رواية أنحراف فوشيكا

?انحراف فوشيكا ?
الحلقةه: السادسةه
بقلم فاطمه سالم…………. ?…. ?… ?…….
استاد علي رفع سعد لي مستشفى خاص عن يديرو تحقيق..وداووله جروحه السطحيه وخيطوله راسه سته بونتو يعتبر جرح مش عميق هلبا خيطوه باش يلتم وبس وخدوله اجازه اسبوعين ما بين لتم جرح وحولوله الخياطه هو مفروض عشره ايام بس خلوها 15يوم باش تتحسن صحته ويرتاح…. وراجعو كاميرات الممرات ولقو ان اخر طالبين طلعو هم عباس واريام وكلهم نفس سؤال اشمعنى اريام طلعت بعد ما خش استاد علي وردود فعل عباس متعصب!!!…….قعدو يتهامزو وكل حد فاتح موضوع بجوه….
….مريم: ها لاريام شايفه روحها على ابيض وطلعت وحده مهيتهبلقيس: كان تشوفيها كيف تمشي مش شايفه حدسماهر: اياااه مره لقيتها في عرس دارت روحها ما تعرفنيشمريم: اشيه شورك مصاحبتيها ها؟بلقيس: شكله ضاربه صحبه معاها من ورانا!!سماهر: لا غر سلام من بعيد

مريم: اممم به به….. المهم اني من قبل ملاحظه عباس يبيها

سماهر: اخخ يهبببل عباس غر ندادي بس

بلقيس: هههه مصحك حتى ندادك ملحقه عليه

سماهر: تي يهببل

مريم: المهممم اول ما تجي اريام لازم لازم نجبدو منها الدوه

…. وقعدت اريام في فم لي يسوى ولي ما يسواش والمدير يشحط في عروقه وهو بروحه ميت فيها ويتحلف ويشحط وموضوعه موضوع وعباس معاش يجي للمدرسه واستاد علي يهدي في وضع…

علي: استهدي بالله ياراجل راك حاج وتعرف صواب ولازم نسمعو من طرفين تظلمش البنت وراهي صغيره دوبها طلعت من ابتدائي

المدير: شوف لبسها انت اخر الايامات تلبس في ضيق ومشحط من دون البنات طبيعي بنيه وحده يدلع فيها بوها لين نشركت لكن يدلعها بعيد على مدرستي خلها تجي بس و تاخد ملفها وتسقد

علي بتخنيس: وبوها تعرفه وكل يوم تتلاقى معاه ادويله ولا غر تبي موضوع من بنته

المدير ارتبك: هااا لا غر بوها راجل كويس ونعرفه ومايستاهلش ومانبيش يحرج مني الراجل وخلي الموضوع يجي من البنت مش مني

علي: اممم وخيرك انت مركز مع بنته ولبسها ره هدا لبس البنوت

المدير قعد يساوي في قرواطته بتوتر: هئحم هدي البنت بنت صاحبي ومانرضاش يصيرلها هك ياراجل

علي: امم وكان ما ترضاش خليها في مدرسه خير ما يدوي عليها الداعي والمدعي

المدير: ساهل ساهل…. غر اا قول لي استاد يشد بدل سعد

علي: باهي ياحاج باه واستهدي بالله وحط عقلك في راسك

“اريام صارلها زي المثل: لما اطيح البقره يكثرو سكاكينها ”
لدالك هدا بيش عرب زمان يقولو البنت كيف كتانه بيضه لو جت فيها نقطه سوده راحت عليها…. علشان الناس ما ترحمش والسوس كاثر

وقال رسول الله صلى الله عليه وسلم: تجنبو الشبهات ?…
….
زي بنت لما تطلع في نص ليل مرات عندها مقضى حاجه او مريضه بتمشي لي مستشفى لكن لي ح يشوفها مش ح يرحمها……

…..?…… ?
عند اريام

مشيت للمقصف واني في عقلي كلام صاحبه اختي بس ما اهتميتش للامر باش نفهم القصد ولقيت ازدهار ابصر شن تقول للاستاد وهو يشبحلي بخبث وشوي وجت ازدهار هي والاستاذ…

ازدهار: اي يا استاد هادي اختي وللعلم هي صغيره وماتقدرش تكلمك او شي

استاد بحزم: امممم عموما يلزم ولازم ان اختك تروح وتطلع من مدرسه

ازدهار فنصت فيا ومشت عني….

استاد: اتصلي بيا تمام اول ما توصلي طمنيني وحسابك بعدين انك خبرتي

اني: شن درت؟

استاد: روحي بس واتصلي بيا

اني: ان شاء الله!

..
خلينا نرجعو شوي قبل دقايق…
فلاش باك?

صاحبه اختي: عدي للاستاد ودروحك خايفه على اختك باش ساحه تفضالك واحكي بدلع باش تلفتي انتباهه

ازدهار: تعرفي بنهببل كيف هك يصير كييف ??

صاحبه اختي: عدي بس وامسحي دموعك وهاك ديري روج

ازدهار دارت روج وواست وشاحها ومشت….

ازدهار: لو سمحت استاد نبي نحكي معاك شوي

فارس: اهمم تفضلي

ازدهار: اسفه على كلامي لي بنقوله بس اختي قتلي انك عطيتها رقمك…… بصراحهة يا استاد اختي صغيره على مواضيع هدي يا استاد وفهمك كفايه ومانبيش نحكي بصريح عباره احتراما بأنك استادي ….واصلا اختي صاير لها مشاكل للمواضيع هادي وحقيقتا اختي مش مزبوطه

فارس: هههههه لي شنو تبي توصليله همم قوليلي…شوي صغيره وشوي مش مزبوطه؟ …. ياستي صغيره ومش مزبوطه و نبيها عندك مشكله؟

ازدهار ارتبكت: ااا لا قصدي لا يا استاد هي صغيره نقصد ومرت بمواضيع هادي رغم صغرها وصارولها مشاكل فا ما نبيش تزيد تنحرف وتسوء تصرفاتها

فارس: تنحرف؟؟…. عارفه على منو تحكي انتي ره على اختك تحشمي يابنت ناس راهي اختك وكان عندك شي ديريه بعيد عليا وبعيدد على اختك

ازدهار: احم ااا اوك استاد بس تعال معاي شوي وقوللها تروح

فارس: تفضلي ياستي ونشوفو اخرتها معاك

… “وباقي تعرفوه انتو”… ?
……
طلعت من مدرسه وروحت واختي ولا كأنها اختي لا قتلي ماتروحيش بروحك وخافت عليا ولا ايي شي قاعد استاد خير منها….

خشيت للحوش ويادوب حولت كندرتي خديت تليفوني على طول وكتبت رقم في الفون واتصلت واني مرتبكه ……

” وكانت اول مره نكلم فيها ولد على فون “?بقلم فاطمه سالم….
ومن تاني رنه رد

فارس: الوو

اني: ا اهلين

فارس: ارياام؟!

اني: اي اني…. شن قصدك بي ” حسابك بعدين؟ ”

فارس: لانك خبرتي اختك على رقم!….. واني قتلك ماتخبريش؟…..

اني: لانها اختي طبيعي بنحكيلها

فارس: امممم اسمعي تبعدي على اختك تمام ومعاش تحكيلها شي

اني: ليش؟…. ومن تكون انت باش تبعدني على اختي!!

فارس معصب: اني قلت تبعدي عنها يعني تبعدي فاااهمه

صكرت عليه الخط وعاود اتصل بيا صكرت عليه و حطيته في الحظر….

كنت لي يبي يبعدني على اختي او عيلتي يبقى عدوي و منعرفش كنت ان “الاقارب عقارب ” ??

نضت درت نص تن وبدلت وتوضيت وصليت ورقدت ونضت في نص ليل ?⏰??…. جيعانه ووجعتني نفسي كيف ان امي ما تنوضنيش ناكل ولا شي….. لقيت ازدهار مش في الدار…. طلعت من دار نسمع في صوت تبعت الصوت……

ازدهار: ح نشوه سمعتها الفرخه هدي عقابها تاخد مني لي نحبه

ازدهار: لالا تخافيش عليا مش ح تحرقني النار لاني اني النار ودخان والنار ما تنحرقش تحرق بس…

جيتها اني بكل غباء….

اني: زهوره مني لي خدي منك لي تحبيه؟

ازدهار ارتبكت: شن تقولي انتي

اني: سمعتك تحكي هك!

ازدهار دفتني: عدي يا مريضه استمرضي بعيد

التفت لقيت امي؟؟؟…. فهمت ليش ازدهار دارت هك……

خشيت الحمام حشاكم توضيت وصليت وامي قعدت تحاول تعرف مني شن سمعت هك مابيتش نحكيلها وكليت مكرونه ورجعت رقدت……

نضت الصبح لقيت ازدهار تشبحلي بلكره….. ما اهتميتش لنظرتها….. نضت للحمام حشاكم توضيت وصليت ولبست الزي ومشيت وفي نص الطريق نادت عليا ريحان….

ريحان داهشه: استني خيرك ماتسمعيش؟

اني: كنت سرحانه ما سمعتكش

ريحان بغمزه: لي واخد عقلك يتهني

اني: فكيني منه ترا

ريحان: خيرك؟

اني: شي هكي وخلاص

ريحان: به ياستي….. خطرها خيرك امس غايبه

اني: هدا هو مشيت مع اختي لثانوية

ريحان: خزززي تي خيرك ما قتيلي ره مشيت معاك

اني: هدا هوا به خيرك نهارها ماتبيش تمشي

ريحان: حسيت روحي مريضه مابيتش نمشي…. شن خديتو عني

اني: ماحضرتش كل الحصص اصلا روحت

ريحان: تقدريش بدوني ها ?

اني: تي خشي هيا وقت ?

خشينا للفصل وارتحت ان مالقيتش استاد سعد وكلهم يشبحولي و يتهامزو وشوي جتني مريم….

مريم: شن لي صار يا مهيته

اني: ليش خيره شن في وادوي بي اسلوب

مريم: والله اسألي روحك دنيا كلها مقلوبه بيك

ريحان: ريومه الاستاد ينادي عليك

مريم: باش تجي ها

اني: به هي سلام….

خشيت الاداره ولقيت……….. يتبع
زعما من ح تلقى؟…. وزعما فارس كويس او لا…. وزعما ازدهار شن بدير؟…. وزعما سعد لما بيرجع شن ح يدير لي عباس