رواية أنحراف فوشيكا

?انحراف فوشيكا ?
الحلقةه: احدى عشر
بقلم فاطمه سالم…….
..
واهلي مش مهتمين بيا كل حد في حاله لعند ما مشيت للمدرسه وملقيتش لا سعد ولا فارس ولا ريحان ولا عباس ما اهتميتش للامر ووقتها كانت عندنا حصه تربيه اسلاميه قعدت مركزه مع ابله…
الابلة: اليوم ح ناخدو سورة البروج ?شرح بسيط وطويل شوية للسورة بس حاولت نختصر…..ناضت طالبه وقالت….طالبه: عفوا بنسألك يا ابله ليش سموهم بي اصحاب الاخدودالابلة:طبعا تو نقوللكم علاش سميوا ب هذا الإسم { أصحاب الأخدود}كان يا مكان في قديم الزمان كان في ملك ظالم يحكم قوم معين وكان الملك هذا فارض على قومه انهم يعبدوه ويتخدوه آله ليهموكان في ولد من أهل هذه القرية مبارك كان الي يدعيله بي الشفاء يشفى والي يدعيله بي الرزق يرزقه الله سبحانه و تعالى ?

كانوا ديما يمشوله وطبعا ملكهم ما كانش يعرفه لين في يوم من الأيام جي الوزير للملك وسمع من أهل القرية إن في فتى مبارك

وكان الوزير هذا عنده ولد كفيف 《أعمى》 فا قال علاش اني منجيبش ولدي ليه مش يتعافى مشي جاب ولده وجي للولد هذا

الولد قال للوزير عندي شرط معين إنك متقولش للملك عليا فا وعده الوزير ودعاله وشفاه ربي فا انبهر الوزير فعد يسإل فيه كيف درت هكي وشن قلت مشي قاله انت وعدتني انك متقولش للملك و اني ندعي في الله سبحانه وتعالى وقعد يحكيله ع الله فا آمن الوزير

ومشي للملك استغرب قاله كيف ولدك تعالج وهكي مشي قاله في شخص مبارك وحكاله كل شي بس مذكرش اسمه ولا شي وحكاله انه آمن وفي إلاه غيره تعصب الملك وقال لجماعته انهم ياخدوه ويعذبوه ف من الكثر التعذيب قاله من هو الولد

مشوا للولد خدوه عدبوه وقعدوا يقولوله من خلاك تؤمن وهكي من دخلك للإسلام حسب ما فهمت انه دلهم على شيخ معين المهم

طلب من جماعته انهم ياخدوا الولد ويلوحوه من فوق الجبل خدوه ومشوه في نص الطريق قال الولد
《 اللّهُمْ إكْفِنِيهُمْ شَرَّهُمْ بِمَا شِئْتَ》?

مشي ربي سخر ريح قوية تقلب الولاد الي رافعينه من فوق الجبل وماتوا هما ورجع الولد للملك بروحه مخافش منه قاله وينهم مشي الولد قاله ربي كفاني شرهم تعصب منه الملك وطلب من زوز تانيين ياخدوه ويركبوه ف قارب ويخشوا بيه للبحر ويلوحوه ويرجعوا هما
ف برضوا ف نص الطريق دعي ب 《اللَّهُم إِكْفِنِيهُمْ بٍمَا شِِئْت》 ف سخرله ربي وكفاه شرهم وطاحوا هما ف البحر وماتوا ورجع الولد للملك وقاله ان ربي كفاني شرهم تعصب من جديد وقعد يقوله مافيش آله غيري وهكي

المهم تكنطى الملك وقعد يضرب فيه وقاله انت خيرك وشن ادير و هلبا كلام ف قرر الملك ان هو يقتله ويرتاح

مشي الولد قاله عندي شرط تبي تقتلني ارفعني لمكان يكون معبي ناس متلا جيهة الأسواق او هكي واقتلني قدامهم ف قاله تم رفعه والتموا الناس وخدي الرمح 《الأسهم 》 وبدي يقول الملك بب إسمِ أنا و يرمي عليه فا سبحان الله السهم كل ما بيوصل فيه يتغير اتجاهه وميوصلش فيه مرة ومرتين وكدا مرة نفس الشي والناس مصدومين وزاد تعصب الملك

مشي الطفل قال للملك تبي تقتلني عندك كلمة كان تقولها وترمي عليا نموت قاله شن هيا قاله قول 《بِسْمِ رَبِّ الغُلامْ 》 قالها الملك ورمي عليه ومات الطفل فرح الملك وتلفت لقومه لقااهم فاتحين فمهم قاللهم خيركم

قالوله 《آمَنِّا بِرَبِّ الغُلَامْ ?》تعصب وقعد يقوللهم اني ربكم وما بوش يصدقوه مشي أمر جماعته بي حفر أخاديد ف الأرض 《جمع أخدود وهي حفر اي خندق عميق بشكل مستطيل في الأرض 》

وقاللهم افتحوا فيها نار وطيحوهم فيها ف قعدوا يطيحوا الناس ف الخندق هذا وانحرقوا وسميوا بي أصحاب الأخدود ?

وقعد الملك الطاغي مقعمز يتفرج عليهم هو وجماعته ف قوله تعالى 《إِذْ هُمْ عَلَيْهَا قُعُوُدْ 》

وَالسَّمَاءِ ذَاتِ الْبُرُوجِ 《1》وَالْيَوْمِ الْمَوْعُودِ 《2》وَشَاهِدٍ وَمَشْهُودٍ 《3》قُتِلَ أَصْحَابِ الأُُخْدُودْ《 4》النَّارِ ذَاتِ الوُقُود 《5》إِذْ هُمْ عَلَيْهَا قُعُوُدْ 《 6》وَهُمْ عَلَى مَا يَفْعَلُونَ بِالمُؤْمِنِينَ شُهُودٌ 《7》 ?

ان شاء الله تكونوا فهمتوا مني ياطلبه?

طالبه: عفوا يا ابله قعد الولد يدعوا ف الوزير على وحدنية الله وليس للإسلام وبارك الله فيك على توعيه

ابله: شكرا على تصحيح تفضلي اجلسي يا طالبه وكل حد يصبي يحكيلنا رايه في شرح الاية ونشوف لو في اقبال ح نستمر

طالب: الحمد لله ولا اله الا الله ولا معبود سواه مخلصين له الدين ولو كره الكافرون،،،،جزاك الله خيرا ونسأل الله لعباده الشفاء

طالبه: بارك الله فيك وفي من علمك القصة وشفاه وعافاه ، تصحيح بسيط من فضلك ، في تفسير الاية قتل اصحاب الاخدود قتل تعني لعن … اي ….لعن اصحاب الاخدود ، يعني ربي لعن اصحاب الاخدود اللي حفروه واحرقوا الناس فيه .وجزاك الله خيرات يا ابله

طالب: الله يبارك فيك وفيه وربي يشفيه طهوراً بإذن الله ..
وسبحان الله بنت خوي المريض تقرأ على مسامع أبيها قبل سفره للعلاج من القرآن سوى سورة الرحمن والملك والبروج وآيات الشفاء السبع …

طالبه: بارك الله فيك وفي من شرحها لك ربي يبارك في صحته وعمره ? بالنسبة لكلمة الاسلام فهي تعتبر صحيحة وليست خطا اذا كانت هذه القصة تقريبا في زمن سيدنا ابراهيم .وقد ورد في القران الكريم بما معناه انه ماكان ابراهيم يهوديا ولانصرانيا ولكن حنيفا مسلما وماكان من المشركين ” اي كان مسلما موحدا لله عز وجل ولكن طبعا اكيييد كان هذا قبل وجود مصطلح الاسلام الرسالة الخاتمة التي جاء بها محمد صلى الله عليه وسلم في القرآن الكريم

طالب: حلوة قصة القرآن كله موعيضة لكن انسيتي حاجة مهمة في مرآة شاده ولدها وكان رضيع فلما شافت النار خافت طبعا اتكلم الطفل في المهد طبعا كلام امه بس لسمعااته? قال امه اصبري ياأمي فأنكى علي حق ☝️….سبحانة لله لله اكبر وكان من ضمن ال3لتكلمو في المعهد سيدنا عيسي عليه السلام…وطفل ماشطة فرعون …وطفل هذه المرآة اصحاب الاخدود ولله اعلم?

طالبه: تسلمي في ميزان حسانتك هذه القصة واني صغيرة اما سمعتها من بوي ربي يرحمه يا تفرجيت عليها المهم مش متفكرة وناسية سبب قصتها شكرا لتذكير بالقصة والسورة التي ظالة عليها

ابله: ماشاء الله ماشاء الله عيني ما ضركم كيف تعرفو معلومات هدي

طلبه: نقرو في جامع يا ابله

ابله: ما شاء الله حويته عليكم هي كل واحد يقولي وين واصل صبي يا طالبه

طالبه: في تتباركه

ابله: ماشاء الله وانتي

طالب: جزء عامه

ابله: تبارك الله ماشاء الله لو في عدد كبير ح ندير مسابقه في قرآن

“وقعدو الكل يسجل في اسمه ومتحمس الا اني حاسه روحي حقيره مش عارفه بجد مش عارفه ليش حاسه هك بس حتى صلاتي ليا فتره قطعتها ?تشجعت ونبي نسأل على اما جامع باس نقرا فيه”

اني: عفوا يا ابتهال

ابتهال بنظره كلها حب وطمأنينه: نعم تفضلي

اني بي ارتباك: اما جامع تقري فيه نبي نقرا حتى اني

ابتهال: في…. هو قريب من حوشكم لو تبي نخطم عليك عادي

اني بفرحه: اي عادي

ابتهال: تمام من ساعه اربعه لعند سته وكل يوم الا جمعه وخميس والسبت مراجعه لي كل السور

اني: تمام شكرا

ابتهال: ولو ??…. و لو تبي ايي شي تفضلي

اني: شكرا ….. عادي نفطر معاك؟

ابتهال: اي عادي

وطلعنا فطورنا وطلعنا للساحه وكانت ابتهال تهببل وكلها تفائل و ايجابيه

اني: عادي تسمعيني صوتك وانتي تقري في قرءان

ابتهال بخجل: ههه نتحشم!

اني: غر هيا عاد محد يسمع فينا ?

ابتهال: به… بسم الله الرحمن الرحيم

قُلْ أَعُوذُ بِرَبِّ الْفَلَقِ (1) مِن شَرِّ مَا خَلَقَ (2) وَمِن شَرِّ غَاسِقٍ إِذَا وَقَبَ (3) وَمِن شَرِّ النَّفَّاثَاتِ فِي الْعُقَدِ (4) وَمِن شَرِّ حَاسِدٍ إِذَا حَسَدَ (5)

صدق الله العظيم

اني عيني دمعت وحسيت براحه قداشني عليها : اشرحيهلي

ابتهال :وقوله: ( وَمِنْ شَرِّ غَاسِقٍ إِذَا وَقَبَ ) يقول: ومن شرّ مُظلم إذا دخل، وهجم علينا بظلامه.

ثم اختلف أهل التأويل في المُظلم الذي عُنِي في هذه الآية، وأمر رسول الله صلى الله عليه وسلم بالاستعاذة منه، فقال بعضهم: هو الليل إذا أظلم.

اني: محلاك بس ليش تحكي بي لغه عربيه الفصحى

ابتهال:هك اغلب كلامي ?

اني: اها ….. حي تمت استراحه!

ابتهال: اي

‎محلاهم الناس الي حتي معرفتهم مليهاش هلبا بس مخلين آثر في قلبكك ،.??
‎محلاها الناس الي يبوك تضحكي مهما يصير ، ويقو فيك بكلامهم ومن كلامهم تحسيهم انهم نعمه ربي بعتهالك .??
‎محلاهم الناس هادم الي لما تخطر عليك حاجه اضحك معاهم تبتسمي لإراديا..
‎محلاهم الناس الي يخلو بصمه في قلبك ححلوه ?
‎محلاكم ومحلا معرفتكم ومحلا ضحكتي ومحلا فرحتي لما نكون معاكم ..??

مشينا للطابور وخشينا للفصلنا وخدينا باقي حصص وروحنا….. ومره هدي غير روحت بروح ايجابيه ومفعمه بتفاؤل ومع ابتهال ??

مشينا الحوش بنشاط وتغديت وغسلت ماعين ومشيت لي بابا وقتله على جامع

بابا: تي ماهو زمان نشطحلك عليه وما تبيش

اني: يا بابا هداكا زمان كنت منعرفش واصلا ابله كنا نستنو فيها بساعتين ولما تجي تاخد في مجموعه وحده وباقي يروح

بابا: غر الهي بقرايتك وباقي ملحوق عليه

اني: اخخ يابابا تي ماهو بنت بتجيني بعدين

بابا: باه به دروحك توا غر بتختميه قرآن

اني وجعتني كلمه في وسط قلبي بدل ما يشجعني ويفرح ?حطمني…… مشيت وتيت روحي ورفعت معاي كراسه وقلم وسوي وجتني ابتهال ومشينا للجامع حولنا كنادرنا البرا وخشينا ❤الله على راحه الله ❤تعرفو اطفال صغار ويقرو ويتنافسو ووجوههم كله براءه وتصرفاتهم عفوية ❤وصوت قرءان هدا بروحه حكايه بجد❤الاسلام نعمه ❤

خشيت قعمزت وعطوني حروف اقلاب واظهار واخفاء وادغام …. خلي نشرحلكم عليهن بلمره تستفادو ❤

الإظهار: يعني الإظهار في اللغة: البيان، أما في الاصطلاح الشرعيّ: النطق بالنون الساكنة والتنوين دون غنّة، إذ يجب إظهار التنوين وإظهار النون في حال جاء أحد حروف الإظهار الستة بعد كلٍّ منهما وهي: الهمزة أو العين أو الهاء أو الغين أو الحاء أو الخاء. الإدغام: الإدغام في اللغة يعني: الإدخال، أمّا في الاصطلاح الشرعيّ فيعني: النُّطق بالحرفين كالثاني مُشدّدًا، أمّا إدغام النون الساكنة فيعني: إدخال النون الساكنة في الحرف الذي يليها من حروف الإدغام، أي يُصبح حرف الإدغام مشدّدًا، وتصبح النون الساكنة داخلة فيه وغير ظاهرة، وهكذا أيضًا بالنسبة للتنوين، إذ يجب إدغام التنوين وإدغام النون في الحرف الذي يأتي بعد كلٍّ منهما من حروف الإدغام الستة،
وهي حروف كلمة “يرملون”، وينقسم الإدغام إلى نوعين هما: إدغام بغنّة وإدغام بغير غنّة، والإدغام بغنّة يكون بإدغام كلٍّ من النون والتنوين في الحروف المكوّنة لكلمة: “ينمو” أو “يومن”، ويكون مقدار الغنة حركتين، ويُستثنى من الإدغام بغنة في حالة النون الساكنة مع الياء أو الواو، ففي هذه الحالة يجب لإظهار …..مثل: “الدُّنْيَا” وكلمة “صِنْوَانٌ” وكلمة “بُنْيَانًا”، أمّا الإدغام بغير غنة فيكون فيه إدغام النون والتنوين في الراء واللام، مع إلغاء الغنة، ففي حالة اللام:” مِن لَّدُنْهُ”، وفي حالة الراء: “عِيشَةٍ رَّاضِيَةٍ”.

الإقلاب: الإقلاب في اللغة يعني: تحويل الشيء عن وجهه، أما في الاصطلاح الشرعي: فهو جَعْل حرف مكان حرف آخر، أي تتحول فيه كلٌّ من النون الساكنة والتنوين إلى ميم مخفية، إذا جاء حرف الباء بعد كلٍ منهما مع الغنة بقدر حركتين، ومن الأمثلة على الإقلاب: “أَنبِئْهُمْ” “مِن بَعْدِهِمْ” “أَن بُورِكَ”.

الإخفاء:عندَ الحديث عن الإخفاء، فإنّ أول ما يتبادر إلى الذهن هو معرفة حروف الإخفاء وتمييزها جيدًا لفهم الإخفاء، والإخفاء أو ما يُعرف بالإخفاء الحقيقي، يعني في اللغة: الستر، أما في الاصطلاح الشرعي: النطق بالتنوين والنون الساكنة بصفة ما بين الإدغام والإظهار، مع تعرية التنوين والنون الساكنة من التشديد، وبقاء الغنة بمقدار حركتين، وذالك في حال مجيء بعد كلٍ منهما واحدًا من حروف الإخفاء والتي يبلغ عددها خمسة عشرة حرفًا وهي: “ت، ث، ج، د، ذ، ز، س، ش، ص، ض، ط، ظ، ف، ق، ك”، وبناءً على حروف الإخفاء هذه ومواضعها، يتم الإخفاء أثناء تلاوة القرآن الكريم

“كتبتهم الحروف مع الشرح والشيخه قعدت تحكيلنا على سوره البقره ❤”

الشيخه: أنا انحب سورة البقره هللللللبه، لاكن دايما كنت نسأل في نفسي سؤالين وماكنتش عارفه إجابتهم ……

أول سؤال …علاش سورة البقرة اسمها هكي؟

ثانى سؤال هو …..شن علاقة مواضيع سورة البقرة ببعضها ،

يعنى ربي سبحانه يتكلم فيها عن مواضيع هلبه ، شن علاقة المواضيع هذى كلها ببعضها ؟
سورة البقرة من أكثر السور القرآنية اللى المستشرقين خدوا عليها مطاعن ، كانوا يقولوا سورة 286 آية 49 صفحة ، ماتعرفش طالع منين ووين داخل ، كل شوية الموضوع يتغير .
بل لدرجة إن بعض كبار علماء التفسير قال سورة البقرة لايوجد ترابط بين آياتها ، فهى سورة كلها أحكام ….

وظهر فريق آخر من العلماء ردوا على المستشرقين إن مافيش كلمة فى القرآن ماليهاش حكمة ، بل كل كلمة ليها حكمة وترابط مع غيرها لإن هذا كلام ربي سبحانه….. .
اجابة السؤال الأول وهو سبب التسمية ، واحد من بني إسرائيل قتل واحد تاني وماعرفوش مني اللي قتله ، مشو لسيدنا موسى -بصفته النبي- وسألوه مني اللي قتل ، باعتبار انه نبي أكيد متصل بالله….
ف ربي رد على سيدنا موسى بأمر ذبح البقرة الصفراء هذا علاش هما ردوا بعدها “أتتخذنا هزوا”
يعني احني انقولك مني اللي قتل الراجل تقولنا اذبحوا بقرة !!!!
وقعدوا يماطلوا كعادة بني إسرائيل ، بعد ما ذبحوا البقرة، ربي امرهم يضربوا الشخص المقتول بعظم البقرة الصفراء المذبوحة، ولما ضربوه بيها!!! الشخص ناض بعد موت وقال مني اللي قتله.

“فقلنا اضربوه ببعضها كذلك ييحي الله الموتى ويريكم اياته ..”.

القصه كلها عبارة عن معجزه تبين قدرة الله تعالي وانه لا يستحيل عليه شئ .?

إجابة السؤال الثانى باختصار ح نحاول نربط الآيات ببعضها فى إيجاز .
سورة البقرة جزئين ، الجزء الأول عبارة عن 3 قصص لي 3 خلفاء فى الأرض .

الخليفة الأول هو سيدنا آدم “إنى جاعل فى الأرض خليفة” .
ربي كلفه تكليف وكانت النتيجة إنه عصى ثم أطاع و جاب 50% فى التكليف “وعصى آدم ربه فغوى ”
الخليفة التانى بنى اسرائيل “ولقد اخترناهم على علم على العالمين”.
ربي كلفهم تكليف ، كانت النتيجة 0% مافيش معصية فى حق الله إلا فعلوها .
الخليفة الثالث إبراهيم عليه السلام “إنى جاعلك للناس إماما”
كانت النتيجة 100% وأطاع تمام الطاعة .?
الجزء التانى من سورة البقره كله أحكام ، احكام الصيام والقصاص والأسرة وتحريم الربا وأحكام الدين والإنفاق .
ربي قبل مايقول لنا الأحكام ، سالنا انتم رح تكونو زي مني فى التلاته ، زي آدم (تطيعوا وتعصوا) ، ولا زي بنى اسرائيل “قالوا سمعنا وعصينا” ولا زى ابراهيم تطيعوا تمام الطاعة .
هذا علاش الجزء الأول كان فيه قصة الثلاثه خلفاء وبعده الجزء الثانى الأحكام والتشريعات
وفي الآخر قوله تعالي “لله مافى السموات ومافى الأرض وإن تبدوا مافى أنفسكم أو تخفوه يحاسبكم به الله “.
لما نزلت الآية مشو الصحابة للنبى صل الله عليه وسلم وبكوا وقالوا يارسول…. الله أمرنا بالصلاة والصيام والزكاة فصبرنا وامتثلنا لأننا كلفنا بما نطيق ولكن هذا تكليف بما لانطيق ، فقال النبى صل الله عليه وسلم لاتكونوا كبنى اسرائيل مع موسى قالوا سمعنا وعصينا ولكن قولوا سمعنا وأطعنا ، ف لما قالوها وأكثروا منها مدحهم الله بقوله تعالى “آمن الرسول بما أنزل إليه من ربه والمؤمنون ” ، “وقالوا سمعنا وأطعنا غفرانك ربنا وإليك المصير “. ?
ونزل التخفيف من الله عنهم بقوله “لا يكلف الله نفسا إلا وسعها لها ماكسبت وعليها مااكتسبت” .?
والختام بدعاء الصحابة لله بقولهم “ربنا لاتؤاخذنا إن نسينا أو أخطأنا ” يعنى ماتعاملناش يارب زي آدم لو درنا زيه ف نسينا التكليف او أخطأنا ف تطردنا من جنتك .
“ربنا ولاتحمل علينا إصرا كما حملته على الذين من قبلنا” متعاملناش يارب زي بنى اسرائيل ، الإصر هو الشىء الثقيل على النفس لإن ربي قالهم (فتوبوا إلى بارئكم فاقتلوا أنفسكم) .
“واعف عنا واغفر لنا وارحمنا أنت مولانا فانصرنا على القوم الكافرين “.?
إدعولي دعوة قلبكم لي كاتبتكم فاطمه سالم ❤

……
وقعدت شيخه تشرحلنا اكتر على التبرج والزنة والزينة قدام ابن خالك او عمك او جارك غلط لان مش محروم لحم

” اني هنا نغصيييييت وحسيت بدني كبير لدرجه كرهت روحي تحملت بالسيف وكلام شيخه في ودني وكلام امي لما تقولي عادي على خوي….. اني هنا من نلعن اني ولا امي قعدت نستنى امتى يكمل الوقت على احر من الجمر وهنا بجد عرفت معنى كلمه “على احر من الجمر ”
لان في هلبا مشاعر بداخلي وحاسه بغصه وخايفه من ربي ولي درته اكبر غلط ?…… كمل وقت واني قريب بنموت نضت كيف ميته كله باش نروح للحوش وروحت وقعدت نزربز نبي نحكي نبي نشكي نبي نعيط معاش عرفت ما ندير الا ان نخش للحمام وفتحت المايه وجيت تحتها واني نبكي وشاده شعري بندم والندم ياكل فيا حاسه بي ذبحه القلب ووجع الروح وغصه العمر يا امي
شن درتي فيا بي كلامك يا امي لو تعرفي بس
قعدت لعبه من كلامك يما
هنا وقتها بس عرفت ليش حاسه روحي حقيره ومنقرفه من نفسي هنا وقتها بس عرفت ليش شعور القصه هنا وقتها بس عرفت ليش نظراتهم حقيره ليا ?
قهرتوني يا عالم في شرفي في قرايتي قهرتوني يا عالم في عمري قهرتوني يا عالم قهرة يتمنوها ليا حسادي….
وغر من منو وسبب شنو من كلام بسيط قالاته امي بهزوه على صغري……. مافطنتش من نوبتي وغصتي الا بي عياط خوي وهو يقربع في الباب

وليد: افتحي يا دراه افتحي تبي تكلمك بلقيس

اني: تي خيرك شن في و خيرها شن تبي هدي

وليد: انتي ينفعش فيك من يعبرك تي افتحي يا دراه وانتي تقعدي عام في حمام وتبكي تي بطلي دراه وافتحي وبعدين انقبري فيه الحمام

اني طارتلي بدل ما يقول خيرك نسمع فيك تبكي ولا خيرك طولتي وينشغل عليا ويخاف عليا ?وزاد حقدي عليه عشان هو سبب عشان هو صايع وطبيعي لي داره في بنات ناس بيرجعلي…. بس اني شن دنبي!؟

وليد قعد يخبط ويعيط اني من خوف يكسر الباب نضت من بانيو ونمسح في دموعي وجيت قدام الباب وهو من كثر تخبيط تكسر المرش وبيطيح عليا واني شفت مرش كيف تكسر وقعدت نعيط من خوف و……….. يتبع

عباس وريحان وسعد وفارس زعما تكون اختفائهم وراه ازدهار؟ واريام زعما شن صارلها؟ كله ح نعرفوه في حلقه جايه انتظروني ❤

 

error: