رواية ستعشقني رغم أنفك بقلم منه القاضي

الحلقة التاسعه و الأربعون

خرج من المشفى بعد الأطمئنان على صحتها وصحة ميرا عادت الى شقتها بصحبة مروان وسالي و أمنية بينما عاد حسن وسلوى الى القاهرة

وطلبت مي من سالي العودة أيضاً ولكن سالي رفضت بشدة وقررت الإقامة معها فا مي ليس لها أي نوع من الخبرة في التعامل مع الاطفال فكانت سالي وأمنية خير عون ومروان أيضاً ان يحاول قدر الإمكان
و في أحد الليالي كانت مي تضع ميرا على الفراش وتشرع بالخروج من الغرفة فوجدت مروان أمامها . و ,,,
مروان : ايه نامت
مي بصوت خفيض : أيوا وطي صووووووتك
مروان : يا مي عايز الاعبها شوية يا مي أنا مسافر بكره
مي بتعجب : بكره يا مروان
مروان : أيوا يا مي عندي شغل و ميتأجلش
مي : طيب خلاص هاجي معاك
مروان : لاء خليكي
مي : يا مروان أنا حسيت أني غلطانة في اني اعمل عليك ستريس و لازم بقى اعقل و افكر في و في ميرا واذا كان على اللي حوالينا ممكن ما نسمعلهمش
مروان و قد ابتسم : دا من امتى العقل دا
مي : احنا مبقناش 2 بقى فيه حد يستاهل مننا أن احنا نعقل و نعترف بالغلط اللي احنا عملناه
مروان و قد توجه نحوها و قبل جبينها : ربنا يكملك بعقلك يا بيبي .. بس مينفعش بجد اخادكم معايا .. لازم اخلص العملية دي و اجي اخدكم بقى نقعد هنا نشوف
مي بشيء من القلق : اسماعيل برضو
مروان : قولي يارب
مي : بلاش يا مروان
مروان : هو بمزاجي يا مي دا شغل
مي : خلي حد من زمايلك يروح مكانك اسماعيل بجد مش هيسيبك في حالك
مروان : سيبيها على الله
مي : أنا خايفه عليك
مروان : يا بنتي متقلقيش
مي : ربنا يحميك يا حبيبي
مروان وقد انشرح :ياااااااااه يا ميوشتي أخيراً حنيتي عليا
مي و هي تتقدم منه و تلف ذراعها حول عنقه : ماانت حبيبي
مروان : و انتي حبيبتي وروحي و قلبي

وما أنتهى مروان من جملته حتى بكت ميرا لتعلن عن استيقاظها . و ,,,
مروان : أنتي جايه يا ميرا تقطعي عليا
مي : تقطع زي ما هي عايزة

توجهت مي نحوها و حملتها بين ذراعيها . و ,,,
مي : ايه يا روح مامي .. زعلانة ليه يا حبيبي .. بابي جه أهو
مروان و قد توجه نحوها : هاتيها يا مي بالله عليكي
اعطتها له وسمى عليها و ضمها اليه وقبلها في وجنتيها . و ,,,
مروان و هو يداعب انفها باانفه : ايه يا ميرو .. زعلانه ليه بس .. وحشتيني وحشتيني أوووي
مي : وحياة ميرا يا مارو خلي بالك من نفسك .. واوعدني أنك ترجعلنا بخير
مروان : بقولك سيبيها على الله بقى
مي : ربنا يحميك يا حبيبي
مروان : يارب و يخليكوا ليا

و انقضت الليلة على ذلك وجاء الصباح استيقظ مروان باكراً اغتسل وارتدى ملابسه و قبل مي و ميرا ثم خرج بعد أن ترك لمي رسالة أن لديه موعد في الصباح الباكر مع اللواء حمدي

استقل سيارته و توجه نحو القاهرة استغرق الطريق حوالي الساعة و النصف وصل الى المباحث العام دخل المبنى و الجميع يقدم له التحية العسكرية الى أن وصل الى مكتب حمدي و دلف اليه سلم عليه وهناه حمدي . و …
حمدي : ايه ميرا خدتك من الدنيا كلها
مروان : حضرتك بتقول فيها .. احساس فظييع يا فندم أنا كنت أخرج اجيب حاجه أرجع لاقيها وحشتني
حمدي : ربنا يخليهالك و يخليك ليها
مروان : ربنا يكرمك يا فندم
حمدي : ايه بقى نخش في الموضوع
مروان : أنا هبعت لحضرتك فايل في كل الادلة و الخطة يا فندم
حمدي : مش لازم فايل .. قول
مروان : انا هقبض على العيال اللي مها بلغت عنهم و عمليه بقى و شغل .. احقق معاهم و اعصرهم لحد أما يفنيخوا مني خااااالص و أقولهم اسماعيل و مها اللي بلغوا عنكم .. يدوني شوية معلومات .. مي هتضغط على حسين و مازن من ناحية البيزنس .. و أنا هوقع حسين في مها و كله بقى يلعب على المكشوف و اعرف يقعوا كلهم و نقبض عليهم
حمدي : كلام منطقي بس محتاج تركيز عالي أوي أوي أوي
مروان : طبعاً يا فندم الغلطة بجوول

الحلقه التاسعه والاربعون (الجزء الثانى )
كأنها عملية عسكرية من فيض خطورة اسماعيل حلمي اجتماعات و شرح خطط و تكتم هواتفتهم تغيرت و الكلام أصبح بالشفرات و الكل حذر

جاء يوم العملية التموهية قادها مروان بنجاح أغار على مجموعة الفتيان و تم القبض عليهم بعد تبادل إطلاق النيران تم التعامل مع الهدف و تم القبض عليهم

قرر مروان التحقيق معهم بنفسه و قد حصل المراد و قرر تنفيذ خطته . و ,,,
مروان موجهاً كلامه للمتهم : يعني أنت ملكش كبير و مدخل السلاح دا كله لحسابك
المتهم : أيوا يا باشا
مروان بنبرة حادة : أنت فاكرني اهبل و لا بريالة .. جبت فلووس السلاح دا كله منين يا عين ماما
المتهم : يوضع سره في أضعف خلقه يا باشا
مروان و قد قام من مكانه و توجه نحو المتهم و رفعه الى مستواه ممسكاً بقميصه : اعترف يا مدحت خلي يومك يعدي على خير .. عشان مزعلش .. و انت عارف زعلي
المتهم بنبرة خائفة : يا باشا ما عاش و لا كان اللي يزعلك
مروان و قد أظهر التأثر و ترك قميصه و عدله له : اللهم أما اخزيك يا شيطان .. اقعد يا مدحت اقعد

قام مروان بمنادة الساعي و طلب منه احضار الشاي و بعض الفطائر للمتهم

اتى بها الساعي بعد برهة تناولها المتهم و مروان صامت يراقبه انتهى المتهم و حمدلله كان جائعاً بالفعل توجه مروان و جلس بجانبه ثم أخرج من جيبه علبة سجائر أخرج منها أحد اللفائف و أعطاها لمدحت المتهم الأول بالقضية (( مدحت )) أشعلها له أيضاً . و …
مدحت : باشا أنت عايز مني ايه .. طقم الحنية دا مش لله كده
مروان : أنت عارف أن مفيش حاجه لله في الزمن دا .. بس أنا هعمل معاك حاجة لله و للوطن
مدحت : هتحولني شاهد ملك
مروان : لا يا روح أمك أنت بتحلم أنت كده كده ميت ميت
مدحت : متقولهاش في وشي كده يا باشا .. هتعمل ايه يعني يا مروان بيه
مروان : هديلك فرصة تنتقم من اللي بلغ عنك
مدحت و قد ثار : مين يا باشا قول و أنا وربنا هعملك اللي أنت عايزه
مروان : واحده من عند اسماعيل حلمي .. عملوكم طعم عشان يهربوا هما الكمية اللي هما عايزنها من غير قلق
مدحت : طيب يا باشا انا هفيدك في ايه .. أنا مش أد اسماعيل حلمي
مروان: أنا هحميك
مدحت : محدش يقدر يحميني منه .. هيبعتلي حد جوه السجن يقتلني
مروان و قد بدأ ينفعل : ما هو بص بقى أنا هعرف هعرف .. بيك من غيرك هعرف .. بس أقسم بالله لو مااتكلمت و عرفت من بره لأقول لاسماعيل أن أنت اللي قولتلي .. و ساعتها بقى لأنا و لا هو هنرحمك
و استطرد في هدووء : هسيبك لحد بكره تفكر

و نادا على أحد العساكر لكي يعيد المتهم الى زنزانته مرة أخرى بينما التقط مروان هاتفه و قرر الاتصال بزوجته للأطمئنان عليها و على ابنته .و ,,,
مي التي تحمل ابنتها – بلهفة- : حبيبي
مروان : حياتي .. روحي .. قلبي
مي : وحشتني يا حبيبي .. ووحشت ميرا كمان
مروان : و أنتم كمان وحشتوني والله .. هانت
مي : أخبارك ايه
مروان : بصي يا ميوش أنا عايز منك خدمة
مي : ايه هي
مروان : بصي أنا عايزك توقعي حسين و مازن في مها
مي : مازن سهلة خالص .. لكن حسين أزاي
مروان : مها جاتلي المكتب و باستني
مي و قد احتدت : نهارها أسود
مروان و قد ضحك : اهدي بس أنا زقتها بعيد عني والله
و استطرد في حنان : أنا أقدر برضو يا ميوش ابصلها أنتي هبلة و لا ايه
مي و مازالت منفعلة : بس أنت مقولتليش قبل كده
مروان مستفهماً : امتى مثلاً
مي : معرفش
مروان : هو عند و خلاص .. و بعدين اديني قولتلك
المهم حبيبة قلب بابي أخبرها ايه
مي : تمام الحمدلله .. عاقلة الأيام دي .. بس حاسه أن حاجة ناقصة
مروان : حبيبة باباها دي واحشها أنا
مي : واحشها و بتقولك خلص و أرجعلها بالسلامة
مروان : هي بس ؟؟!
مي : هي و مامتها .. على فكرة ماما بتسلم عليك و أمنية كمان
مروان : سلميلي عليهم

انتهت المكالمة بعد السلامات .. أدخلت مي ميرا الغرفة .. ووضعتها في سريرها و جسلت بجانبها و أخذت تهز سريرها و التقطت هاتفها و هاتفت مازن في البداية . و ,,,
مازن : مدام مي أهلاً
مي : أهلاً بيك
مازن : ايه الاخبار
مي : تمام الحمدلله .. حضرتك سدت الدفعة التانية من الشرط الجزائي
مازن : طيب ما هي مي طرف في الموضوع و حسين برضو ليه
مي : حضرتك عارف أن مها هي اللي حطت بنود العقد بتاعكم و كاتبة انك الوحيد المتحمل للشرط الجزائي
مازن و قد انفعل : محدش كتب كده
مي : ماانا عارف يا مستر مازن انها هي الطرف المسيطر من جهتكم
و استطردت بطريقة مستفزة : و محدش يقدر يقف ادامها
مازن : انا كده هيتخرب بيتي
مي : و احنا علينا ديون و عايزين سيولة عشان نشتري خامات أصل احنا مش ملاحقين على الصفقات
مازن : يا مدام مي الشرط الجزائي بيقسم على جميع اطراف الطرف الفاسخ للعقد
مي : مش مشكلتنا احنا عايزين فلوسنا .. تجيبها من مها من حسين احنا ملناش دعوه أنا معايا شيك و لو روحت صرفته في معاده و ملقتش حساب يغطي هوديه النيابة

و اغلقت الهاتف و هي تبتسم بتشفي و طلبت رقماً اخر . و ,,,
حسين : ازيك يا مدام مي
مي : تمام يا مستر حسين ازي حضرتك
حسين : تمام الحمدلله
مي و قد اظهرت الانفعال : أنا بكلمك عشان افتح عنيك و احذرك
حسين : من ايه
مي : مراتك مش محترماك و محترماني و لا محترم نفسها
حسين : مها ؟؟!!
مي و قد انفعلت حقاً : مراتك راحت لجوزي و باسته في مكتبه ..شوف بقى لو مكنش جوزي محترم كان ايه ممكن يحصل

و اغلقت الهاتف و تركت حسين يشتعل .. خرج حسين من مكتبه و توجه الى حيث تجلس مها نظر لها بغضب فتعجبت مها . و ,,,
مها : مالك
حسين : بتخونيني
مها : انت ايه اللي بتقوله دا
حسين : تروحي لمروان و تبوسيه في مكتبه يا فاجرة
مها و قد على صوتها : أنت اتجننت يا خرفان أنت
توجه حسين نحوها و جرها من شعرها و لقنها في اللغة الدارجة (( علقة سخنة )) اسكنتها السرير و اغلق عليها الباب دون علاج

حاول اسماعيل مراراً و تكراراً الاتصال بمها و لكن دون جدوى العملية اقتربت و الوسيلة الوحيد للاتصال بالمورد الخارجي هي مها

حاول إسماعيل الدخول الى بيتها و لكن حسين قد امنه تماماً

فقد الأمل و بالفعل فشل في ادخال الشحنة بوقتها .. قرر حسين الانتقام من مها فااخبر اسماعيل أن مها فعلت ذلك لتثبت ولائها لمروان

فقرر اسماعيل قتل مها