رواية ابتزاز بقلمى زهور جمال الدين

#ابتزاز

بقلم زهور جمال الدين?
?الحلقه السادسه?
“حقيقية ممزوجه بالخيال ”

_

خش حمزة لقى هند راقدة وعيونها مغمصه ..
قعمز عالكرسى اللى جنب سريرها .. قرب منها ..
-مسك يدها / هند … هند …
حط يده على خدها / هند فيقى منغير دلع عاد … هنودة
انفتح الباب منغير مايحس بيه حمزة .. ممرضه تبى تخش تغيرلها الغطاء .. قعدت واقفه .. معجبه بي حنان حمزة على هند ..تحسابه راجلها
-قرب حمزة يد هند وباسها/ انسجمت معاك هلبا .. ردى بالك تمشى وتخلينى ..
صكرت الممرضه الباب وطلعت .. ومشت تجرى للممرضات
-الممرضه/ حيه كان تشوفو راجلها كيف يحاول انه يفيقها .. وكيف ماسك يدها ويبوس فيها …. ياحليلى عالرومنسيه
-ممرضه ثانيه/ زعما قاله الدكتور
-الممرضه/ والله مندرى عليه
وحمزة قاعد لداخل مايبيش يطلع ويخليها .. ماسك يدها ويحرك فيها بالك تحس وتصحى ..
-حمزة / هند .. هيا طيحة بسيطه معقولة انتى رقيقه لهدرجة ماتحملتيهاش …
باس يدها وحطها جنبها / الباين عليا حبيتك يابنت ..شعور غريب فى داخلى .. كان نلقى نحطك توة فى جيبي ونطلع ..
حط يده على خدها / ندسك مايشوفك حد غيرى ..
سكت شوى / هند نوضى خلاص عاد
فتحت الممرضه الباب مرة ثانيه / خوى لو سمحت شوى.. بنغير الفرش ….
حمزة ماسك يد هند وماتلفتش للخلف/ حاضر تو نطلع ..
وقف وتلفت بيطلع …
-الممرضه/ حضرتك زوجها
-حمزة / لا انا خطيبها
-الممرضه / اهاا?… ربي يجمعكم عالخير يااارب
-حمزة / بس ممكن نطلب منك طلب
-الممرضه/ تفضل
-حمزة / نبيكم ماتقولوش لى اى حد انى جيت هنايا فالليل ..
لو سمعو بيا خوتها جيت هنايا فالليل حيديرولها مشكلة
-الممرضه / مش قلت انك خاطبها
-حمزة / خوتها صعبين .. مايمشيش معاهم كلمه خطيبها
-الممرضه / اهاا
-حمزة / انتى شن اسمك
-الممرضه/ اسمى سميرة
-حمزة / عاشت الاسامى ياسميرة .. تعشيتو انتى البنات
-الممرضه سميرة / تعشينا من ماكلة المرضى ?
-حمزة / تو نبعت واحد من الممرضين توة يجيبلكم عشى .. فى كافتيريا تحت
-سميرة ?/ فى كافتيريا تقعد فاتحة للساعه واحد والنص فالليل
-حط حمزة يده فى جيبه وطلع فلوس/ باهى شن رايك تنزلى انتى تجيبيه العشى
-سميره تحشمت / لااا نهارى والله ماصارت
-حمزة / ياودى هيا هيا .. بدل مانبعت ممرض انزلى انتى
-خدت سميرة الفلوس/ باهى غير نغيرلها الفرش وننزل
-حمزة / تصبحى على خير
-سميرة / قتلك اوخى
-تلفتلها حمزة / نعم
-سميرة / الدكتور اللى شاف الحالة قاعد مناوبة الليله .. كانك تبى تمشيله تسأل على خطيبتك برة
-حمزة/ هوا وين
-سميرة / فى الغرفه عاليمين اللى فى نهاية الممر

___________________________________________

_

فى حوش فاطمه

فاطمه وبناتها لما سمعو بي هند لحقو للمستشفى من حوش صالحة .. لكن لما روحو من المستشفى مشو طول لى حوش امهم …

-عمتك فاطمه / يا حليلى على بناوبتى ..ماتت وحدة وبتلحق الثانيه
-نادية/ ليش تفاولى يااام .. هيا طيحة وطبيعى انها ادوخ
-فاطمه تبكى / ادوخ مش تمشى فى غيبوبة … ياحليلى على بنيتى
وهادوكا البنات مقعمزات مع بعضهم وهاتك يا بكى حيرت عليهم موتت نرمين
-نادية / بتصكرى فمك انتى وياها ولا كيف
-مودة / هادى هند ياماما .. كيف تقولونا مشت فى غيبوبة وتبونا نسكتو
-مفيدة / احنا نسكتو فى حناكم وانت تتعايطو ..تى ضمى فمك انتى وياها ولا كل وحدة تنوض تروح لى حوشهم
-سحر تبكى/ لا مش ح نروحو
-وداد / نوضو كلكم توة اركبو للشقه فوق …
فنصت فى بنتها / انتصار … نوضى ارفعى بنات عماتك وبنت عمك لى دارك فوق
– وقفت انتصار / باهى يا ماما ?
وتلفتت للبنات / نوضو
ناضو البنات وركبو لى حوش خالهم مختار … خشو من الباب
قعمزو عالصالون
-مودة/ احنا علاش يصيرلنا هكى ..كل مرة وحدة
-سلمى / خلى من الحكايات اللى سمعناها بعد وفاة نرمين
صوت شاب يتنحنح من داخل / احم .. اححم
-انتصار / شكون
-خالد / انا خالد .. شويا بس ممنزل
قامو البنات كلهم وشحاتهم من على كتافهم وغطو روسهم
-انتصار/ تعالة يا خالد كان بتنزل
طلع خالد من الممر / السلام عليكم
-البنات كلهم / وعليكم السلام
-سحر عيونها قلوب نست خالتها واللى صايرلها / اهلين خالد كيف حالك ..
-خالد منغير مايشبحلها / باهى الحمدلله ..
ومشى للباب فتحه وطلع …
-سحر/ شويا بس نسأل خالد على كتاب وصيته عليه
طلعت سحر والبنات يضحكو وراها زابطينها
-طلعت من الباب / خالد
-خالد نازل من الدروج / ايوه
ورجع ركب لفوق … مدت يدها وسلم عليها
-سحر/ خالد خيرك معش تبينى
-مسك يدها / ليش تقولى فالكلام هدا ..انتى عارفه انى قدام البنات مانقدرش حتى نشبحلك
-سحر/ وامك
-حط يده على خدها / استاحشتك …
وقرب منها يبي يبوسها …
-سحر/ غير اهفت وفهمنى .. امك ماتبينيش والكلام واصل امى قولى كيف بدير
-خالد / ياغبية انا نبيك .. مالى ومال امى انا …انا راجل وندير اللى نبيه وناخد اللى نبيها

وقرب منها وباسها بالفعل ..
-بعداته عليها / خالد .. احنى تمادينا فى العلاقه .. عطيتك اكثر من اللازم
-خالد / لاننا نحبو بعض .. هدا علاش كل واحد عطى للثانى اكثر من اللازم
-سحر/ خالتى هند قالتلى معش نكلمك ولو تبينى حق تقدر تبعت امك تخطبنى
-خالد / قصدك قلتيلها
-سحر انخلعت / لاااا والله ماقلتلها حاجه
-خالد / لعلمك .. لو سمع نفر واحد بس فى العيلة انى قاربك وواصل فيك والله ماك خاشه حوشى
-سحر توشوش/ مستحيل نفضح روحى .. معقولة انا بندوى ومنقول مشيت معاك
-خالد / قصه شقه صاحبي تقعد بينى وبينك .. لو سمع بيها حد انسينى
-سحر ترعش/ قلت متخافش مستحيل
-خالد / باهى استاحشتك شنو نتلاقو فيها الخميس
-سحر/ نتلاقو امالا لا .. حتى انا استاحشتك
قرب منها يبي يبوسها
-سحر/ لاااا البنات يطلعو يشبحونا ابدا مصيبه كنهدا
-مسكها من يدها / باهى تعالى ننزلو الدور الثانى قدام حوش عمى منعم مايشبحنا حد كلهم مهناش
-سحر?/ باهى
نزل خالد وسحر وراه …
-مسكها من ضهرها وضمها ليه / ستاحشتك هلبا ياحبي .. هكى اديرى فيا من قبل الوفاة مانشوفكش
وهيا حطت يديها حواليت رقبته / وانا ستاحشتك اكثر يا قلبي
-خالد / نحبك
-سحر/ نموووت فيك …
قرب منها وبدى يبوس فيها .. انسجم نزل لى رقبتها وفتح بطمه بلوزتها الاولى .. وايديه يلمسو فى كل جزء من جسمها
انفتح باب حوش منعم طلعت منه عفاف مرت منعم .. رعشت من اللى تشوف فيه قدامها / هدا شنو نهاركم مغبر
هرب خالد لوطا يجرى وركبت سحر تجرى لى حوش خالها فوق….
-عفاف زبطتهم / لعنه الله عليكم …
ونزلت للدور الاول غصتها وسكتت… سترت اللى شافاته ومابتش تقوله لى حد
__________________________________________

_

فى المستشفى

حمزة ماشى فالممر يبي يوصل نهايته لى غرفة الدكتور ..
فات جنب ريسبشن الممرضات .. يسمع فيهم يهدرزو صوتهم واصل قريب خارج المستشفى
-الممرضه ليلى / شفتى مايطلع منهاهالسميرة هادى ..
تصويرها بدى ممتاز
-الممرضه ازدهار?/ محترفه
-الممرضه جنات / امالا كان تشوفى تصويرها للعرايس
-ليلى / صار بدت تمشى للاعراس
-جنات / تمشى رسمى للاعراس .. ودايرة صفحة فالفيس

فاتهم حمزة هلبا صوتهم بدى خفيف .. وصل حجرة الدكتور .
طق على الباب .. وفتح وخش
-حمزة / مساء الخير يادكتور
-الدكتور كان يكتب نزل بيروه وشبحله / قول صباح الخير
ومد يده للكرسى / تفضل
-قعمز حمزة / زاد فضلك
-الدكتور/ شفتك مع الحالة اللى اسمها هند بكرى .. انت خوها
-حمزة قاعد عايش الدور ?/ لا انا خطيبها
-الدكتور / اهاا .. لا انا نبى واحد من خوتها
-حمزة انشغل / قولى شن فى يا دكتور
-الدكتور / سامحنى .. الحقيقه نبى نشوف حد من خوتها ..
وهما لو يحبو يتصرفو ويخبروك
-حمزة / يادكتور هند فى حكم زوجتى..انا قارى عليها فاتحه
-الدكتور / اهاا مدامه هكى ..معناها نحب نقولك ان البنت هادى يحبها ربي اللى طاحت هالطيحة
-حمزة مركز/ ليش يعنى !!
-الدكتور / يؤسفنى نخبرك ان هند مصابة بي بداية ورم فى راسها تحت الادن اليسرى …
-حمزة انها / لا اله الا الله … لا اله الا الله
الممرضات انخلعو وجو يجرو قدام باب الدكتور يتصنتو
-الدكتور / خوى شد نفسك شوى.. مدامها فى البداية معناها تتعالج …
-حمزة اتأثر هلبا لكنه ما بكاش / لا حول ولا قوة الا بالله ..
البنت ماتستاهلش صغيرة ..
وتلفت للدكتور / وانت كيف عرفت
-الدكتور قام صورة فى يده / لما الحالة مابتش تفيق من الدوخة .. درنالها صورة …
حط يدها على بقعه سودة فى الجمجمه اللى فالصورة/ وهدا
بدايه الورم
-حمزة صوته مغصوص/ بالك هادى كدمه من الطيحة
-الدكتور / للاسف الشديد بدايه ورم …
حمزة قلبه عصره .. واطى راسه .. . حس بالحب بجديات ناحيتها .. وممكن عطف .. المهم حس انه مسؤل عليها خاصة انها يتيمه
قام راسه شبح للدكتور / باهى كيف ندير توة ووين نرفعها بيش نعالجها
-الدكتور / تقدر ترفعها لى مصر او الاردن..بس لو امكانياتك كويسه تقدر ترفعها لى امريكا او المانيا ..
-حمزة / بادن الله نرفعها المانيا .. لو سمحت اكتبلى تقرير بحالتها …وارجوك ثم ارجوك ماتقوللها كلمه ولا تقول على مرضها لاى حد من عيلتها لانه مش حيخبي عليها
-الدكتور / نص علاج المرض هدا هوا الحالة النفسيه للمريض
من ناحيتى مش حنبلغها ولا حنخلى وحدة من الممرضات تقوللها حاجه ولا لاى حد من عيلتها
-حمزة / مشكور هلبا يا دكتور
-الدكتور متأسف?/ ربى يكون فى عونك ..وانتو مقريه فاتحتكم بس ولا متزوجين انا مفهمتش
-حمزة / احنا مقريه فاتحتنا .. بس فى خلال الاسبوعين هادو بنتزوجو وح نسافر بيها
انفتح الباب بالقوة … تلفتو الدكتور وحمزة
-الممرضه/ الحالة فاقت يادكتور
طلع الدكتور من الغرفه وحمزة وراه والممرضه

_________________________________________

_

فى حوش عمتك فاطمه

حمزة نزل يجرى / الزفت
طلع من الممر اللى فالدور الاول للباب طول …

وسحر ركبت تجرى لى حوش خالها مختار .. خشت الحمام اللى فالكردورى الخارجى … البنات سمعو الصوت
-جتها انتصار طقت على باب الحمام / سحر… انتى جيتى تجرى
-سحر ترعش مع بعضها / ايه انا .. ماهو مزرورة
-اتتصار/ خودى راحتك .. غير سمعنا الجرى انخلعنا …
طلعت سحر تليفونها من جيبها ويديها يرعشو اتصلت بي خالد….
شرين التليفون …
خالد رد / ايوووة
-سحر/ شافتنا ولا ….. شافتنا
-خالد / شافتنا امالا عميه … لكن طز ..
-سحر تبكى/ ياغبارتى … كيف طز .. حيه عليا كان تقول لى امى ..لما تقطعنى
-خالد / ياودى خلاص بلا خلعه زايدة .. يعنى هيا مادارتش الشى هدا مع عمى زمان
-سحر/ ياحليلى انا قريب نموت وانت عندك الموضوع عادى
-خالد / توة هدا اللى صار .. شنو بنردو الزمن لتالى .. انتى وين توة
-سحر/ انا فالحمام
-خالد يضحك / فالحمام??..باهى غير هدى روحك وغسلى وجهك واطلعى وخلى روحك عادية جنب البنات ..
-سحر/كيف تبينى نهدى روحى بعد اللى صار
-خالد يبيها تهدا / لعلمك هيا شافتنى انا بس ..ماشافاتكش انتى
-سحر/ مستحيل .. اكيدة شافتنا الزوز
-خالد / لو شافاتك كانت شهدرت بيك … لكن هيا مازبطتش البنت اللى معاى … ولدلك ممكن تتوقع حتى بنتها .. فسكتت وقالت نستر خير
-سحر/ زعما هكى
– خالد / اكيد هكى .. وتلقيها قريب طارت بالفرحة توقعتنى بالك نحب بنتها
-سحر/ تحب عينك .. نقتلك ونقتلها
-خالد / باهى غير اطلعى يا مجرمه
-سحر/ نحبك
-خالد/ وانا نحبك اكثر منك. وماتنسيش موعد يوم الخميس
-سحر/ والله ماعاد فيا عظمه صحيحة
-خالد / لااااعاااد .. بيرفع مرته لاهلها يوم الخميس تبات.. وهوا بيمشى للزردة .. قالى نعطيك مفتاح الحوش
-سحر/ غير امتى بس ترفعنى لى حوش اماليا انبات وانت تزرد …
-خالد ?/ ونعطى مفتاح الحوش لى صاحبي
-سحر تضحك / عينك …
-خالد /بنفكرك زى كل مرة ..لما تلقينى واصل للممنوع دفينى
..اضربينى حتى الضرب .. المهم ماتخلينيش نغلط
-سحر / حاضر

وصكرو الخط..هدت سحر نفسها وطلعت للبنات ….

__________________________________________

_

فالمستشفى …

خش الدكتور لى هند هوا وزوز ممرضات .. وخلو حمزة برة يراجى على نار .. يتمنى من الدكتور انه يقوله انا غلطت والبنت مافيها شى …
قعدو معاها قريب نص ساعه .. وطلعو .. وسمحوله هوا انه يخش …
طق الباب وخش … هند انصدمت بيه ..
-هند / حمزة!!!
خش حمزة وقعمز قدامها عالكرسى ..وواضح وجه متغير
-مسك يدها / هكى تخوفينى عليك
-سحبت يدها تحشمت / شنو اللى صار
-حمزة / خوتى يضاربو وانا نحز .. جيتى انى ورا وليد وصاح عليك ..
-هند / الساعه كم توة
-حمزة / الساعه واحد ونص فالليل
-هند / سألنى الدكتور شن اخر حاجه ندكرها .. قلتله طلعت منجيب لى امى البندول ..ومعش نعرف بعدها شن صار
-حمزة / مزبوط .. بكرى امك قالت بعتها بتجيب البندول
-هند / امى!!.. وينها امى
-حمزة / بكرى جو هنايا امك وخواتك وخوتك .. لكن الدكتور قاللهم كلهم روحو….على قد ماداروله قاللهم شى….وبالفعل طلعو
-هند / وانت قعدت ❤
-حمزة / مقدرتش نسيبك ❤❤
تنهدت هند تنهيدة طويلة ..كأنها كانت فى بير وطلعت
-حمزة مسك يدها / خفت عليك هلبا …
تبى تفك يدها ماقدرتش هوا ماسكها ومحكم الامساك
-حمزة / ليش تجبدى فى يدك
-هند / انا الحق نتحشم ….ومسكت يدك لى يدى ماليهاش معنى
-حمزة / لااااا… ليها الف معنى …
هند تشبحله ….وخاشه فى بعضها من جرأته
-حمزة / انا نحبك يابنت الناس..ونبيك على سنه الله ورسوله
هند تفاجئت …… حتى صوتها هرب منها …
-حمزة / خيرك ساكته
-هند / اناااااا…. انا
-حمزة / تبى حد ثانى مثلا
-هند / لاااا طبعا … لكن انت فاجئتنى
-مسك يدها بايديه الزوز / يعنى انتى ملاحضتيش انى ملهوف عليك .. ومعش قادر على بعدك وكل دقيقه نكلم فيك
-هند/ ناديلى وحدة من البنات تقاعدنى راسى وجعنى شكله من الرقود طول اليوم
وقف وقرب منها / انا نساعدك
حط يده على كتفها ويد تحت رجليها …
-هند / لااااااا نادى وحدة منهم
-حمزة / اششششششش .. خلاص كملنا
وبحركه سريعه قاعدها وتكى ضهرها عالمخدة …
حمزة / مش حنسيبك الليله … ح نقعد معاك للصبح
-هند مبتسمه / بالك تتعب
-حمزة / تعبك راحة …
ومسك يدها / نحبك
-هند / احنا نهاية الاسبوع اللى قبل اللى فات بس تعرفنا
-حمزة / قلبي تحرك من بداية ماشفتك … وتبى الحق … مانبيش نفرض عليك نفسى …
-هند / بالعكس .. ليش تفرض فى نفسك
-ابتسم / يعنى تحبينى
-واطت راسها ?/ انا ماقلتش هكى
-حمزة مبتسم / يسلملى الخجلان اللى داس ضحكته
-هند / اسمع انا نتحشم
-حمزة / نكلم خوك منعم
-هند / على شنوبتكلمه
-حمزة / عليك حبيبتى …ولا تبى تفكرى
-شبحتله / انت كل شى هكى عطيتهولى فى جرت بعضه
-حمزة ماسك يديها الزوز / تبينى ولا ماتبينيش.. شجعى نفسك وقوليهالى
-هند متحشمه /شن منقول

-حمزة/ قوليلى نحبك .. حاس ان الشعور متبادل بينى وبينك… ولو ماتبنيش والله ماحنزعل .. قوليلى منحبكش وانا والله ماحندير الا حاجه وحدة بس …
-شبحتله / شنهيا الحاجه وحدة بس ..قصدك بتطلع
-حمزة / لا يا فالحة منحاول نقنعك لين تقتنعى
-هند واطت راسها..وبعدها شبحتله / مفيش داعى لى اقناعى لانه بالفعل شعور متبادل … انا نحبك
-قرب راسه منها وهوا فرحان / نعم
-هند / خلاص عاد…
– حمزة / لا قوليها وعينك فى عينى
-غطت وجهها بايديها / نحبك
– باس يديها الزوز / غدوة نكلم منعم ومختار
-هند / انت نسيت ان عندنا حالة وفاة فالعيلة
-حمزة / انا مانبي شى .. يعطوك ليا بس .. معقولة نقعد فى موقف زى هالموقف مش قادر نوقف جنبك .. متحشم من خوى اشرف ومن خوك منعم
-هند تضحك / ماخلوكش تخش تشوفنى
-حمزة / ولا قدرت نوقف حتى قدام باب غرفتك .. وتوة تشوفى فيا جاى متأخر زى الخناب
هند تضحك
-حمزة / محلى الضحكة اللى تجلى الهم …
-هند تكت راسها عالمخدة / بس منسئلك سؤال
-حمزة / انتى تؤمرى مش تسألى
-هند / حاق خاطب بنت عمتك صفاء
-حمزة / شنو الكلام الفاضى هدا من قالهولك
-هند / هيا قالتلى انك خطيبها
-حمزة / هادى وحدة كدابه.. وتقول فيها للعيلة كلها وماحد يصدق فيها ..اسألى اختك صالحة
-هند ضحكت / باهى
-حمزة / نحبك
هند مبتسمه وتشبحله
-حمزة / كلمه نحبك اول مرة نقولها لى بنت
-هند / وانا اول مرة نقولها لى شاب
-حط يده على خدها / معقولة هالقمر هدا كله ماعاكسه حد
-هند / كانا عاللى يعاكسو هلبا ..لكن انا مانشبح لى حد
-حمزة / محلاها العاقلة اللى تحب راجلها بس
-هند / اسمع راهو ماتحلمش نديرو حتى حاجه لين يطيح حزن نرمين ..كلمه مع خوتى وخلاص
-حمزة / خليها عالظروف .. انا غدوة منمشى لى مختار فالمستشفى منقوله .. واللى فيها الخيرة يأتى بها الله
-هند / والنعم بالله

ثانى يوم … كلم حمزة مختار فالمستشفى .. ونادو على منعم وقالوله وقال الراى الاول والاخير ليها ولى مختار … بالرغم مختار قاله هيا ليك لكن الكلمه تموت هنايا ..خايفين اختهم صالحة تزعل تقول بنتى ماطقتش عشرة ايام وهما يعطو فى هند … وبلغو حمزة انهم مش حيسئلو هند الا بعد اسبوع تكون صحتها شدت نفسها
وفالعشيه طلعت هند من المستشفى للحوش وتلمدو عليها الجيران واقاربهم …وتليفونها مابطلش تشريين من حمزة .. مرة ترد ومرة لا .. لدرجة داراته صامت تحشمت من امها ..

___________________________________________

_

ثانى يوم الخميس

سحر وخالد فى شقه صاحب خالد ..مفرشين فراشات راقدين جنب بعضهم فى المربوعه … ومنسجمين

بعد ربع ساعه ..

سحر تحت خالد تضرب فيه على كتفه / حووول .. حول يا خالد لاااا … لا ….
قعد شوى خالد وبعدين حول من عليها ورقد فى جنبها
-سحر عيطت / حيييه عليا دم ….دم
انخلع خالد ناض / شنووو .. شنو تقولى
-سحر تخبط على وجهها / حيه عليا دم ياغبارتى ..

البنت تهسترت .. الموقف اعتقد ايرعش اى بنت .. كونها تفقد عدريتها وهيا مش متزوجه

____________________________________________

تمت …. ويتبع

حمزة بيتزوج هند وبيعالجها ولا بتصير عوائق
وخالد ……..كيف بيتصرف مع سحر راجل ولا عيل
اليوم ماتكلمناش على نرمين ?.. الحلقات الجايه بتنكشف حقيقه مقتلها

تى وين اللايكات نقصو هلبا ..عالاقل ديري لايك يلى تقرى بالسر ???

نحبكككم ❤