رواية أنحراف فوشيكا
الحلقةه: الـرابعـةه
بقلم: فاطمه سالم…..
نضت صبح بكل نشاط خشيت حمام حشاكم وتوضيت وصليت وخالفت الزي ودرت برفان وطلعت مشيت لي ريحان و طلعتلي قتلي انها تقدرش تمشي ليوم ومشيت بروحي ورغم ريحان ما مشتش بس قاعده فرحانه ووصلت مدرسه لقيت عباس مع بنت واقف عليها طااارتلي مشيت لي قسم الابتدائي في ملاهي وقعدت نبكي ونرفع راسي ونشوف في اماكن لي تجمعنا اني وعباس ونبي ريحان في لحظه هدي اكتر من ايي لحظه…كانت مدرسه خاصه و مختلطه ، اريام وريحان بنات جيران و كانن قريبات من بعضهن هلباا
و ف المدرسه هن الاثنين و مصعب و مصطفى نفس الشله
وهادم عباس ياخد منهم في اخبار اريام وكذالك اريام تسأل فيهم على عباس “يعني حلقه وصل بينهم ? ”
و الأربع يسكنو في نفس الحي??خشو الطلبه و اريام قاعده في قسم الابتدائي وطلبه ابتدائي عشيه يعني بروحها…
….انفتح باب الفصل و خش منه علي ” اللي هُوَ نائب المدير ” كان فاتح دلاله مع اغلب الطلاب و جوه سالك ضحك وبصاره ??علي>> السلام عليكم
الجميع >> و عليكم السلام
علي >> طبعا أغلبكم عارفين انه في أستاذ جديد ه يبدأ معاكم و الاحسن انه م يشكيش منكم عشان نقعدو اصحاب ! تمام ؟!
الشباب >> تمام ?
علي>> مصعب شورك الدوه را !
مصعب>> لا من ناحيتي كون هاني ?
علي >> ان شاء الله / المهم كنت جاي نقوللكم ع الرحلة اللي ف نهاية الشهر من توا اللي يبي يمشي يسجل اسمه عشان نتفوقو ع كم حاجه ” و خش الأستاذ الجديد “…….
الأستاذ شاف للساعه>> الحصه باديه لها 10 دقايق ه تكمل شغلك بعدين يا أستاذ علي
علي >> تمام سامحنا….” و طلع “مصعب >> خيره من أولها قالب وجه هذا ” و برم شور مصطفى ”
مصطفى>> يبي ينكد علينا من أولها شكله
مصعب>> يبحت فينا اسكتالاستاذ >> انا استاذ سعد و ه نكون استاذكم في مادة اللغه الانجليزيةمصطفى >> يحكي بالفصحى و لا نتخايل
مصعب>> ملخبط شكله ?
سعد >> تقعدو معايا تمام ه نكون معاكم تمام بس طروح العويله اللي لو فكرتو أنكم اديروهن معايا بلاش منهن لانه وقتها مش ه تعجبكم معاملتي / ديل يا شباب ؟!
الفصل كله >> ديل يا مستر
مصعب >> ذيل شن اللي يحكي عليه
عباس >> تو بعدين نقولك ?
مصعب >> قول توا ?
عباس>> مصطفى عازق وذنه ماه ?
مصطفى>> اخص و خلاص ?
الأستاذ >> اخر 3 اللي ف صفة الروشن ! ضحكونا معاكم
مصعب >> لا يا أستاذ ما في شي ايضحك
الاستاذ >> امالا لكم ساعه تحكو و تضحكو عليش ؟!
مصطفى>> بعد انت قلت ديل مصعب قال ذيل شن ف قاله عباس بعدين نقولك
الاستاذ >> باهي برا انت ِ و عباس و مصعب
عباس >> عليش يا أستاذ شن درنا
مصطفى >> بِسْم الله دوبك خشيت كنك ساخن
الاستاذ >> انتِ بذات من اول ما خشيت و انتِ تحكي و حرف اخر منك معش ه تحضريلي و لا حصه
اسلام ” اشطر شاب ف الفصل ” >> خلاص يا مستر مش قصدهم
الأستاذ >> عشان اول حصه ه نفوت بس من يوم و غادي طالما انا في الفصل ما نبيش نسمع صوت حد / و توا كل حد يعرفنا باسمه
المهم قعدو بالدور يقولو أسمائهم و كان في الفصل 20 بنت و شاب / و لما وصل الدور في عباس و صبا يبي يقول اسمه قاله الاستاذ
الاستاذ >> انت ِ م نبيش نعرف اسمك / و بحت في مصعب و مصطفى // من فيكم مصعب و من فيكم….
في نص كلامه قطعت عليه اريام طقطقت باب وخشت وهي خايفه وخدوها حمر من البكي زايدها حلاوه
اني: الس.. سلام عليكم… نخش استاد!
استاد قعد يشبحلي من فوق لالوطا وهو مبتسم وعيونه يلمعو: اهلا اهلا وعليكم السلام انتي في فصل هدا؟
اني شاده سوريتي بتوتر: اييه ف في فصل هدا
استاد: ارخي روحك خيرك قاعدين في بدايه سنه ومش مستحق للتوتر هدا
عباس يشبح للاستاد قريب ياكله وعيونه بيطلعو
اني قعدت مستغربه في نظره عباس ليا لانها تخوووف تقول قاتله بوه
عباس وقف وكتف ايديه: هئحم استاااد مش بناخدو درس ولا كيف
استاد برفعه حاجب: مش شغلك…. والتفتلي….. شن ياسمحه ناخدو درس اليوم ولا متوتره مش ح تقدري تستوعبي
عباس بحزم: مالا ليش جايين للمدرسه احني
استاد: اطلللع برا ياكلبب
عباس: عقاب اساتده خامره
استاد لوح الطوبو على عباس: برااااا قليل ربايه ناقص غر نربي اني تي والله مانك خاشلي حصه يا….
عباس: اغلق فمك ياخامر
جي علي يجري….
علي: خيركم شن في غر استهدي بالله ياراجل خيرك يا عباس خيرنا عاد
استاد: يا اني يا هو طالب هدا محروووم من حصص طول عام والا نحرمه حتى من امتحان
علي: استهدي بالله ياراجل خيرك شن صارلك صبح يا فتاح
استاد: بطوري وطرطوري اني محلني والده يقلل في ادبه عليا لا والله كملت طالب هدا ماهو خاشلي حصه الله عليم
عباس: يا مدير الاستاد هدا يتحرش في بنات وهدين كيف خواتي
علي قعد يفنص في عباس وحط ايده على كتف عباس بيهديه: غر مش هك ينحل موضوع يا استاد سعد كل شي بتفاهم
استاد: ماعاد فيها تفاهم واني توا عندي حصه نستأدنك
وخش استاد للفصل….
…
علي: خيرك يا عباس معقوله هكي ادير يحطك في راسه ره معاش ادير هكي
عباس: تي بنت لي نحبها يعاكس فيها يارا كيف تبيني نسكت
علي: ابرم عليها وخليها اطنشه ره هدا راسه قوي وايده طويله يعني لو حطك في راسه هو مش ح يقربك لكن عنده من يجيبك ما تضربش على دق قوي خيرنا عاد
عباس: تي اني خسرت من عمري سنتين باش نراقبها ونحميها تبيني توا نفرط فيها تي عيونه بياكلوها شن تقول انت
علي: معاك لكن مش هك ينحل موضوع وتوا لي يسألك خيرك برا قوله مريض تمام ماتجيبش سيره لموضوع لان لو سألوه هو راسه بيكبر وبتكبر مشكله
عباس: تمام ياراس هي نتلاقو لعشية في شوكه
علي: تمام هي تشاو
قعد عباس مقعمز على مقعد لي قدام فصل ولي يفوت من اساتده يقوللهم مريض لعند كملت حصه وطلعو كل طلبه الا اريام وهو قعد يستنى عقله ركبه سوس ومشي شاف حجره اساتده ملقاش استاد سعد قعد يجري للفصل ولقي….
ـّـــــــــــــــــبقلم فاطمه سالم
اريام
قعدت نضم في ادواتي و مشغوله على عباس ومافطنتش بطلبه ان طلعو ولقيت روحي اني وحيده في فصل تحت انظار استاد وهو يبتسملي وقفت من مقعدي جاني استاد يجري……
استاد سعد عيونه تتفحص كل شي فيا: احم اا انتي جديده في مدرسه يا طالبه
اني وخرت شوي وزمطت ريقي وتكلمت بخوف: اا لا
استاد بخبث شدلي ايدي: ههه خييرك اهدي ارخي روحك…. به بلكي فهمتيش حاجه من درس ره غدوا اختبار!
اني بصدمه: اختتبااار؟
استاد: ايي اختبار وين كان عقلك في حصه
اني: اسفه انتبهتش
استاد حط ايده تانيه في جيبه وطلع كرت: هدا رقمي اتصلي بيا لو مش فاهمه حاجه اوك
اني: ان شاء الله
استاد: وين فطورك؟
اني: عنديش
استاد: ليش جبتيش….فطرتي في حوش؟
اني: لا
استاد: وين ماما……خيرك فطرتيش؛ ليش ما ديريش بروحك به
اني: ماما راقده ونعرفش ندير اني
استاد استغل فرصه وطلع خمسه جني من جيبه: اممم هاكي اشري فطور
اني بلهفة: شكرا
وطول طلعت من فصل لقيت عباس جنب باب فصل ما اهتميتش…. بعدين تداركت موقف!
حييي عيب ناخدهم!
بس اني جعانه ?
بس مهما كان مفروض خديتهمش..
…
رجعت للفصل
…
اني: استاااد اسفه ان خديت فلوس
استاد: ههه خيرك اني عطيتهملك عادي يعني
اني بتأسف: لالا تفضل استاد
استاد شدلي ايدي وقعد يشوف في عيوني: وكان قتلك مش واخدهم
اني ارتبكت
استاد قعد يقرب مني لعند صدري جي على صدره وهو قعد يشوف لصدري ويقرب فيا ليه و……. يتبع
بقلم فاطمه سالم ❤
زعما عباس شافهم؟ و زعما استاد شن ح يدير لي اريام؟
توقعاتكم