد قاعد والع الضي ويتأمل فها
نور جت بتطلع
قاللها ان شاء الله تقيمي ولدنا حبيبتي❤
نور طلعت لجنان ومدت الولد لبنت خالتها
بنت خالتها: خيرك عطلتي
نور: شيء غر ظلام وقعدت ندور فيه
وصلتها رساله من احمد
وجهك يجنن ولاسوره طالعه ع ايدك خيال ان شاء الله تبدي حلالي ياعمري❤ومعاش تبكي مستحيل نضرك افهمها
نور: تفكر ف لي صار وتقول ف بالها ياريتني ماحضرت لعرس ولا شافني
وكلهم لاحظو نور ف حالة سكوت
لين روحت
روحت وقفت ع لمراييه وتبكي بعبرتهاا
علاش خلييته يتمادى لمفروض وقفته عند حده من لاول? الله يسامحك يا احمد
____
بعتت ليوسف
نور: وسيفه❤
يوسف:نورتي غاليتي❤
نور: كيف حالك توا❤
يوسف:تمام وانتي كيف حالك وحال خالتك
نور: بخير الحمد الله
نور:يوسف
يوسف:نعم
نور: اوعدني ماتخلينيش والله من غيرك نموت?
يوسف: ليش لكلام هذا توا
نور: اوعدني بس
يوسف: وعد مانخليكش انتي حياتي وانتي عمري كيف نخليك❤
نور قعدت تبكي ?
نور: ربي مايحرمني منك❤
يوسف: ولا منك ❤
يوسف: لو رفض باتك بنخطب اروى وخلاص شن ندير عاد???
نور: مصحك لحق
يوسف: ههههههه تبيني نقعد من غير مانتزوج
نور: ايه اقعد هكي شن بيصيرلك
يوسف: الزواج سنة الحياة ياعيوني?
نور: تو حتى اني اول واحد نوافق عليه
يوسف: سكري فمك مش حنخليك لغيري
نور: باهي لو بابا ماوافقش
يوسف: نجيبله كتيبه نخليه يوافق بسيف??
نور: تجيب عينك الا بابا
يوسف: باهي جايك غدوا باذن الله❤
نور: احلف❤❤
يوسف: والله بس ماتفرحيش وجك شووم
نور: ههههههههه من يوم عرفتك
نور: تعرف شن رمز تليفوني
يوسف: شن
نور: مواليد ولد عمي??
نور: نبصر راه?? مواليدك
يوسف: ليش لبصاره لبايخه الزح
نور: سكتت
يوسف: جديات مواليدي
نور: ايه والله
يوسف: والله نحبك❤
نور: شايف السماء والنجوم
يوسف: ايه
نور: شايف لبحرر شوو كبيرر?
يوسف: اييه
نور: ماشاء الله نظرك قوي??
يوسف: هههههههه عنشكلك
نور: نبصرر والله نحبك اكثررر منهم حبي ليكك مايووصفش??
يوسف: نجك لياا❤❤
___
طبعا جي ليوم ويوسف ماصارش من جيته واكثر من مرة قعد ع لحال هذا وهما نفسيتهم تدمر???
نور: يوسف معاش تجي بالله خلاص تو تصيرلك حاجه
يوسف: مش عاارف ليش هكي يصير يا نور اني بروحي تعبت
نور: خلاص يوسف ربي مش كاتبنا لبعض
يوسف: حنقعد نحاول مش حنيأس وجايك جايك
انتي مراتي كيف نخليك❤
نور: وانت زوجي ودنيتي معاش نقدر من غيررك بكل
وفاتت فتره ع لحال هذا وقعدو متمسكين ف بعض وحبهم يزيد❤❤ رغم اروى واحمد
____
يوسف: نوور ردي بسرعه
نور: خيرك شن في
يوسف: خلاص فررجت خبر اكيد غدووا جاايك❤❤
نور: قعدت تبكي من لفرحه
نور: الحمد الله ياارب الحمد الله??
واحلى ليله مرت عليهم ❤
جي الصبح يوسف مشي للمطار
ونور اضم ف لحوش وتغني وجوها عال لعال❤❤
وصل يووسف للمطااار
وركب ف الطائره وبعدها وصل لطرابلس
وكلم صاحبه يلي ف طرابلس وقاله احجزلي في فندق
وحجزله ونزل فبيه يوسف وطوول رقد من التعب❤
ونور تستنى فيه بفاارغ الصبرر
وهوا عطل مكلمهااش ياارب وينه يوسف
زعما صارتله حاجه ولا خيره وفكره ترفعها وفكره تجيبها?
لين تصل تليفووونها لقت رقم يوسف?
نور: وسيفه
يوسف: عيونه
نور: وصلت حبيبي
يوسف: ايه واخيررا اني قريب عليك نورتي❤
نور: تبكي وقالتله الحمد الله ع سلامتك والله ما مصدقه يوسف: حبيبتي ماتبكيش عااد
نور: دموع لفرح❤
يوسف: اني ليوم بنرتااح وغدوا جاي بنكلم بوك ان شاء الله❤
نور: تمام ان شاء الله وسيفتي❤
يوسف: ديري بسبوسه باهي?
نور: ههههههه من عيوني
يوسف: عن قرريب تولي خطيبتي والله فرحان بيك يانور?
نور: والله حتى اني حاسه روحي نحلم??
يوسف: مش حنطوولها فترة لخطوبه معاش عندي صبر نبي ناخدك خلاص❤
نور: ان شاء الله وسيفتي?
يوسف: اول ولد اني نسميه?
نور: باهي وكان بنت اني نسماها?
وقعدوو يهدرزوو واحلى يوووم يمر عليهم❤?
عاد احلى فرحه حبيبها قريب علها وجاي بيخطبها ❤
____
احمد: نور وينك حبيبتي
وباعتلها اكثرر من رساله
نور شافت رسائله
خلااص بنفتك منك للأبد حنكون ليوسف حبيب قلبي?❤
____
وجي ليووم التاني احلى يووم في حيااة نوور ويوسف ولفرحه مش سادتهم??
يوسف تصل بنور
يوسف: صبااح الخير حبيبتي
نور: صبااح الورد
يوسف: كيف حالك❤
نور: الحمد الله فرحاانه??
يوسف: ربي يكمل فرحتنا ع خيرر يا قلبي?❤❤
نور: امين يااررب❤
يوسف: شوويه وبنتصل ببوك بنحدد معاه مووعد❤
نور: تمام ان شاء الله خير وسيفتي❤
يوسف: نحبك وتوا خلى نسكر نهيء روحي للكلام?
نور: نمووت فيك ? باهي تمام
____
ونور قعدت ع اعصابها متوترة تستنى ف لاتصال وادور ف لحوش?
رن تليفون بوها
نور قلبهااا بدي يدق بسررعه❤
يارب سترك❤
رد بوها وسمعاته قال
ايه اني تفضل
خلاص عرفت ان يوسف يلي متصل?
وقعدوو يهدرزوو
ف نهاية بوها قاله
تماام تفضل لعشيه وسكر❤
_____
نور سمعاتها ف دارها❤
بدت تنقز ع سريررها وفرحاانه وتحمد ف ربي ان بوها وافق يشووفه❤
يوسف بعتلها رسااله❤
واخيرا يانور الدنياا ضحكتلناا?❤
نور : الحمد الله ياوسيفتي ربي كرريم❤
___
نور ليوم كله متوترة بس فرحت لان بوها وافق يشوفه وجت لعشيه
بعتلها يوسف: اني قدام حوشكم ❤
نور لما قرت لكلمه حست بشعوور غريب بكل فرحه ع خوف? طوول مشت لروشن وقعدت تشوف فيه
اول مرة تشوفه ع طبيعه
الله ع يوسف حبيبي محلاه ومحلى شخصيته مش مصدقه بنكون ليه❤
هوا كان واقف جنب سيارته شاف فوق جت عينه ع روشن شاف بنت حس انها نور لان مش شايفها من قبل❤
نور لما حست ان شافها طول خشت
يوسف : انتي يلي ع الروشن
نور ردت بخوف لان مقايللها ماتوقفيش ع روشن
نور: ايه
يوسف: نشووفك مرة تانيه واقفه عليه راسك نقصه
نور: مش وقت نكدك
يوسف: باهي اسمعي
نور:نعم
يوسف: ماتوقعتكش بالجمال هذا الله يبارك ❤مش مصدق اني ناخد وحده بجمال هذا بالله كيف حبيتيني?
نور: حبيت شخصيتك قبل كل شيء وحتى انت ماشاء الله عليك بجد❤
يوسف: توا خلى نخش تأخرت
نور: تمام حبيبي❤
____
خش يوسف للمربوعه ورحب بيه اب نور❤
وعمتك نور ماخلت حاجه مادرتها من لفرحه والتقديم وكل شيء كان تمام❤
وطبعاا بوها ويوسف عطلو يهدرزو ع بعض
ونور مش فاهمة شن صاير
جي لوقت يلي بيروح فيه يوسف❤ ونور مقايلتله اول ماتروح قولي شن صار
طلع يوسف وشويه وطلع بوها ❤
يعني بوها ما قال شيء ونور فكرت ان وافق❤
___
طلع يووسف بسياارته ومعلي سرعته
ووقف ف نص الطريق ويضرب بايديه ع الدومان ويبكي
ايه يووسف لعصبي لواعر يبكي??
يبكي ع خااطر نوور
لييييش هكي صااار معااي ليييش
شن ذنببي كان بعيد علييهم نوور نحبهاااا يااربي نحبهاااا
ومسكر الرواشن ويعيط ع قووته?
___
عند نور لمسكينه يلي قعده فرحانه
حست بيووسف عطل علها وماتصلش❤
ف قررت تتصل بيه هيااا
ورد كان ساكت
نور : وسييفه نقول مبروك علينا❤?
يوسف: تنهد
ونور سمعت تنهيدته حست في شيء
نور: شن في يوسف
وماردش
نور: يووسف نكلم فييك شن فيي
يوسف: بصوت عالي ومخنوق
بوووك ماواافقش يانوور ماواافقش
خلااص اني ويااك انتهيناا
تعبتتت ع لفاااضي
نور: قعدت تبكي بالقووه
مستحييل تبصرر يووسف بالله عليك قول تبصر
يوسف: ياااريت نبصررر ياااريت
نور اني تواا بنسكر بعدين نحكوو
وسكر
نور: قعدت تخبط بيدهااا ع وجهاا
ياااربي نبيييه يوسف مانقدررش نعيش من غيرره
علااش ياا باباا حرمتني منه علاش وقعدت تبكي بعبررتها
__
ويووسف قعد ف سياارته منهاار
وقف عليه شاب
طق ع الروشن
يوسف: فتح الروشن
الشاب: خيرر خوي فيك شيء تبي مساعده
يوسف: بصوت واطي لا باارك الله فيك
الشاب: خوي بس واضح عليك تعبان
يوسف: والله مافي حاجه مشكور
الشاب: تمام يلي عليا درته مع السلامه
يوسف: سلام ومشي طوول للفندق
خش لدار وقعمز ع السرير ومداير ايديه ع راسه ويفكر ف النور وشن صاير فها
وزعما ليش هكي صار معانا والله نحبهاا ?
__
عند نور كانت متكيه ع سريرها خشت امها تنوض فها مانضتش
ام نور: نوور نوور بنيتي
ونور كان مغمي علها
ام نور جابت مايه وصبت ع وجها وفاقت نور
وتقول يوسف يوسف
ام نور وجعتها بنتها وقعدت تبكي وحضنتها
معليشي يابنيتي نصيباات
وماتخليش بوك يشوفك بالحاله هاذي?
نوضي اغسلي وجهك
ناضت نور وغسلت وجها وتوضت وصلت ركعتين وتبكي ف صلاتها
بينماا يوسف كان راقد ع سريره وناض
تصل بنور ?
يوسف: نور
نور: تبكي ماقدرتش ترد
يوسف: نور اسمعيني للاخير
اني درت يلي عليااا وجيت لبوك وطلبتك بالحلال ويشهد الله نحبك حب ماتتخيليه وبوك رفضني عنده حق اني بعيد واجد
واني يلي حارقني نعرفك ليا سنوات اني يلي كبرتك اني يلي نخاف عليك اني يلي تمنييتك زوجتي انتي طفلتي يلي حبيتها واني حلمت بيك وغيري بيحقق
يوسف لما قال لكلام هذا خنقاته لعبره?
نور: ماتبكيش خليك زي مانعرفك يوسف لقوي العصبي يلي مايضعفش لشيء ?
يوسف: اهااا يانوور مش قادر والله ماتوقعت نفترقوو
سامحيني ع كل شيء سامحيني لان نهزب فيك ونتعصب علييك
ماتنسينيش بس
نور: انت يلي سامحني كنت نعصب فيك ونرفز فيك بس والله حبيتك من قلبي
يوسف: والله حتى اني حبيتك وحنقعد نحبك ونمووت فيك ويانور خلاص اني مش من حقي نكلمك بوك رفضني يعني تم كل ششيء وهاذي اخر مكالمه بيناتنا
نور: باهي فهمت يوسف ربي يهنيك ف حياتك
يوسف: كيف بنتهنى من غيرك
ونور قعدت تبكي
يوسف: سااد معاش تبكي انتي طيبه وحيجيك يلي خير مني?
نور : يعني خلاص يوسف
يوسف: ايه خلاص يانور مع السلامه
نور: مع السلامه
____
وسكرو الاثنين?
والاثنين حالتهم اصعب من بعض
شيء صعب الشخص يلي حلمتي بيه يكون لغيرك
ولفراق شيء صعبب?
__
ف ليووم التاني يووسف روح لمنطقته وسكر لفيس متعه
بش مايحنش لنور ويخلها تتأمل ع لفاضي
وبينما نور ضعفت حالتها الصحيه ومن مستشفى لمستشفى?
___
بعد اسبوع ع لحال هذا ?
يوسف سافر خارج ليبيا
وقعد تقريبا سنه واسس روحه وخدم لبرا ونور كل مرة تخطر ع باله وماقدرش يحب غيرها
ونور سكرت النت وقعده تعبانه ديما مريضه ويوسف ديما ف بالها وحتى تقرا يوسف ف بالها?
اتصلت ام يوسف بولدها وهوا لبرا
ام يوسف : اهلين وسيفه كيف حالك وليدي
يوسف: لحمد الله يامي وانتي كيف حالك
ام يوسف: الحمد الله وليدي الصراحه نبيك ف موضوع
يوسف: قولي
ام يوسف: اروى يخطبو فها واجد واني نبها ليك خليني نعطي فها كلمه مابين تجي
يوسف: وافق من غير تردد لان ع كل لاحوال مش حيحب زي نور?
يوسف: تم يام اخطبها
ام يوسف: الله يفرحك يا وليدي زي مافرحتني ?
يوسف روح وبدي خطيب اروى تخيلو لبنت يلي يكرها بدت خطيبته سبحان الله نور يلي كانت تكرها ويقوللها مستحيل نخدها خداها?
ونور يخطبوو فها هلبا بس هيا ماتبيش توافق واحمد قعد يحاول معاها بس مابتش تعطيه فرصه ابدا
وقعدت تعبانها وضرت صحتها بس?
والله كنت نكتب فها ونبكي?
وهاذي نهاية يوسف ونور يلي حبو بعض سنوات ويلي حبهم كبير رغم لعراك يلي ديما نهايتها فراق?
ونتمنى عجبتكم رغم حزينه ونبي رايكم اكيده وربي يحفظكم ونحبكم❤❤❤
#الكااتبة
Hano salem
ليوم ف الليل بنزل الحلقه الاضافيه ويلي صار مع يوسف ونور