رواية أنحراف فوشيكا
?انحـراف فوشـيكا ?
الحلقـةه: الثالثه..
بقلم فاطمه سالم?
…….
قعمزت في مقعد وقعد عباس يقرب مني واني نوخر لعند وصلت في اخر مقعد قريب نطيح معاش عرفت ماندير التفتله وقتله..
اني: هنيلي روحك واهفت
عباس شبحلي على جنب وابتسم واستند على مقعد اني زدت توترت وهو قعد يتصرف بكل راحه يفتح جزداني ياخد ادواتي يأشر في كتابي وولا كأنه واني نصدمت لدرجه معاش عرفت ما نقول وبعدين جت استراحه وهو طلع طول جيت بندس ادواتي في جزدان لقيت شكلاطه فيه ❤ “و شكلاطه لي نحبها؟ ” شكلاطه الشرشور?❤
قعدت ناكل فيها بلكمشه نعبي في ايدي وناكل وهايمه في شكلاطه لعند ما حسيت في شخص يشوفلي رفعت راسي لقيت عباس؟
وعيونه يلمعووو هلبااا وكأنه بيبكي منظره مستحيل ننساه عيونه وكأنهن مكحلات وضيقات وعيونه سوود سواد الليل واسمراني وفمه صغير وخشمه كيف سيف كل حاجه فيه جدابه وجسمه عريض رغم صغير بس كتوفه عراض وشعره ناعم ونميز فيه من ولاد كلهم عنده ختشه في راسه من لورا ?❤
وهو قعد يشبحلي واني قعدت متسمره في مكاني وبعدين نضت بنطلع هو صكر عليا الباب تعصبت…
اني: خيرك معاي انت اليوم حوول من طريقي
قعد يشوفلي بنظره عميقه وبحزن وحب وعتاب نظره مليانه مشاعر?
عباس: أني لما نحب ، نحب وكأن عمري ما حنمشي …بس لو نمشي حنمشي وكأن عمري ما حبّيت
اني بتلعثم: ككيفف شن قصدك
قعد يشوفلي بنظره كسرتني ودوبتني ❤وهو مسند روحه على باب ومكتف ايديه على صدره ومنزل راسه و يشوفلي خاطري نسأله ليش تحكي هك و خاطري نقوله خليك معاي راني نحبك وخاااطري و خاطري و خاطري بس مش عارفه كيف نحكي اصلا وشن ندير ?
تنهد وهز كتوفه ومستمر يشوفلي ووخر بخطوات وتكلم بصوت وااطي يادوب ينسمع: انحبك…. ومشي
اني من صراع لي في داخلي وتعبت واني نكتم في مشاعري ونتكلم عكس مشاعري قعدت نبكي ?
أشتاق إلى نوم طفلة ،، لا تعلم معنى للحزن .. لا يقرع رأسها صداع .. لا تدرى ما هو التفكير .. ولا تعرف الخوف من القادم??
ضغطت على مرفق ايدي وكأن نحاول نكتم وجعي ونصكر في عيوني بقوه بقله حيله لان تعبت تعبتتت ?رفعت راسي فوق وقعدت نحاول نوقف دموعي ومسحتهم…. وطلعت من الفصل….
نزلت من دروج ولقيت كومه ولاد قعدت ندور في عباس من بينهم ندور فيه من خلال ختشه لي في راسه نميز فيه بيها ❤?بس ملقيتاش نشغلت عليه وقعدت نسرع في خطواتي لعند وصلت لساحه ولقيت ريحان…
اني شبحتلها بطريقه تكسر قلب وحضنتها بقوه: تعبت يااريحان
ريحان: ليش انتِ ماتبيش تنسي ؟ وكل فتره تمشي ترقدي بروحك ونسمع فيك تبكي طول اليل وكل ما انادي عليك من روشن اديري ف روحك راقده….
…وخيرك معاي تضحكي وانتي عيونك معبيات دموع؟
وعلاش توهمي ف روحك ف ان جوك حلو قدامي اني وانك مش متأثره ؟
وخيرك كل مايجيبو سيرته تحاولي انك مش منتبه وانتي عيونك فاضحينك؟
لعند امتىَ تقعدي تكابري ها لي ديري فيه مش لصااالحك
اني:ْ ماكنتش عارفه ان في حد عارف ان اني نكابر وان باين عليا كل اللي قلتيه !
بس مدام عرفتي ح نقولك ليش لاني اني خايفه من اي حد يزيد يجرحني فوق جرحي مانبيش حد يقولك احني نصحناك واحني قنالك !
مانبيش حد يقعد يشمت فيا بطريقه غير مباشره
وماخاطريش حد يقولي هذا اللي كنتي متعشمه فيه
وماعنديش قلب ولا قوه نتحمل كلام عليه!
صح مش على علاقه بس نحبببه
بتقوليلي انتِ حماره؟
انقولك ف الحب حماره ع قد الجرح مش قادره ننساه ومش قادره نتقبل فكره انعيش بلاه ومش عارفه كيف نصبر بدونه؟
ولو بندير روحي قويه ونحاول نسيطر ع تفكيري ومانفكرش فيه وقلبي نحاول نلهيه باهي الذكريات والكلام اللي محفور داخلي وكل شيء بيناّ شن انديرله
راهُ مش حب وغزل وشويه مسجات اللي كان بيناّ اكبر من ان حركات مراهقات؟
ره الحب احساس…
كان هوا وحبه مسيطر عليا من جميع جهات؟
الحب لما يوجعك يدمرك.
ريحان: برضو كلامك غلط في غلط اشقي بعمرك وقرايتك وهدا كله مش لي صالحك خليك زيني جوي فري نضحك ونلعب ومش هامني حد اهااا اوك الحب مش مقياسه العمر والاصل هو العقل بس في حاجه اسمها كل شي في وقته حلو ❤
..يعني في عمرك مش وقته جو الحب وهك لان مزاااال مزاااال عليه مزاااال
حولت من حضنها ومسحت دموعي وواسيت وشاحي وتكلمت بشهقه: اهه كلاام ساهل ياريحان اني نقدر نقولك منحباش بس اني نحبه شي هدا صعب تحكم فيه ليش اني نقدر ننساه وقلت لا اصلا اني تعبت
ريحان: يااهبله مالا شن نحكي اني اي تقددري لما تهتمي بنفسك وحياتك وقرايتك هكي تملي فراغك فهمتي يبدا مشغول بالك بس لما تسيبي الاساسيات هادم وتمشي لدوه فارغه وتشغل بالك وتفكيرك ووقتك طبيعي ح تتعبي لان بكل بساطه مششش لصالحك
اني: باهي ساعديني ?
ريحان: اكيد ح نساعدك بس اسمعي كلامي…
اني: ان شاء الله… هيا جعت نبي نفطر ?
ريحان: ههه انتي نكد هاك كولي “مدتلي سندوتش شكشوكه ”
اني: اممم تهبببل
ريحان: صحه
….. وقعدنا نهدرزو وكملت استراحه وخشينا حضرنا الحصص وكمل دوام… طلعنا
…
ريحان: راك تنسي لعشية تعاليلي
اني: تم
ريحان: سلام
اني: باي
ــــــــــــــــــــــــــــــــــــــــــــ
قعدت نطقطق على باب بقوه
ماما: هيا هي جايه… فتحت الباب… مني وصلك خوك وليد؟
اني: لا ياودي نكعب على رجليا في هالشمس
ماما: بروحك ان شاء الله؟
اني: لا مع ريحان
ماما: به باه غر متقوليش لي بوك فكينا من مشاكل
اني: مالا ولدك ليش واخد سياره كان مش قد مقام والله
ماما: خشي خشي وانتي ساكته وبدلي حوايجك وتغدي وخلي خوك في حاله ترا
اني: هادو انتم تسكتو تسكتو لي يفرعن وتجي على روسكم قالو يا فرعون خيرك فرعنت قال مالقيت من يردني
ماما: خشي وبلا تفاتفيت زايد وخششي شنطتك
خشيت بلغل وحدفت شنطتي وخشيت حمام درت دوش من عرق وطلعت نشفت ولبست توته وخديت تليفوني واتكيت على سريري على خشه اختي…
ازدهار: اهلا وسهلا باهي لي شرفتي خيرك مخليه ماعينك متاع العشي امس ها ليش مغسلتيهم على مني عابيه حضرتك
اني: اففف يااه امس تاعبه والله وحتى امتحان نسيت ماقريته
ازدهار بهزوه: وانتي من امتى تقري!
اني: ريحيني ترا وخليني في حالي تاعبه
ازدهار: يااعيني ماقلتها لي روحي لي شهاده تانويه قعمزي وتريحي واني غسلتهم ماعينك ها بس ليوم بترديهملي تغسليهم يا اما ادفعي فايف
اني: محدش قالك اغسليهم
ازدهار:قلنا كلمه هي وشوفي جوك
اني: اففف باه به بنقولك
ازدهار قعمزت وقعدت تفسفس ومش منتبهة
اني: هييي نكلم فيك
ازدهار: همممم خيرك
اني بحشمه: نبي نبرم على روحي وهك
ازدهار: زي شن ياحنه
اني: زي شني يعني تي بنبرم على روحي فتله وهك
ازدهار: مالا عابيه عليا اني
اني: لا ريحان بديرهملي
ازدهار نتفضت: تبببصري قصدك تعرف تحلوي فرخه ريحان
اني: مالا كيفك
ازدهار: نبيها تحلويني مالا انتي امتى بتمشي ترا
اني\ملحي تحشمينيش معاها وديري بروحك
ازدهار: تي ديري الفيث اسهلك وخلي اني ندير حلوى
اني //وخيرك تعلميش فيا
ازدهار: انتي مش مهتمه بروحك عموما امتى بتمشي
اني: اليوم كان سخر ربي
ازدهار: تي تكلمي بدلع ازح حتى قلت بالك يصير منك ونرفعك لثانوية ماصارش ملحي هي
اني: ارفعينييي والنبي
ازدهار: ادلعي كيف بنات وانتي كلامك عكعك
اني: به باه ارفعينييي
ازدهار: به بس بشرط نوضيني لما بتمشي بنمشي معاك
اني: تي باه ياسكنان
ونضنا تغدينا وخشيت رقدت…… ونضت على عصر…… خشيت حمام حشاكم وتوضيت وصليت عصر ونوضت ازدهار ولبست ملايتي…. وطلعت
……
خشينا عشان لقينا بابهم مفتوح متاع كنشيلو وقعدنا نطقطقو على باب حوش وفتحتلنا ريحان…
ريحان: اهلا خشو خشو والحقوني
وقعدنا نتبعو في ريحان و لعند خشينا دارها نبهرنا فيها…
اني: تسهفف دارررك
ازدهار: اسمها تهبل ياعزوز
اني: اول مره نشوفها دارها لان ديما لما نجيهم مانخشش لدارها فا طبيعي رده فعلي بتكون هك
ريحان: هههه تسلمي حبيبتي ❤وقعدت اطلع في شمعه وغسول وسيروم وسلك وملقاط….
ازدهار: اني نبيك تحلويني بس لو ما فيهاش باس
ريحان: تمام حبيبتي ولا يهمك
ازدهار: ما كأنكش في عمر اختي
ريحان: اصلا اني اكبر منها سنتين
ازدهار: اهاا قولي هك يعني بينا تلاته سنين
ريحان: اي
ازدهار: نصدمت لانك باين خبره وتفهمي
ريحان: تسلمي حبيبتي….. هي ريومه قعمزيلي اهني وارفعي راسك خلي نبدو بلفتله وجو بسيط هدا وبعدين ساهل
اني: به بس بشوية
ريحان: تمام تخافيش
وقعدت اديرلي في فتله وواستلي حواجبي وهك وبعدين غسلت وجهي بمايه بارده ودارتلي باروق مع ماء ورد وبعدين غسلت بلغسول ودرت سيروم لوجهي وبعدين قعدت تحلوي فيا من ايديا بس وغسلت ايديا ودرت لوشن….
ازدهار: تغيييرتي يافرخه حي عليك قعدتي احلى مني
طول جيت للمرايا وقعدت نلمس في وجهي وحتى حسيت بشعور حلووو ❤وقعدت نشكر في ريحان ❤
ودارت حلوى ازدهار وروحنا لقينا حناي ام بوي تحكيلنا في ايام زمان…..
بقلم فاطمه سالم
حناي: ايام زمان
التلفزيون والعشاء خفيف وطاسة حليب الزهرات والمروحة علی خمسة وبوكم يحل في الواجب
زمان كل مايشوف طيارة بوكم يقعد يشاورلها ودريلهم باي باي
بابا :هههه زمان كنت نستنا ف الصف الرابع باش نكتب بالبيرو
زمان تقولي امي الساعة كم انقوللها الكبير علی اربعة والصغير علی ستة ونحس روحي درت انجاز كبيييير
وليد :زمان نرسم في شمس في زاوية كراسة الرسم اول حاجة
زمان كنت نستنا في الامتحانات باش ما انشيلش معاي الشنطة للمدرسة
زمان كنت نسكر باب الثلاجة بالشويييية باش نعرف امتى يتسكر الضي
ازدهار :زمان كنت انحس روحي ان درت حاجة عظيمة وقت نقعدوا نايضين لين تطلع الشمس ونهدرز بيها اسبوع لصحاباتي
ماما :ايام زمام نفتح التلفزيوت على الخمسه ونقعد نستنى قدام المذيعه اللي بتقدم فقرة الاطفال ,, الله الله عليك احلى ايام براءة صفا قلوب صافيه وامي تقمعز على العاله الشاهي اطيب شاهي العصر ونجيبو القمح وانطيبو القليه واتحطها لنا في ورق علي شكل طرابيش الله يرحمها
الكل: الله يرحمها ❤
واني قعدت طول وقت نفكر في رده فعل عباس وازدهار تضحك عليا وتقول عليا تقول راجلك ??ونضرب فيها وبعدين نهزب في روحي ونقول نبي ننساه وغسلت ماعين عشاء متاع ازدهار ?و رقدت….
…..
نضت صبح بكل نشاط خشيت حمام حشاكم وتوضيت وصليت وخالفت الزي ودرت برفان وطلعت مشيت لي ريحان و طلعتلي قتلي انها تقدرش تمشي ليوم ومشيت بروحي ورغم ريحان ما مشتش بس قاعده فرحانه ووصلت مدرسه لقيت….. يتبع
احكولي ارائكم ❤وشاركونا بدكرياتكم وزعما شن بتكون رده فعل عباس وزعما اريام بتبدا حياه جديده او شنو بيصير ❤وليش ريحان تبيش تمشي؟ كله ح نعرفوه في حلقه جايه انتظروني ❤وروايتي ممنوع نقلها بدون اسمي “فاطمه سالم”
ونحبككم كمشة هك??